Indolente

by Alberto Mancebo Soto

Estamos no ano 2041 e o Ministerio da Presidencia acaba de emitir un comunicado para alertar a cidadanía dunha gran tormenta xeomagnética causada por unha erupción solar que afectará o planeta nas próximas horas. Este contundente fenómeno atmosférico xa sucedera sete anos antes, con intensas auroras boreais atravesando o ceo de todo o mundo e con fallos xeneralizados nos sistemas de comunicación e de subministración eléctrica.
Nora lembra agora aquela situación límite, mentres intenta cargar o seu coche nunha electrolineira de Negreira para chegar a Santiago canda a súa muller e as súas fillas cos equipos de urxencia que lles poden salvar a vida. Mais a viaxe non será doada.
Alberto Mancebo crea unha poderosa e inquietante narración cunha atmosfera hipnótica e abafante para enfrontarnos a unha historia de ameazas climáticas que sitúan os personaxes nun escenario agónico e ante a necesidade de se decidiren entre a solidariedade ou a supervivencia individual.

152 pages, Paperback

Published September 5, 2024

Reviews

[Piña McPíñez · Rating 5 out of 5]

Me ha gustado mucho y se lee en un volao pero creo que odio muchisimo mas a los niños desde ahora.

[adorimoca · Rating 5 out of 5]

A escritura de Mancebo é amena e divertida aínda que a crise climática non é especialmente graciosa). A Nora collinlle cariño nas brevísimas 130 páxinas, as súas accións teñen esa cor gris da complexidade humana.

Houbo momentos nos que a odiei por actuar como o fixo e outros nos que só desexaba que volvera coa súa familia.

Única queixa: quero máis.

[Asun · Rating 4 out of 5]

Unha entretida distopía qe non qeriamos qe fose tan breve. Ao mellor ese final aberto ofrécenos algunhas posibilidades de seguir coñecendo algo máis sobre o futuro da protagonista en publicacións vindeiras.