تراتيل

by أحمد النجار

تراتيل بين الشوارع والبيوت

أشعار بالعامية المصرية

Genres: Poetry

174 pages

First published January 1, 2014

About the author

احمد النجار
من مواليد محافظة أسوان عام 1988

حصل على بكالوريوس التجارة من جامعة القاهرة عام 2010 ، و تم قيده بالسنة الأولى بالدراسات العليا شعبة إدارة الأعمال عام 2014

شاعر ..
صدر ديوانه الأول تراتيل بين الشوارع و البيوت عام 2014 عن دار العلوم للنشر و التوزيع

صدر ديوانه الثاني بعنوان
، كاموفلاج .. 31 شوت .. بدون مونتاج عام 2015 عن دار دوّن للنشر و التوزيع ط
و في العام ذاته شارك مع مجموعة من الشعراء إصدار ديوان الصحبجية
الصاجر عن نفس الدار

كتب للعديد من الجرائد و المجلات الورقية و الإليكترونية
مثل مجلة كلمتنا ، دقة جديدة ، المواطن ، اليوم السابع .. الخ

من اهم اعماله الغنائية .. مسارح و سيما مع فرقة gazaga عمدان النور .. بقيادة الفنان .. يحيى نديم

Reviews

[محمد الحويف · Rating 5 out of 5]

ديوان شعر عامية . . فإسمحولي الريفيو يبقي بالعامية

لما تكتشف فجأة إن المحطة اللي المفروض هتنزل فيها في المترو فاتت من محطتين . . يبقي إنت أكيد بتقرأ كتاب عظيم جداً . . دا اللي حصلي وأنا بقرأ تراتيل

أكتر ديوان مظلوم إعلامياً . . أفضل ديوان نزل في معرض الكتاب بلا مُنازع

إشتريته إمبارح بليل . . قرأت نُصه في المترو . . ومانمتش إلا لما خلصته

أحمد النجار . . عندما يمتزج وصف الأبنودي وصدمة تشبيهاته . . مع جرأة و بساطة أحمد فؤاد نجم

ريحة أسوان باين في كُل قصيدة . . وصوت مُنير

تكفي قصيدة " مسارح وسيما " اللي تغنت بها " عمدان النور " لو عملت ديوان اسمه مسارح وسيما ومانزلتش فيه غير القصيدة دي هأجيبه

الديوان مقسوم نُصين . . النُص الأولاني أقوي إلي حد ما من التاني

فكرني جداً بديوان " المانيفستو " للعبقري مُصطفي إبراهيم . . دا تاني أحلي ديوان عامية قرأته بعد المانيفستو

دايماً بقول الشعر حالة . . فشُكراً يا نجار علي الحالة اللي عيشتهالي في الديوان دا

خمس نجوم . . ولو في أكتر مش هتردد

[Mustafa Awad · Rating 5 out of 5]

ديوان أقل ما يُقال عنه انه رائع :)
من لون الشعر اللي بحبه جداً و بحب أسمعه ك أغاني



و شخصيا سامع منير بيغني

" أنا إبن أدم أنا هُوّة
يا ست كل بنات حوّا
بالذوق بحبك .. بالقوة
قومي بينا نرقص
قومي بينا "


و سامع بلاك تيما بيقولوا

" نون
يا نون
أنا طايف
خايف
زي ما أكون

مجنون
ملعون
لا محصّل ساكن
و لا مسكون

أنا ضمّة ف ساعه
و ساع سكون "



شكراً يا نجـــار .. و ربنا يوفقك دايما و تُبدع و تمتعنا

[Kareem Hesham · Rating 3 out of 5]

كنت كل ما أكلع برنامج ويسألوني مين من الشعرا الجداد بتحبهم كنت أول واحد بتيجي فبالي علي طول .. ولسة عند رأيي إنت هتبقي واحد من أهم الشعرا في البلد دي بدون أي مجاملة .. كون إنك جنوبي وخاصة من أسوان مديك ميزة مش عند حد في اللي بيكتبوا .. غير ان صوتك حلو كمان :D ..
أكتر حاجة بتعجبني فيك انتقائك للألفاظ والصور بتاعتك بتحاول فعلا تبقي مختلف .. وبتعرف تستخدمهم صح ..ربنا يوفقك في اللي جاي

[إسراء فكري · Rating 2 out of 5]

كتاب بسيــط .. يلمس شيء بداخلك
أو ربما يترك أثرً. لكن بمجرد تركه، يختفي أثره كأنه لم يكُن !
التنويع .. الحزن الراقي .. الوطنية وشوية الحُب
كل هذه الأشياء جميلة في متناولها، لكنها جاءت سطحية وعادية.

كتجربة أولى للكاتب جميل جدًا
وأتمنّي تُعجبني أعماله القادمة
فقط؛ لأن أسلوبه يتحب !!

نجمة: لقصيدة مسارح وسيما.
النجمة الثانية: للأسلوب.

تمّت

[Amira Mahmoud · Rating 5 out of 5]

يموت الحر في بلادك، وفي بلادك يعيش الدّون!

[إبراهيم عادل · Rating 3 out of 5]

أفضل ما فعله أحمد النجَّار في هذا الديوان أن سمَّاه "تراتيل" وهو ملتزم بكون هذه القصائد كلها، مهما دارت وبعت وقربت فإنها صالحة للغناء والترتيل، ربما يعد هذا الأمر مأخذًا عليه، ولكنه كتجربة وديوان أول يعتبر خطوة جيدة جدًا، هنا أيضًا نَفَس فؤاد نجم، وروحه إن شئنا التحديد، قصائد متصلة منفصلة يمكن أن تغى للوطن والحبيبة على السواء، أتمنى أن يخرج النجار من عباءة نجم سريعًا ويشق طريقه الخاص ويمتلك صوته
:)
.

[Rogius · Rating 3 out of 5]

جزء كبير من القصائد قريته على الفيس بوك قبل ما الديوان ينزل ، النجار من احسن الشباب اللي بيكتبوا شعر غنائي ، مسارح وسيما لما عمدان النور غنوها كانت هايلة ، و هو لما غنى لنفسه انا تايه على باب الله كانت حلوة جدا ، الديوان دا كان بداية موفقة جدا .

[Manar Abdelfatah · Rating 5 out of 5]

نجااااااااااااااااااااااااااااااااار
يعني ابن الاصول ...يعني اسوان والنوبه ..يعني اللي تدعيله من غير ما تعرفه بان ربنا ينور طريقه ويجعله نور في الطريق ^_^

الله عليك في كل كلمه طالعه كانها غزل كروشيه ..طالعه بفن وحب ودلع وحنيه
كلماتك مهما كانت تحس كأنها بتكلم القلوب علي طول مش محتاجه لرائي العقل في حاجه ...
صدقني الفن محتاج يسمع شعرك بصوتك ..هتفرق كتير صدقني اووووي
^_^

[بسنت مبارك · Rating 4 out of 5]

كِتاب حُروفه بتعزف مَزيكا .. لونها لون النوبه وأسوان
والبيوت تُحفه بيت بيت
والجنيه فوق الوصف

مبروك يا نجاااار

..

بداية موفقه .. استمتعت بالكتاب
واوعى تنسانا لما تبقى مشهور بقى وكدا :D

[Nǻièŕǻ Abdo · Rating 4 out of 5]

يا غربة اﻻوليا ف بﻻد بﻻ مقامات
وان ماتوا اﻻنبيا يا فرحة اﻻموات


ع فكرة بئا انت شاعر مية المية المية المية و اسيادنا راضين عنك :D
بعيدا عن معظم الشعرا والعكاكين اللى فاكرين نفسهم شعراانت شخص مميز بأسلوبك
و ما شاء الديوان جميل جداااااا .. اه وربونا (Y)
كمان الغلاف جميل جدا ومتناسب اوى مع عنوان الديوان
سلمت يداك يا احمد يا فرج :)

موفق ديما ان شاء الله و ف انتظار دواوين احلى و احلى ^_^

[Ahmad Hamdy · Rating 3 out of 5]

انا عجبنى الشوارع اكتر من البيوت
الشوارع براح ومعظمها عن فكرة الحريه
من حلاوة الكلمات وسهوله الاسلوب مش عارف النجار متأثر بفؤاد نجم ومنير
ولا هى الكلمات على نفس مستوى الناس دي

[حسناء · Rating 4 out of 5]

الديوان مستواه كويس لغاية الكام قصيدة الرومانتيك .. الحمد لله إنهم قليلين وإلا كان التقييم هايقل

[fatma alzhraa · Rating 4 out of 5]

بسم الله الرحمن الرحيم
بدايه كدا انا بعد ما خلصت الديوان وخصوصا بعد تأثير الامسيه لقيتنى بدندن مع نفسى
" ابو كف رقيق وصُــغير .. نجــــــار "

تأثير البيئه الجميل واضح جدا على الشاعر دليل الاصاله وحُب المكان حسيت بريحه النيل والطمى فى الكلام
ودى حاجه حلوه جدا

نيجى للديوان
ـــــــ
جميل الى حد كبير بالنسبه انه اول مولود للشاعر
استمتعت كثييير بالكلمات والمعانى والافكار - على رغم انها مكانتش كثيره ولا جديده معظمها مُعتاد-
بعد الامسيه حسيت انى بسمع كل كلمه بقرأها بصوت النجار واللهجه الصعيدى والراء المميزه :D :D
ودا ذاد من استمتاعى اكث�� بالديوان
ــــــ
كنت بثنى كل صفحه لقصيده تعجبنى واعَلِم جمب المقطع او المعنى اللى يعجبنى
فى الاخر النتيجه كان كتاب معظم صفحاته مثنيه وفى حبر كتير
غير حبر التوقيع :)
______________

من القصائد اللى اعجبتنى
- والى عــكا
- كَف الصعيد
- أيـــوب
-طفل العشرين
-عسكر ودراويش
- باب زويله
-فرض عين
- الجبانات
- على باب الله " كلمات ولحن وغناء وحرف الراء :D "
- الجنيه
- السر
-عِتمان
-المغنواتيه
-البٌن
- الليل
_ نونو
- ادم
- حوا " لو كحل عيونك ربانى .. هيروح ازاى "
ــــــــــــ

اوصى الشاعر انه يقرأ شعر كتيير اوى وخصوصا لعمالقه الشعر القدامى مثال نزار وفؤاد حداد واحمد شوقى

لان دا هيعمق الافكار عندك ويعزز قوتها

ايضاً اوصيه بالتعدد فى الموضوعات والافكار خصوصا
ف بحر الافكار لا ينفد
واستخدم معانى معقده او مُركبه - خوفا من لفظه معقده -
هاتعمق الاحساس وتترك اثر جميل اوى فى نفس القارئ او زى ما بنقول "هتعلم معاه "

امنياتى بالتوفيق
وفى انتظار المذيد من التوقيعات
دُمت شَاعرا
:)

[Osama · Rating 5 out of 5]

احمد النجار فى ديوانه الأوّل تراتيل بين الشوارع والبيوت .. استطاع بكل بساطه فرض نفسه على القارىء .. فرض لغته وأسلوبه وبيئته وطباعه وتكوين شخصيته .. كان بإستطاعته التنوّع وتقديم تجارب مختلفه فكرةً وهيئه .. ولكنه صمّم على تثبيت صورته أوّلاً .. على المستوى الفنّى فالديوان قيّم جدّاً ومعظم قصائده تحسّها ملحّنةً مسبقاً .. كأنّك تقرأ سيموفونيّة أو نوتة موسيقيه متناغمة .. صوَرَه مبتكره .. تشبيهاته جميله ومؤثره .. بمجرد ماتنتهى من القصيده حتى تحفظ جملتين على الأقل منها وهذا ليس بسهل ..

أحمد النجار شاعر رائع .. ليس لأنه صديقى ولكن لأنه فعلاً كذالك ويستحق مكانة عالية فى وسط الشعر العامى فى العالم العربى .. لأنّه ببساطه .. يستحق ذالك .

أسامه عادل

[Ahmad Hussien · Rating 4 out of 5]

أحمد النجّار أنا تابعته من فتره، مختلف عن السائد، من أكتر الناس اللى بحسها مظلومه فى حين إن فى ناس تانيه يمكن كلامهم مش قد المستوى لكن مشهورين أكتر، يمكن نصيب، مش عارف، بس اللى اعرفه إنه شاعر مميز فعلًا.

أحمد النجار شاعر للشوارع والبيوت فعلًا، شايل من كل شارع وكل بيت حكايه، بيدور مع الدراويش ويكره الحراس، ويعشق بنات حوا ويكره التوهه.

مستنى ديوانه القادم اللى أنا متأكد إنه هيكون أقوى من الديوان ده بكتير.

[Hala Borham · Rating 4 out of 5]

شهــادتى مجروحه فيك يا أحمد :D :)
حسيت إنى بقرأ أسوان و النوبه و النيل مش بقرأ حروف !!
رائـــع
أكتر حاجه حبيتها فيه إنك منستش البنات فى معظم القصايد ! :D
و إن كان فى عيب فيه فهو إن الديوان كُله ع نفس الفكره و الموضوع ,, يمكن كان محتاج بس شوية تنويع
ألـــف مبروك يا أحمد و من رائع لأروع بإذن الله .
"الجبّانات" أكتر قصيده حبيتها تقريباً ! ~

[أحمد زهران · Rating 4 out of 5]

بُص يا نجار
أنا فخور أنى اعرفك لانك فى يوم هتوصل لمستوى نجيب سرور واحمد نجم والخال الأبنودى :)

القصايد كلها رائعة ومعظمهما لازم يتلحن ويتغنى بصوتك او بصوت منير :)

انت والطحان شايف فيكم مستقبل الشعر اللى بجد ،، ربنا يوفقك ومستنى الديوان الجاى بفارغ الصبر :))

[Dalia · Rating 4 out of 5]

شعر متنغم
معجون بطمى النيل :)
كلام راقى و أصيل و معبر

[Maram Mersal · Rating 5 out of 5]

الكتاب رائع
حاجات كتير اوى عجبتنى فيه
عرفت الكاتب فى امسية شعرية ولما سمعته اشتريت الكتاب
احمد النجار بيحسسنى انه محمد منير ..اسلوبه رائع وكلماته مصرية من الحتة الجوانية :)
رائع :)

[Doha Helmy · Rating 5 out of 5]

أقرب للأغاني عن الأشعار

[Ahmed Abo Baker · Rating 3 out of 5]

عجبني جدا جزء الشوارع
لكن جزء البيوت كان الشاعر محافظ ع النغمة اكتر من المعنى

[Bahaa Atwa · Rating 3 out of 5]

عرفته بالصدفة.. اهداه ليا الراجل الطيب صديقي احمد حسين *عم بالو* في محطة مصر في ٢٠١٥ ومازال عندي بإهداؤه.

كتاب فيه روح ودوشة الروح المصرية في ميدان التحرير والهيصة النفسية بتاعت ايام الميادين والزنازين والكر والفر.

فيه قصايد شبة الطوب وفي قصايد شبة الخل والخميرة فعلا.. فيها مشاهد حية وواقعية..

محستش فيه بزهق وده عشان انا بكتب فعيشت الكلام والتجربة متغربتش ف الصفحات..

[Manar · Rating 5 out of 5]

مش عارفه ابدأ بايه ولا بايه ولا بايه !!
بس الاول انا عاوزه اشكرك علي كل الاحساسيس اللي موجوده في الديوان ^_^
ديوان في منتهي الجمال والابداع وللاسف مظلوم اعلاميا :/
ديوان زي دا المفروض يبقي مع كل الناس وكل الناس عارفاه ومش بس عارفه المفروض كمان تكون حفظاه :D
...
الديوان كله اخد مني ساعه بالظبط :) وعلي اد ما كنت مش عاوزه ابطل غير اما اخلصه من جماله والابداع اللي فيه علي اد ما كنت مشعاوزاه يخلص علشان افضل حاسه الاحساس اللي انا كنت حاساه وانا بقرأ كل قصيده واقول عليها اااه ^_^ اه من احساسها واه من معانيها واه من الفاظها واه من كل حاجه فيها :D ^^
حقيقي مش لاقيه كلام اعبر بيه ع الديوان ^_^
بس عاوزه اقولك انك رائع ومبدع واكيد ان شاء الله هيبقي ليك مستقبل باهر وهتبقي من اكبر الشعراء اللي موجودين ع الساحه واكبرالفنانيين هيغنوا اشعارك :D
ولتاني مره باشكرك ع الديوان وهاافضل اشكرك ع الديوان دا لحد مااقرأ كاموفلاج :D ووقتها بقي هااشكرك علي الديوانين وهااشكرك علي وجودك :D :D

[Huda Elshafii · Rating 4 out of 5]

تراتيل : غناوى ما بين شوارع وبيوت مصر

(22 شارع)
عجبنى فيهم جدا كشك السعادة .. التعميرة .. صلاة الحرب .. الجبايات .. طفل العشرين اللى شايفه ان لازم يكون ليها باقى.

(29 بيت)
كلهم مستواهم فوق الممتاز وعجبنى فيهم الحبيبة .. أنا تايه .. الناي .. اليانصيب .. عتمان .. الغربة .. الطلق .. الكفيف .. الوجع .. البن

- معظم القاصايد هتبقى احلى لو اتغنت ، حسيت ان أغلبها أصلا مكتوب عشان يتغني
جرب تسجلهم بصوتك حتى ونزلهم عـلى الــ Sound cloud

- لفت نظرى ان الافكار متكرره ف كذا قصيدة وده مش عيب بس الاحلى من وجهة نظرى أنك تركز على الفكره وتطلعها ف قصيده واحده او اتنين بدل ما تكون نفس الفكره "متنطور" اجزائها فى اكتر من قصيدة.

(التقييم) 4 من 5 .. اللون اللى انت بتكتبه مختلف حتى الألفاظ اللى بتختارها ماستهلكتش قبل كده ف وقعها ع السمع جديد وحلو .. فى يوم من الأيام هتكون من الشعرا التقال ان شاء الله.

[Tasneem · Rating 5 out of 5]

حقيقي وبدون مبالغة .. من أفضل دواوين معرض الكتاب2014

قوة الأسلوب .. سهولة الكلمات .. انك تخلصه ف يوم واحد .. تهديه لشخص عزيز عليك جداً .. وتقرر إنك تشتريه تاني لنفسك ,, كإنها مكافأة لشخصك كقارئ ع الجمال اللي قرأته ..وصعوبة أختيار افضل قصيدة .. والأصعب انك تفاضل بين الشوارع ولا البيوت ..


أحمد النجار ,,بدأ بقوة وانطلق من بين عشرات ويمكن أكتر من عشرات الشعراء ف معرض الكتاب .. واثبت نفسه بقوة بـ تراتيل


غلاف الكتاب جميل وملفت للإنتباه والديوان نفسه رائع

لـ أحمد النجار ,, دُمت مبدعاً ومن نجاح لنجاح, وف انتظار الديوان القادم بإذن ربنا


بالتوفيق , تحياتي :)

[hanan yehia · Rating 4 out of 5]

رائع بجد :)
عادةً لما بقرأ كتاب اشعار عامية بخلصه كاملاً فى يوم او يومين بالكتير .. لكن مع ا��كتاب هنا مقدرتش .. احيانا كنت بحتاج افصل فى الوقت علشان الحالة اللى بدخل فيها بعد قراءة جزء متتوهش منى :)

الكتاب بس كان ينقصه مراجعة لغوية لانه برغم انه عامّى بس كان فى حروف غلط وحروف كان لازم عليها التشكيل علشان تتقرأ صح و دة كان بيسبب انى ارجع اقرا البيت تانى علشان اجيب التشكيل الصحيح للكلمة .. ياريت تدارك دة فى الطبعة التانية ان شاء الله :)

لكن فى المجمل الديوان حلو جدا وممتاز كبداية وكأول كتاب

مبروك الديوان .. وبالتوفيق يا احمد :)

[Sayed Shapan · Rating 5 out of 5]

ديوان ابن ناس لشاعر مصرى اصلى وابن اصول .. حبيت الديوان جدا وشميت فيه ريحة مصر والطمى والحنة الاسوانى .. وكمان فيه من روح احمد الشاب الجدع وصاحب صاحبه .. الديوان متميز جدا ومختلف ومتفائل انه يوصل لناس كتير جدا

اما عن احمد فهو واد راجل وعسل جدع انا بحبه جدا على المستوى الشخصى
وعلى مستوى الشعر مؤمن بيه جداً ، وهو من الناس المعدوده اللى هيتشور عليها بالاصابع فى مصر .. انهم جيل شعراء بكرة . موفق دايما يا صاحبى

[Patiente Et gentille · Rating 4 out of 5]

استمتعت جدا وانا بقرأ بجد حسيت انى بغنى الكلمات ليها لحد جميل اوى .. كل شارع كان بيشدى انى أكمل لحد لما اوصل لنهاية الشوارع .. ولما وصلت لاول بيت بردو فضولى قتلنى عشان اول لتانى بيت :) انا مش من النوع الى بيحب يقرأ شعر بس الديوان عجبنى جدا .. من الحاجات القليله الى خلصتها ف يوم واحد قريته ف ساعه تقريبا .. لسه لحن الكلامات ف ودانى .. انا عايزة الديوان التانى بقى ينزل بسرعه ^_^ .. ع فكرة انا بجحه ومش بعرف أجامل حد وكلامى دبش :)

[Matta Asaad · Rating 5 out of 5]

-
يسبق كلامنا الدم مغرق القمصان
والشعر مسهر الأوتار...
الكتاب لتالت مرة بقراه
ومع كل مرة بيزيد أعجابى بيه أكتر
مسارح وسيما مفيش أختلاف عليها من حد أنا كل يوم بسمعها أكتر من ن بسمع اى حاجة تانية لأنها #رنة_موبيلى
الكتاب كله قصيدة لحنها فيها مش محتاجه غير كولة عبدالله حلمى وصوت الملك
أنت حالة يانجار
وأنا مستنى #كاموفلاج عشان أنا متأكد إنه مش هيكون مجرد ديوان شعر عامى ..
ربنا يزيدك ويوفقك
ومطولش عليك عشان رايح أقرا
#تراتيلك ياعمنا
شكرا يانجار <3

[Marwa · Rating 4 out of 5]

الديوان رائع بشكل خيالى
أقل ما يقال عنه
انه رااااااااااااااائع
بجد حاجه مختلفه ومميزه وجميله

المفروض كان الكتاب نزل معه سي دي
بصوتك

طبعا انت صوتك رائغ فى الغنا
وكمان القاءك رهيب

انا خلصت الديوان
ورجعت قريت كام قصيده تاني وثالث
من كتر ما هو فعلا عجبنى جدا

ربنا يوفقك ويكرمك
وفى انتظار الديوان التاني :)
بس يكون أكبر ويكون معه سي دي :D