رصيد نمرة 5

by مدحت العدل

رصيف نمرة 5 لدكتور مدحت العدل .. طبيب الاطفال والشاعر والمؤلف والذى كتب العديد من الافلام والمسلسلات الناجحة كما حققت اوبرتاته رواجا وانتشارا وغنى من اشعاره معظم نجزم العالم العربى، يقول د. العدل فى ديوانه رصيف نمرة 5 ان هذا هو ديوانى الاول، لوحاتى التى رسمتها فى حب هذا البلد، شوارعه، وازماته، وطموحاته، وانتصاراته، صفحات من حياة مصر عبر سنين طوال، ماكان لها ان تظهر للنور لولا الحاح زوجتى وابنائى، وكثيرين ممن يرون هذا البلد بعين حبي له

Genres: Poetry

183 pages, Kindle Edition

First published January 1, 2014

About the author

هو كاتب وشاعر ومؤلف وطبيب مصري شهير له العديد من الأعمال التليفزيونية والسينمائية الشهيرة.

Reviews

[Ghada · Rating 2 out of 5]

ديوان جيد.

تقريبًا نصه أغاني مشهورة.. وإنت بتقراها هتلاقي نفسك بتقراها باللحن بتاعها غصب عنك.
زي: زي ما هي حبها - ورجعت من السفر - أوبريت الحلم العربي - القدس هترجع لنا - أصحاب أنا وإنت ولّا - ارجع يا زمان - رصيف نمرة خمسة.
النص التاني بقا شتيمة في الإخوان وفي عصرهم البائد. :D
الكام قصيدة اللي عن ثورة يناير وارحل يا مبارك وكده متكتبوش غير بعد ما الميدان اتملى ثوار وبقى رحيل مبارك وشيك الحدوث.
ويرجع يقول لك الثورة اتركبت.. هي فعلًا اتركبت. :D

اتصدمت لما لقيت قصيدة (إحنا شعب وإنتو شعب) من تأليفه.
مشكلتي مش معاها من ناحية الاتجاه السياسي.. لكن الجملة دي
" لينا رب.. وليكوا رب"
حرام..!!!

أنا مبفهمش في الشعر ووزنه بس كقارئة حسيت إن فيه سطور تقيلة ومش ماشية، وفيه كلمات محشورة في النص لو اتشالت أو اتبدلت بكلمة أخف هيكون ألطف.

أول مرة أشوف حد بيدلع أم كلثوم بـ (ثومة) مش (سومة)ا :D
ثومة دي بتفكرني بالتوم. :DD

القصائد اللي اتغنّت فعلًا ليها بريق تاني.. المطرب بشهرته وصوته الحلو مع الملحن بيضيفوا للكاتب كتير جدًا.
فيه قصائد لو جيت تقراها هتقول إيه الهبل ده، لكن لو اتغنّت بصوت حلو ولحن يمزّج كده هتلاقي نفسك ماشي ترددها. :D

حبيت الرسومات، فكرتني برسومات وليد طاهر.

من الأغاني اللي بحبها جدًا، وفرحت إني لقيتها في الديوان. :))
https://www.youtube.com/watch?v=_4lsg...

"ارجع يا زمان هِلّ يا ماضي..
أيام الحب ما كان عادي..
ولا كان الشوق للناس تهمة
ولا نظرة عين وحنين أزمة
ولا عقل الناس خاوي وفاضي..
هِلّ يا ماضي

تصور ناس أملها تعيش حبة شجن
تدوب ويّا حنينها وتعشق الوطن..
في ناس تقول حرام..
وناس تمسك لجام..
نسكت ونخاف وندفع..
من أحلامنا التمن..

تصور لما عوزنا نقول للظلم لا..
اتحكم فينا خوفنا رجعنا وقولنا آه..
في ناس تقول يا كافر..
وناس تخلع ضوافر
وناس فضلت تعافر
وتمسك في الحياة"

[Muhammad Galal · Rating 3 out of 5]

ما استرعى انتباهي أن كل قصيدة كُتِبت في بلدة معيّنة ، يبدو أنّه احتاج جوًا من السكينة للوصول لحالة الاسترخاء الذهني كافية لكتابه قصائده .
بالمناسبة : سبق أن سجّلت اعتراضي على صورة غلاف " أسطورة السيد دودي " ل"أحمد الدريني"
لم أشعر بامتعاض إزاء صورة غلاف هذا الديوان ، لعلّ الصورة هادئة ، تعطي إحساسًا بالسكينة و الوقار لشخصيّة معروفة من قبل .
سأذكر بعض أغانيه التي غنّاها المشاهير :
أوبريت الحلم العربي : http://www.youtube.com/watch?v=PVgo9e...
القدس هترجع لنا : http://www.youtube.com/watch?v=nQ2EIW...
زي ما هي حبها : http://www.youtube.com/watch?v=neNQ93...
يعني ايه كلمة وطن : http://www.youtube.com/watch?v=YxlHBf...
أمريكا شيكا بيكا : http://www.youtube.com/watch?v=sHHTl5...
رصيف نمرة 5 : http://www.youtube.com/watch?v=6HAeaP...
السعادة : http://www.youtube.com/watch?v=D14qqy...
رجعت من السفر : http://www.youtube.com/watch?v=kFhYtv...
أصحاب أنا و أنت ولا : http://www.youtube.com/watch?v=8IjFBY...
مقدمة أحلام عادية : http://www.youtube.com/watch?v=K8_58T...
تتر مسلسل الداعية : http://www.youtube.com/watch?v=teUCG_...

[Mahmoud · Rating 2 out of 5]

نجمتين وكفي
تصميم الغلاف سيء تمام لا في رصيف ولا نمرة خمسة صورة شخصية للكاتب في وضع الكتابة آليق ما تكون بكتاب سيرة ذاتية أو مذكرات شخصية لا ديوان شعر
ست أنا مش شايف أيها ست
شعر أنا مش شايف أيها شعر
بعيداً عن كلمات أغاني الأفلام والاوبريتات المختلفة التي كتبها الكاتب والتي استمدت شهرتها من شهرة المطربين الذين قاموا بغناء تلك الكلمات " رصيف نمرة خمسة ،، ورجعت من السفر لي عمرو دياب " و " بحلم و أمريكا شيكابيكاو عم دهب ولازم أغني لي محمد فؤاد" لن تصادف داخل الكتاب ما يمكن لك إن تتذكرة بعد الانتهاء منه
في الكتاب قسم كبير من القصائد المكتوب عن الثورة والثوار أسلوب مباشر حتي الفجاجة وركاكة شديدة جعلتني أتذكر بكل خير مصطفي ابراهيم وقصائدة عن الثورة المصرية

[zahraa esmaile · Rating 3 out of 5]

ديوان جميل
فيه قصائد مش جديدة بس اتربينا عليها زى الحلم العربى و رصيف نمرة خمسة
وفيه مجموعة قصائد عن الثورة عجبتنى
وفيه قصائد مفهمتهاش
ف المجمل ديوان جميل

[Mahmoud Elmoustapha · Rating 4 out of 5]

مدحت العدل.. اسم ذائع الصيت في مجال الكتابة السينمائية والشِعر الغنائي.. ورغم مشواره الفني في الشِعر الذي يمتد منذ الثمانينات إلا ان ذلك الديوان هو الأول في مسيرته ، ويحمل اسم أحد أشهر أغنياته مع النجم "عمرو دياب".. رصيف نمرة 5.

يقدم العدل في ديوانه 32 قصيدة ، تنوّعت مواضيعها بين السياسي والوطني والاجتماعي والعاطفي، كذلك لم ينسَ وضع أغانيه واوبريتاته الناجحة مع معظم نجوم العالم العربي مثل: يعني إيه كلمة وطن ، زي ما هي حبها ، أمريكا شيكا بيكا ، لازم أغني ، القدس هترجع لنا ، الحلم العربي.. إلخ

الجيد في الديوان تناوله الجانب الاجتماعي في بعض القصائد بأسلوب السهل الممتنع ، كذلك حديثه في قصائد أخرى عن الأشخاص او الأماكن والرموز الفنية وكأنه يبدع لوحة پورتريه لهم كما في قصيدة: صلاح چاهين / أمل دنقل / عم دهب / مرزوقة / في حانة سبارتكوس..
وكان على النقيض في قصائده السياسية خصوصًا التي تناولت أحداث الثورة حيث اتسمت بالمباشرة وعدم التعمق في المعاني!
كذلك لفت انتباهي توثيقه لجميع قصائده، بتدوينه مكان وتاريخ كتابتها في نهاية كل القصيدة ، أو كشفه لبعض كواليس كتابة القصيدة ، وتلك لفته قد توحي للقارئ معايشة النص أكثر.. وأيضًا اللوحات البديعة والمعبّرة التي زيّنت الديوان للفنانة التشكيلة "سحر عبدالله" مع أغلب القصائد..

أكثر القصائد التي أعجبتني هي:
ليه وإزاي / المسيح يُصلب من جديد / حرام / مقابلة / الخوف / عود إلينا يا رسول /ماجاش م الأصل / باحبك / فرعون / احنا شعب وانتو شعب/ في المدافن..
كذلك الاغاني التي استمتعت بها قراءةً كما استمتعت بها غناءً من قبل ، مثل:
رجعت من السفر / أيام شبه الأيام / قصة حب / أصحاب أنا وإنتَ وللا / رصيف نمرة خمسة.

[Mostafa Atiea · Rating 1 out of 5]

انا فى عرضت نفسى للاعتقال و الاذى عشان اشترى الديوان دا اللى انا كنت فاكره سيناريو الفيلم بس اتصدمت لما عرفت انه ديوان شعر
و قلت اشوف ايه الشعر دا لقيت حاجة كدا مبتذلة و كلام ضعيف جدا ابعد ما يكون الى الشعر
الحاجة الوحيدة اللى عجبتنى هى " رصيف نمرة ‏5 " لانى بحبها من البداية كأغنية

[Ali · Rating 1 out of 5]

ديوان أقل أقل من العادي
أسمك ف الأغاني بيتهئيلي لو الديوان ده أتعرف هيضيع
انما كشعر ياريت متتكررش تاني
حسيت ف قصايد كتير ان بتدور علي وزن وقافية علشان تقفل البيت
مفيش عمق ف المعاني ولا قصيدة تشدك
بصراحة أول مرة أزعل اني اشتريت ديوان شعر