What do you think?
Rate this book
Draaie, swaaie en afdwaalpaaie: reisstories
Samestellers Corlia Fourie en Annelize van Rooyen bring vermaaklike reisstories deur 46 skrywers byeen, o.a. Marita van der Vyver, Kirby van der Merwe, Sophia Kapp, Jacques Pauw, Irma Joubert, Julian Jansen, C. Johan Bakkes, Bettina Wyngaard en Frederik de Jager.
Die skrywers vertel van verrassende gebeure tydens reise, met snaakse, bittersoet of heuglike gevolge. Maar altyd is die ervaringe verrykend.
Reis saam van Fraserburg tot Timboektoe; Arizona tot Zanzibar; en nog baie ander plekke!
Die skrywers vertel van verrassende gebeure tydens reise, met snaakse, bittersoet of heuglike gevolge. Maar altyd is die ervaringe verrykend.
Reis saam van Fraserburg tot Timboektoe; Arizona tot Zanzibar; en nog baie ander plekke!
221 pages, Kindle Edition
Published May 6, 2024
9 people are currently reading
11 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 6 of 6 reviews
June 12, 2024
#DraaieSwaaieEnAfdwaalpaaie – Corlia Fourie & Annelize van Rooyen
#Queillerie
Ek het ʼn superkrag: Ek kan enige plek verdwaal. Selfs in my eie agterplaas. Overgesetsynde, ek is klaarblyklik rigtingbedinges. Reisverhale is derhalwe my enigste paspoort tot die wye wêreld, en ander mense se reisrampe laat my beter voel oor my eie agterplaasavonture.
Hierdie bundel reisverhale is saamgestel uit bydraes deur 46 skrywers en is opgedeel in spesifieke afdelings, naamlik reise met busse, bote, treine, motorvoertuie, en vliegtuie, en verhale aangaande verblyf, bagasie, ontmoetings, die weer, bestemmings, en tale. Die ruimtes waaroor vertel word is so wyd soos die Siberiese vlaktes – waaroor daar inderdaad ook geskryf is. Enigiets van Fraserburg tot Timboektoe, en ‘n klomp plekke tussenin.
Marieta van der Vyver open die verhoog met haar vertelling van ‘n reis met die grys hond. Eintlik die Greyhound, maar beslis familie van die swart hond, veral wanneer jou medepassassiers se graad van sofistikasie vir Ant’ Stienie na Emsie Schoeman laat lyk. Teen die einde van die reis verklaar sy plegtig dat “...waansinniges aangetrek word deur die Greyhound....” (17) en bely dat sy Afrikaanse gedigte begin resiteer het om die vloekwoorde uit te doof.
Irma Joubert se bus was aansienlik langer in die tand: “Met so ‘n bus het ek in die vyftigerjare in Nylstroom skool toe gery.” (22) en Charles Siboto se “grootseun-lederhosen” (waarskynlik die Beierse weergawe van die Amerikaanse “big girl panties”) was van weinig nut op ‘n (verkeerde) Duitse trein.
Kerneels Breytenbach se verhaal van ‘n bootreis op Lake Malawi is veel meer as ‘n reisverhaal. Die skok en begrafnis na die afsterwe van ‘n flambojante kennis staan sentraal en weerklink met eggo’s van ironie en rou in gelyke maat: “Daar is besluit om haar net buite die sendelinge se begraafplaas ter ruste te lê, moontlik uit vrees dat sy reg tussen die geestelikes se oorskot ‘n grootskaalse slaapwandeling sou ontketen.” (32). Sophia Kapp plaas ook humor teenoor verlies wanneer sy in ‘n andersins humoristiese bydrae bely: “Dit was ‘n verlies op ‘n vlak wat ek nie eens behoorlik kan beskryf nie. Dit was asof ek die vroue in my voorgeslagte, en die mans wat vir hulle lief was, te na gekom het.” (75)
Jacques Pauw se beskrywing van die afsondering van Siberië wat “...die Karoo na ‘n metropool (laat) lyk”(52), Frederik de Jager se sonderlinge bewoording van herinneringe: “Wat my bybly van dié reis, is flitse... ek moet hulle soos krale snoer om ‘n soort storie te maak.” (131), Bettie Lamprecht se bittersoet herinneringe aan ‘n mislukte reis: “Ek maak my oë toe. Die dag breek. Nie in dromerige woestynpastelle nie. Propers flenters. Aan flarde. In stukke breek hy.” (138), en Julian Jansen se weergee van “...toe ek vir ‘n week ten volle kind geword het.” (201) is verdere voorbeelde van aangrypende bydraes.
Op die humorspektrum is daar verskeie persoonlike hoogtepunte: Johan Bakkes se kleinseun/medereisiger is “...ses maande oud, tjorts soos ‘n reier, kry tande, en wil net loop. Soos sy oupa.” (63); Louis Jansen van Vuuren onthou hoe sy ouma hom, haar Lewies-kind, altoos as aantreklik beskryf het: “Die kind trek hom darem dinge vreeslik aan...” (86); Elma Potgieter verklap die binnewerke van ‘n smokkelekspedisie; Kirby van der Merwe verduidelik die konsep van ‘n “poor man’s bioscope” in Venisië; Marion Erskine word ‘n Pakistanse televisiester “Met my hare in alle windrigtings, papnat, en met smeersels modder aan my klere...” (176); Bettina Wyngaard oordink haar saligheid: “...ek beter my lewe verander, ek sal dit nooit maak in die hel nie.” (182), en Renée Rautenbach Conradie se voorgenome Franse blomnaam ontaard in ‘n onwelvoeglike voorstel.
In ag genome my voormelde geneigdheid om te verdwaal, het net een plek vir my vaagweg bekend geklink: Irkutsk. Jules Verne se Michel Strogof is daar deur die Tartare gemartel. Of so lui die verhaal.
Vir die kleingelowiges wat dink ek oordryf oor die verdwalery, selfs die boek het op pad na my verdwaal! Oos wes tuis bes vir my.
⭐️⭐️⭐️⭐️⭐️ #Uitdieperdsebek NB-Uitgewers/Publishers
#Queillerie
Ek het ʼn superkrag: Ek kan enige plek verdwaal. Selfs in my eie agterplaas. Overgesetsynde, ek is klaarblyklik rigtingbedinges. Reisverhale is derhalwe my enigste paspoort tot die wye wêreld, en ander mense se reisrampe laat my beter voel oor my eie agterplaasavonture.
Hierdie bundel reisverhale is saamgestel uit bydraes deur 46 skrywers en is opgedeel in spesifieke afdelings, naamlik reise met busse, bote, treine, motorvoertuie, en vliegtuie, en verhale aangaande verblyf, bagasie, ontmoetings, die weer, bestemmings, en tale. Die ruimtes waaroor vertel word is so wyd soos die Siberiese vlaktes – waaroor daar inderdaad ook geskryf is. Enigiets van Fraserburg tot Timboektoe, en ‘n klomp plekke tussenin.
Marieta van der Vyver open die verhoog met haar vertelling van ‘n reis met die grys hond. Eintlik die Greyhound, maar beslis familie van die swart hond, veral wanneer jou medepassassiers se graad van sofistikasie vir Ant’ Stienie na Emsie Schoeman laat lyk. Teen die einde van die reis verklaar sy plegtig dat “...waansinniges aangetrek word deur die Greyhound....” (17) en bely dat sy Afrikaanse gedigte begin resiteer het om die vloekwoorde uit te doof.
Irma Joubert se bus was aansienlik langer in die tand: “Met so ‘n bus het ek in die vyftigerjare in Nylstroom skool toe gery.” (22) en Charles Siboto se “grootseun-lederhosen” (waarskynlik die Beierse weergawe van die Amerikaanse “big girl panties”) was van weinig nut op ‘n (verkeerde) Duitse trein.
Kerneels Breytenbach se verhaal van ‘n bootreis op Lake Malawi is veel meer as ‘n reisverhaal. Die skok en begrafnis na die afsterwe van ‘n flambojante kennis staan sentraal en weerklink met eggo’s van ironie en rou in gelyke maat: “Daar is besluit om haar net buite die sendelinge se begraafplaas ter ruste te lê, moontlik uit vrees dat sy reg tussen die geestelikes se oorskot ‘n grootskaalse slaapwandeling sou ontketen.” (32). Sophia Kapp plaas ook humor teenoor verlies wanneer sy in ‘n andersins humoristiese bydrae bely: “Dit was ‘n verlies op ‘n vlak wat ek nie eens behoorlik kan beskryf nie. Dit was asof ek die vroue in my voorgeslagte, en die mans wat vir hulle lief was, te na gekom het.” (75)
Jacques Pauw se beskrywing van die afsondering van Siberië wat “...die Karoo na ‘n metropool (laat) lyk”(52), Frederik de Jager se sonderlinge bewoording van herinneringe: “Wat my bybly van dié reis, is flitse... ek moet hulle soos krale snoer om ‘n soort storie te maak.” (131), Bettie Lamprecht se bittersoet herinneringe aan ‘n mislukte reis: “Ek maak my oë toe. Die dag breek. Nie in dromerige woestynpastelle nie. Propers flenters. Aan flarde. In stukke breek hy.” (138), en Julian Jansen se weergee van “...toe ek vir ‘n week ten volle kind geword het.” (201) is verdere voorbeelde van aangrypende bydraes.
Op die humorspektrum is daar verskeie persoonlike hoogtepunte: Johan Bakkes se kleinseun/medereisiger is “...ses maande oud, tjorts soos ‘n reier, kry tande, en wil net loop. Soos sy oupa.” (63); Louis Jansen van Vuuren onthou hoe sy ouma hom, haar Lewies-kind, altoos as aantreklik beskryf het: “Die kind trek hom darem dinge vreeslik aan...” (86); Elma Potgieter verklap die binnewerke van ‘n smokkelekspedisie; Kirby van der Merwe verduidelik die konsep van ‘n “poor man’s bioscope” in Venisië; Marion Erskine word ‘n Pakistanse televisiester “Met my hare in alle windrigtings, papnat, en met smeersels modder aan my klere...” (176); Bettina Wyngaard oordink haar saligheid: “...ek beter my lewe verander, ek sal dit nooit maak in die hel nie.” (182), en Renée Rautenbach Conradie se voorgenome Franse blomnaam ontaard in ‘n onwelvoeglike voorstel.
In ag genome my voormelde geneigdheid om te verdwaal, het net een plek vir my vaagweg bekend geklink: Irkutsk. Jules Verne se Michel Strogof is daar deur die Tartare gemartel. Of so lui die verhaal.
Vir die kleingelowiges wat dink ek oordryf oor die verdwalery, selfs die boek het op pad na my verdwaal! Oos wes tuis bes vir my.
⭐️⭐️⭐️⭐️⭐️ #Uitdieperdsebek NB-Uitgewers/Publishers
June 13, 2024
Ek verdwaal darem (nog nie!) in my agterplaas, soos Anschen Conradie nie, maar soos sy, beskou ek ander mense se reisavonture as ’n uitstekende manier om iets van die wêreld te beleef, anders as dit wat via fiksie onder my aandag kom.
’n Stuk of ses en veertig reisstories is saamgestel deur Corlia Fourie en Annelize van Rooyen en aangebied onder die baie gepaste titel: Draaie, swaaie en afdwaalpaaie. Dit maak vir interessante leesstof, want dit bring reise na die leser vanuit verskillende oogpunte. Dit is netjies gegroepeer onder hoofde soos reise per boot, bus, treine, vliegtuie en motors. Die skrywers se herinneringe aan verblyfplekke, bestemmings, weerstoestande en bagasie sorg vir vermaak in baie opsigte, van grootoog verwondering, tot hartseer, tot ’n tong-in-die-kies stukkie humor. Soms ook: ek wens ek kon dit sien, of nooit in die lewe nie!
Joan Kruger maak ’n stelling wat my laat nadink: “Soos die reis bladsy vir bladsy vorder, besef ek ’n mens soek jou eie bekende landskappe in die nuwe plekke wat jy beleef.” (p. 204, Kakamas>**In die lang lys van skrywers is daar bekendes soos Marion Erskine, Marita van der Vyver en Sophia Kapp, maar ook talle waarmee ek nie só bekend is nie maar ewe veel geniet het. Ek kan nie regtig ’n gunsteling bydrae uitsonder nie, hoewel P.P. Fourie se swig voor nie een nie, maar twéé sopies vodka, my steeds laat glimlag, juis omdat hy ’n geheelonthouer is.
Wat opval is die feit dat die skrywers nie bloot die plekke of die reise beskryf nie, maar baie dikwels fokus op die emosies wat die reise ontlok. Dit gee ’n eg-menslike kleur aan die reisstories.
Draaie, swaaie en afdwaalpaaie is uitgegee deur Queillerie, ’n druknaam van NB Uitgewers.
’n Stuk of ses en veertig reisstories is saamgestel deur Corlia Fourie en Annelize van Rooyen en aangebied onder die baie gepaste titel: Draaie, swaaie en afdwaalpaaie. Dit maak vir interessante leesstof, want dit bring reise na die leser vanuit verskillende oogpunte. Dit is netjies gegroepeer onder hoofde soos reise per boot, bus, treine, vliegtuie en motors. Die skrywers se herinneringe aan verblyfplekke, bestemmings, weerstoestande en bagasie sorg vir vermaak in baie opsigte, van grootoog verwondering, tot hartseer, tot ’n tong-in-die-kies stukkie humor. Soms ook: ek wens ek kon dit sien, of nooit in die lewe nie!
Joan Kruger maak ’n stelling wat my laat nadink: “Soos die reis bladsy vir bladsy vorder, besef ek ’n mens soek jou eie bekende landskappe in die nuwe plekke wat jy beleef.” (p. 204, Kakamas>**In die lang lys van skrywers is daar bekendes soos Marion Erskine, Marita van der Vyver en Sophia Kapp, maar ook talle waarmee ek nie só bekend is nie maar ewe veel geniet het. Ek kan nie regtig ’n gunsteling bydrae uitsonder nie, hoewel P.P. Fourie se swig voor nie een nie, maar twéé sopies vodka, my steeds laat glimlag, juis omdat hy ’n geheelonthouer is.
Wat opval is die feit dat die skrywers nie bloot die plekke of die reise beskryf nie, maar baie dikwels fokus op die emosies wat die reise ontlok. Dit gee ’n eg-menslike kleur aan die reisstories.
Draaie, swaaie en afdwaalpaaie is uitgegee deur Queillerie, ’n druknaam van NB Uitgewers.
June 27, 2024
Hierdie boek is 'n boek wat beslis op elke persoon wat van lees hou se boekrak 'n plekkie moet kry. Elke skrywer het 'n unieke smakie gegee van hoe hul reise ervaar. Elke vertelling het beskrywings wat 'n mens saam voer na plekke wat hul besoek. Mens ruik, hoor en ervaar elke oomblik van hul ervarings. Dankie aan die samestellers vir so 'n mooi lekker lees boek.
October 5, 2024
Draaie, Swaaie en Afdwaalpaaie is 'n versameling kortverhaal-reisstories wat die leser op 'n avontuurlike reis neem deur die oë van van Suid-Afrika se bekendste skrywers. Saamgestel deur Corlia Fourie en Annelize van Rooyen, bied hierdie bundel 'n diverse reeks verhale wat wissel van humoristies tot ontroerend.
Die boek is verdeel in verskeie afdelings soos “’n Bus vol plesier”, “Hoe sag wieg ons bootjie”, “So ry die trein”, “Laat die wiele rol”, “Vlieg hoog, vlieg ver”, “Verblyf”, “Bagasie”, “Ontmoetings”, “Onvoorspelbare weer”, “Bestemmings” en “Die tale wat ons praat”. Hierdie indeling maak dit maklik vir die leser om deur die verskillende temas en ervarings te navigeer.
Drie gunstelinge wat uitstaan (alhoewel daar vele meer is), is:
• “’n Smokkelstorie” deur Elma Potgieter
• “Oupa op reis met ‘n baba” deur C. Johan Bakkes
• “Uitkamp in die Fraserburg Hotel” deur Gerrit Rautenbach
Die samestellers, Corlia Fourie en Annelize van Rooyen, het in 'n onderhoud op RSG se “Skrywers en Boeke” genoem dat hulle genoeg wonderlike stories ontvang het om dalk 'n tweede boek saam te stel. Dit is duidelik dat hierdie bundel nie net 'n versameling van reisverhale is nie, maar 'n viering van die menslike gees en die onverwagte kinkels wat reis kan bring.
Draaie, Swaaie en Afdwaalpaaie is 'n moet-lees vir enigeen wat hou van reisverhale en die verrassings wat daarmee gepaard gaan. Die verskeidenheid van skrywers en hul unieke stemme maak hierdie boek 'n ryk en vervullende leeservaring.
AD PR-Product
#Readalong #TandemReadalong #ebhomebru2024 #exclusivebooksafrikaans #afrikaansreadalong #exclusivebooks
Die boek is verdeel in verskeie afdelings soos “’n Bus vol plesier”, “Hoe sag wieg ons bootjie”, “So ry die trein”, “Laat die wiele rol”, “Vlieg hoog, vlieg ver”, “Verblyf”, “Bagasie”, “Ontmoetings”, “Onvoorspelbare weer”, “Bestemmings” en “Die tale wat ons praat”. Hierdie indeling maak dit maklik vir die leser om deur die verskillende temas en ervarings te navigeer.
Drie gunstelinge wat uitstaan (alhoewel daar vele meer is), is:
• “’n Smokkelstorie” deur Elma Potgieter
• “Oupa op reis met ‘n baba” deur C. Johan Bakkes
• “Uitkamp in die Fraserburg Hotel” deur Gerrit Rautenbach
Die samestellers, Corlia Fourie en Annelize van Rooyen, het in 'n onderhoud op RSG se “Skrywers en Boeke” genoem dat hulle genoeg wonderlike stories ontvang het om dalk 'n tweede boek saam te stel. Dit is duidelik dat hierdie bundel nie net 'n versameling van reisverhale is nie, maar 'n viering van die menslike gees en die onverwagte kinkels wat reis kan bring.
Draaie, Swaaie en Afdwaalpaaie is 'n moet-lees vir enigeen wat hou van reisverhale en die verrassings wat daarmee gepaard gaan. Die verskeidenheid van skrywers en hul unieke stemme maak hierdie boek 'n ryk en vervullende leeservaring.
AD PR-Product
#Readalong #TandemReadalong #ebhomebru2024 #exclusivebooksafrikaans #afrikaansreadalong #exclusivebooks
October 16, 2024
Hierdie was my eerste ontmoeting met kortverhale, en het ek dit nou geniet!
46 skrywers vertel van onverwagse en ongewone gebeure tydens reise, wat snaakse of bittersoet of heuglike gevolge vir hulle ingehou het. Maar altyd is die ervaringe verrykend.
Reis saam van Fraserburg tot in Timboektoe. Doen aan in Amerika, Marokko, Duitsland, Pakistan, Frankryk, Namibië, Spanje en selfs Oezbeskistan - om maar net 'n paar plekke te noem.
Die boek bestaan uit verskeie afdelings nl:
- 'n Bus vol plesier
- Hoe sag wieg ons bootjie
- So ry die trein
- Laat die wiele rol
- Vlieg hoog, vlieg ver
- Verblyf
- Bagasie
- Ontmoetings
- Onvoorspelbare weer
- Bestemmings
- Die tale wat ons praat
Soos die voorwoord lui is die stories wat in hierdie bundel saamgevat is om die beurt snaaks, verrassend, onstellend en hartseer.
Ek wens ek kon iets oor elkeen van hierdie verhale se, maar wil darm 'n eervolle vermelding gee aan Gerrit Rautenbach se 'Uitkamp in die Fraserburg Hotel'.
In die woorde van Carina Stander se ma: " 'n Vakansie is g'n net 'n eindbestemming nie, 'n vakansie is die héle reis."
Ek het hierdie reis werklik baie geniet!
46 skrywers vertel van onverwagse en ongewone gebeure tydens reise, wat snaakse of bittersoet of heuglike gevolge vir hulle ingehou het. Maar altyd is die ervaringe verrykend.
Reis saam van Fraserburg tot in Timboektoe. Doen aan in Amerika, Marokko, Duitsland, Pakistan, Frankryk, Namibië, Spanje en selfs Oezbeskistan - om maar net 'n paar plekke te noem.
Die boek bestaan uit verskeie afdelings nl:
- 'n Bus vol plesier
- Hoe sag wieg ons bootjie
- So ry die trein
- Laat die wiele rol
- Vlieg hoog, vlieg ver
- Verblyf
- Bagasie
- Ontmoetings
- Onvoorspelbare weer
- Bestemmings
- Die tale wat ons praat
Soos die voorwoord lui is die stories wat in hierdie bundel saamgevat is om die beurt snaaks, verrassend, onstellend en hartseer.
Ek wens ek kon iets oor elkeen van hierdie verhale se, maar wil darm 'n eervolle vermelding gee aan Gerrit Rautenbach se 'Uitkamp in die Fraserburg Hotel'.
In die woorde van Carina Stander se ma: " 'n Vakansie is g'n net 'n eindbestemming nie, 'n vakansie is die héle reis."
Ek het hierdie reis werklik baie geniet!
March 16, 2025
Hierdie boek is ‘n samestelling van klomp reisstories deur bekende skrywers. Ek het self hierdie boek gelees toe ek gereis het deur Suid Korea en ek dink dit het hierdie ekstra lekker gemaak. Daar is interessante, snaakse, hartseer, vreemde en fassinerende verhale, elkeen is anders.
Ek het gevoel ek kon baie meer aanklank vind by die stories wat afspeel in plekke waar ek al was. Dalk is dit omdat ek dit makliker kon indink of die omgewing ken, dat dit makliker vir my was om te lees. Daar is vreeslik baie oor Europa, ‘n paar wat afspeel in die VSA en dan maak ons self ‘n paar draaie deur Asië (ongelukkig nie Suid Korea nie). Ek was nog nie deur Europa op toer of ooit in die VSA nie, maar tog trek die stories jou in ‘n ander wêreld in.
Om te reis is ‘n groot voorreg en dit was wonderlik om te lees hoe mense dit waardeer en terug kan dink met goeie herinneringe tussendeur die slegte. Skop jou skoene uit en gaan lê op die bank met hierdie boek en reis saam reg om die wêreld.
Ek het gevoel ek kon baie meer aanklank vind by die stories wat afspeel in plekke waar ek al was. Dalk is dit omdat ek dit makliker kon indink of die omgewing ken, dat dit makliker vir my was om te lees. Daar is vreeslik baie oor Europa, ‘n paar wat afspeel in die VSA en dan maak ons self ‘n paar draaie deur Asië (ongelukkig nie Suid Korea nie). Ek was nog nie deur Europa op toer of ooit in die VSA nie, maar tog trek die stories jou in ‘n ander wêreld in.
Om te reis is ‘n groot voorreg en dit was wonderlik om te lees hoe mense dit waardeer en terug kan dink met goeie herinneringe tussendeur die slegte. Skop jou skoene uit en gaan lê op die bank met hierdie boek en reis saam reg om die wêreld.
Displaying 1 - 6 of 6 reviews