أرض الخيال

by ميشيل حنا

ربما يعود تاريخ أول شخصية خيالية يفكّر فيها البشر إلى عدة آلاف من السنين، حين كان إنسان الكهف يرسم على جدران الكهوف الداخلية وهو مختبيء من الوحوش التي تنتظره بالخارج. رسم إنسان الكهف نفسه وهو ينتصر على الوحوش ويهزمها. رسم بطلا يشبهه لكنه أقوى وأذكى وأشجع. قتل البطل الوحوش فصار هناك عالم أفضل من ذلك الموجود بالخارج.
كان الإنسان دوما في حاجة إلى بطل.

في هذا الكتاب سنطير في سماء ميتروبوليس مع سوبرمان، ونتأرجح بين ناطحات سحاب نيويورك مع سبايدرمان. ومع باتمان سنطارد المجرمين في ليل جوثام، وننقذ زيتونة مع بوباي. سندافع عن الأرض مع جريندايزر، ونجمع البوكيمون مع آش، ونسرق الماسة الزرقاء مع لوبين، ثم نقبض عليه مع هولمز، ونحرس خزانة الذهب مع عم دهب وابن أخيه بطوط. سنضرب رجال المخابرات المعادية بأطرافنا الأربعة في وقت واحد مع أدهم صبري، ونحل ألغاز عالم ما وراء الطبيعة مع العجوز رفعت اسماعيل. لكن ستظل هناك الكثير من الألغاز بانتظارنا مع المتحري الذكي كونان.

368 pages, Unknown Binding

First published January 1, 2013

Reviews

[Nadia · Rating 3 out of 5]

موسوعة تقدم أهم الشخصيات الخيالية التي أثرت في وجداننا كسوبرمان و باتمان و ميكي و أدهم صبري و غريندايزر و كابتن ماجد و رفعت اسماعيل و آخرين.

[Ahmad Al-eskafi · Rating 4 out of 5]

استمتعت بالكتاب بشكل جدا كبير
نقلني الكتاب الى عالم الطفولة الجميلة واعاد ذكرياتي الاولى بالقراءة وافلام الكرتون القديم .
لمن يحب او يرغب في معرفة عالم الشخصيات الخيالية من افلام كرتون او قصص مصورة فعليه بهذا الكتاب .
قد يكون الكتاب لايحوي قيمة علمية او فكرية لكنه ممتع كثيرا وسعدت بقرائته

[محمد على عطية · Rating 3 out of 5]

كتاب لطيف يجمع نُبَذ عن أهم الشخصيات الخيالية وتاريخ صنعها والتعريف بصانعيها من واقع كتب الكوميكس وروايات الفانتازيا وأفلام الكارتون، ويجمع الشخصيات الأمريكية، والأوروبية، واليابانية، والعربية

[Tamer · Rating 5 out of 5]

يااااااه
فكرتنا بأيام الطفولة والسعادة بجد
فعلا كتاب فوق الممتاز واتمنى اقراه مرة تانية وتالته ورابعة
ليت الشباب يعود يوما فأخبره بما فعل المشيب بي

[Mina Habib · Rating 3 out of 5]

* لما نبص علي الكتاب ده نقدر نعتبره كتالوج أو مرجع لأشهر الكتب المصورة حول العالم، و ده لأن الكتاب تعرض لأشهر الأعمال المصورة في أمريكا و في أوروبا و في اليابان و حتي في الوطن العربي. و لكن في الوقت نفسه نقدر نقول إن هو أتكلم عن الأشهر مش عن الكل.

* كان فيه حالة خاصة بالنسبة للجزء اللي اتكلم فيه عن الرسوم المصورة في أمريكا و ده لأنه اتكلم عنه بتفاصيل كتير مقارنة بباقي الأقسام خاصة إن هو قسم الجزء و اتكلم عن كل شركة كبيرة و انتاجتها زي مارفل و دي سي و ديزني و بعد كده اتكلم عن أشهر الأعمال اللي مش بتقع تحت مظلة الشركات الكبيرة دي. في حين إن باقي الأقسام اتكلم فيها عن الأعمال المشهورة فقط من غير ما يصنفهم تبع الشركات اللي ابتكرتهم أو اللي بتمتلك حقوقهم في الوقت الراهن.

* في بعض القصص أو السلاسل، هنلاقي إن الكاتب بيرجع لما قبل الأعمال المصورة و المرسومة علشان بوصل للحظة البداية بتاعت السلسلة و اللي بنلاقيها بترجع لقصص سردية مكتوبة من غير رسومات أو صور. و أعتقد إن ده ممكن يتنافي شوية مع المفهوم الرئيسي و الخط الرئيسي اللي الكاتب حطه من أول الكتاب علشان يمشي عليه، و هو إنه بيقدملنا كتالوج أو مرجع لأشهر القصص المصورة و المرسومة. و أشهر الأعمال اللي بتوضح النقطة دي، شيرلوك هولمز، أرسين لوبين، روبين هود، وأليس في بلاد العجائب.

* بالرغم من حجم الكتاب و إن الكاتب اهتم بإن هو يحط تفاصيل كتير عن كل عمل، حاجات متعلقة بتاريخ الحقوق بتاعته و كانت مع مين و بعدين بقيت مع مين، و كمان اهتم بإنه يذكر الأعمال المرئية و المسموعة سواء بالرسوم أو بالأشخاص، و بردو ذكر بعض المعلومات عن الإشاعات اللي كانت بتتردد حوالين بعض الأعمال، إلا إنه ماحطش كل حاجة و أهمل حاجات واضحة جداً زي مثلاً الحلقة الأخيرة من المسلسل التلفزيوني اللي اتعمل لكابتن ماجد أو كابتن تسوباسا و اللي بيقال إنها اتعرضت مرة واحدة فقط في اليابان و بعد كده اتمنعت من العرض، و الكاتب لما يأتي علي ذكرها و لا وضح إذا كانت إشاعة ولا حقيقة.

* فيه أعمال كتير كان مفاجئ و صادم بالنسبة لي إنها بالأساس أعمال مصورة زي زورو و إنديانا جونز، و لكن في نفس الوقت كنت بتسائل عن أعمال تانية المفروض إنها مشهورة و لم يتم ذكرها زي هانتر× هانتر أو اللي بيتقال عليه الصياد، و clash of titans، و كمان death note. و للصراحة أنا ماعرفش الأعمال دي مجرد رسوم متحركة ولا مبنية علي قصص مصورة.

* بالرغم من كمية الأعمال الكبيرة اللي الكاتب ذكرها في الكتاب بتاعه إلا إن هو أغفل واحد من أهم الأعمال في فترة أواخر السبعينيات و أوائل الثمانينيات و اللي يعتبر العمل المصري (علي حد معلوماتي) بالكامل، و هو سلسلة فلاش، و اللي يصادف إن يتم تحويلها لمسلسل رسوم متحركة تلفزيوني في آخر موسمين رمضانين متتاليين. مش عارف هل ده سقط سهواً و لا الكاتب مش شايف إن فلاش كان بالنجاح و التأثير الكافي لكي يشق طريقة إلي هذه القائمة و هذا الكتاب

* في النهاية محاولة جيدة جداً من الكاتب و مبذول فيها مجهود بحثي كبير، يستاهل الإشادة به.

[أحمد الكيلانى · Rating 5 out of 5]

كتاب موسوعى عن كل الشخصيات الكارتونية والخيالية الأجنبية والعربية وطبعا المصرية، مجهود كبير من المؤلف

[بوعلي احمد]

من وين اقدر اشتري مثله جرير مكو