What do you think?
Rate this book
مريم
مريم (5)
..
فَاكرة لمّا كتير أقُولّك.. قُولي حدُوتة مِعافرة
!فَاكرة كُل كَلامي عَنّك.. حتّى لمّا كلامنَا قَل؟
فَاكرة لمَا حَكيتي مَرّة.. وقُلتلِك إن إنتِ بَرَكَة؟
إنتِ شباك الحياة
إنتِ كُل قَصيدة حِلوَة
تِلمِس المَيّت يعيش
الكلام خَارِج بيجري.. مِش مِلاحق إيه أقُوله
بس زي ما قُلت مَرّة.. إنتِ حِلم ونِفسي أطولُه
إنت شباك الحياة
إفتحيلي.. عشان أعيش
..
فَاكرة لمّا كتير أقُولّك.. قُولي حدُوتة مِعافرة
!فَاكرة كُل كَلامي عَنّك.. حتّى لمّا كلامنَا قَل؟
فَاكرة لمَا حَكيتي مَرّة.. وقُلتلِك إن إنتِ بَرَكَة؟
إنتِ شباك الحياة
إنتِ كُل قَصيدة حِلوَة
تِلمِس المَيّت يعيش
الكلام خَارِج بيجري.. مِش مِلاحق إيه أقُوله
بس زي ما قُلت مَرّة.. إنتِ حِلم ونِفسي أطولُه
إنت شباك الحياة
إفتحيلي.. عشان أعيش
191 pages, Paperback
First published March 13, 2014
8 people are currently reading
79 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 17 of 17 reviews
April 6, 2014
أولاً مبروك على الديوان ..
بيبقى حلو قوي لما تقرأ حاجة وتاخدك لمنحنيات مختلفة من المشاعر، منها الغضب ، الحزن، الفرحة ، الأمل، الزُهد ومشاعر كتير ..
التنوع في القصائد كانت سبب حاجة زي كدا فـ بشكرك عليها ..
أما عن الأسلوب فـ ماشاء الله رغم بساطة اللغة إلا انها عميقة قوي توصل للقلب ومحسوسة جدًا ..
بشكرك على الديوان ومستنية لك الجديد دايمًا
ربنا يوفقك يا علاء
بيبقى حلو قوي لما تقرأ حاجة وتاخدك لمنحنيات مختلفة من المشاعر، منها الغضب ، الحزن، الفرحة ، الأمل، الزُهد ومشاعر كتير ..
التنوع في القصائد كانت سبب حاجة زي كدا فـ بشكرك عليها ..
أما عن الأسلوب فـ ماشاء الله رغم بساطة اللغة إلا انها عميقة قوي توصل للقلب ومحسوسة جدًا ..
بشكرك على الديوان ومستنية لك الجديد دايمًا
ربنا يوفقك يا علاء
December 13, 2014
ديوان ممتع و لذيذ .. فى افكار كتير جديدة
اكتر حاجة محبيتهاش فى الديوان .. القصايد الرومانسية .. مع انها ممكن تكون فيها أبيات حلوة بس حسيتها كلها شبه بعضها ما عدا "حوا" و "في وصفها" لأن افكارها كانت جديدة
-أنا اصلاً مليش فى الرومانسية-
اكتر حاجة حبيتها فى الديوان .. القصايد السياسية -بما ان رأيه زى رأيي- و القصايد الوطنية .. قصايد كتير بتتكلم عن الثورة و ايام المجلس العسكري و ايام مرسي و عن مصر .. كتير منها كان مؤثر زى "قطر يناير" و "هسافر و اجيلك" و "شريطة سودا" و الاحلى "الضحايا السبع" .. المجد للثورة و المجد للشهداء
القصايد الباقية اللى عجبتني :
"سكون - يسألونك عن الأموات - زوال - معايدة - بلا م الناس - خانة واحدة - "شبابيك - الختام - العين و السن و البادي"
جزء من "العين و السن و البادئ" :
العين بالعين ..
فلا تخجل و تتعامل ..
و لا تؤذي في يوم نفسك ..
بحجة إنك ابن اصول ..
صحيح لو كان كده نهجك ..
فكل الخلق هتدوسك ..
و ايه غير المهانة تنول ؟!
......................
فلا تسمع كلام محفوظ ..
ولا صوتك يكون مهزوز ..
ولا تصدق في غير نفسك ..
ولا تحتاج ..
ولا تمد الإيدين تطلب ..
ولا تمد الإيدين تدي ..
يقولوا الدنيا أخادة ..
تقول الدنيا نساية ..
يقولوا انك صحيح محظوظ !!
كلام الناس ماهوش غاية ..
كلام الناس رخيص ..بفلوس ..
3/5 :)
اكتر حاجة محبيتهاش فى الديوان .. القصايد الرومانسية .. مع انها ممكن تكون فيها أبيات حلوة بس حسيتها كلها شبه بعضها ما عدا "حوا" و "في وصفها" لأن افكارها كانت جديدة
-أنا اصلاً مليش فى الرومانسية-
اكتر حاجة حبيتها فى الديوان .. القصايد السياسية -بما ان رأيه زى رأيي- و القصايد الوطنية .. قصايد كتير بتتكلم عن الثورة و ايام المجلس العسكري و ايام مرسي و عن مصر .. كتير منها كان مؤثر زى "قطر يناير" و "هسافر و اجيلك" و "شريطة سودا" و الاحلى "الضحايا السبع" .. المجد للثورة و المجد للشهداء
القصايد الباقية اللى عجبتني :
"سكون - يسألونك عن الأموات - زوال - معايدة - بلا م الناس - خانة واحدة - "شبابيك - الختام - العين و السن و البادي"
جزء من "العين و السن و البادئ" :
العين بالعين ..
فلا تخجل و تتعامل ..
و لا تؤذي في يوم نفسك ..
بحجة إنك ابن اصول ..
صحيح لو كان كده نهجك ..
فكل الخلق هتدوسك ..
و ايه غير المهانة تنول ؟!
......................
فلا تسمع كلام محفوظ ..
ولا صوتك يكون مهزوز ..
ولا تصدق في غير نفسك ..
ولا تحتاج ..
ولا تمد الإيدين تطلب ..
ولا تمد الإيدين تدي ..
يقولوا الدنيا أخادة ..
تقول الدنيا نساية ..
يقولوا انك صحيح محظوظ !!
كلام الناس ماهوش غاية ..
كلام الناس رخيص ..بفلوس ..
3/5 :)
March 30, 2014
اخياراتك للقصايد موفقة بنسبة كبيرة.. فيه بعض القصايد معجبتنيش وحسيتها واقعة شوية كقافية زي "سجدة قلب"، وفيه حاجات عجبتني جدًا بزيادة زي " مين النظام - الضحايا السبع - زوال"
والطلب اللي عادةً بطلبه من أي حد بيكتب شعر ، سجل قصايدك صوت وارفعها ع الساوندكلاود ، عشان أنا بحب الشعر مسموع أكتر منه مقروء
مُجملًا ديوان كويس وان شاء الله التالي أفضل ومبروك على المولود الأول :)
والطلب اللي عادةً بطلبه من أي حد بيكتب شعر ، سجل قصايدك صوت وارفعها ع الساوندكلاود ، عشان أنا بحب الشعر مسموع أكتر منه مقروء
مُجملًا ديوان كويس وان شاء الله التالي أفضل ومبروك على المولود الأول :)
April 11, 2014
أولا مبرووووووك تانى وتالت ومليون على الديوان يا ابو مريم .. بقرأ ليك من زمان ع البيدج بتاعتك
بجد الديوان حلو وخصوصا القصايد السياسية ابدعت فيها جــــــــــدا من هنا للسنة الجايا انما الورمنسية فـ انا الحقيقة مليش فيها اوى والعيب مش فيك العيب فيا :)
عجبنى اوى ( كلبة بلدى - ابن الشوارع - مين النظام -
الظلم - التباس ) وحاجات تانية كتير
رغم المعاناة علشان اوصل للديوان الا انه يستاهل .. مستنية اخوات مريم بقى فـ اقرب وقت ان شاء الله ^_^
بجد الديوان حلو وخصوصا القصايد السياسية ابدعت فيها جــــــــــدا من هنا للسنة الجايا انما الورمنسية فـ انا الحقيقة مليش فيها اوى والعيب مش فيك العيب فيا :)
عجبنى اوى ( كلبة بلدى - ابن الشوارع - مين النظام -
الظلم - التباس ) وحاجات تانية كتير
رغم المعاناة علشان اوصل للديوان الا انه يستاهل .. مستنية اخوات مريم بقى فـ اقرب وقت ان شاء الله ^_^
April 6, 2014
الديوان حلو اوي خصوصاً ان فيه حاجات حستها بتجسدني و حسيت اني انا اللي بعبر عن الحاجه دي مش انت ..
اسلوبك حلو اوي و بسيط خلاني مبقتش عايزه اسيب الكتاب,
في حاجات حبتها اوي زي :- "سيبك انت - واللي حصل - و طبعاً طبعاً انا حبيت".
و حاجات عجبتني جداً زي "يا مولانا , هسافر و اجيلك, بلاش, زوال, نهار ابيض, لعنه, شريطه سوده, حبيبتي, الضحايا السبع, جاي, إلتباس, هتحمل, وجع".
وكمان "معايده, احاول" حسيتهم جم ع الجرح اوي :']
حبيت اسلوبك ف الكتابه, و كمان الشباك الاخير تحفه, تحفه, تحفه! بلتوفيق و استمر ..والكتاب التاني هكون اول واحده تشتريه ان شاء الله.
اسلوبك حلو اوي و بسيط خلاني مبقتش عايزه اسيب الكتاب,
في حاجات حبتها اوي زي :- "سيبك انت - واللي حصل - و طبعاً طبعاً انا حبيت".
و حاجات عجبتني جداً زي "يا مولانا , هسافر و اجيلك, بلاش, زوال, نهار ابيض, لعنه, شريطه سوده, حبيبتي, الضحايا السبع, جاي, إلتباس, هتحمل, وجع".
وكمان "معايده, احاول" حسيتهم جم ع الجرح اوي :']
حبيت اسلوبك ف الكتابه, و كمان الشباك الاخير تحفه, تحفه, تحفه! بلتوفيق و استمر ..والكتاب التاني هكون اول واحده تشتريه ان شاء الله.
March 28, 2014
انا مش سهل انجزب للشعر بس بجد الديوان يستاهل بجد جميل و اسلوبة يشد ماعدا السياسة ماليش فيها :) بجد عجبنى اووووى بدايتا من اشتياق و اتكلمى و بلاش و انا حبيت و اللى حاصل و حبات اللولى ♥ و و ارقصى ♥ ♥ ♥ و سجدة قلب و عربية مترو و قلب ميت و سؤال و درب الهوى و فى وصفها و معنى الحب و بقالها كتير و شبابيك و بصراحة الكتاب كلة بقى بس دول قرتهم كذا مرة :) مبرووووووووووك بجد و غقبال دواوين جاية احلى و احلى :)
April 11, 2014
#مريم / ديوان خطير جدا ,, اتناولت فيه مواضيعك كلها بسلاسه واداع ,, عجبني قوي رؤيتك اللى بتقدمها فى كل قصيده بطريقه مختلفه ,, مواضيعك اللى اتناولت حاجات كتير بتمسنا من حب او هجر او عتاب حبيب او وطن او سياسيه ,, بجد أيدعت حد الوصف ,, ومن نجاح لنجاح يارب ,,
بالتوفيق ♥♥♥ومستنيين دايما منك الجديد
بالتوفيق ♥♥♥ومستنيين دايما منك الجديد
April 20, 2014
العزيز علاء الدين
مش سهل ان حاجه تعجبنى
بس للأمانه
وأنا بقرأ محستش بملل
الأسلوب سهل وحلو وعجبنى
بالتوفيق
وان شاء الله المره الجايه يكون أكثر تفوق :)
مش سهل ان حاجه تعجبنى
بس للأمانه
وأنا بقرأ محستش بملل
الأسلوب سهل وحلو وعجبنى
بالتوفيق
وان شاء الله المره الجايه يكون أكثر تفوق :)
March 13, 2014
كلمات بسيطة و معاني كبيرة و عميقة .. إحساس بيلمس القلب جدا ... كأنه مكتوب ليا شخصيا.
April 21, 2014
أول ريفيو ليه ولو ان شهادتى فى الديوان هتكون مجروحه ..
تصميم الغلاف: مختلف فى وسط كتب شعرا شباب كتير اتعملت .. بالرغم ان المصمم كان واحد بس مريم تميّز وبان روحه ع الغلاف جدا.
المفتتح والختام: اختيار موفق ان البدايه تكون معبره عن الوضع الحالى للبلد اللى مايختلفش عليه اتنين.. والختام بسيط بس عميق.
(اللون الصوفى):
يامولانا - سكون - زوال - أنا الدرويش
* بدأت بيهم لأنهم أقرب القصايد لقلبى .. نادرا لما بقرا كلمات صوفيه أو روحانيه ان جاز التعبير احس فيها بالصدق وف نفس الوقت ما تشتش عن صحيح الدين .. لازم تسجلهم كلهم مش زوال بس.
(اللون السياسي):
قطر يناير - هسافر واجيلك - طوبى - عين الميدان – قهوة سادة – نهار ابيض – ف وسط شوارع البلده – لعنه – شريطه سودا – الحر – حبيبتى – الضحايا السبع – التباس – هتحمل - وجع – الظلم – مين النظام – شاهد عيان – ابن الشوارع – عمر – خانه واحدة – كلبة بلدي – الانتظار
* ده اكتر لون انت متميز فيه وموهبتك ظاهره فيه .. استثمر ده وركز عليه
كلهم مستواهم فوق الممتاز ماشاء الله و ليه شويه تعليقات:
- مين النظام .. ليها معزه خاصة كونها اول قصيده عرفتنى مين أبو علاء اللى مش معري
- هسافر وأجيلك .. كلمات قويه وألقائها بيديها قوه اكبر .. لازم تتسجل
- كلبه بلدى .. من القصايد اللى صدمتنى لما قريتها ومعجبتنيش ف الأول.. ماستوعبتش قصدك غير لما سمعتها .. بس كلامها بيضايقنى مع انه واقع
- قطر يناير .. من أصدق الكلمات اللى عبرت عن 25 يناير
- وجع .. وجع مصر .. بسمعها كتير اوى
- نهار ابيض .. اول مره اقرا قصيدة سياسية رقيقة
(اللون الرومانسي):
سيبك انت - zoom out – اتكلمي – بلاش – انا حبيت – أحاول – حبات اللولى – ارقصي – عربية مترو – سؤال – درب الهوي – يمكن – في وصفها – انا العاشق – بقالها كتير – حوا – صبر – درويشه
* مكنتش بفضل الشعر الرومانسى .. بحس ان بقى عندنا تخمه من كتر الشعر الرومانسى اللى بنقراه ف كل حته وبكل شكل واغلبه دون المستوى ومبتذل
بس نصيحه لكل اللى هيقرا كلامى .. عايز شعر رومانسى حقيقى مش مجرد كلام اقرا حوّا وسيبك انت وصبر وأنا العاشق واتكلمي ويمكن
*بلاش : تأثيرها عليه نفس تأثير نص يوم .. ف هحتفظ بالتعليق لنفسي
(اللون الاجتماعي وباقى القصايد):
نص يوم – نوستالجيا – دنيا – اشتياق – يسألونك عن الأموات – الخوف – العين والسن والبادىء – قلب ميت – سجدة قلب– معايدة – جاى – اللى حاصل – انا وانت – امى – بلا من الناس – زى الحاله – معنى الحب
فى المجمل القصايد مستواها كويس جدا ودى شويه تعليقات:
*أنا وأنت .. شايفاها ضعيفه جايز عشان مفهمتش معناها ، سجدة قلب .. كانت محتاجه مجهود اكبر خصوصا ف الجزء الاول بس عجبنى جدا المقطع الأخير ، دنيا .. موصلنيش معناها غير بعد ماقريتها كذا مره توّهتنى شويه ، عمر.. أولها معجبنيش خالص بس آخرها حلو ومعبر
*نص يوم : مابيعديش أسبوع تقريبا الا لما بسمعها .. مقولتش رأيى اول ما سمعتها ومتمسكه بده .. ربنا يرحمها ويرقي منزلتها ويجمعك بيها مع الصالحين
*العين والسن والبادئ , معايدة , بلا من الناس .. الوجع فى أشدّ صوره
شبابيك: مشاعر حقيقيه اتصاغت ببساطه وابداع ف النتيجه كانت شبابيك
المناجاه: كلام صادق من قلب يبتغى الطهر أسال الله ان يرزقه اياه .. مكنش ينفع ما يبقاش فى الديوان .. ختامه مسك
التقييم: 4 من 5 والنجمه الخامسه بقي لكونه الديوان الأول لشاب لسه على
أول الطريق وطلع بالنتيجه الراقيه دى .. شكرا لاحترام عقولنا.
نصيحتى ليك: اعرف انك ماشى عكس التيار السائد .. ف السكه مش هتكون سهله وعايزة مجهود مع ثبات وثقه .. كله "بيتفلتر" ومش بيتبقى غير اللى يستاهل .. وافتكر دايما : (( فَأَمَّا الزَّبَدُ فَيَذْهَبُ جُفَاءً)) صدق الله العظيم.
تصميم الغلاف: مختلف فى وسط كتب شعرا شباب كتير اتعملت .. بالرغم ان المصمم كان واحد بس مريم تميّز وبان روحه ع الغلاف جدا.
المفتتح والختام: اختيار موفق ان البدايه تكون معبره عن الوضع الحالى للبلد اللى مايختلفش عليه اتنين.. والختام بسيط بس عميق.
(اللون الصوفى):
يامولانا - سكون - زوال - أنا الدرويش
* بدأت بيهم لأنهم أقرب القصايد لقلبى .. نادرا لما بقرا كلمات صوفيه أو روحانيه ان جاز التعبير احس فيها بالصدق وف نفس الوقت ما تشتش عن صحيح الدين .. لازم تسجلهم كلهم مش زوال بس.
(اللون السياسي):
قطر يناير - هسافر واجيلك - طوبى - عين الميدان – قهوة سادة – نهار ابيض – ف وسط شوارع البلده – لعنه – شريطه سودا – الحر – حبيبتى – الضحايا السبع – التباس – هتحمل - وجع – الظلم – مين النظام – شاهد عيان – ابن الشوارع – عمر – خانه واحدة – كلبة بلدي – الانتظار
* ده اكتر لون انت متميز فيه وموهبتك ظاهره فيه .. استثمر ده وركز عليه
كلهم مستواهم فوق الممتاز ماشاء الله و ليه شويه تعليقات:
- مين النظام .. ليها معزه خاصة كونها اول قصيده عرفتنى مين أبو علاء اللى مش معري
- هسافر وأجيلك .. كلمات قويه وألقائها بيديها قوه اكبر .. لازم تتسجل
- كلبه بلدى .. من القصايد اللى صدمتنى لما قريتها ومعجبتنيش ف الأول.. ماستوعبتش قصدك غير لما سمعتها .. بس كلامها بيضايقنى مع انه واقع
- قطر يناير .. من أصدق الكلمات اللى عبرت عن 25 يناير
- وجع .. وجع مصر .. بسمعها كتير اوى
- نهار ابيض .. اول مره اقرا قصيدة سياسية رقيقة
(اللون الرومانسي):
سيبك انت - zoom out – اتكلمي – بلاش – انا حبيت – أحاول – حبات اللولى – ارقصي – عربية مترو – سؤال – درب الهوي – يمكن – في وصفها – انا العاشق – بقالها كتير – حوا – صبر – درويشه
* مكنتش بفضل الشعر الرومانسى .. بحس ان بقى عندنا تخمه من كتر الشعر الرومانسى اللى بنقراه ف كل حته وبكل شكل واغلبه دون المستوى ومبتذل
بس نصيحه لكل اللى هيقرا كلامى .. عايز شعر رومانسى حقيقى مش مجرد كلام اقرا حوّا وسيبك انت وصبر وأنا العاشق واتكلمي ويمكن
*بلاش : تأثيرها عليه نفس تأثير نص يوم .. ف هحتفظ بالتعليق لنفسي
(اللون الاجتماعي وباقى القصايد):
نص يوم – نوستالجيا – دنيا – اشتياق – يسألونك عن الأموات – الخوف – العين والسن والبادىء – قلب ميت – سجدة قلب– معايدة – جاى – اللى حاصل – انا وانت – امى – بلا من الناس – زى الحاله – معنى الحب
فى المجمل القصايد مستواها كويس جدا ودى شويه تعليقات:
*أنا وأنت .. شايفاها ضعيفه جايز عشان مفهمتش معناها ، سجدة قلب .. كانت محتاجه مجهود اكبر خصوصا ف الجزء الاول بس عجبنى جدا المقطع الأخير ، دنيا .. موصلنيش معناها غير بعد ماقريتها كذا مره توّهتنى شويه ، عمر.. أولها معجبنيش خالص بس آخرها حلو ومعبر
*نص يوم : مابيعديش أسبوع تقريبا الا لما بسمعها .. مقولتش رأيى اول ما سمعتها ومتمسكه بده .. ربنا يرحمها ويرقي منزلتها ويجمعك بيها مع الصالحين
*العين والسن والبادئ , معايدة , بلا من الناس .. الوجع فى أشدّ صوره
شبابيك: مشاعر حقيقيه اتصاغت ببساطه وابداع ف النتيجه كانت شبابيك
المناجاه: كلام صادق من قلب يبتغى الطهر أسال الله ان يرزقه اياه .. مكنش ينفع ما يبقاش فى الديوان .. ختامه مسك
التقييم: 4 من 5 والنجمه الخامسه بقي لكونه الديوان الأول لشاب لسه على
أول الطريق وطلع بالنتيجه الراقيه دى .. شكرا لاحترام عقولنا.
نصيحتى ليك: اعرف انك ماشى عكس التيار السائد .. ف السكه مش هتكون سهله وعايزة مجهود مع ثبات وثقه .. كله "بيتفلتر" ومش بيتبقى غير اللى يستاهل .. وافتكر دايما : (( فَأَمَّا الزَّبَدُ فَيَذْهَبُ جُفَاءً)) صدق الله العظيم.
April 17, 2014
اولا مبروك على الديوان الاول ليك وعقبال التانى ..انا كنت بقرأ ليك مقتطفات على صفحتك ورأيى متغيرش بعد الديوان .بجد الديوان ان شاء الله هيكون نقله ليك انا خلصته فى يوم ونص بتحرك بيه وبقراه ..بتحسه بياخدك من احسااس لاحساس لاحساس انت نجحت فى انك تنوع فى المواضيع ومفيش تشابه ومبنحسش بملل ..بخلاف طبعا الاجزاء اللى بتتكلم فيها عن الثورة والقصايد السياسية تشابه مألوف عجبونى جداا ..عجبنى يسألونك عن الاموات وانا الدرويش ولعنةوشريطة سودا والتباس وكلبة بلدى ..والسطرين اللى علمو فى دماغى وكتبتهم عندى فى نوت "ابعد شىء عن العقلاء فى ذاته العقل واقرب شىء للمجانين اساسا عقل فنتدروش ده عين العقل..ان شاء الله بالتوفيق
June 12, 2014
" خير الكلام ما قل ودل "
ده اكتر حاجة بتنطبق علي الديوان .. وصف لكل إحساس ممكن يمسك بأقل الكلام
من اكتر القصائد اللي لمستني أوي ( معايدة - بلا م الناس - حبات اللولي - شبابيك )
و " المناجاة " اللي في الآخر من أروع ما قرأت
بالتوفيق دايما إن شاء الله :)
ده اكتر حاجة بتنطبق علي الديوان .. وصف لكل إحساس ممكن يمسك بأقل الكلام
من اكتر القصائد اللي لمستني أوي ( معايدة - بلا م الناس - حبات اللولي - شبابيك )
و " المناجاة " اللي في الآخر من أروع ما قرأت
بالتوفيق دايما إن شاء الله :)
June 24, 2014
بدايه نوعا ما جيدة للشاعر علاء عبد الله تميز الديوان بالغلاف بدايه اما عن المحتوى كان جيدا و ان لم يرتقى الى التميز بسبب تكرار كثير لنفس المعانى و الكلمات والمضمون لبعض القصايد ولكن فى المجمل العام ديوان جيد وافضل من اخرون كاتجربة اولى وبالتوفيق للكاتب
Read
April 15, 2014اولا مبروك ع الديوان الأول
لغة قوية و أسلوب مميز كالعاده :))
اقوى القصائد من وجهى نظرى : زوال ،انا الدرويش ،لعنة ، الضحايا السبع ، جاى ،وجع، ابن الشوارع، ارقصى ، حوا ، قلب ميت ، سؤال ،مناجاة و الختام اكثر من رائع !
لغة قوية و أسلوب مميز كالعاده :))
اقوى القصائد من وجهى نظرى : زوال ،انا الدرويش ،لعنة ، الضحايا السبع ، جاى ،وجع، ابن الشوارع، ارقصى ، حوا ، قلب ميت ، سؤال ،مناجاة و الختام اكثر من رائع !
April 20, 2014
لطيف :)
January 1, 2015
ما تستاهلشي للاسف
August 3, 2016
عجبنى طريقته جدا رغم ان التطويل حسسنى بملل ... مواضيع الكتاب متكررة ... بس بيكتبها بطريقة مختلفة
Displaying 1 - 17 of 17 reviews