Вольнеры. Бясконцы дзень

Вольнеры #2

by Валеры Гапееў

Толькі сямёра сяброў разумеюць, у якую багну ілжы абрынулася іх краіна, пад якім аўтакратычным прэсам і ў якой імгле гідкай прапаганды жывуць людзі. Гэтыя сямёра помняць: краіна некалі была іншай. І толькі сямёра ведаюць, што ў іх ёсць адзіны шанц вярнуць былую волю, былую праўду і былое шчасце. Але напачатку трэба выжыць тут, прыдумаць план і здзейсніць яго, каб трапіць у іншасвет, дзе знаходзіцца выйсце.
Ці можна перамагчы зло без парушэння тваіх маральных прынцыпаў, калі яно, зло, дзейнічае па сваіх правілах? У якіх умовах мэта ўсё ж апраўдвае сродкі? Доўгі шлях у іншасвеце прымусіць шукаць адказы на мноства пытанняў, сярод якіх будзе і надзіва простае: хіба так, як ёсць, нельга жыць і быць у гэтым трошкі шчаслівым? Нібыта ж так добра ў сістэме, дзе табе гарантаваная будучыня і няма клопату пра яе ўладкаванне і дзе ты пазбаўлены ўсякіх мітрэнгаў адносна розных пошукаў.
Там, у іншасвеце, выпрабаванні нададуць часу іншае асэнсаванне, раскрыюць характары і правераць душы герояў. На алтар перамогі будуць пакладзены сем лёсаў, але ці можна лічыць ахвярай… здраду?

336 pages, Hardcover

Published January 1, 2024

About the author

Беларускі пісьменнік, журналіст.

Reviews

[Leniwa Wenus · Rating 5 out of 5]

Не ведаю, ці будзе цікавай такая падлеткавая літаратура беларускім падлеткам, але дарослым дакладна можна рэкамендаваць, улічваючы, што альтэрнатыўная рэальнасць даволі падобная да тынэйджэрскага досведу тых, каму зараз 40+.
Вельмі цешыла тое, што “паролем” для апазнання сваіх былі словы Амнепадыстава, якія пераўтварыліся ў песню, дзякуючы Вольскам, - “Простыя словы, простыя рэчы…” Фактычна, гэта пароль іншай рэальнасці.