ستي قالتلي

by نسمة مدحت

المثل بيقول «أعز الوِلد وِلد الوِلد» وعشان كده جداتنا دايمًا ليهم أكبر تأثير في حياة كل واحد فينا، مش بس كانوا بياخدوا بالهم من أكلنا وكل ما جدتك تشوفك تأكلك عشان على كلامها «انت خاسس أوي ومابتاكلش كويس» لكن كمان هما خلوا حياتنا مختلفة بحواديتهم وحكاياتهم والأشهر أمثالهم. مع كل موقف أو حاجة عايزة توصلهالك تديك مثل شعبي … كلمتين بيلخصولك حكمة عظيمة بشكل عجيب، وطبعًا معظمنا معرِفش قيمة الأمثال دي أو معانيها غير لما كبر … ولأن في ثقافتنا المصرية والعربية في أماكن كتير بيتقال للجدة «سِتِّي»، فجمَّعت لكم في كتاب «سِتِّي قالتلي» أمثال كتيرة جدًّا مصرية وعربية بشَرْحَها البسيط والمواقف اللي مناسب تتقال فيها. أمثال موجودة في تراثنا الشعبي ومحفوظة في كتب وموسوعات الأمثال الشعبية على مرِّ التاريخ.ولأن سِتِّي قالت لي «مِن فات قديمه تاه» في الكتاب ده هنرجع نفتكر تراثنا ونفهمه بشكل بسيط وممتع …
واِنت بَقَى سِتَّك قالت لك إيه؟

168 pages, Paperback

Published January 1, 2024

Reviews

[Mai M Ibrahim · Rating 4 out of 5]

جيد وحجمه صغير
عن الأمثال الشعبية وشرح مبسط ليها وده اعتقد بعد نجاح البرنامج المشابه للكتاب اللي شوفت منه اجزاء ع السوشيال ميديا

[Amal Dawas · Rating 4 out of 5]

شكرا نسمة الكتاب كان كالنسمة وجميلة الامثال المنتقاة
شكرا ابجد صوتي

[zahraa esmaile · Rating 5 out of 5]

كتاب لطيف جداً عن الأمثال الشعبية، المصرية والعربية
منها حاجات كنت عارفاها بحكم نشأتي الريفية، حاجات أول مرة أسمعها
وأغلبها مكنتش عارفة مصدرها أو سببها
ف للمهتمين بالأمثلة الشعبية...الكتاب دة هيعجبكم
تجربة صوتية جميلة جداً على Abjjad | أبجد
#صحبة2026
#كتب_صوتية
#قراءات_حرة
#قراءات_يناير
12/4

[Maha Moustafa · Rating 4 out of 5]

مجهود ممتاز 👏👏

[Hala Elnour · Rating 4 out of 5]

كثير من البهجه وراء الأمثال
شكرا للكاتبه لكشف هذه الدرر

[Maha Eshraa]

مستمتعة جدا وانا بقراها. كان نفسى اقراء الأمثال المتواجدة من زمان و افهمها و كان نفسى اكتر لو كان فى قصة وراء كل مثل بس مش كل مثل له مصدر . الكتاب خفيف و جميل و اسلوبه سهل

[Nermeen Elbek · Rating 1 out of 5]

اي كلام

[دينا ممدوح · Rating 3 out of 5]

كتاب بيتكلم عن الأمثال الشعبية ما بين المتعلقة بالعلاقات أو الأسرة أو الحياة بشكل عام
معظمهم تقريبًا معروفين وسمعاهم قبل كدة حتى مع اختلاف بعض الكلمات
توضيح بعض الأمثال كان مش مستاهل لأنها كانت واضحة جدًا.
حبيت جزء أنها جابت أمثال من دول مختلفة مش مصر بس وأن كانوا متشابهين مع الأمثال المصرية في كثير من الأحيان بس التنوع كان مفيد.
الكتاب خفيف ويخلص بسرعة وممكن يتاخد فاصل بين كتابين تقال
استمعت للكتاب صوتي على اقرألي فكان تجربة أجمل كمان

[Alanoud Talal · Rating 3 out of 5]

عدد الصفحات : ١٦٦ صفحة
نوع الكتاب : ثقافة شعبية
لهجة سرد الكتاب : اللهجة المصرية




نبذة عن الكتاب : الكتاب عبارة عن امثال شعبية اغلبها مصرية وشرحها و المواقف التي يمكن استخدام هذه الامثال فيها


الكتاب لطيف وحبيت اسلوب الكاتبة ممكن مايعجب الكل لان فيه كلام عامي ممكن مو الكل يقدر يفهمو بس انا حبيت

[Neex To · Rating 4 out of 5]

تتكلم عن الأمثال الشعبية مع شرح بسيط باللهجة المصريه
سمعته كتاب صوتي
كتاب خفيف لطيف