المسافر

ثلاثية المُسافر #1

by إسلام عماد

أولى روايات الشاب "إسلام عماد"....و الجزء الاول من ثلاثية المسافر...
------------------


أدهم عبد الرحمن..يتوفى جده و يترك له صندوقاً مغلقاً, فأى سر يحتويه هذا الصندوق ؟

و إلى أى مدى يمكن لما سيكتشفه فى ذلك الصندوق ان يغير من حياته ؟

إنها رحلة فى ذكريات الماضى لن يصبح الحاضر بعدها كما كان..

-------------------

189 pages, Paperback

First published January 1, 2014

About the author

كاتب ومترجم مصري شاب مواليد 1993، مهتم بعوالم الكومكس وقصص الخيال، له من الكتب المنشورة ورقيًا:
1- ثلاثية روائية بعنوان "المسافر" في الأعوام 2014-2016- 2017 مع دار أكتب، وصدرت منها طبعة جديدة في 2024 مع دار ن.
2- ترجمة كتاب لافكرافت "أدب رعب ما وراء الطبيعة" عن دار "دارك" في 2021
3- ترجمة كومكس DC الأصلية لـ"باتمان:فارس الأرض الأخير Batman: Last Knight on Earth" عن دار "عصير الكتب" في 2021
4- ترجمة الأجزاء الثمانية الأولى من سلسلة "آخر أطفال على وجه الأرض" عن دار "أرجوحة" في 2023
5- ترجمة كتابيّ "افعله اليوم Do it today" و"الطريق نحو عادات أفضل The road to better habits" من تأليف داريوس فورو، صادر عن دار "آفاق" الكويتية للنشر في 2024
6- ترجمة روايتيّ "لون السحر Color of Magic" و"مورت Mort" التابعتين لسلسلة عالم القرص Discworld من تأليف تيري براتشيت، صدر عن دار "عصير الكتب" في 2025
7- كتاب "سوبرسايكولوجي" عن علاقة علم النفس بالأبطال الخارقين، صدر عن دار"ن" في 2025

أما كتاباته المنشورة على الإنترنت عن الكومكس فهي:
رحلتي من الذات إلى البات- 2019
اقرأ مارفل الآن- 2019
اقرأ دي سي الآن – 2019
DC Vs. Marvel -2019
الأساطير والكومكس -2020
أنا بطل خارق- 2020
حدث في هذا اليوم- 2020
اقرأ باتمان الآن - 2020
اقرأ ساندمان الآن- 2021
اقرأ سبايدرمان الآن -2021
MCU Eastereggs -2021
هكذا تكلم سنايدر- 2021
دليل أمثال السوبرهيروز- 2021
دليل الكوميك فان لكتابة القصص الآن- 2021
فرص ضائعة: ما لم نره في أفلام مارفل 2023

روايات الكومكس المنشورة على الإنترنت:
لعنة الكيان الرمادي- 2017
أخر أيام جوثام- 2019
جوثاركازم- 2020
ريشة الوطواط- 2022


لتحميل وقراءة الأعمال المنشورة على النت
https://drive.google.com/drive/u/0/fo...

أو على قناة التليجرام SoLoMics
https://t.me/solomics

للتواصل وإبداء الرأي
https://www.goodreads.com/author/show...

Reviews

[Mohamed Fawzy · Rating 3 out of 5]

رواية خفيفة لطيفة ...
السفر عبر الزمن وما يحمله من متعة وغموض
أمتعتني الرواية كثيراً في فصولها الأولي
مع البطل وحبيبته ومجتمعه بكل ما يحويه شعرت أنه قريب مني كثيراً
وشعرت بصدق المشاعر الإنفعالات والأحداث
بدأ الغموض مع وفاة الجد
انتقل الغموض لنصل إلي فكرة الرواية وهو السفر عبر الزمن
لكن وهنا أحببت لو
كان السفر إلي مكان واحد وليس لأكثر من مكان في رواية تحمل هذا العدد البسيط من الصفحات
تمنيت لو كان السفر إلي أماكن غامضة بعيداً عن الربط بالتاريخ سواء كان هتلر أو الحجاج بن يوسف
محاولة جميلة وأطيب الأمنيات بالتوفيق فيما هو قادم

[إسلام عماد · Rating 4 out of 5]

منذ صغرى و القراءة عشقى الأول...إحساس لا يضاهى..و كأنك قد ملكت العالم بين دفتى الكتاب

بعد كثير من القراءة...تصل عند نقطة معينة, تتشبع فيها نفسك بما قرأت و تبحث عن منفذ لكل ذلك التشبع..حينذاك فى الغالب يأتى شعور الكتابة..

ربما امتلك تلك الموهبة...و ربما لا..انا نفسى لا اعلم...لكنى اعلم انى اريد كتابة ما بداخلى..و هذا ما فعلته..

لذلك اعلن رضائى التام عن تلك الخطوة الاولى...و لنر ما هى الخطوة الثانية

[Sara · Rating 2 out of 5]

السفر غبر الزمكان ، موضوع شيق ومثير أدبيًا و سينمائيًا جدًا من قرون تقريبًا ، من أول ما كتب عنه جول فيرن و هربرت جورج ويلز و ستفين باكستر و غيرهم الكثير .
علي الرغم تطور الكتابة و الفيزياء و شكل الحياة تمامًا إلا أن ابتكار الآدب ناحية السفر عبر الزمن توقف عند ما كتابته ويلز و فيرن ، و علي الرغم من واقعية فيرن إلا أن حظت رواية ويلز بالأساس لكل أفكار الكتب و الأفلام و الدراما ، السفر عبر الزمن يتم من خلال آلة مُحددة لزمن مُحددة و من ممرات كونية دودية و لا يجب تغير أي شيء في الزمن بسبب تأثير الفراشة أي تراكم آثاره و تغيره لمجرى الزمن .
هذا ثابت و كل ما يدور حول هذا اللُب يتغير ، يتداخل التاريخ و الأحداث و غرض القصة و أهدافها بينما الأساس الثابت .

المسافر ألتزم تمامًا بقوانين ويلز و اجتهد في شرح معلومات فيزيائية لا أستطيع الجزم بدقتها إلا أن معظمهم صحيح ، و انتقلا سريعًا منها للتاريخ و هو أساس فكرة الانتقال غبر الزمكان لرؤية حضارات قديمة و معايشة أحداث تاريخية هامة ، و هو ما تمسك به الكاتب أيضًا في تقليدية و عدم ابتكار زاوية مختلفة للفكرة .

- اسرد كان جيد ، ليس مُميز لكنه ليس سيئ نسيبًا ، ألا تقريبًا الخمسون صفحة الأولى يمكن بسهولة الاستغناء عنهم ، فشخصية آدهم بل كل الشخصيات في الرواية تلتزم بالمثالية الأدبية ، و هي الأبعاد المثالية السينمائية لأي شخصية و التي لا تتسم بالواقعية بل أقرب لشخصية كرتونية مصرية !
- الجزء الألماني لم يظهر أي شيء من ألمانيا أو تاريخها أو أحداث غير معروفة من فترة هلتر ، بل وصف مشهد هلتر كان بسيط
- زمان الحجاج كان اكثر إيضاح ، وصف الفترة الزمانية و القوانين و شكل المدن و أنواع التجارة و شكلها و المدينة
- تويست لقاء جدته و ذهابه إليه كان جيد لكن فاق منطقية حدوثه ، رجل تعدي السبعون تقريبًا يتعرض للتعذيب ليومين ثم يكون قادرًا علي ركوب جواد في صحراء العراق !!

الفكرة جيدة رغم أنها ليست مبتكرة ، أكثر المساوئ فيها هما شخصية أدهم و أروي و مثاليتهما الكرتونية في تصوير شخصيتهما !! ، كنت أرغب في وجودهم ملموسين أكثر كشخصيات حقيقية ، كما لم أفهم سبب عدم زيارة أدهم بعد أن صار " شحط" معتمد علي عمله ! .
كان هناك كثير من النقاط المُتجاهلة للوصول لفقرة السفر عبر الزمن كما كان وجود الكثير من الفصول الأولية التي شابها الملل لكثرة تفاصيلها الغير شيقة .
لكن الفصول الأخير جاءت مسلية و علي قدر لا بأس به من المعلومات التاريخية و هي ما ستجعلني اقرأ الكتاب الثاني من الثلاثية .

[Amira Sayed · Rating 4 out of 5]

الرواية فعلا كانت مفاجأة كبيرة ليا .. اللي هو انت متأكد انها اول حاجه تكتبها :D

بصراحه لما شوفتها صغيرة وعرفت انها اول حاجه تكتبها قولت انها هتكون زي معظم الروايات بتاعة الايام دي بتخلص بسرعه واحداث وخلاص يعني اللى هو هقراها للتسلية مش اكتر ..
بس فعلا رغم ان الرواية صغبرة وانها اول حاجه تكتبها كانت فظيعه فعلا :D
وان دل فيدل على دراسة منك وثقافة كبيرة

معرفتش اخلصها من قاعدة واحده فيها كم من المعلومات فعلا كبير بالنسبة لحجمها ودي حاجه حلوة جدا انك قدرت توصل المعلومات دي بطريقة سهلة جدا وخليتني بصراحه عندي فضول اقرا شوية عنهم خصوصا اني حاليا بحاول اغير نوع الكتب اللى بقراها

الاسلوب كان رائع جدا ماعدا الاستطراد الكبير اللى فالاول لحاجات كان ممكن تتلخص شوية :D
وميمنعش تراجع ادوات جزم المضارع :D

لما خلصت الرواية اتضايقت اووووي اني خلصتها وفضلت بتاع دقيقتين كدا ماسكاها شوية متضايقة ومش مستوعبة انها خلصت وخصوصا اني لسة مجبتش الجزء التاني ..

متأكدة ان الجزء التاني هيكن احلى كتيييييير باذن الله لان البداية دايما بتكون اقل حاجه وبما ان البداية كانت قوية كدا فمتوقعه حاجه كبيرة جدا من الجزء التاني وتطور اكبر :D

بجد فخورة ان عندنا فالكلية حد بيقدر يكتب كدا :D

[Walid S. el-feky · Rating 4 out of 5]

عندما فتحت الرواية لاخذ فكرة عنها واقرا منها بضع صفحات لم اشعر بنفسي الا وقد انهيت ستة فصول كاملة ....
انه السرد يا سادة ... اسلوب مميز جدا فى السرد وبداية خفيفة مميزة غير مملة مع استخدام لغة جيدة
قلائل من وجدت بداية روايتهم غير مملة رغم زيادة شدة الاثارة فى الاحداث مع الوقت لكن اسلام عماد كاتب هذه الرواية حافظ على مستوى التشويق ولم يهبط به ... رغم زيادته فى الوصف فى أكثر من موضع ( وهذا ما أعيبه عليه فى هذا العمل ) .... الا اننى لم اشعر بالملل لحظة ....
اما بالنسبة لفمرة الرواية فقد مزج الخيال العلمى بالمغامرة ببعض الاحداث التاريخية فى مزيج فريد جعلنى أشعر بالحزن عند انتهائي من الرواية .... ولكنى وجدت العزاء فى انها الاولى من ثلاثية اتوقع انها ستكون مميزة جدا ...
ولن اتنازل عن مستوى اقل من هذا بل ارغب فى ان يعمل الكاتب على تطوير وتحسين كتاباته حتى استمع بدرجة أكبر بقراءة أعماله ....
انتظر الجزء الثانى فى لهفة
تقييمى للرواية 4 من 5

[Fadia Tarek · Rating 5 out of 5]

تعديل:
القراءة الثانية للرواية و سأظل محتفظة بنفس التقييم... و اليوم بعد كل هذه السنوات سأستكمل الثلاثية و أخيراً ❤️

علشان كده كنت بأؤجل قرائتها من أول ما اتبعتتلى الرواية! !! علشان متأكدة إنى مش هأقدر أصبر لحد ما الجزأين الباقيين ينزلوا !!!
عن سرد المبدع إسﻻم عماد .... و عن المعلومات اللى القارئ بيخرج بيها من الرواية ...
عن رواية وصلتلى من صديق مشترك بينى و بين الكاتب أول ما الرواية اتنشرت تقريباً .... بيقولى إنها رائعة تستحق القراءة ... و عن رأى أصحابى أما قرأوها قبلى و منتظرين باقى اﻷجزاء على أحر من الجمر ....
إسﻻم عماد كاتب ﻻ تمل من كتابه .... لذلك من وجهة نظري المتواضعة .... أتنبأله بمستقبل عظيم فى الكتابة و اﻷدب ...
" و ما الحياة إلا رحلة ... كلنا فيها مسافر "
أرجوك نزل الجزأ التانى قريب ^_^

[Ahmad Soudi · Rating 5 out of 5]

بص بقى .. مبدأيا أنا مديك أقل من حقك بالخمس نجوم دول :) لسة مخلص الرواية دلوقتي و مستني الجزء التاني على أحر من الجمر إن شاء الله ..

أولا الرواية واقعية جدا و بتعيشنا في أكثر من عالم في وقت واحد .. و غير كدة انا سافرت معاك!

اللغة قريبة جدا من اللي بيقراها و احداث البطل مع خطيبته فكرتني بأيام الخطوبة الأولى لينا أنا و خطيبتي

مفيش اي نوع من المبالغة اللي معظم الكتاب بيستخدموها لفرض احداث و مناظر تعد من قبيل الخيال (زي الحاجات المبهجة أوي اللي بيحطوها أو عدم تمثيل الحزن بصورة اوقع و استخدام الاستعارات المكنية بصورة غثيانية)

أنت مبهر يا إسلام و ربنا يبارك فيك

[Arb Ysf · Rating 5 out of 5]

جميلة من ناحية فزيائية

[Akram · Rating 4 out of 5]

رواية حلوة لمحبي الخيال العلمي ومشوقة جدآ 🤩

[Shimaa Loutfy · Rating 4 out of 5]

ممتعة جدا جدا بالنسبالي

[Emad]

الجزء الأول والثاني من أروع ما يكون اما الجزء الثالث جعلني اكره الأول والثاني😂 النهايه مره سيئه ليه موت الكل وله خليت كله حاجه سوده مش فاهم

[Waled · Rating 5 out of 5]

فجأة لابيا ولاعليا صديق عزيز
طلب منى يبعتلى روايه
لكاتب صديقه اقراها واقوله
رأيى فيها قولتله ماشى وقولت
فى عقل بالى شكلى كده
هفرها فى ربع ساعه وهتطلع
روايه اى كلام وساعتها
مش هتردد انى ابلغه برأيى
بمنتهى الامانه والوضوح
ويحصل اللى يحصل ..
فتحت الملف وبدأت اقرا
مادريتش بنفسى الا وانا فى
نص الروايه .
لاقتنى قدام نص روائى قوى
جدا وكاتب واعد واثق من
نفسه وواخد التجربه بجديه
مش بدلع ولااستسهال
خلونى الاول بس اقدملكوا
نبذه موجزه عن الروايه
وهرجع تانى اكمل كلامى
عن الكاتب وجوانب ابداعه
للعمل ..
-----------------------
روايه " المسافر " للكاتب
الشاب "اسلام عماد " صدرت
عن دار اكتب وهى اول جزء فى ثلاثيه تنتمى الى
أدب الخيال العلمى وتتناول
فكرة السفر فى الزمن
إلى الماضى والانتقال من
المكان والزمان الحاضر الى
امكنة وازمنه ماضيه
عن طريق عمليات
فيزيا ئيه معقده ..
لم يتوقف الشغف بتلك الفكره
الخياليه عند تجارب العلماء
فحسب
بل تخطت عتبات معاملهم وظلت
ملهمة لكثير من الادباء
ممن قدموها فى سلاسل
روايات الجيب وقدمها مؤخرا
الكاتب " ثروت الخرباوى "
فى روايه " زمكان " وبطبيعه
الحال امتد هذا الشغف
الى السينما ايضا سواء العربيه
او الهوليووديه منها على
سبيل المثال
عربيا فيلم " الرقص مع الشيطان " للنجم الكبير نورالشريف
واجنبيا فيلم
'العوده الى المستقبل "
ومؤخرا فيلم "interstellar"
وان كنت للامانه لم أشاهده
حتى الآن لكنى قرأت
أراء كثيره ممن شاهدوه
واعتقد انه تناول الفكره
بشكل او بآخر وهوماضاعف
رغبتى فى ان اشاهد
هذا الفيلم رغم انى لا أميل
الى الافلام الاجنبية كثيرا ..
تدور أحداث الروايه عن
"أدهم عبدالرحمن " شاب
مصرى فى اواخرالثلاثين
من عمره يتيم ابويه وتربى
فى كنف ورعايه جده حتى
اصر العم على ضمه الى ان
صارشابا عمل باحدالمحطات
الأذاعية واستقل بحياته
حتى أتاه نبأ وفاه جده
العالم الفيزيائى وشديد
الولع بالتاريخ
والذى كانا شديدى التعلق
ببعضهما ليترك الجد لحفيده
أدهم إرثا من التجارب العلميه
المثيرة حول السفر فى الزمن
الى الماضى عبرنقطة التقاء
ما بين الزمان والمكان
تسمى ب " الزمكان " يتم
تحديدها بحسابات ومعادلات
فيزيائيه دقيقه ومعقده
ومادفع الجد التفكير فى
تلك الوسيله ولعه الشديد
بالتاريخ والبحث فى صحيح
وقائعه وشخوصه بعيدا
عن تحريره المزيف .
رحله شيقه مثيره يخوضها
أدهم عبدالرحمن
عبر ممرات الزمن
وصدامات جنونيه بين الحاضر
والتاريخ الماضى لن يحسمها
كلمه " تمت " او " نهايه "
فهى ممتددة حتى أجزاء
آخرى مكمله وربما لن تحسم
أبدا حتى بانتهاء العمل بالكامل
أحببت شخصيه أدهم فالكاتب
جعل منه نموذج يحتذى به فى
سلوكه خلقا ودينا فكانت
الشجاعة والنخوة والمروءة
احدى سمات حسن تربيته
وبيئته الطيبه
"اسلام عماد " انتبهوا جيدا
لهذا الأسم وضعوا تحته
مئات الخطوط وضعوا عمله
فى حسابات قرآتكم
فهو كاتب مزهل بحق
على حداثه لحاقه بركب
الأدب الاحترافى
خطفنى داخل
روايته بسرده الساحر وبراعه
تمكنه من فنيات الكتابه
ومفردات اللغه .
عنايه فائقه فى بناء القصه
وإداره أزمانها المختلفه
وشخوصها ببراعه
بالاضافه الى التوظيف
الجيد والواعى لكم المعلومات
العلميه والتاريخيه والذى جاء
بصوره سلسه وغير
تقريريه عبرمشاهدحواريه
طبيعيه جرت بين الشخصيات .
كل هذا يجعلك تخال أنك
أمام أديب ذو باع طويل
فى الأدب الروائى وقدم مئات
الاعمال من قبل وتنسى
تماما أنك أمام أول عمل
روائى لكاتب شاب .
أخيرا .. "المسافر " رحله
روائيه خوضتها باستمتاع
وفى انتظار اجزاءها المكمله
بشغف .
وكلمه اهمس بها فى أذن
الكاتب .
ضربه البدايه وان جاءت قويه
وموفقه الى حد كبير فلا زال
الطريق طويلا وشاقا ليس
مفروشا بالورود
فالابقاء على النجاح
أصعب من الوصول اليه
لكنك تستطيع واكثر
أحسنت فابدعت فامتعت
وسلم قلمك مادمت مبدعا

[محمد فؤاد · Rating 4 out of 5]

"المُسافر"
الجزء الأول من ثلاثية المسافر

الرواية بتتكلم عن شاب بيعمل في محطة اذاعة وتلفزيون ، ووصلو خبر وفاة جدو ومن بعد مماتو الجد سابلو سر يكتشفو بنفسو وكان السر ده آلة الزمن.

ده باختصار شديد جداً فكرة الرواية..

وخلوني اقول ان فكرة السفر عبر الزمن وصناعة آلة زمن ياما كان ليها أفكار كتير اوي في اعمال ادبية من القرن الماضي واعمال سينمائية ومعظمهم بيبقوا شبه بعض لكن للعدل والانصاف في رواية المسافر انكسرت التقليدية دي شوية ، مش بشكل كلي برضو لكن بنسبة معقولة الفكرة مش اتهرست كتير اوي في كتب او افلام وده اللي بيميز الرواية بصراحة وخصوصا انها ثلاثية كمان يعني لسه فيه افكار كتير عند الكاتب هيخرجها للنور في المستقبل القريب ، وفي النقطة دي انا بحييه بصراحة لكسر معظم الأجواء التقليدية في عمل يخص سفر عبر الزمن اللي عشان يتعمل فكرة رواية او فيلم مشابه دلوقتي محتاج جهد وابداع كبير جدا عشان تخرج برا المعتاد..

الإسلوب واللغة..

نيجي بقى لإسلوب الكاتب ، بحكم ان ده العمل الروائي الأول للكاتب ضروري وقوع في اكبر كم من الأخطاء ويمكن يبوظ الرواية كمان وبتحصل في اعمال كتير ، لكن في المسافر ، اسلام عماد فاجئني انو بيكتب حلو بجد واسلوبه جميل وسلس ، بس انا حاسس انو عندو اللي أحسن من كده عشان يقدموا برضو ويطوروا في اسلوبه لكن كتجربة اول عمل فاهو كان مُرضي بشكل كبير ويمكن انا مُتطلع شوية لسرد اقوى كمان من اللي اتعمل في الرواية القادمة لكن المستوى ده كان كويس جدا بحكم سن اسلام مش كبير اوي وبحكم ان ده اول عمل ، وده ان دل على شئ بيدل على وجود قارئ نهم في المقام الأول وده انا متأكد منو من كتابة اسلام وبحكم معرفتي الشخصية بيه وعارف قراءة اسلام وقد ايه هو بيقرأ كتير جدا جدا وكان واضح ده في اسلوبوا ولغته وفي مفرداتو كمان.
العيب اللي يمكن انا شايفو من اكبر اخطاء الرواية لانها اقدتلي تركيزي اكتر من مرة فالرواية وهو نوع الراوي ، الكاتب استخدم البطل في السرد ، وكان كويس جدا ماعليهوش غبار ، لكن لما ظهرت مذكرات الجد وبدأ الانتقال ليها كتير ولانها مستحوذة على الكم الأكبر فالرواية ومُستعملة بنفس نوع الراوي ، ودايما بتشتت كتير اوي كل ما البطل بيتكلم وبعدها على الجد يبدأ في الكلام من المذكرات الخاصة بيه ، حاجة من الاتنين يا اما تمشي راوي عليم والمذكرات تبقى بضمير متكلم وهو الجد ، يا اما العكس ، يفضل البطل ياكلم والمذكرات تتمول لمشاهد فعلية من حكي الراوي العليم ، في رأيي هو ده الحل.

حبكة الرواية بشكل عام كويسة والرواية فضلت ماشية كويس ومحافظة على مستواها في التشويق وربط الأحداث ، لكن مع قرب نهايتها من اول ما ادهم استعمل الساعة ورجع لزمن الحجاج وتحولت الرواية لملل كبير جدا بالنسبة لي ما خرجتش منو الا في لحظة الاعدام او تقطيع الرقاب بالسيوف على الملأ ، والنهاية جت سريعة اوي بمجرد خروج ادهم والجد وبعدها على طول قالو الكلمتين اللي اتقفلت بيها الرواية ، بصراحة هي جيدة لكن محتاجة تشويق وبطء النهاية اكتر شوية عن كده. هي دي كل ملحوظاتي في الرواية..

في الخلاصة انا استمتعت بالرواية جداً واكتشفت كاتب واعد قادم بقوة في السنين الجاية ، ومنتظر الجزء الثاني من السلسلة.

[Bassem krayem · Rating 5 out of 5]

رواية: المسافر (الجزء الأول من ثلاثية المسافر)
الكاتب: إسلام عماد
التقييم: خمس نجوم
مصدر القراءة: تطبيق أبجد
بعد أن أنهيت الأنمي الأسطوري Hunter x Hunter، جاء الوقت للعودة إلى الروايات، وكانت الافتتاحية مع المسافر، ولم تخيب أملي أبدًا، فهي تستحق بالفعل خمس نجوم.
تدور الرواية من وجهة نظر البطل، أي أن الراوي هو نفسه الشخصية الرئيسية، أدهم عبد الرحمن، وهو شاب مصري في العشرينيات من عمره تقريبًا، يعمل مذيعًا في إحدى الإذاعات المنسية غير المشهورة. حياته تسير بشكل طبيعي مثل أي شاب في عمره، لكن الأحداث المثيرة تبدأ عندما يتصل به محامي جده، السيد عبد الله، ليخبره بكل أسف أن جده قد توفي، وأن عليه مقابلته لاستلام أمانة تركها له جده.
ومن هنا تبدأ المغامرة!
ما السر الذي تركه له جده؟
وما علاقته بذلك العالم الروسي الفذ؟
وما علاقة السفر عبر الزمن؟
وكيف ستتغير حياة أدهم كليًا بعد قراءته لمذكرات جده؟
كل هذا وأكثر ستكتشفونه في هذه الرواية المذهلة التي ستبهر عشاق التاريخ والفيزياء والخيال العلمي.

[Osama Yosre · Rating 5 out of 5]

المُسافر-إسلام عماد -الجزء الأول من ثلاثية المسافر
الرواية بتتكلم عن شاب بيعمل في محطة اذاعة وتلفزيون ، ووصلو خبر وفاة جدو ولكن جده ترك له صندوق عندما فتحه وجد ان جده ترك له سر السفر عبر الزمن
اسلوب الكاتب ورعه وساسعى لقراءت باقى الاجزاء وبصراحه احداث سريعه بدون مط او تطويل
الغلاف لم يعجبنى والعنوان معبر عن احداث الروايه طريقة السر رائعه تبشر بكاتب هايل يمتلك كم هائل من المعلومات عن التاريخ والزمن

[Nada · Rating 5 out of 5]

"وما الحياة إلا رحلة كلنا فيها مسافر"
وما رواية المسافر إلا ألة زمن أو ربما كبسولة زمنية (بسبب عدم علمية مصطلح ألة الزمن) تنقلنا في رحلات مشوقة عبر الأزمنة السحيقة.
بداية تحية لك علي فكرة استخدام شخصيات أغفلها العديد من الكتاب المعاصرين في عمل أدبي معاصر .. شخصيات ثرية وجدت في عصور مليئة بالأحداث المشوقةوالجديرة بالذكر.
الرواية مسلية لا تملك إلا أن تلتهمها التهاما وخاصة بعد الفصل الرابع حيث تأخذ الأحداث منحي مشوق ومثير للغاية .. فتجد نفسك كقارئ تارة تنصدم وتتفاجئ بسير الأحداث وتارة تتعلم وتتثقف أكثر تاريخيا وفيزيائيا وتارة تضحك مع الشخصيات اللتي تميزت بالواقعية.
تتميز الأحداث بحبكة درامية وقدرة علي ربط الأحداث بشكل مثير للعجب وخاصة أنك مازلت في أول طريق الكتابة مما يجعلني أرفع لك القبعة وأحييك.
وفكرة أن تستخدم الحجاج بن يوسف الثقفي ذاك اللذي اختلفت عليه الأراء ووجد في عصر ملئ بالتحركات الفكرية والسياسية لهي فكرة بديعة بحق .. وإن كنت أتمني أن تعطي تلك الفترة حقها أكثر حتي أعلم عنها المزيد.
لقد تلاعبت ببراعة خيوط الزمان والمكان في تلك القصة "الزمكان".
بداية أكثر من هائلة لك وفي انتظار باقي الأجزاء علي أحرّ من الجمر إن شاء الله مع تنبؤاتي لك بمستقبل هائل ككاتب :)))

[Mohamed Elshazly · Rating 2 out of 5]

القصة بإختصار جدا يعني
تقريبا اول ٥٠ صفحة بيتكلم فيهم المؤلف عن حياته الشخصية وبيرسم ملامح لكل شخصية في روايته بس الشيء السلبي كان في عدم الإهتمام بالتفاصيل بلإضافة انه شبه بطل الرواية بأنه عقلية طفل مثلا او شخصية كرتونية صراحة لم يجانبه التوفيق في وصف البطل في البداية
ثم أهمل بعض التفاصيل المهمه الا وان اهمها هي ان بطل الرواية خرج من بيت جده الي بيت عمه ولم يعد اليه الي عند وفاة جده وهذة الفترة تقدر ب ١٠ سنوات كان فيهم البطل شخص يعتمد علي نفسه ويكتسب رزقه بنفسه فلماذا لم يذهب ليزور جده ولو لمره ؟ والأغرب انه بعد وفاة جده اذا فجأة قرر يسكن في بيت جده القديم واتخذ قراره بذلك ضاربا الحائط بما سيقوله عمه الذي كان سبب في انه ينفصل عن جده ولا يذهب لزيارته ولو لمرة واحده خلال ١٠ سنوات
بلإضافة ان البطل كانت شخصيته ضعيفه امام خطيبتة او بلاخص امام عناد خطيبته واللي دائما تنفذ رأيها غير مهتمه بما يقوله لها وتم تبرير ذلك بأنه بيحب هذا العند منها !
بعد ال ٥٠ صفحة بتنتقل الرواية لرواية تانية فعلا فيها تشويق الي حدا ما وإن كان به بعض الأشياء الغريبه كدخول جده لاحدى قاعات فندق الماني يقام به مؤتمر لهتلر ومعه الة الزمن ولم يقم بتفتيشه أحد !

[Moustafa Feto · Rating 3 out of 5]

في ظل الفقر الطاغي للمحتوي الروائي الذي يعانية كل قارئ في المادة الأدبية المعاصرة عند الشباب -إلا من رحم ربي- استطاع "إسلام عماد" المزج بين السفرنامة أو أدب الرحلات والخيال العلمي وأحداث تاريخية -كنت اريد منها المزيد- لتصبح بين أيدينا رواية متناسقة ممتعة ترغمك علي نهم صفحاتها..

*التوظيف الجيد للغة وهيكلة الرواية المختلفة تجعلك تشعر بشخصية الكاتب المستقلة وهذا اكثر ما أعجبني في قراءتها.
*ايقاع الاحداث سريع جدا !
*هناك مشكلة في حل عقد الرواية فالحلول سهلة وقريبة مما اضعف قليلاً من الحبكة.
*لم اجد في الرواية رسم لشكل البطل ربما تركه الكاتب لخيال القارئ ولكن هناك رسم دقيق لشخصيته وهذه نقطة موفقة جداً.
*اختيار حقبة "الحجاج بن يوسف الثقفي" كان رائعاً ومتناغماً مع حبكة نهاية الرواية.
*لم تكف الرواية ابداً عن مخاطبة القارئ المثقف وكانت مليئة بالإشارة لم تكتب للقارئ الكسول.

وآخر القول أن المسافر بداية قوية جداً وعلامة علي ميلاد روائي له مستقبل ننتظر منه المزيد..
التقيم العام للرواية 3/5

[Mahmoud El-mahdy · Rating 4 out of 5]

الكتاب كفكره تنقل ف الزمن مش جديده بس الاحداث نفسها اللي وصلت للتنقل ف الزمكان دي اللي جديده و مبتكره , صعب انك تتوقع اللي جاي و لو توقعته هيطلع غلط دي حاجه ممتعه بالنسبه لي ,و الممتع اكتر النقل بين العلم البحت و التاريخ,حته انك مطول اما بتيجي تفتكر ذكريات دي ممكن تعمل ملل بس بيروح الملل ده مع تتالي الاحداث الغير متوقع , بدايه مشرفه جدا و ان شاء الله تبقى موفقه ليك و تعمل حاجه ,, مستني الجزء التاني

[Mohamed Saeed · Rating 3 out of 5]

رواية جميلة .... اعتقد ان اجزائها التانى والثالث هيبقوا اجمل بكتير من الجزء الاول ... الواية جميلة اجاد الكاتب استخدام ادواته واشخاصه كويس جداا
انا اديتها 3 نجوم وحجبت نجمتين ... نجمة علشان الغلاف معجبنيش اعتقد ان هناك افكار احسن من الغلاف ده ... والنجمة الثانية للسرحان الكتير الى بطل الرواية واقع فيه لشوشته واتمنى انه ميكونش على نفس النهج فى الاجزاء القادمة . بالتوفيق للكاتب فى الجزئين القادمين ... منتظرهم بفارغ الصبر

[Menna Omar]

روايه حلوه جدا جدا ما شاء الله و اسلوب الكتابه حلو و سلس و مش مجرد قصه و خلاص لا فى معلومات تاريخيه و علميه و احداث متتداخله و شقلباظات و كل ما الواحد فعلا يتوقع حاجه متحصلش دى حاجه عجبتنى جدااااا ف بجد مستنيا الجزء التانى عشان اعرف الى هيحصل ... ربنا يكرمك يا اسلام ان شاء الله ف الجاى و ان شاء الله و الف الف مبرووك :D

[د.أحمد حسن · Rating 4 out of 5]

رواية رائعة للروائي الشاب إسلام عماد .. والأروع أنها روايته الأولى ومع ذلك يمتلك أسلوب ومفردات وحبكة وعلاوة على ذلك فإنه اجتهد على عمله الروائي كي يخرج في هذه الصورة الشيقة، وقد أضاف لي كثير من المعلومات العلمية وكذلك التاريخية، وفي انتظار الجزء الثاني لنستكمل مع الروائي المُبدع حكاياته الجميلة .. بالتوفيق يا مُبدع

[Arwa Ebeid]

الرواية ثرية بالمعلومات والتشويق متخيلتش خالص نهايتها بالشكل
الرواية بتتكلم عن آله السفر للزمكان من خلال ادم شاب يتيم الأبوين
احداثها بالرغم من انها مليانة تفاصيل الا انها خفيفة
لغتها وسردها جميل جدا
تقييمها 7 / 10

[Mario Ayad · Rating 5 out of 5]

أنا مش هقولك Review هنا احنا لينا قعده مع بعض ,
أنا هنا هقولك ألف مبروك لما أول عمل طلع بالشكل ده الجاي هيطلع ازاي :D ؟

ربنا يوفقك يا سولوم يا صديقي العزيز :)

[Hadeeя Iнab · Rating 5 out of 5]

بقالي كتير اوي مقرتش رواية مشوقة لدرجة اني مسبهاش غير لما اخلصها !!
الرواية حلوة وفكرة دمج الخيال والتاريخ عجباني جدا ! :D
و متشوقة اقرا الجزء التاني ان شاء الله ..

بالتوفيق دايما يا إسلام ^_^

[Doaa · Rating 3 out of 5]

احسنت يا اسلام، عمل عظيم يا صديقي :)

[Ashraf Thabet Esmaeel · Rating 3 out of 5]

رواية جيدة لكاتب واعد انتظر منه الأفضل دائما ..

[Esraa Mohamed · Rating 4 out of 5]

كم المعلومات اللي ف الروايه عظيم..
بالتوفيق ف الجزء التاني

[ياسمين صلاح · Rating 5 out of 5]

الروايه من اجمل ماقرات من حيث الأسلوب والصياغه بها كل عناصر النجاح من تشويق وجذب القارئ

[Viprin · Rating 5 out of 5]

Very nice