Susannayude Granthappura | സൂസന്നയുടെ ഗ്രന്ഥപ്പുര

by Ajay P. Mangatt

'ഞാൻ വായിച്ച പുസ്തകങ്ങൾക്കും സംസാരിച്ച വാക്കുകൾക്കും ഉള്ളിൽനിന്നാണ് എന്റെയും നിന്റെയും കഥകൾ വരുന്നത്' പോലുള്ള രഹസ്യനിർദ്ധാരണങ്ങൾ ഇതിൽ കുറേയുണ്ട്. വായനയെ ഒരു ജൈവപ്രക്രിയയായി, വ്യക്തിഗതവും സാമൂഹികവുമായ പ്രവർത്തനം തന്നെയായി, കാണുന്നതുകൊണ്ടാണ് തത്ത്വനിവേദനങ്ങൾ ജനിക്കുന്നത്. എന്നാലിത് നോവലിന്റെ പാരായണക്ഷമതയെ ബാധിക്കുന്നില്ല. രസിച്ചു വായിക്കാനും വായിച്ചു രസിക്കാനും പറ്റുന്ന ഫിക്ഷനാണിത്. ആഴക്കുറവില്ലാത്ത സാരള്യം ഈ അതിപുസ്തകത്ത വായനക്കാരന്റെ സ്നേഹദ്രവ്യമായി മാറ്റുന്നു.
- ഇ.പി. രാജഗോപാലൻ

പുസ്തകങ്ങളും എഴുത്തുകാരും കഥകളും അനുഭവങ്ങളും സങ്കല്പങ്ങളും യാഥാർഥ്യവുമെല്ലാം ചേർന്നു സൃഷ്ടിക്കുന്ന വിസ്മയലോകത്തേക്കുള്ള ഭാവനാസഞ്ചാരമാണിത്. ഒപ്പം, സങ്കീർണമായ മനുഷ്യബന്ധങ്ങളിലൂടെയും മനസ്സിന്റെ ഇരുൾവഴികളിലൂടെയുമുള്ള അവസാനമില്ലാത്ത അന്വേഷണം കൂടിയാകുന്ന രചന.

അജയ് പി. മങ്ങാട്ടിന്റെ ആദ്യ നോവൽ

599 pages, Kindle Edition

Published November 4, 2023

Reviews

[Vyshakh TR · Rating 4 out of 5]

പുസ്തകത്തിൻ്റെ പേരുപോലെ തന്നെ ഒരു ഗ്രന്ഥപുരയിലേക്ക് കയറിയ അനുഭവം

ഇതിൽ പ്രതിപാദിച്ച പുസ്തകങ്ങളെയും കവിതകളെയും കുറിച്ച് വായിച്ചപ്പോൾ എഴുത്തുകാരൻ്റെ വായനയുടെ ആഴത്തെ കുറിച്ച് ഓർത്തു ശരിക്കും ആശ്ചര്യമായി!

ഇന്നോളം പ്രസിദ്ധീകരിച്ചിട്ടില്ലാത്ത ഒരു പുസ്തകത്തെ തിരഞ്ഞുള്ള യാത്രയിൽ കണ്ടുമുട്ടുന്ന വായനയെ ഇഷ്ടപ്പെടുന്ന നിരവധി പേരുടെ സൗഹൃദത്തിൻ്റെ വ്യത്യസ്തമായ ഒരു കഥ എന്ന് ഈ പുസ്തകത്തെ വിശേഷിപ്പിക്കാം.

വായനയെ ഇഷ്ടപ്പെടുന്നവർക്ക് തീർച്ചയായും ഒരു റഫറൻസ് ആയി ഉപയോഗിക്കാൻ സാധിക്കുന്ന ഒരു പുസ്തകം, ഗ്രന്ഥപുര എന്ന വാക്കിനോട് നൂറുശതമാനം നീതി പുലർത്തിയ രചന.

[Seshma · Rating 4 out of 5]

പേരു പോലെ തന്നെ ഒരു വലിയ ഗ്രന്ഥപ്പുരയിൽ കണ്ണു മിഴിഞ്ഞു നോക്കി നിന്നുപോകും വായനക്കാരൻ. പക്ഷെ പല രചനകളും പേരുകളുമൊക്കെ എഴുത്തുകാരന്റെ തന്നെ ഭാവനയായിരുന്നു. ആ ഭാവനയിൽ വായനക്കാരനെ ഏതൊക്കെയോ എഴുത്തിന്റെ വിസമയ ലോകത്തേക്ക് കൂട്ടിക്കൊണ്ടു പോകും. നീലകണ്ഠൻ പരമാര എന്നയാളുടെ ഇനിയും എഴുതി തീർക്കാത്ത പുസ്തകം തേടിയുള്ള അഭിയുടെയും അലിയുടെയും യാത്ര നമ്മളെ കൊണ്ടെത്തിക്കുന്നത് സാഹിത്യത്തിന്റെ മാസ്മരിക ലോകത്തിലേക്കാണ്. എങ്കിലും അവസാനം ജോസഫ് സൂസന്നയോട് പറയുന്നു... നാം ഏറ്റവും സ്നേഹിക്കുന്നതിനെ ഒരുനാൾ നാം വിട്ടു കൊടുക്കണം... സൂസന്ന അത് അക്ഷരം പ്രതി അനുസരിച്ചു... എന്തുകൊണ്ടാകും സൂസന്ന അങ്ങനെ ചെയ്തത്... ജോസഫ് സൂസന്നയെ അവൾക്ക് തന്നെ വിട്ടു കൊടുത്തത് കൊണ്ട്... അവളിൽ നിന്നും അവനെ തിരികെ നൽകിയതാണോ...??

മനോഹരമായ രചന... മികച്ച കയ്യടക്കത്തോടെയുള്ള ഭാഷ... ഒന്നു അങ്ങോട്ടു കുറച്ചു കൂടി കേറ്റി പിടിച്ചിരുനെങ്കിൽ എഴുത്തുകാരന്റെ കയ്യിൽ നിന്നും പോയേക്കാവുന്ന കഥ. കുറെ യഥാർത്ഥ വായനക്കാരന്റെ ഉള്ളറിഞ്ഞ എഴുത്തു... ചിലപ്പോഴെങ്കിലും തോന്നും ഈ കഥാപാത്രം ഞാൻ തന്നെയല്ലേ... ഇയാളുടെ സ്വഭാവം എന്റേത് കൂടിയല്ലേ എന്നു.

[Sreelekshmi Ramachandran · Rating 3 out of 5]

വായനയിൽ താൽപ്പര്യമുള്ള രണ്ടു വിദ്യാർഥികളാണ് അലിയും അഭിയും.. നീലകണ്ഠൻ പരമാര എന്ന നോവലിസ്റ്റിന്റെ ‘വിഷാദത്തിന്റെ ശരീരഘടന’ എന്ന നോവലിന്റെ കയ്യെഴുത്ത് പ്രതി തിരഞ്ഞ് അവർ മറയൂരുള്ള സൂസന്നയുടെ വീട്ടിൽ എത്തുകയാണ്. അവിടെ അവരെ കാത്ത് ചില മനുഷ്യർ ഉണ്ടായിരുന്നു..

എഴുത്തിനെയും വായനയെയും സ്നേഹിക്കുന്ന ഒരുപാട് കഥാപാത്രങ്ങൾ ഈ പുസ്തകത്തിലുണ്ട്...
അമുദയും വെള്ളത്തൂവൽ ചന്ദ്രനും ഇക്ബാലും ഫാത്വിമയും കൃഷ്ണനും മതിയുമൊക്കെ എന്തൊക്കെ തരം മനുഷ്യന്മാരാണ്..
ഇവരെയൊക്കെ ഇങ്ങനെ connect ചെയ്ത് നിർത്തി എത്ര മനോഹരമായാണ് എഴുത്തുകാരൻ ഈ പുസ്‌തകം എഴുതിയിരിക്കുന്നത്.
ഗംഭീരമായ പുസ്തക റെഫെറൻസുകൾ കൂടാതെ ,
ഉത്തരേന്ത്യയെ ഞെട്ടിച്ച ബുരാരി കൊലപാതകത്തിന്റെ റെഫെറൻസ് വരെ സന്ദർഭത്തിന് അനുയോജ്യമായി തന്നെ ഈ പുസ്തകത്തിൽ ഉൾപ്പെടുത്തിയിട്ടുണ്ട്..

അലിയുടെ യാത്ര സംഭവബഹുലമായിരുന്നു.. അലിക്കൊപ്പമുള്ള എന്റെ വായനാനുഭവവും.. ഏറെ കാത്തിരുന്ന് എന്റെ കൈകളിൽ എത്തിയ പുസ്തകമാണ് സൂസന്നയുടെ ഗ്രന്ഥപ്പുര..
പുസ്തകം വായിച്ചു മടക്കുമ്പോൾ എന്റെ മനസ്സിൽ ഒരു നീറലോടെ തെളിയുന്നത്,
കാണാമറയത്തിരിക്കുന്ന അമുദയുടെ മുഖമാണ്...

[Dr. Charu Panicker · Rating 3 out of 5]

നീലകണ്ഠൻ പരമാര എന്ന എഴുത്തുകാരന്റെ പൂർത്തിയാക്കാത്ത വിഷാദത്തിന്റെ ശരീരഘടന എന്ന പുസ്തകത്തെ അന്വേഷിച്ചുകൊണ്ട് അലിയും കൂട്ടുകാരൻ അഭിയും മറയൂരിലുള്ള സൂസന്നയുടെ വീട്ടിൽ എത്തുന്നതോടെയാണ് കഥ ആരംഭിക്കുന്നത്. അവിടെ നിന്നാണ് അസാധാരണമായ കുറെയധികം സൗഹൃദങ്ങൾ അലിക്ക് കിട്ടുന്നത്. ജീവിതത്തിൽ കണ്ടുമുട്ടിയ ചിലയാളുകൾ അലിയെ എങ്ങനെയൊക്കെ സ്വാധീനിച്ചെന്ന് പറയുന്നതിനോടൊപ്പം വളരെയധികം പുസ്തകങ്ങളെയും എഴുത്തുകാരെയും പരിചയപ്പെടുത്തുന്നു. ചിലയിടങ്ങളിൽ എല്ലാം പുസ്തക ഭ്രാന്തുള്ള ആളുകൾ തമ്മിലുള്ള സംഭാഷണമായും അനുഭവപ്പെടുന്നു. ഈ നോവലിനുള്ളിൽ ഉറങ്ങുന്ന നിരവധി പുസ്തകങ്ങളുണ്ട്. അവയെല്ലാം തേടിപ്പിടിച്ച് വായിക്കാൻ വായനക്കാരെ പ്രേരിപ്പിക്കുന്നു. പുസ്തകങ്ങളെ കുറിച്ച് ഒരു പുസ്തകം എന്ന തലക്കെട്ടാവും ഇതിന് കൂടുതൽ യോജിക്കുക. കുറെ പുസ്തകങ്ങൾ പരിചയപ്പെടുത്തുക എന്നതല്ലാതെ വേറൊന്നും ഇതിലില്ലാ എന്ന് ചില വായനക്കാർക്ക് അനുഭവപ്പെടാം.

[Tez Treesa Joseph · Rating 3 out of 5]

കാണാതായ ഒരു കൈയെഴുത്തുപ്രതി തേടിയുള്ള യാത്രയിലൂടെയാണ് കഥ വികസിക്കുന്നതെങ്കിലും, അത് യഥാർത്ഥത്തിൽ വായനക്കാരെ കൊണ്ടുപോകുന്നത് ലോകസാഹിത്യത്തിന്റെ വിശാലമായ ആഴങ്ങളിലേക്കാണ്. സൂസന്ന എന്ന നിഗൂഢത നിറഞ്ഞ കഥാപാത്രവും അവളുടെ അമൂല്യമായ പുസ്തകശേഖരവും നോവലിലെ പ്രധാന ആകർഷണങ്ങളാണ്. ഓരോ അധ്യായത്തിലും ലോകപ്രശസ്തരായ എഴുത്തുകാരെയും അവരുടെ കൃതികളെയും കഥയുടെ ഭാഗമായി കൊണ്ടുവരുന്നതിലൂടെ, വായനയുടെ ഒരു വലിയ ലോകം തന്നെ നോവലിസ്റ്റ് നമുക്ക് മുന്നിൽ തുറന്നുതരുന്നു.

[Smitha · Rating 3 out of 5]

More than the story, you will have to talk about the numerous literary references mentioned throughout this book. The story starts with Ali and his friend Abhi ending up at Susanna's home at Marayur in search of an unpublished literary work of Neelakandan Paramara. The many different characters Ali meet through this journey and how they influence him forms the basic storyline.

[Noushi · Rating 5 out of 5]

One of the few books that I am gonna revisit until my death.

[Jestin Bose · Rating 5 out of 5]

Smooth

[Stephen Jose · Rating 4 out of 5]

അലിയുടെ യാത്രകള്‍, കണ്ടുമുട്ടുന്ന പുതിയ ആളുകള്‍, പുതിയ ഭൂപ്രദേശങ്ങള്‍, ഗ്രന്ഥപുരയില്‍ നിന്നും കണ്ടെത്താന്‍ കൊതിക്കുന്ന പുസ്തകങ്ങള്‍ എന്നിവ കൊണ്ട് സമൃദമാണ്.