Erraiak

by Danele Sarriugarte Mochales

Bikote haustura mingarri bat du abiapuntu eleberriak; emakumezko baten kontakizuna bakarrik iritsiko zaio, ordea, irakurleari, obsesio bihurtuta. Horregatik, ez ohiko intentsitatez barneratu da idazlea pertsonaiaren barrunbeetan, haren zokorik ezkutuenak, erraiak, agerian utziz, ez bere buruaren ez inoren aurrean biluzteko lotsarik gabe. Aldez aurretiko aurreiritzirik gabeko barne bakarrizketa batean murgilduta, protagonistak ordura arteko bere bikote harremanak xehatuko ditu, inoiz utzi ez duten mamuen aurrez aurre jarriz.
Narratzaileak egurra banatzen du ezker-eskuin, eta egurra banatzen du bere buruarentzat ere, tonu ironiko nabarmenarekin. Egur ona, sutarako balio duena, esan gabe doa. Danele Sarriugarteren idazkera zorrotzak, irakurlea jartzen du beti jo puntuan, eta emoziozko erantzunak ez ezik, baita zentzumenezkoak ere eragingo dizkio. Kontzientziak astintzeko lehergailu gisa irakur daiteke eleberri hau.

Unknown Binding

First published March 1, 2014

Reviews

[Nagore Sanchez · Rating 4 out of 5]

ze politt idazteun danelek, ze gordintasun ta ze zaurgarri. harremanan konplexutasuna ta hoiek zuregan euki dezaketen eragina hain ondo deskribatzea liburu hontan. hausnarketa batzutan nere burua ikusiet.
4 izar emateixkiot (ezintzaixkiolako 4terdi eman) momenturo oharreta jun ta berrize atzea bueltatzen ibiltzia astun xamarra intzaitelako batzutan, baña bestela 💌