هامان

by محمود يوسف خواجه

للقراءة
http://www.gulfup.com/?6TAr2p

شابه جريئة تدرس بكلية الأثار ، تذهب إلى رحلة مع أصدقائها إلى الأقصر ، لتجد عقداً على رقبة المومياء ، وترتديه على عنقها لتنقلب حياتها رأسا على عقب

60 pages, ebook

First published January 18, 2014

About the author

محمود يوسف خواجة، وُلد عام (2001) فى محافظة البحيرة، له روايتين وثلاث قصص طويلة وأكثر من خمسة عشر قصة قصيرة،
الروايتين (6- اختلال) وقد حققت (6) المركز الأول فى الأكثر قراءة على موقع عصير الكتب.. واختلال سيتم صدورها فى معرض القاهرة الدولى للكتاب مع دار الرسم بالكلمات.

Reviews

[محمود خواجه · Rating 2 out of 5]

أيوة أنا بقيم نفسى بنجمتين بس.
طيب تعرف ليه؟
لأن أنا لسة قاريها ومخلص قرايتها من أول وجديد، الفكرة عجبتنى، بس إسلوبى صفر.. لغتى صفر، كُل حاجة صفر فى صفر، إلا الفكرة، لو كُنت تقلت على الفكرة دى حبتين، والله كانت هتبقى كويسة جداً جداً وأنا متأكد من ده..
لذلك قررت الآتى.. الرواية هيتم حذفها.. وهكتبها من الأول، هتتكتب بإسلوب تانى وحبكة تانية إن شاء الله.. لأنى عاشق لعالم الفراعنة..
دعواتكم تبقى عند حُسن ظنكم. :)

[إسراء فكري · Rating 1 out of 5]

بالنسبة لِ عُمر الكاتب فتقيّيمها هي 4 نجوم مثلاً ..
لكن قبل ما أعرف عمر الكاتب ..
- الرواية بيها أخطاء كتيييير .
- مش مُنسقة ، فيها حاجة ناقصة علي إنها تكون رواية كاملة !
- بالنسبة لفكرتها و إنها تيجي فِ دماغ حد بالعمر ده ،
فـ ده يخليني أقول إنه ليه مُستقبل عظيم إن شآء الله :)) .
بس الرواية بعدد صفحاتها القليل ده و كل اللّي قولتُه فوق ، معجبتنيش للأسف :/ .

>> هستني الرواية الجاية و اللّي هتبقي ع مستوي أفضل بأذن الله !

[منى الشربيني · Rating 3 out of 5]

13 سنة و يكتب قصة بالخيال ده !!
استمر و هيبقى لك شأن حلو في المستقبل بإذن الله :))
فعلا ما شاء الله .. و مع الوقت هتتعلم ازاي تُحبُك القصة و أحداثها أفضل من كده و الاسلوب اللغوي كمان هيتحسن
الفكرة نفسها حلوة جداا و استمر على ذلك :)

[Maha · Rating 4 out of 5]

الفكرة جميلة ومختلفة عجبتني جدا ^^
بس عندي تعليق..
أولاً اللغة! في ضمائر مكتوبة وكلام به اخطاء إملائية حقيقي كان بيلخبطني!
ثانيا في حاجات بتحصل فجأه مش بفهم جت منين او حد كلم حد ومش بيكون الحد دا معروف من أول القصة او الراوية ومش بيتم تعريفه
ثالثا في كذا جزء اعدت قراءته اكتر من مرة علشان استوعب إيه الي حصل!
بس المجمل القصة مختلفة ومشوقة عجبتني جداً :))
مُوَفق بإذن الله ^^

[Menna Ayman · Rating 3 out of 5]

الأسلوب ضعيف بس الأحداث كانت مغطية عليه.
لما ريم بدأت تفهم الشخصيات ايه علاقتها بهامان كان في حبكة حلوة و النهاية برضه كانت حلوة.
هامان أحسن كتير من خلف الجدران و عامةً كتابات محمود يوسف خواجة بالرغم من صغر سنه عجبتنى و بقيت من متابعيه.

[نرمين الشامي]

بالنسبة لكاتب فى سن 13 سنة الرواية جميلة جدا
هى بس عاوزة شوية تظبيط فى اللغة العربية والمعلومات وهتبقى رواية عظيمه
بالتوفيق يامحمود

[Сомайя Рамадан]

كاتب عنده 13 سنه بيكتب بالشكل دا يبقا هيكتسح ف المستقبل
روايه جميله جدا جدا جدااااا بالرغم ضعف بعد المقاطع اللى متأكتده انها بسبب السن وعند ااعادة صياغتها ف المستقبل هتتقن بشكل أروع :)

[Shaymaa · Rating 2 out of 5]

13 سنه !!!!
مش مصدقه أن الكاتب 13 سنه ويكتب روايه بالطريقه دي ! :D
لو علي كده الروايه تستحق أكتر من 5 نجوم نسبه لأن اللي كاتبها 13 سنه ! ماشاء الله يعني
أما بالنسبه للروايه ففيها أخطاء نحويه ولغويه كتير جداً .. محتاجه مراجعه لغويه
الروايه قصيرة جداً .. الأحداث سريعه جدا وبتجري وحسيت إني توهت ورجعت أقرا تاني
ينقصها بعض الحبكة عشان تبقي روايه مُكتمله الأركان ..

بس مازلت مبهورة بسن الكاتب .. وبالتوفيق ليك :)))

[Azza Tarek · Rating 3 out of 5]

حسنًا هو بأمانة اللى خلى الرواية تاخد الرات العالى ده هو سنك ألا وهو الـ 13 سنة دول ^__^
ويمكن ده اللى جذبنى فى قراءتها من الأول وإنه الكل علق على النقطة دى
استمر ما شاء الله .. خيالك مبدع ووصفك حلو جداا .. أنا شخصيًا استمتعت بيها جدًاا كقصة
بس مع الوقت هتتعلم تعمل الحبكة أكتر ;)
وأهم حاجة الأخطاء الإملائية اللى يخليك عشان كتيرة أوىى .. نركز فى حصص اللغة العربية والإملاء بقى كده :D :D

[Sara Aljaryan · Rating 5 out of 5]

اعشق الفراعنة وكل الاشياء المتعلقة بهم من قريبا او بعيد ,,,, هذا الرواية القصير تتحدث عن هامان وزير فرعون ,, وان كانت مرفقة بهامش في اخرها, بالا تكون مرجعا لانها مجرد خيال ,, لكن مخيلة الكاتب تقنعك بانها حقيقة تستحق ال5 نجمات

[نبيله · Rating 4 out of 5]

قصه لكاتب فسنك رائع جدا الفكره حلوه واسلوب الكتابه جميل مع الوقت هتكون متميز جدا ان شاء الله بالتوفيق

[Khaoula Guesmi]

بالنسبة لكاتب له 13 سنة من العمر أحييك على الأفكار والأسلوب جدا

بالتأكيد هناك بعض الأخطاء وأنا واثقة من أنك ستتجاوزها بنجاح بعد فترة مما يبشر بكاتب موهوب

[Hagarkhedr · Rating 2 out of 5]

بداية كويسة ..طبعا لان دى اول خطوة ع الطريق وعمر الكاتب صغير وممكن لانها مش من الانواع اللى تجذبنى
بس بداية موفقة والى الامام
وهقرأ الباقى ان شاء الله

[Omnia Mohyee · Rating 3 out of 5]

قصة حلوة جدا، فيها خيال واسع اوى..
بس فيها اخطاء املائية و نحوية، الاحداث مش مترتبة اوى.. كنت تايهة و دا خلانى مش عارفة اركز فيها..
بس اجمالا عجبتنى و كان نفسى تكون اطول من كده..
:))

[Mahmoud Omar · Rating 1 out of 5]

بالنسبه لعمر الكاتب 13 سنه فهي بداية لا بأس بها فالفكره جيده ولكن يوجد بها اخطاء كثيره.

بالتوفيق في العمل القادم

[Elsabbagh Afandi · Rating 4 out of 5]

انا عن نفسي شايفها.. تحفة بكل المقاييس... احسنت يا محمود... مستقبلك هيكون هايل بإذن الله

[Yasmine · Rating 4 out of 5]

أول حاجة أقرأهالك وبجد جميلة جدا :) ... ربنا يوفقك