താൻ കടന്നുപോരുന്ന കാലത്തിന്റെ തീരത്തിരുന്നുകൊണ്ട്, തന്നെ തൊട്ടുഴിഞ്ഞുവരുന്ന ഓർമ്മത്തിരകളെ കൊത്തങ്കൽ വാക്കുകളാൽ പകർത്തുകയാണ് പ്രിയ എ.എസ്. വാക്കുകൾ മേലോട്ടിട്ട് കൊത്തങ്കല്ലാടുമ്പോൾ, ഇന്നും ഇന്നലെയും നാളെയും പ്രിയവും അപ്രിയവുമെല്ലാം, മനസ്സിൽ ആഴത്തിലാഴത്തിൽ പതിയുകയാണ്. ജീവിതവും കഥയും അനുഭവങ്ങളും നിരീക്ഷണങ്ങളും മേളിക്കുന്ന കൊത്തങ്കല്ലാട്ടത്തിന്റെ അപൂർവ്വലാസ്യം സമ്മാനിക്കുന്ന വായനത്താളുകൾ. പ്രിയ എ.എസ്സിന്റെ ഓർമ്മകളും അനുഭവക്കുറിപ്പുകളും