قرية جلوان

by يوسف عماد

"سأقضي على الغضيم، سأكون جزءًا أصيلًا من ميثولوجيا أرض جلوان، أراهم يقومون بتنصيبي إله القوة، لوحات وتماثيل تحكي ملحمة ياسين والغضيم، تُصوّرني في جسد مفتول العضلات، لحية من نار وعينين بيضاوين بدون أي دنس، أحمل الغضيم لأعلى وهو يصرخ في ذل وألم، وأنا أنظر للأسفل ولا أبالي، سيتحاكون عن منقذ العالم من لعنة تسببت فيها خطايا البشر السبع اجتمعت في شخص واحد".
أثناء محاولة "ياسين شعيب"، الكاتب المعروف، الهروب من ماضيه الذي يلاحقه؛ يخوض رحلة بحث عن شيء يثير شغفه من جديد في أرض تملؤها الأساطير، حتى يجد نفسه مكلفًا بإنقاذ كل من في قرية جلوان من الموت المحقق..
قرية جلوان
لـ يوسف عماد

119 pages, Paperback

First published January 25, 2024

About the author

يوسف عماد ٫ كاتب و روائي مصري من مواليد القاهرة 2000 ٫ صدرت روايته الاولى " الساعي " في عام 2018 ، ثم " المبهج " في عام 2018 ، و في عام 2019 صدرت روايته الثالثة " اربع عيون " ، و في عام 2020 صدرت روايته الرابعة " نسخة مرممة ".
الصفحة الرسمية للكاتب على الإنستغرام :
https://www.instagram.com/youssefemad...

Reviews

[Ahmed Halawa · Rating 3 out of 5]

من اول ما تم الاعلان عن اصدارات دار الرواق
و اسم الرواية و الغلاف كان ملفت بالنسبالي و حسيت باني في حته فانتازيا كده في الموضوع من صورة الوحش المرسوم علي الغلاف
نقط سريعة كده
دي اول تجربة مع قلم الكاتب
لغة العمل السرد بالفصحي و الحوار بالعامية
العمل احداثه سريعة من غير ملل و لا تطويل و حشو و دي نقطة بالنسبالي كانت سلاح ذو حدين
فكرة العمل حلوه جدا و لكن تنفيذها كان بسيط كان ممكن تتعمل بشكل اعمق شوية و العمل ياخد حقه في رسم الشخصيات عن كده مع التركيز في بعض التفاصيل كنا نبقي قدام عمل فوق الممتاز

سلبيات و فيها حرق بسيط :-

العمل كان محتاج يبقي اكبر و فيه شخصيات اكتر و تعقيد اكبر من كده لان الفكرة تقبل بده
بدون حرق كده كنت اتوقع ان صدمة ياسين تكون اقوي من كده عشان يوصل للحالة المذكورة في الرواية
اعتقد ان كان اول سؤال لازم يكون في بال ياسين اول ما يوصل جلوان هو مين اللي بعت الجواب و يسعي يعرف مين

فيه غلطه مش عارف ازاي الكاتب وقع فيها و هو بيكتب العمل
"ياسين في اول ليلة يباتها في قرية جلوان حرك السرير عشان يكون شباك السرير قافل علي الشباك من باب الامان .. ازاي بقي ياسين في مشهد من المشاهد بعد كده هيستخبي خلف السرير !!"

[Mohamed Mutawea · Rating 3 out of 5]

حالة البطل النفسية في بداية الرواية لا تتناسب اطلاقا مع سببها الذي جاء ضحلا وسريعا كان يستحق التروى واختيار سبب عنيف .... سرعة الروايه معقوله إلا أنها ناقصة للسرد الكامل والتعريف بلشخصيات ولكن في العموم يمكن اعتبارها رواية سناكس بين الروايات

[Dr.Alaa Hammad · Rating 4 out of 5]

مثيرة واللغة بتاعتها سهلة كان ممكن الحبكة يتعمل فيها شغل اكتر شوية ، توقعت بعض الاحداث المهمة فيها قبل قراءتها وهى فى المجمل حاجة كويسة

[Tota Ali · Rating 5 out of 5]

The plot twist is crazy

[Shahd Ebrahim · Rating 4 out of 5]

تحفة بجد تحفة

[Sondos · Rating 2 out of 5]

الرواية جميلة و الفكره حلوة اوي محستش بملل و انا بقراها و مخدتش وقت و حلوه للreading block بس في حاجة مزعجه حصلت و انا بقرأ الرواية دي و هي الاحداث غير الكاملة يعني في احداث كتير حصلت معرفناش في الاخر ليه زي مثلا ليه اتبعت له الرسالة و من مين و ليه اسلوبها كدا و شخصيات الروايه كانت محتاجة تفاصيل و احداث اكتر بصراحه عمل فني زي دا الفكره فعلا ابداعيه و كانت محتاجة تفاصيل اكتر و عمل اكتر على الاحداث و التفاصيل و الاجابة على كل الاسئله و اتقان الشخصيات و دراسه الاسباب كويس شخصيا مكنتش شايفه ان ياسين عنده سبب مقنع انه يتحول التحول دا كلو او انه يتحول للشخص الكئيب الي كان في اول الروايه دا توقعت يكون وراه سر كبير عموما الروايه ك فكره تحفه اوي بس كانت محتاجة شغل اكتر في التنفيذ و عموما كل دا ممكن يتصلح لو الكاتب نزل جزء تاني و فسر فيه كل التساؤلات و كل الاجابات الي الجزء الاول سابها مفتوحه بدون إجابة

[Marim Waleed · Rating 5 out of 5]

بجد روايه من احلى الروابات الى قراءتها على الاطلاق. و خلصت بسرعه بسبب الحماس الى سببتهولى احداثها. بجد هى خفيفه جدا و لطيفه اوى و عيشتنى فى احداثها جدا. فعلا بنصح اى حد عنده reading block او عايز يفصل بحاجه لطيفه خفيفه يقرءها.
كمان الجميل فيها ان الكاتب مبسط الاحداث و مخلى تسلسلها لطيق يعنى مفيش كروته ولا مط فى الاحداث مع الخيط الكوميدى الى فى السرد بجد من اجمل الروايات الى قرءتها. و اكيد حعيدها تانى مع انى خلاص بقيت عارفه النهايه بس بردو ححب اقرأها تانى.
فى اقرب فرصه اكيد حقرأ بقاى اعمال الكاتب

[Enas Mohamed · Rating 5 out of 5]

حلوه اووووي ومش ممله خالص بالعكس خلصتها في مره واحده ومشوقه اوي وكنت متوقعه حد بس طلع حد تاني في الاخر
بس لازم جزء تاني 😀😀😀
وطول ما أنا بقراها متخيله نفسي في القريه بجد وعماله اقول لو هي بجد موجوده 😀😀😀

[Ibrahim Khaled · Rating 4 out of 5]

يا جدعان يوسف عماد ده اكتشاف قريتله بيت القبرصي قبل دي وكانت جميلة برضو بس دي فاقتها روعة.

19/4/2024

[Farah Haytham · Rating 4 out of 5]

الرواية جميلة بس كنت متوقعة تفاصيل اكتر عن حياة البطل زى (مسرح حيدر)

[Renada · Rating 5 out of 5]

بجد تحفه اول روايه اقرأها وان شاء ﷲ مش الأخيره والسرد تحفه بجد وخلصتها ف قعده واحده من كتر الحماس وبجد تحفه♥♥

[علي حجازي · Rating 1 out of 5]

مقدرتش أكمل فيها عشر صفحات، عبارات مستهلكة، وتفاصيل غير مفيدة = حشو.

[Ahmed Elrefaey · Rating 5 out of 5]

الرواية جميلة جدا من اول البداية لحد النهاية احداث متسارعة و نهاية غير متوقعة تمام تخلي جسمك يقشعر و تبتسم ابتسامة غريبة كده بجد شابو للكاتب يوسف عماد

[احمد · Rating 5 out of 5]

It's an amazing story

[Salma · Rating 2 out of 5]

نفس وتيرة احداث الأعمال السابقة
تطور ملحوظ في الفصاحة اللغوية ولكن الكثير من العبارات المتكلفة ليس لها داعي.

[Sillysello · Rating 4 out of 5]

قرية جلوان
ليوسف عماد.

عن دار/ الرواق
النوع/ مغامرة.
اللغة/ فصحى سردًا عامية حوارًا.
عدد الصفحات/ ١١٩ (على أبجد).

عن الكتاب:
"سأقضي على الغضيم، سأكون جزءًا أصيلًا من ميثولوجيا أرض جلوان، أراهم يقومون بتنصيبي إله القوة، لوحات وتماثيل تحكي ملحمة ياسين والغضيم، تُصوّرني في جسد مفتول العضلات، لحية من نار وعينين بيضاوين بدون أي دنس، أحمل الغضيم لأعلى وهو يصرخ في ذل وألم، وأنا أنظر للأسفل ولا أبالي، سيتحاكون عن منقذ العالم من لعنة تسببت فيها خطايا البشر السبع اجتمعت في شخص واحد".
أثناء محاولة "ياسين شعيب"، الكاتب المعروف، الهروب من ماضيه الذي يلاحقه؛ يخوض رحلة بحث عن شيء يثير شغفه من جديد في أرض تملؤها الأساطير، حتى يجد نفسه مكلفًا بإنقاذ كل من في قرية جلوان من الموت المحقق..

قصة الكتاب ممكن تبان كليشيه شوية بس اللي بيفرق هي طريقة الكتابة ونتيجة الكتاب، واللي حصل إن الكتاب كان ممتع جدًا فعلًا! وساعدني أخرج من بلوك، يعني هي خدت معايا يومين وكنت بجري في الصفح بجد، فهي لذيذة وصغيرة ودمها خفيف كمان، واللغة والوصف المرادي متطور عن آخر عمل قريته للكاتب واللي هو كان مسرح حيدر، المرادي اللغة أقوى والمفردات أعمق وكمان الحبكة والحوار، يوسف من صناع المحتوى القليلين اللي بقيت أثق في كتابتهم ومحسش إن كتبهم مجرد حشو وأي كلام.

إجمالًا، الكتاب لطيف جدًا وشيق، مناسب للقراءة الخفيفة وللبلوك.

التقييم/ ⭐⭐⭐⭐
منتظرة أكتر من يوسف إن شاء الله 🫶

[Mohamed Ibrahim Fathi · Rating 4 out of 5]

📰سنة الاصدار 2024
📕عدد الصفحات 119
🧧عدد الفصول Undefined
📜فكرة الرواية من غير حرق للاحداث المهمة:-
تبدأ قصتنا ب ياسين الكاتب المشهور وصاحب شركة الاعلانات اللي بقالة فترة كبيرة بعد المجد والشهرة يشعر بالاكتئاب ومعملش اي رواية بقالة فترة طويلة وبدون سابق انذار بيجيلة خطاب من شخص مجهول الهوية بيدعوة لزيارة قرية اسمها جلوان علشان تكون مصدر الهام لية يقدر يعمل منها رواية نظرا لوجود فيها اساطير قديمة جدا هتبهرة واول ما بيوصل هناك بتبتدي مغامرة بطل قصتنا.
مميزات الرواية ✔️
- الفكرة حلوة اوي اوي اوي
- الوصف كان رائع للاماكن ومشاعر الشخصيات حسيت ان فيها مسحة رعب تحفة خلت الرواية مزيج بين الرعب علي فَنتازيا
- الغلاف حلو جدااا
- السرد كان بالفصحي والحوار بالعامية (ياريتة كان بالفصحي بردو)
- اللغة سلسة وبسيطة والاحداث بتجري بسرعة ودي كانت ميزة وعيب في نفس الوقت لان قالب الرواية كان صغير جدا علي فكرة محتاجة قالب اكبر من كدا (مش اقل من ٢٠٠ صفحة)
عيوب الرواية ❌
- فكرة الرواية حلوة بس كانت محتاجة شغل اكتر من كدا يعني الشخصيات كانت سطحية تماما خصوصا البطل مش زي مسرح حيدر البطل كان مرسوم كويس انما هنا البطل مجرد كاتب مشهور عاش حيات المجد ومن بعداها وهو شبة معتزل وعاوز ينتحر بسبب الاكتئاب طب اي وابوة وامة ماتوا من عشر سنين بس كدا دا البطل
- وكمان في حتة عدم منطقية انو ازاي قبل العرض كدا بسهولة انو يروح قرية ميعرفش عنها حاجة لمجرد انة جالة جواب بيدعوة لزيارتها وانة ممكن يقدر يطلع بيها برواية علي الرغم انو بقالة فترة طويلة مش راضي او مش طايق او مش قادر يكتب رواية من فترة الكاتب وضح انها طويلة
- وبعدين يا أستاذ يوسف حاول بعد اذنك تخلي رواياتك تعدي حدود ال150 صفحة لان النوعيات الحلوة اوي دي وافكارك العظيمة دي محتاجة قالب كافي لحجمها علشان يقدر يستوعبها.
🎤 رأيي في الرواية يوسف عماد بيتطور بشكل كويس جدا جدا وعندة افكارة حلوة كتيرة جدا بتفكرني
بعمرو عبدالحميد من ضمنها مسرح حيدر وجلوان وبصراحة الرواية بدأت تحلو وتخطف الانفاس من اول الصفحة رقم ٦٠ بصراحة كانت رائعة اة هي في البداية الرتم كان بطئ نسيبا بس الكاتب قدر يعوضنا بجرعة رعب وتشويق حلوة جدا وكمان قفلة الرواية اما حتة بلوت تويست عظمة بجد انا انبهرت ولكن يبقي السؤال مين اللي بعت الجواب لياسين؟.

[Ahmed Elhagry · Rating 2 out of 5]

مش عارف ليه كنت حاطط توقعات كويسة للعمل دا
بس للاسف خابت التوقعات
عمل فانتازيا كدا و كدا
كقصص رولينج يبدأ بحياة طبيعية فيها مشاكل ثم رسالة لم يعرف مصدرها نهائيا حولت الأحداث لمكان منعزل به وحش اسطوري و سحرة و مشعوذين و أعمال جن كدا في سطرين وسط حبكة بوليسية غريبة باحداث قتل مش عارف سببها إلى الآن و تنتهي الرواية بخيال علمي
الشخصيات كلها مبتورة و منها من لصق لصقا بالعمل و خاصة الشخصيات النسائية اللي مفروض واخدة دور بطولة كلها مبتورة و مسطحة
و زاد الطين بله إخراج دار الرواق ... العمل كله ١١٩ صفحة مكتوب في فصل واحد من اول كلمة لآخر كلمة ... دا كلام يا ناس
النجمتين علشان حسيت ان فيه موهبة فعلا وسط هذا العبث .. العمل كان ممكن يبقى افضل بكتير لو اخد حقه و اعتقد دا له علاقة بتوقيت و سربعة الإصدارات في موسم معرض القاهرة للكتاب
استأذن الكاتب ... متعملش في نفسك و فينا كدا تاني
استأذن دار النشر ... الأدب و الفن فوق البيزنس خاصة لما تكوني الرواق

[Yasmine · Rating 5 out of 5]

عايزة اقولكم اني خلصت الرواية في قعدة واحدة من كتر الحماس واللي هو مين اللي عمل كده ومتشوقة جدا و كنت متحمسة جدا للنهاية هيحصلهم ايه و البطل هيحصله ايه والنهاية كانت غير المتوقع نهائي و حبيت اوي ازاي خلتني كأني عايشة معاهم حرفيا و رجعت قرأتها تاني لاخويا عجبته جدا جدا بجد مكنتش متوقعة يعني انها تعجبه كده خلاني اقرأها كلها فقعدةو قعد يحلل بقى مين اللي عمل كده و تخيل الأشخاص و عاش الأجواء يعني و حقيقي شكرا للكاتب على الرواية التحفة دي و ممتنة جدا جدا بجد انه خلاني انا و اخويا نستمتع و نقعد مع بعض بدال ما احنا نسينا بعض
(ملحوظة اخويا عنده ٢٠سنة مش طفل يعني بس هو ملهوش ف الروايات بس حبها بسبب الرواية دي)

[Menna Mohemed · Rating 4 out of 5]

الروايه في بدايتها كانت لا تمت بصله للغلاف أو للعنوان بس واحده واحده اما ابتدينا نخش في القصه ابتدي التشويق يظهر وانا فعلا كنت عايزه اعرف هيحصل ايه في الاخر وبحب طريقه ربطه لرواياته كلها ببعض والبلوت ويست كانت جامده بجد وفكره الروايه عموما حلوه ومشوفتها في حته بس لسه الكاتب محتاج يشتغل علي حاجات كتير في نفسه

[danah · Rating 5 out of 5]

لو في اكتر من 5 نجوم كان حطيتها
الكتاب اكثر من رائع السرد والتفاصيل والاحداث حكاية تانيه الكاتب مبدع وفنان بشكل رهيبب الحوارات شي تاني فعلا حسيت اني عشت معاهم كل التفاصيل مو بس قراتها من احلا الكتب الي قراتها
تجربة فريدة ومميزة جدا

[Rewan Mohamed · Rating 4 out of 5]

"يا ويله الي يخلف وعده مع فيروز...متعرفش بيجراله اي"
في البداية مكنتش متحمسة ليها اوي بس بصراحة الأحداث جميلة و ممتعة البلوت تويست متوقعة بس مش وحشة اخر حتة ف الرواية كانت توحفا فضلت ٥ دقايق مقشعرة 😂
رواية قصيرة و تفصل بيها
شكرا يوسف عماد❤️

[Zeyad Mohamed · Rating 3 out of 5]

الرواية كويسة خفيفة احدثها سريعة بس بالنسبالى سبب اكتئاب البطل مكنش مقنع توقعت يكون فى سبب كبير وتعريف الشخصيات محتاج شغل وفي تساؤلات كتير مفتوحة الكاتب مجوبش عنها بس تنفع كفاصل خفيف بين الروايات الكبيرة

[Jana mabrouk · Rating 5 out of 5]

روايه بجد تحفه وتفاصيلها وطريقه سردها اصلا اي كتاب كاتبه جو مش محتاجين نتكلم يعني داچو بردو مش اي حد انا قرات الروايه وقرأت روايه بيت القبرصي ومسرح حيدر وبجد كلهم تحفه
❤️ واحداثهم بتشد الواحد

[Shahd · Rating 5 out of 5]

روايه جميله جدااا ومش ممله والأحداث كلها مشوقه ومتسارعه
مع نبذه من حس الفكاهي للكاتب و نهايه غير متوقعه تحفهه تحفهههه

[Mariam · Rating 5 out of 5]

الرواية قمة في الروعة بجد زى م تعودنا من الكاتب🥹❤❤

[Darin Fahmy · Rating 5 out of 5]

من احلى الروايات بالنسبالى ❤️❤️

[ناروطو · Rating 5 out of 5]

لسه مقرأتهاش بس انا هطبل ليوسف و اقول انها اجمددد رواييههه فيي الوجووود🥹

[Aya Elgendy · Rating 5 out of 5]

من اجمل الروايات اللي قراتها الاحداث بتاخدك ومبتعرفش تسيبها فعلا غير لما تخلص احداثها بتتجدد وحقيقي يوسف من انجح واشطر الكاتبين.. اللي كلنا اكيد بنحبه وبنحب الروايات وشخصياتها اكتر الصراحه

[Nermien Rashad · Rating 5 out of 5]

❤️❤️❤️