جنة القراصنة
🔹️دار النشر : عصير الكتب
🔹️عدد الصفحات: 191
🔹️ التقييم الشخصي : 4/5
بطل العمل سليمان فجاة بيلاقي نفسه في بلد عربية و بيواجه صعوبة في التأقلم و تكوين صداقات جديده و بيتعرض للضرب و التنمر في المدرسة
فبيلاقي نفسه بتجيله هديه جهاز كمبيوتر و بيدا يكتشف عالم جديد عليه.
قراءة العمل رجعتني شوية ذكريات عن المنتديات بس خلينا متفقين ان اللعبة الحلوة الكل بيشجعها ، و انا في العمل ده هشجع الفكرة الحلوة.
اه العمل فيه ملاحظات هقولها الا ان الفكرة اللي هي اساس العمل حلوة.
نيجي للملاحظات اللي انا شايفها سلبيات ⚠️⚠️
و لو حد مش عاوز حرق للاحداث يوقف قراءة
- فكرة ان سليمان اللي بيدرس الكمبيوتر و مش عارف يعني ايه بيتكوين غريبه شويه و مش منطقية .
-فكره ان معندوش فكره عن لغات البرمجه غريبه شويه لاني مفروض بدافع الشغف يبقي عارف حتي لانه من و هو صغير حب العالم ده .
-فكره ان اسم المستخدم و الموقع هو هو بعد كل السنين دي صعب شويه اصدقها .
- الصدفه ان سليمان يقع مع نفس الشخص اللي طلع دمر بلاك جار برده صدفه غريبه .
- موقف الشركه كنا مفروض نعرف ايه حصل بعد ما تم الاختراق ليها .
- شخصيه زي جار ده كان مفروض و هو بيعمل تأمين علي لقاء سليمان و خصوصا انه قاله هي مره واحده بس هنتقابل كان اكيد هو او حد من فريقه مخترق تليفون سليمان و يعرف انه بيجهز لكمين له .
- الرواية كان ممكن تروح في حته تانيه لو شلنا الجزء النفسي اللي اتعرض له سليمان.
- للاسف اختيار بعض الكلمات من الكاتب كانت اقرب للعاميه مش الفصحي - للاسف حسيت في بعض الاوقات اني الزمن في الرواية غير متناسق مع مرور مدد زمنية كبيرة .