الآثم

نادر فوده #8

by أحمد يونس

268 pages, Paperback

Published January 1, 2024

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[Dina]

افضل جزء حتي الان و تطور شخصية نادر مبهر!!

[mariam♡]

الاداء الصوتي ليها كان فوق الممتاز
26/1/2025

[✨حبوبه✨]

✨3.8.2024✨

[رومولا الن emmajain-book]

مع مغامرة جديدة لصديقنا القديم نادر فوده

الصحفي بجريدة عمق الحدث

نعود معه لعوالم الجان والسحرة

بهذا الجزء تختلف شخصية نادر إلى شاب مغرور لا يراعي مشاعر أحد

ماذا حدث له ليغيره جذريا هكذا

أحببت الجزء كثيرا 

تناسب جميع الأعمار

أسمعت للكتاب من تطبيق اقرأ لي

أنصح بالسلسلة

[sarah]

سمعت الكتاب صوتي و اعتقد دي احسن طريقة ممكن حد يقرأ بيها الكتاب.
الكتاب بيبدأ بنادر ( اللي غروره اطول منه).
نادر بيحاول يقنع شخص يديله كتاب و الكتاب دا قوي جدًا و كله سحر و طلاسم و بسبب الكتاب دا نادر بيقدر ينقذ بنت في اول الكتاب بس عشان نادر الego بتاعوا اطول من برج خليفة بيقرر ينشر بطولته و ينشر اسم البنت الحقيقي و قصتها من غير أذنها عشان هو صحفي و من هنا بنبدأ نشوف ازاي نادر انسان مغرور و محتاج يتعالج. كل يوم حد بيكلم نادر عشان يساعده و نادر بيستغل الفرصة عشان يفخم في نفسه اكتر و عشان يفكرنا ان مافيش زيه اتنين بس بعدين الكتاب دا بيبدأ يدمر حياة نادر.
الكتاب رعب و الأصوات اللي في الكتاب الصوتي خلتني أعيش الأجواء بس بالنسبالي انا مكونتش خايفة بس انا كنت مهتمة اوي بقصة كل شخص و عشت فعلًا الأحداث معاهم.
الكتاب ممتع جدًا و قصير يعني خلصته في قاعدة و مش لازم تقرأ كل الاجزاء عشان تفهم قصته و حتي كساب و كدا يعني منعرفوش اوي في الكتاب دا بس مش لازم اقرأ الكتب اللي قبلها عشان افهم انه حيوان بردو و اللغة العامية في الكتب الصوتية مش بتضايقني خالص بالعكس بالنسبالي بتخلي الكتاب ممتع اكتر.

[Youssef Mohamed]

رواية مملة و فيها مماطلة و بعد معاملة سيئة للغاية للكل جاب حد يرمي عليه اللوم مبقاش في تطور في الاحداث ولا تحول لحاجة في محور الفصة الأساسي الموضوع بداء يكون تجاري من اول الخمس وللاسف التامن كمان تجاري و أحداثه كانت ملمومة في قاعدة زي مبيتقال اتمنى نرجع لاحداث القصة و نشوف كساب بشكل اوضح و يكون في عراك واقعي بي ساحر و بني ادم عادي مش العراك الطفولي الي شايفينه دا

[Lucinda Ahmed]

عودة أخري لنادر فودة بعد أن فقدت الأمل في لقاء نادر مرة أخري

كان نادر أول صديق أقتنيه بمالي الخاص بعد أن قرأت الكثير من اعداد رجل المستحيل التي كانت لدي والدي ، ألتقيت بنادر فودة في الوقاد ثم الكساب و تتابعت اللقاءات حتي اليوم....لقائي مع الآثم
.
تدوينا لقائي الثامن مع نادر فوده الصحفي في جريدة عمق الحدث.

نادر في ثوبة الجديد ....يعود نادر و لكنه لا يعود ، تغيرات جديدة تطرأ علي نادر تغيرات تعرض نادر بشكل مختلف ، الأبن البار و الأخ الصالح و تربية المشايخ .. أشياء لم تعد توجد في نادر الجديد ، ثوب جديد لنادر و لكن ما السبب في ذلك الثوب؟! و من سيخلع ذاك الثوب الدنيئ عنه ؟!!

علي الرغم من القصة المتقنة إلا أنني أحبطت ... انا بحب قلم أحمد يونس و مفيش مجال لأنكار ده لكن كان نفسي اشوف تقدم و لو بسيط في مستوي الكتابة و مؤخرا بعد الأجازة الأخيرة و لكن مستوي الكتابة كان زي ما هو ، و علي الرغم من المتعة التي لا تنتهي بين طيات العمل إلا أنه لسه عمل ضعيف عمل ناقصة أساسيات كتيره ! و كالعادة برجع لأحمد يونس و نادر فوده و انا ساخطة علي كل الأساسيات و برجع رغبة لأخذ جرعة من المتعة لا أكثر ولا أقل .

[Fatma Hussein]

قرأت الرواية دي بعد مدة بسيطة جدا من قراءتي للجزء السابع والي كان خذلني بشكل لم اتصوره لأني كان عندي شغف اني ارجع اكمل السلسلة بعد انقطاع كبير والجزء السابع كان ضعيف جدا بشكل حسيت فيه انه عبارة عن جزء ومجموعة قصص وُضِعت مع بعض بلا هدف ليطلق عليها اسم الجزء السابع، فصلت كام يوم وجيت اقرأ الجزء الثامن بتوقعات اقل لكن اتفاجئت قد ايه الجزء فاق توقعاتي بمراحل، في عيوب كالعادة وحاجات ضايقتني من الاجزاء القديمة زي الست جواهر الي حاسة ان ملهاش هدف من البداية بس القصة المرادي اثارت اعجابي جدا وخصوصاً ان الرعب المرادي لم يقتصر على شوية عفاريت ومواقف مرعبة بل ذكر عنصر الرعب الي أثر فيا اوي الي هو لما الشخص الي هو نادر فودة الطيب الخلوق الي اتعودنا عليه من اول جزء فجأة يتحول تحول رهيب خلاني طول ما انا بقرأ مش فاهمة فيه ايه، الخوف والرعب من الموت، المعصية والتحول الرهيب في الشخصية المرعب، ثلاجة الموتى و كل ده. حقيقي الكاتب تفوّق على نفسه المرادي وده من اكتر الأجزاء الي أثرت فيا واستوقفتني وكان في نهايتها غاية وهدف وصلني بشكل ممتع ومرعب في نفس الوقت

[Nour Sayed]

عوده قويه للمعلم الكبير أحمد يونس حقيقي الكتاب تحفه ومنتظرين جولات تانيه مع كساب بس المره الجايه يكون نادر فوده هو الكسبان فيها المشكله ان طول الروايه وانا بقرأها بسمعها بصوت المعلم وهو بيحكيها وبالموسيقي اللي بيحطها وكله😂♥️♥️♥️♥️♥️
بس عندي سؤال مين هو عادل كرم الدين ؟!
متشوقه اوي اعرف في الروايه اللي بعدها ومتشوقه للروايه الجديده بفارغ الصبر وحابه أشكر حضرتك علي توقيعك للكتاب بتاعي يا معلم يا كبير هتفضل طول عمرك حضرتك قدوتي 🌚♥️♥️♥️♥️♥️♥️

[Ahmed Assem]

مش هكون ببالغ لو قلت ان الجزء احلي واحد في السلسله كلها
نادر بيبدا الروايه و ال ego بتاعو في السماء لدرجه انو بيخليك مش عايز تكمل الروايه من كتر م هو مستفز الروايه حرفيا فيها كل حاجه و النهايه قريتها كذه مره عشان استوعب الي قريتو و من اكتر الحاجات الي بحبها في اسلوب احمد يونس هي اللغه بتاعتو و سهولتها اكنك بتكلم واحد صاحبك مع ان ده من اكبر المشاكل ل فئه تانيه بس كلها اذواق
و في النهايه هنستني نادر فوده صحفي في جريده عمق الحدث

[Ahmed Nabil]

اول سلسلة كامله اقرائها في حياتي واول جزء من السلسله احس انه كفايه حشو كساب و هاله فجميع الاعمال مش احسن حاجه الناس بدات تزهق. عايزين نهايه. اتمني بجد انه الجزء التاسع يكون ختام كل حاجه. الكتاب جميل ولكن "كساب" مواله بقي حشو وخلاص يقعد يعملك احداث وفصول ومش عارف اي وفل اخر يربطهالك بكساب او هاله. اتمني يكون الجزء التاسع كبير شويه وبينهي كل العبث دي.

[The blue sticky note🌧️]

تغير في شخصية نادر عجبني جدا كان لارم يحصل ..بس حسيت ان في الاخر القضه متحبكتش صح كان نفسي تغير ده يكون من نادر نفسه مش من كساب لان من طبيعي واحد يمر بكل ده ويفضل انسان كويس ..سعيدة جدا ان يونس رجع وسعيده جدا بالونس اللي يونس بيعملهولنا كل خميس وكل معرض ❤️

[Ryham Ali]

كا رأي في السلسلة فهي معروفة طبعا انما الرواية دي فا بجد لو اوي كل مرة بيبقي كريتف اوي في افكار الرعب وجديدة كل مرة انما بقي عن الاستاذ نادر فكان توكسيك بطريقة اللي هو حد يخبطه علي دماغه ياجماعة بجد بس تحفه كالعادة ومن اقرب السلاسل الروايات لقلبي ❤️❤️🌍

[Soma Sama]

احداث مرتبه رتيبه وليست مشوقه كعادة احداث الروايات السابقة مع ان الاحداث هذه المره تتعلق بالعديد من الاطراف ولكن شعرت انها رتيبه ولم تجذبنى كثيرا تلك المرة ولكن انتظر الروايه القادمه ستكون افضل باذن الله

[‏❀ •┈••✦ ᗰ ᗩ G D I * ᗩ D ᗩ ᗰ ✦••┈• ❀]

الرواية فيها مماطلة ملحوظة ولم تكن بمستوى الأجزاء السابقة الأولية
النهاية متوقعة ولكن …!!؟
شكرا للكاتب أحمد يونس حيث امتعتنا بمظاهر الخوف والرعب وجعلتنا نعيد تفكير في احوالنا ومن ثم
فذكر فإن الذكرى تنفع المؤمنين
وإن منكم الا واردها

[Dr. Saleh Bakry]

رواية خفيفة و ذو احداث سريعة لا تجعلك تمل من قرأتها...التغيير فى شخصية نادر فودة عجبنى جدا طريقة سرده و التحول فى اخر الرواية كان مفاجأه محببة لى

[Mayada]

جزء مختلف تماماً و التغيير ف شخصية نادر كان مفاجئ بشكل صادم بس شدني و عجبني جدا♥️

[Ahmed Abd Alohab]

مستوى الكتابة ضعيف ويوجد تمطيط

[ALLA BASIM]

كالعادة مغامرة جديدة من مغامرات نادر فودة مليئة بالأحداث مسبوكة السرد ، سلسة الانقياد بين عيني قارئها ، مترابطة الأحداث بفكرة أجود من سابقتها .

[Maryam]

في انتظار المواجهة القادمه بين نادر و كساب

[Omnia]

لا تعليق

[Ahmed Charisma]

صراع جديد بين نادر وكساب .. والمرادي بفكرة مختلفة شوية عن الأجزاء إللي قبل كده .. تعتبر من أفضل الأجزاء

[Manar Ahmed ∞]

21/9/2024 🌿

[Habiba Yasser]

الturn اللي الاحداث خدته في الجزء ده عدى كل توقعاتي حرفيا. مكنتش متخيلة ان هتوصل لكده بس بجد مرحلة عظيمة في حياة نادر

[Marwa Khaled]

من اجمل الأجزاء اللي قراتها في السلسلة و في تطور كبير في شخصية نادر بس هل شخصية مروة هتفضل كدا و لا هترجع زي الاول تاني

[Passant Mohammed]

هو مين عادل الي قال اسمه في الآخر ده مش فكراه 😅

[Nada]

اول مرة اسمع كتاب عربي واعتقد حبيته 😂😂 دا بعيد عن الكتاب كان كويس الي حد ما 🤷🏻‍♀️

[كيرلس عاطف]

بغض النظر عن العامية
الرواية دي مختلفة عن كل الاعداد السابقة، فكرتها قوية، مميزة جدا، حتى مشاهد الرعب بتاعت غسل الموتى حلوة
بجانب التجربة الصوتية على ابلكيشن أقرألي، كانت أكثر من رائعة

[Jana]

بجد معنديش كلام أقوله

[Ganna]

ولا اجدعها فيلم هندي حقيقي
ياريت سلسلة نادر فودة تقف لحد هنا لان فعلا معدتش زي الاول و المط فيها بيقلل منها و من الاجزاء الاولى الي خليتنا نكمل لحد هنا اساسا