شقة الهرم

by تامر عطوة

تثير "بيت الهرم" لدينا تساؤلات, الخوف من المجهول هل هو غريزة انسانية طبيعية كما قال قدامى العلماء؟, أم هو ميل فطري كما قال أحدثهم؟
يتنافس العلماء على دراسة الخوف بينما يتنافس صناع الدراما على وضعنا أمامه ليطلقوا طاقات دفينة داخلنا تحثنا على التفكير, والمقاومة والتصدي, فالخوف لدى علماء النفس يوجد على رأس قائمة الانفعالات الأصلية التي تبدأ معنا منذ ولادتنا كمرادف طبيعي للبحث عن الأمان, فالخوف يعد من المشاعر المهمة في حياتناوالتي تنشأ من الطاقة بداخلنا, وهذه الطاقة هي أساس قوة الحياة, ولذلك يظل السؤال الحائر:
اذا كنا نشعر بالخوف من القصص المرعبة وكذا الأفلام, فلماذا نعيد القراءة والمشاهدة عدة مرات؟؟, لماذا تفوز بكل هذا الاقبال؟؟, والاجابة تكمن في أنه نوع من العلاج لاخراج طاقة نفسية نشعر بعدها دون أن ندري أننا "تمام".
خلاصة القول:
"بيت الهرم" ستصيب أطرافك بالبرودة, وستشعر أن جليدا تراكم فوق أذنيك و"مصارينك حاتكركب", وهو المطلوب اثباته.
اترعبوا تصحوا, والا ما كان تامر صمد أمام ما تعرض له من أهوال.
ولكن المؤكد ان المتعة ستتحقق,
بالشفا.
إسعاد يونس

Genres: Horror, Fiction, Novels, Literature

329 pages, Paperback

First published January 1, 2014

Reviews

[Nayra.Hassan · Rating 2 out of 5]

اول مرة اعرف ان هناك روايات السبكي ..مثل افلام السبكي الشعبية الرهيبة بالضبط
حسنا ..لقد بلغت خيبة أملي عنان السماء هذه المرة..فقد انتظرت "شقة الهرم" لاكثر من عامين..لتكون المفاجأة..إنها مكرسة لتفهمنا بافظع الطرق الممكنة.."ما هو العمل السفلي النجس"بحذافيره

how do you delete

المفترض ان الرواية التي تزيد عن 325 صفحة تحكي عن واقعة حقيقية من حياة تامر عطوة في عام 1997
نستعرض ظروف حياته كشاب يحيا بمفرده ...في عمارة عائلية بالهرم..يعمل بتجارة شرائط الكاسيت و توزيعها...يتعرض لعدد من الظواهر الغير طبيعية. .حتى تنفجر الأمور بهذا الموقف

ا"انا متجمد تحت غطائي ..اقدام نسائية منتفخة مزركشة بحروق قديمة..تقترب مني
اريد ان اموت ..و لكن كان هذا خيارا لا امتلكه ابدا "ا
ليهرب متكفيا على السلالم و يصاب..و توؤيه صاحبة المنزل في شقتها..و تحكي له باستفاضة و على مدى 3 أيام .اسباب ما يراه من ظواهر شاذة👹
حسنا النجمتين كلهم للمائة صفحة الأولى ..بل انهم يستحقون 4
نجوم..لما فيهم من صدق
ليهبط فجأة فرح بلدي بذيء على الرواية..و يشعر القارىء أنه محبوسا في توكتوك..و محاصر بجو المهرجانات الشعبية ..و ابخرة حشيش و بيرة و راقصة ضخمة بذيئة اللسان و الافكار الى حدود فلكية
و كم لا يصدق من السباب البذيء..من معظم الابطال..و توارى تامر. ..ليروي لنا عن العريس المربوط (لم يكن لخطه الدرامي إي فائدة. .حقا )..و غيرة النساء البلدي التي تنتهي بكفر صريح و واضح.. و طبعا ..طفل روزماري
و الاهم تفاصيل صراع الجبابرة بين اثنين من اسفل انواع السحرة ..هزاع..و لبيب .. لا يستحمون ابدا..ابدا..و لمائة صفحة نغرق بصراعهم ♨
صراع يتوارى معه فولدمورت.. بشره الخام المركز
يتوارى أمامه صراع سارومان امام جاندولف..كل دول اجانب مؤدبين حقا
صراعهم ..مليئ بكم من الفحش ..و هنا احيى تامر انه لم ينساق في تفاصيل جنسية صرح بها و المح إليها مرارا و تكرارا ..و ان كان كم الشتائم و العنف لا يطاق
دائما أرى الأدب اسمى بكثير من فجاجة الواقع..لذا لا نخلد ابدا كم العشوائية و الجهل بل و الكفر الذي استشرى بين الابطال..نعم نحن محاطين بها و لكن لا نخلدها في كتب ..او حتى افلام ..فلتذهب السوقية للجحيم

احببت جدا معلومة " الزعارير"اطفال الجن و كانت تستحق سبعين صفحة ..و ليس 4سطور ابدا..
ملحوظة جانبية:الزوج الذي يدمن الخمر و المخدرات. .و يرافق الراقصات و الساقطات.. و يدير تجارة حماه احيانا و يطفش سنوات ..ليس" مسكينا" باي شكل
و اخيرا
كلنا تعرض لتجارب ما وراءية في حقبة ما..و نعرف جيدا ان هذه الاحداث تمر بلا تفسير ..و نسيطر عليها بالتقرب لله تعالى..فتذهب
لم يكن ضروريا اكمالها بتأليف كل هذه الاحداث المتنافرة
و لن أشير للنهاية البلهاء لان سخفها. .يستحق مجلدات

قد تكون الرواية مناسبة للشباب من الجنس الخشن..و لكنها كانت قماشة جيدة من الممكن تتهذب كثيرا

[Yousra · Rating 1 out of 5]

نكتفي بهذا القدر من الإنحطاط والسوقية في الحوارات ووصف العري والأنوثة المربربة على حد قول الكاتب والغلطات الاملائية والنحوية والطباعة الرديئة والفواصل بصورها الجديرة بالمواقع الإباحية والفكرة الرديئة والمسروقة من أفلام أجنبية

يعني طفل مستحوذ وشوفناها في
the omen
& the ring
وكمان فيلم أحداثه في اليابان مش فاكرة إسمه

طفل مشوه عنيف يخافه أخواته كما في الطفل الخامس

جن وعفاريت وانتحار زي ما في اغلب الروايات

وغلاف عبيط

بتبيع إيه انت؟؟؟

دماغك كانت فين يا إسعاد يونس!!!

ألتراس الكاتب المنتشرين لو جم يستظرفوا هاعمل لتعليقاتهم
Flag
ولهم
Block
وهابقى مش لطيفة خالص مع كم الروايات اللي قريتها وخصوصا روايات الرعب فيخلوا حبهم وانبهارهم لنفسهم -_-

خسارة الورق!!

[Sarah (SoU) Yehia · Rating 4 out of 5]

قبل ما اتكلم عن الكتاب لازم احكيلكوا عن الظروف المحيطة لقرأتي لروايه شقة الهرم او في روايه اخري بيت الهرم..

رجعت من معرض الكتاب و انا محملة بالكتب و عاملة افكر بمبدأ اكلك منين يا بطة.. دخلت و انا متحمسة و فضيت الاكياس و قعدت ابص علي الكتب الي انا جبتها وقعت عينيا علي اخر كتاب انا جبته وكان لكاتب مش معروف اسمه تامر عطوه، الكتاب الغلاف بتاعه ساذج جدا ويحسسك انه مش قد كده.. تسألني انا جبته ليه اقولك لأن إسعاد يونس الي انا بحترم رأيها في الروايات مديا الروايه ريفيو كويس والكاتب مش كاتب اي حاجة علي ضهر الكتاب تقولك هو بيتكلم عن ايه اللهم شويه تعليمات تتبعها و انت بتقرا الكتاب و سي دي مزيكا تسمعها و انت بتقراه.. قلت بدون حماس ماشي ابتدي بده و لما نشوف..

قعدت في السرير وفتحت نور الأباجورة و ابتديت اقرا الكتاب شدني بجد وفصلني عن الواقع لدرجة اني محستش بالسيد المبجل جوزي و هو داخل ورفعت عيني لقيت كائن واقف في وشي.. طبعاً شهقت وكان هيجيلي سكته قلبيه لدرجة انه هو نفسه اتخض ومشي يبرطم حاجة من عينه "عامله فيها السبع رجاله ولما انتوا مش قد روايات الرعب بتقروها ليه.." بس يا سادة انا الحقيقة خلصت الكتاب في قاعدة واحدة من كتر ما انا كنت مشدودة..

يلا بينا نتكلم بالتفصيل عن كتاب الي غالباً اتسبب في قطع خلفي و هو شقة الهرم..

اولا: الوصف: الكاتب فظيع في انه يديك تفاصيل ووصف يحسسك في اغلب الأحيان انك شايف المشهد مش بس بتقراه، بيديك تفاصيل تساعدك انك تتخيل كل حاجة كأنها بتحصل قدامك.. تفاصيل كافيه انك تتخيل المشهد من غير ما تأفور منه وتحسسك بالملل.. صدقوني في بعض المشاهد انا كان هيغمن عليا بسبب اني كنت كأني شايفة الي بيحصل.

ثانياً: الشخصيات: اسمحوا لي اقول احيــــــــــه، الكاتب كاتب شخصيات عميقة بشكل مش طبيعي تطور الشخصيات مكتوب بطريقه سلسلة لدرجة انك متحسش بالتطور الي بيحصل ولكن في نفس الوقت متفوجئش بيه.. بيخليك تتعلق بالشخصيات و بأحاسيسهم ومشاعرهم لدرجة انك تتعاطف معاهم وتقلق عليهم في بعض الأحيان، وفي احيان اخري تبقي عايز تنط في كرشهم من كتر كرهك ليهم..

ثالثاً: عامل عدم التوقع و المفاجأة: ده بالنسبه ليا شئ اساسي.. انا كسارة بقرا كتير و بتفرج علي افلام اكتر فمن الطبيعي بالنسبة ليا اني اهرش الكتب بالذات الكتب الي التيمة بتاعتها واحدة ولكن هيهات.. الكتاب كلني علي افايا اكتر من مرة و انا كنت مستمتعه جدا.. بالفعل كل توقعاتي راحت في الكابينه ومكنتش صح.. ولكني كنت منشحكة ومتسليه اخر 45 حاجة..

الحقيقة شابو للكاتب و ارفعله القبعة.. بالنسبه لأن ده اول كتاب له انا اوحيه تحية جامدة من قلبي و اقدر اقول و انا مرتاحة اني هشتري الكتاب الجاي..
ولكن رجاء الي المؤلف ارجوك بعد كده حاول تنأي الغلاف احسن من كده اول حاجة بتشد الواحد هو الغلاف بالذات لو الكاتب جديد فحرام حد يطنش كتاب كويس عشان الغلاف ساذج او يوحي ان الكتاب مش قد كده..
بس كده..

[Sarah Sayed · Rating 1 out of 5]

ص 217

انا بقول كفاية علي القرف والوقاحه دي لحد كدا
-_-

[وائل المنعم · Rating 1 out of 5]

قصة رعب خفيفة يصح أن تكون حدوتة تسمعها من فم جدتك، أو فيلم امريكي من الدرجة الثالثة ولكن ما علاقتها بفن الرواية؟ الله اعلم.

[Rogius · Rating 1 out of 5]

ايه دا ؟ يعني مش كفاية الواحد ضغط على نفسه و قرأ من ما يسمى "أدب" الأندر ايدج و استحملت تصميم الغلاف السيء جدا ناهيك عن المحتوى ، كمان يطلع الكاتب مفكرلي نفسه إله كاتب كتاب مقدس و منزه عن التقييم .. نعم يعني ؟؟ قرآن ولا إنجيل ولا توراة دا ؟؟ و عاملي كتالوج كأني بركب غسالة زانوسي ! .. قالك ايه مذاق ديكتاتوري ! هأو !!

[Wesam Karam · Rating 1 out of 5]

فكرة الرواية ومضمونها حلو لكن .........
.....
انا زعلانة اللى بيسالنى عن الكتاب للاسف بقوله انى زعلانة
من الاحداث وبعض المماطلة وللاسف كمان من اسلوب الكاتب

مستاءة كمان اوى من الالفاظ والتشبيهات الجارحة لأنوثتى
انا قريت اول 5 فصول فى مزاج عالى جدا وعايشة مع الرعب
والCD
لكن فى النص اتصدمت فى الخناقة بين الابطال بالشتايم الصعبة
اللى بتتقال فى الازقة والحوارى فقط

اتضايقت منك يا أ. تامر
حتى لو مبررك ان دا كلام الشارع والراجل البسيط
هقولك راعى ان فى شباب مراهق ممكن يكون لسه مش متلوث بألفاظ الشارع
وانت كدا اديته طريق يعرف الغلط

كنت عايزاها تكون محاولة لنشاءة ادب رعب قيم فى مضمونه
لكنك خلتنى اخاف اديها لحد هدية يقولى ازاى
تدينى حاجة زى كدا ....... خسارة ال45 ج
ربنا يسامحك

[Ramy · Rating 4 out of 5]

الرواية حقا من اظرف عدة روايات حديثة
مكتوبة عن الجن وا لعفاريت و الشقق المسكونة
الشيخ الأسود
ابتسم فأنت ميت
شمس المعارف


كنت قد اعطيها 5 من 5
لولا عدة ماخذ صغيرة
-ف اى رواية لابد و ان يكون لها رواى شخصية محايدة توجدات فى اغلب مشاهد الرواية و مع اغلب الشخصيات لتحكى اغلب القصة ...بلاطبع هناك احداث و مشاهد تحدث بعيدا عن الراوى مكانيا او زمانيا فيستكملها بان يحكيها لها شخص ما لاحقا..و لكن حتى بعد هذا ف الرواى قد احاط بها علما ليصبح قادرا على سرد الرواية بكاملها او اغلبها فى معظم الاحوال

اما فى روايتنا تلك ف البطل اوالراوى هو ساكن ل شقة ف بيت عائلة ليكتشف ان الشقة مسكونة من حماة الرجل الذى اجرها له
فليكن هذا مفهوم و قد حكت له الحماة ما قد كان لكن هناك احداث حتى الحماة لم تعرف بها و لاا الراوى نفسه و مع ذلك يتطوع المؤلف بسردها علينا بدون ان يذكر المصدر للرواى او يتبرع بذكر مصدر واهى ...."مهو بالعقل كدا ..انت يا تامر كنت هناك ؟ "
لا..طب عرفت ازاى لو مكنش حد حكى لك برضه

-الحبكة النهائية ..صراع الساحرين... سواء نهاية هذا الساحر ..قتله لحفيده ف يقلته ابنه
او الساحر الاخر و اختفاء مساعدته العجوز...كانت حبكة متعجلة سريعة

لكل بيئة او حضارة او مجتمع رعبه الخاص
ستكون شديد السخافة لو حاولت اخافة مصريين ب قصة او فيلم مصاص دماء او زومبيى لذلك ف الاغلب نضحك لدى مشاهدة تلك الافلام

لكننا نكون شديدو التوتر لدى مشاهدة الانس و الجن او التعويذة
لماذا ؟ لانهم يتناولو موضوع رعب محلى بامتياز الجن و العفاريت
و هو الموضوع الذى يبدع فيه كتّاب شباب كثر

قد لا تكون اول و لاا اخر رواية تتحدث عن شقة مسكونة
و لكنه جيدة جدا فى وصف الامر و تفاصيله
اسلوب الكاتب فى تاتش من اسلوب ستيفن كينج يبدا بوصف امر يومى مالوف يبزغ منه لاحقا رعب شديد ربما يصيبك من ذلك الامر بخوف غير مبرر بقية عمرك ..مثلا استعداد راقصة فى فرح شعبى للرقص
لاحقا يظهر الرعب

تأففت جدا من وصف و الفاظ الكاتب لحال و بيئة و رائحة و شكل الساحر هزاع ....
و سلوكه مع كنديار
ارتحت لنهايته و ان كانت مسلوقة "متكروتة"

غالبا سأقرا للكاتب عمله التالى عَمَل أسوَد

احيى الكاتب على عمله ..ترك على روحى و نفسى بصمة سوداء ثقيلة ... ظللت لايام احلم ب اشجان و اقلق من طفلتى القريبة من سن اشجان فى الرواية
ظللت لايام اتوتر من رؤيتى لاى قط اسود مصادفة ...ف الشارع
ظللت لايام احاول ابطا نفسى كيلا انهى الرواية بسرعة
اشغل نفسى ب اى كتب اخرى اقرأ فيهم معا لكى لا اركز فى تلك الراوية ف انهيها مضطرا
ظللت لايام كل بدات فيها جلسة قراءة اخرى و بمجرد فتحها اجد نفسى استعدت كل الاحداث السابقة و كانها مشاهد مسلسل تلفزيونى شاهدته ب الامس القريب

الكتاب التالى : Chicken Soup Unsinkable Soul (Chicken Soup for the Soul (Paperback Health Communications))

[Hend Barakat · Rating 2 out of 5]

قصة مشوقة لكن باسلوب كتابة ركيك جداً. يبدو أيضاً أن دار النشر بنفس الضعف لعدم مراجعة الأخطاء الإملائية التي لاحصر لها في الطباعة.

[Zakaria Zalt · Rating 1 out of 5]

اسوء انواع الادب التجاري هو ادب الرعب التجاري واسوء انواع ادب الرعب التجاري هي شقة الهرم.

[Mohammed omran · Rating 1 out of 5]

أعترف أن الرواية جذبتني في البداية واستهوتني الاحداث

أعترف أنني اندمجت وشعرت بالخوف في بعض الأجزاء وقد أكون وقتها كنت مهيئة للشعور بالخوف

أعترف أنني بعد نصف الرواية أصبحا أمل منها وأريد أن أعرف النهاية وفقط ...

يمكن المؤلف كان خلص كل الي عنده ومبقاش لاقي غير الدبدوب الي بيحمر البطاطس الي اتهرينا منها كتير في الجرايد والكتب الصفرا

كنت ماشي حلو أوي يا استاذ تامر وبعدين واضح انك كنت عايز تخلص الرواية وخلاص عشان تلحق الطبع أو عشان تلحق تنزل الجزء اللي خلصته ع الفيس

ودي مشكلة اغلب الكتاب ...عدم الصبر

اعترف ان الرواية حلوة بجد في نصفها الاول .... وفعلا شدتني لكن بعض الوصف مستفز ومقزز

والالفاظ سوقية ومبتذلة بحق

نحن نرقي بالأدب ونرقي بالكتابة .... حتي لو كانت البطلة او البلطل او ابطال الرواية سوقيين ومبتذلين قد نكتب بالإيحاء وليس بتلم الطريقة المبتذلة والرخيصة لجذب القراء

النهاية سخيفة جدااا

وبصراحة انا بعد النص الاول من الرواية ما صدقت اني اخلصها

برغم اني اعطيتها اربع نجوم ...عشان بس النص الاوزل من الرواية :)

[محمد عبد · Rating 4 out of 5]

الرواية رائعة للغاية ومرعبة بحق وتتصاعد وتيرتها كلما استمريت في القراءة حتى يصبح تركك لها امر غير وارد وتغوص في عوالم مرعبة عن الجن والاشباح والسحر الاسود والسحرة والمردة عوالم مرعبة ولكنها جذابة جدا .. من رأي فشخصيات لبيب ويوسف الهزاع من افضل ما صور تامر عطوة ونحن في انتظار البقية ان كان هناك بقية

[Moataz Abdellateef · Rating 2 out of 5]

زي الافلام السبكية في روايات سبكية..
نجمة لأول ٨٠ صفحة بعد كدا اتقرفت من الكتاب بجد

[طارق سيد · Rating 4 out of 5]

بدون أي مقدمات
مراجعة آكتر رواية رعبتني في حياتي
#كوكب_الكتب
#العراف

https://youtu.be/e7BaKyXBu-g

[Nada Muhammad · Rating 4 out of 5]

لما تشوف الغلاف تحس انها كوميديه ساذجه من بتاعت الرعب المصري لكن لما تدخل فى أحداثها و الوصف الدقيق لكل شخصيه وكل مكان يخليك تتقزز من القرف و تخاف من البنى ادم اكتر من العفاريت دة فى حد ذاته نجاح للروايه.

[Rodina Mohamed · Rating 1 out of 5]

اصدار دار السبكي للنشر و التوزيع

[ناني ماكفي]

هل أقيمها بنجوم؟! كنت لأقوم بذلك لو إحترم نفسه لكن !!
حسنا دعونا من المشاهد المبتذلة و الألفاظ اليععع 🤮🤮
والصور الجنسية القبيحة اصلا ..
كله تعض على ليمونة حامض وتستطيع التغاضي عنه
أما أن يقول
ٱيات من القرٱن منفرة مبتذلة !!!
فهذا دليل إبتذال هذا المدعو كاتب ودليل تعديه على الذات الإلاهية بلا أدنى إحترام ودليل قلة أدبه مع ربه
يقول إنه عانى تلبس . إذن أتفهم قوله منفرة لكن أن يستعمل كلمة مبتذلة فهي ليست في موضعها لأنها تستعمل لتصغير والتحقير
وهذا عيب ولا يجوز ولا أستطيع التسامح فيه
والعيب فيه وفي الناشر وفي المدقق اللغوي وفي من قرأ ولم يصلح لخريج السبكي هذا

كنت أصدق خليط خزعبلاته على أنها كلها حدثت فعلا لأنها حقا موجودة لكن هفوة منه جعلتني أنتبه أن ما يقوله فيه مغالطات ومبالغات جدا وربما أظاف عليها بهارات.
مندورة مثلا أحضرت طفلا صغيرا لبيت أم ناهد لتعرف أين وضع السحر
حسنا كانت المرأة مرتعبة لأنه صغير
وحين أخذ ليعيدوه لأهله وصفه بأنهم ذهبوا ليعيدوا الطفل المراهق لأبويه !!!!!!
فتح المندل لا يتم إلا بإحضار طفل لم يبلغ الحلم بعد
فأي مراهق هذا؟!!!
ما علينا
قال أنه أدب رعب عن شقة قطن بها وبدأ يرى فيها أشياء غريبة وصاحبة البيت حكت له أن الشقة سكنتها إبنتها وزوجها والتي ماتت محروقة بسبب ما جرى لها من سحر سفلي
طبعا تطرق لساحر يوسف الهزاع الذي كان هو من صنع العمل بطلب من كونديار صديقة الأم
ومنه تم حل السحر على يدي ساحر ٱخر إسمه لبيب
ودارت بينهما حرب طاحنة
وتطرق لقصة كونديار وميتتها والكثيير
كانت حقا لتكون رواية جيدة لو أخرس لسانه قليلا عن المشاهد المقرفة أو لو إختار ألفاظا أكثر إحتراما
لكنه أدب جديد
أدب السبكي والهشك بشك وأدب ياااااا دلعدييييي وتلك الضحكة الرقيعة
لم يترك الكاتب فرصة إلا وأبرز كبتا جنسيا مهولا وهوسا فظيعا
تخيل معي أما تتحدث ملتاعة لموت إبنتها المحروقة وتحكي قصة يشيب لها الرأس
وتترك كله لتصف الرقاصة التي رقصت في زفاف إبنتها
لم أركز تماما أهي من يصف أم الجدة أم الأم
المهم تركت كله لتصف بطريقة فجة وقحة شهوانية قليلة أدب وحياء الرقاصة بكل تفاصيلها والأدهى أنها عشيقة زوجها
تخيلوا
كل المواضيع يحشر فيها الجنس و يصف نفسه كلما سنحت الفرصة ليخبرك كم يحتضن الوسادة وكم هو حنون وبلا بلا
أغلقت تلفازي وأمسكت في يدي الكتب بسبب السبكي وشاكلته
أجدني مع أدب جديد أدب الس��كيات والعالمات
كل يوم أضع أوديو بوك أسمعه ومع هذا الأوديو وجدتني أخفض الصوت وأغلق الرواية حتى أكون وحدي من الإحراج
ولولا أني بدأتها من مدة ولولا أني أردت معرفة النهاية لما أكملتها
المهم صدمت من الكم المدح لهكذا تفاهة
لو كنا سنحكي عن قصص رعب ونقول أنها وقعت لنا فهناك الٱلاف منها وسمعته ورأيته بأم عيني
كلمة حصلت فعلا وواقعية لا تعطي لصاحبها كل هذا التجاوز والأريحية
أول الصفحات صدمت وبحثت عن هذا الكاتب وسيرته
فوجدته عالم فلكيات وخبير روحانيات ومساعدا لسبكي حرفيا وكاتب ولا أدري ماذا
وهنا علمت كيف تزاوج الرعب وهذه الكتابة المعاقة
اللغة توهمك أنها لغة سليمة لكنها معطوبة مضروبة .. فهو ليصف صفات بشعة يربط بها صفات تستعمل للمدح
جلبني الغلاف وندمت
رواية حرفيا لا تصلح لشهر الكريم ولا للإستماع وسط عائلة ولا حتى للإستماع أو القراءة
حتى في الأوديوبوك وصل بها الحد بمن تقرأ لتخرس ولا تنطق بالكلمات وتقول sorry وتعتذر !!
القارئة أصلا صارت تقرأ وراء بعض دون النقطة بين السطور أو الفقرات ... او حتى تشابترز
كنا في مشهد إغتصاب كونديار من الساحر لأجد جابر دخل في الخط وصرنا بالمشفى .ظننته بادئا وجدها ونقلها للمشفى بعدها أكتشف اننا بمشهد ٱخر 😆😅
القارىة صارت تقرأ وفقط المهم تكمل وتنتهي واظنها ما عادت تستوعب ما تقرأ
أدب؟!!!

بل هراء .إلى أين وصلنا أهذه كتابة وأدب ؟!!!!


والنهاية؟!!!!
النهاية يا سادة صادمة مبتورة مشلولة على عجالة هو وحده مل وكره وأراد أن ينهي الرواية فكتب تمت!!!
أقسم بالله وصف المشاهد الجنسية واستمناءه وعلاقته مع الجن وأحلامه بفقرات أطول من الخاتمة التي إختزلها بكلمة بتمت
🤮🤮🤮🤮🤮🤮🤮
أكتفي بهذا .سأعد قهوة عسى أن أهدأ
حرق دمي


...

[Jasmine · Rating 4 out of 5]

الرواية حلوة فعلا وفيها بعض المواضع المرعبة جدا واحيي الكاتب علی وصفه الدقيق للتفاصيل والموجودات وعنايته بيها لدرجة اني كنت باتخيل المشهد بتاعه بالتفصيل كاني باتفرج عليه في فيلم .... بالنسبة لي الرواية مقسومة اتنين ... جزء يصدق وهو جزء حسيته نابع من حقيقية "الحكاية" زي ماهو كاتب علی الغلاف بانها "حكاية حقيقية" .... كان مرعب جدا ويشد جدا وكنت متابعاه علی الفيسبوك لغاية جزء محدد وبعدين الكاتب توقف عن النشر وبعدها عرفت ان الرواية هتتنشر في كتاب ..... الجزء الاول عندي بينتهي بموت ناهد اما الجزء التاني وفي اعتقادي انه اغلبه من خيال المؤلف خاصة انه في هذا الجزء لم يعتمد علی حكاية احد الاشخاص للاحداث بل كان الكاتب بيرويها كانه يراها وفي النهاية قال انها تجميعة روايات لمندورة وبعض الشهود وزوبة علی الرغم من ان بعض الاحداث اللي حصلت كانت بدون الاشخاص ديه وكمان اشك ان واحدة زي مندورة )علی افتراض حقيقية وجودها( ممكن تحكي تفاصيل واسرار للدرجة ديه ..... في اعتقادي ان الكاتب اعتمد علی خياله وقريحته المطلقة في اسباغ الصفة الادبية او الروائية علی الاحداث اللي حصلت في الاول .... يعني لاعطائها طابع عدالة السماء وكدة .... علی الرغم من ان في بعض الاحيان لا نشهد عدالة السماء بانفسنا .....وده كان واضح جدا في الصراع بين لبيب ويوسف هزاع .... واعتقد وسعت اوي موضوع ان اللي يقتل هزاع يكون ابنه حسيت اني في فيلم لحسين الامام اوووووووي .... وكمان موضوع انه اتلمس والست الضخمة اللي بتظهرله حسيت ان الموضوع اتقطع فجاة بدون تكملة ولا تفاصيل ولا سرد زي ما يكون الكاتب مش عارف يوصف اللي حصل او مش عايز ... وموضوع انه هيكمل موضوع الشقة التانية في قصة اخری ... هو الموضوع هو مذكرات الكاتب وحكاياته مع العفاريت ولا روايات من خياله .... انا بالنسبة لي انها تكون من خياله احسن بكتير لان ده يدل انه كاتب بارع فعلا ده اللي خلاني اعجب بالرواية في جزئها الاول حتی وفاة ناهد هذا الاحساس اللي بدا يقل لما كملت باقي الرواية بعد كدة .... بس هي في المجمل الرواية جميلة تستاهل تلاتة ونص من خمسة ويمكن 4 كمان من خمسة

[Mohamed Mutawea · Rating 5 out of 5]

لست ناقدا فنيا ولا اديبا ولاحتي كاتبا انا مجرد قارئ وتختلف معايير تقييم الروية بلنسبه لي ولا يهمني ان استخدم الكاتب الفصحي او العاميه او الاثنين معا او استخدم لغه مريخيه حتي طالما نجح في الاتي جذب انتباهي لما يقول ، ثم ثتبيتي في مكاني ، واشعال الرغبه لمعرفه ماسوف يقول، ثم نقل كل الاحاسيس المكتوبه الي وكأنها واقع حولي، وهذا ما نجح فيه تامر عطوة بكل اقتدار بدأت القراءه بأستهتار ثم مع الصفحه الثانيه كان الاندهاش ثم الانغماس ثم فجأه اجد نفسي في الصفحه ٢٠٠ ثم رغبه شديده في قلب الصفحة ثم النهايه بكل اعجاب الروايه تحفه بلنسبة لي طبعا ولاحكر علي اراء الاخرين وربما سر اعجابي انني ممن تعرض وعاش بعضا من احداث الروايه شخصيا
ولكن لي عتاب صغير وهو ( الشتائم ) انا مؤمن ان الشخصية المكتوبه لها لغتها وفي حال السب فأن الشخصية هي التي تشتم وتسب نتيجه لبيئتها واننا اصبحتا نسمع كل هذه الشتائم يوميا ولكن كان من الافضل ان يكتب اول حرف من الشتيمه وصدقني كنا حنفهما لوحدنا وكل حسب ثقافته وقلة ادبه ياريتك كنت سبتها لينا ياتامر ... لكن في المجمل هي بلفعل تحفه واعتقد انني سوف ابحث عن اسم تامر عطوه في المكتبه بثقه انه سوف يقدم لي ما اريد ويمتعني ، وانصح بها كل من يبحث عن الاثاره والتشويق والرعب

[Mahmoud Atta Ibrahim · Rating 1 out of 5]

مهما كان العمل رديء .. فلعلك تجد فيه شيئًا ما يعجبك..
مجهود الكاتب في تجميع المادة ... الفكرة ... رسم الشخصيات .. إلى اخره مما يجعلك تقيم العمل بنجمتين على الأقل..
ولكن الكاتب هاهنا للأسف نال من ذلك المبدأ عندي.. فقد أعطاني السبب لأقيم عمله بنجمة واحدة ولا أظن الكتاب يستحقها...
رواية عن السحر بشتى أنواعه... في الحي الذي بدا سوقيًا للغاية وهو ما يخالف فكرتي عن المنطقة المزعوم ان أحداث الرواية حدثت بين جنباتها ... ما بين شخصيات الرواية علاقات بدت كدوائر شديدة الضعف أضف لهذا لغة ركيكة ضعيفة تشي بضحالة المضمون ومن هنا كان الاستمرار في القراءة هو الرعب الحقيقي...
ربما تكون أولي اعمال الكاتب وقد تحسنت اعماله فيما بعد .. حقيقة لا أدري.. ولكن اظنني لن أقرأ له مرة اخرى..
بالمناسبة لا يوجد ما يسمي سى دي رعب...هذه كانت اتفه فكرة ممكن ان يتفتق عنها خيال الناشر... وتوضح نوعية الجمهور الموجه له الرواية
تحياتي

[Youssry Effat · Rating 3 out of 5]

نوع رعب البيوت او رعب المس و البيت المسكون والحاجات دى
بتكون مرعبه فعلا و ده اللى قدر يعمله الكاتب فى اول 150 صفحه
انما فيما يخص اللى بعد كدة كان دخول لحكايات و حودايت كتيره

حكاوى من الماضى اللى استهلكت تقريا نصف الرواية الاخر
ودخول لفكره الاعمال السفلى و الحرب بين اتنين دجالين و مشعوذين
كنت اتمنى ان احصل ع تفاصيل اكتر و معايشه البطل اكتر فى المكان

ويعتبر تقييمى ع الجزء الاول من الكتاب واللى شدنى بشكل كبير و خلانى
اركز فى كل كلمة وتفصيله

وان شاء الله هقرا اللى حصله فى شقة وسط البلد

[Khaled Omara · Rating 4 out of 5]

بيت الهرم
كانت فين من زمان .... و إنت كنت فين من زمان
الرواية رائعة بل أكثر من رائعة
حبكة ممتازة ... شخصيات ثلاثية الأبعاد
والأهم من كدة أنا كنت خايف .. بجد خايف

أشكرك على الرواية وفإنتظار الجديد

[محمد حياه · Rating 2 out of 5]

مشاهد رعب مستواها مقبول .. سرد ممل كثيرآً .. أسلوب كتابة مبتذل وإباحي بشكل مستفز .. نهاية سريعة ومفتوحة وكأنك الكاتب تذكر موعد هام أاثناء كتابته فقرر ان ينهي الرواية الأن وفي حدود صفحتين حتى لا يتأخر .. فكرة وهدف لم يصلوا لي .. غلاف تجاري سئ للغاية
نجمتين على أول ٩٠ ورقة فيها وأعتبره كرماً مني

[Ali Moghanam · Rating 5 out of 5]

يبني انت معلم بجد
استمر
والله لو في اكتر من خمس نجوم تستاهلها

[أمورة نيازى محيى الدين · Rating 4 out of 5]

الرواية مشوقة جدااااا
وكلما قرأت ارى تشوقيأ اكثر فأكثر
اول مرة أقرأ للكاتب تامر عطوة
الرواية من فئة الرعب كل شخصياتها لها دور مشوق وطرق اسلوب السرد ممتعه اما وصف تفاصيل الشقة واماكن وقوع الأحداث فى الرواية كانت جامدااا جدااا
و تقييمى للكاتب اربعة نجوم**** مجهود الكاتب ممتاز فطريقة شرح كل شخصيه فيها وان كل شخص اخد جزاءة
ولكن اتوقف عند حزنىالشديد ل ناهد والدة اشجان الخنساء كنت اتمنى ان تكون نهايتها سعيدة
انها حقا رواية عظيمة بكل معانيها
ولكن بعض الألفاظ لم اكن اتوقع ان يرويها الكاتب منها بعض الكلمات القبيحة اوووى
ولكن كان لابد ان يراعى قراءة البنات لهذة الرواية
وما حدث بين يوسف الهزاع اللعين وبين كنديار مع ضم الكاف وسكون النون كان لابد ان يتحفظ بعض الشيىء
واتمنى ان اقرأ المزيد من كتابات تامر عطوة شكرااا كتيررر ايها الكاتب وعند لقائى القادم مع وسط البلد

[Hager Mohamed · Rating 2 out of 5]

دى أول مره أقرأ فيها لتامر عطوه بس ليه كدا ؟ ، يعنى كُنت مهيأه نفسى أقضى سهره رُعب مفيش زيها بعد ما أحداث الروايه الأولى أوحتلى ، المفروض دا كتاب رُعب زى ما هو متصنف أفاجئ إنه إلى حد كبير كتاب جنسى أكتر منه رعب ! ، لأ وبصراحه الكاتب مكنش بخيل خالص ولا فى الشتايم المُقززه ولا المشاهد الجنسيه والإيحاءات ولا الأحداث اللى بعيد عن سياق القصه كُلها والتطويل اللى ملوش لازمه أصلًا ، زائد الخلط الكتير بين الفُصحى والعاميه وركاكه اللغه فى بعض المواضع ، النهايه جت كغفوه مُدتها دقيقتين ، اللى هو بقالنا كتير بنهرى يا جماعه فيلا ننهى القصه بقا ! ، ومش فاهمه بردو إزاى يبقى فيه جزء تانى ، يعنى على حسب ما فهمت من نهايه الكتاب إن الجزء التانى هيدور حول شخصيه فرعيه وهى لبيب ، طب وتامر دا راح فين ؟ ، بس علشان مابقاش حكمت حُكم نهائى على الكاتب من أول تجربه هقرأ الجزء التانى لعل وعسى يكون أفضل .

[Maya Wild · Rating 5 out of 5]

دى قطعة بسيطة من رواية بيت الهرم اهديها لكل القراء
ماذا يحدث هل الارض تهتز ؟؟؟ ارتجف الضوء المنبعث من مصباح الكيروسين ارتعاشة خفيفة لينتبه لبيب جزئيا
فشياطينه تخبره ان شيئا ما يحدث ثم يعود مجددا لتكملة العمل السفلى متمتما ببعض عبارات أخرى لا تمت لصنع العمل السفلى بصلة بل هى استدعاء خافت لقواه الخارقة فقرون استشعاره لا تكذب ثمة وجود معادى للمكان ولصاحبه وجود شرير خبيث يزعج لبيب بشده
يعود الاهتزازا اقوى من سابقه لتسكب بعض الاشياء على منضده لبيب ويهوى لبيب نفسه جالسا بشكل طبيعى على الجلسة ومع الاهتزازاة الثالثة ينظر لبيب امامه ليجد وان باب الحجرة فى جوف المقبرة اختفى واصبحت الحجرة مجرد مكعب مجوف بلا اى منفذ
حل الانفجار محل القلق وقد تداخلت اطراف البنت برعب وارتمت ارضا وهى تنظر لمكان الباب بينما يتصبب العرق من وجه الدجال وقد علته صفرة الموت نفسه فيما كان لبيب يصيخ السمع ليعرف من هذا
يمر الوقت والقبر مغلق تماما على الثلاثة بينما راحت البنت تهزى وقد جنت تماما وساح عقلها مثل قطعة الزبد بينما انفجر الدجال صائحا خائفا يدق على الجدران بيأس الموتى نفسهم وقد انخفض الضؤ وتسبب فى حالة من الاختناق بسبب احتراق الكيروسين ولبيب صامت يحاول التركيز والتصنيف
لاى من الشياطين له هذا الفعل المزلزل ؟؟ ويسرح لبيب تماما بينما الدجال يصرخ وقد اوشك هو الاخر على الجنون او الانهيار العقلى
تخيل معى انك محبوس داخل مكعب مجوف وهذا المكعب هو غرفة من غرف قبر قديم وقد انغلقت عليك منافذ الحياه ويرافقك ساحر رجيم كان يفعل لك الافاعيل لتكتمل خدمته المدفوعة الاجر مسبقا بينما البنت تهذى فى غيبوبة صريحة ومن الواضح انها على شفا الموت ستموت يا صديقى اختناقا وقد حبست للابد مع اعتى واكبر ذنوبك
ومع الاهتزازة الثالثة انطفأ المصباح الغازى ليسود الظلام تماما
ظلمة سوداء لم تعرف الضياء قبلا ظلمة دسمة لها ملمس الابدية وطعم الموت
انها ظلمة القبر نفسه بلا زياده ولا نقصان يسود مع الظلام الصمت المفاجئ للجميع عدا بعض الهمهمة التى تخرجها البنت لتثبت انها حية ترزق
وفجأه تلتمع جمرتان فى وسط الحجرة يعقبها تجسد مضيء لكيان مقطوع الساقين يسمى فى دنيا الجن بالناصور
ومن هذا التجسد المضئ استمدت الحجرة بعض الضياء يجول الناصور فى الغرفة بناظريه ينظر للدجال المزيف ويقترب منه بينما يموت الرجل ويحيا مع كل شهيق وزفير اطلقه ذهولا يقترب منه الجن السمين ويمسكه من بطنه ليتكهرب الرجل تماما وقد صرخ بصوت نسائى عجيب يم يدير عينه ليثبتهما عند لبيب ويقترب منه مستندا على مرفقيه كخفاش يستخدم جناحيه كقدم يمشى عليهم
وما ان اقترب مسافة كافية حتى فتح فمه صارخا صرخة ارتجت لها اركان الحجرة المغلقة وتساقطت الرمال من بعض مواضع فى السقف والجدران لينخلع قلب الدجال تماما ويسقط ارضا بجوار البنت بينما لم يحرك لبيب رمشا من مكانه وبدا وكأنه يعرف الاعيب الناصور جيدا ليصرخ فيه الناصور مرة اخرى ويختفى ليجد لبيب ان باب الحجرة فى مكانه يقوم من فوره ويسرع بالخروج غير مبالى اصلا بالجسدين المطروحين تحت قدميه والتى من الواضح انها تلفت تماما وتحتاج صيانة وذاكرة جديدة كى تواصل عيشها
يخرج لبيب بحذر من جوف المقبرة ويتشمم الهواء باحثا عن ذلك

[Mohamed Mohamed · Rating 3 out of 5]

روابة بيت الهرم رواية مشوقة و ممتعة ، شدتني اليها بشدة في البداية حتى اني كنت غائب تماما عما حولي و اشعر اني داخل الأحداث بدلا عن البطل

فكرة السي دي المصاحب للرواية هي فكرة رائعة بحق و جديدة على ما اعتقد لكنها لا تتناسب مع كل القراء فالبعض يفضل الهدوء التام حتى يسبح خياله بعيدا و يتخيل اماكن القصة بكل دقة و البعض الأخر قد يجدها محفزا لهرمونات الخوف لديه

بقدر ما كانت البداية ممتعة و الحبكة جيدة و تشابك الخيوط معقد ،بقدر عدم استساغتي للنهاية و التي شعرت ان الكاتب لم يعطيها حقها و لم يجيب على كل تساؤلاتي و علامات الأستفهام التي زرعها في عقلي في بداية القصة و هي
ما السبب في وجود الحروق و البثور في قدمي العملاقة التي احبته ان لم تكن هي ناهد التي ماتت محترقة

لماذا انتظرت البنت (أشجان) كل هذه الفترة في الشقة معه (8 أشهر) حتى تستبدل نفسها بهذه العملاقة

ما علاقة نومه لأول مرة قبل الفجر بظهور العملاقة و وثبها على السرير علما بأنه كان يتواجد في المنزل يوميا لثمانية أشهر قبل الفجر و يجلس في الشقة يطالع الأفلام و المسرحيات

ما علاقة جرس الهاتف بالموضوع و اعلم انه ذكر فيما بعد وقت وجود مندورة بالمنزل لكن بلا تفسير

لماذا كان المس الأول لناهد بالمقابر رغم ان العمل مدفون بمنزلها نفسه

من هو الشيخ رأفت و متى ظهر و ماذا فعل

افهم أن هناك بعض النقاط التي تركها الكاتب متعمدا حتى يطلق لخيالنا العنان في تخيل ما نريد و لكن ليس بهذا الشكل الذي يؤثر على محتوى القصة و مضمونها

[محمد سمير · Rating 1 out of 5]

تسألنى ماهو الذى يضايقك أكثر .. اخبرك على الفور : التعدى على الثوابت الدينية .. قد ابتلعت رغمًا عنى مشاهد جنسية مباشرة وقبيحة ومقززة فى كل تفاصيل الرواية وانا مرغم لكى ارى ما ستؤل اليه النهاية لكن ما فصلنى تمامًا من العمل عندما ذكر المؤلف ان الدجال يستطيع بجانه وعفايته انطاق الموتى .. هنا توقفت واعطيت الرواية سالب وليس صفر .. تجاوز الكاتب كل الخطوط الحمراء الممكنة فى الجنس والدين وحتى المشاهد المقززة التى لا يستطيع أحد تحملها .. العمل كان من الممكن ان يكون عبقريًا هائلًا فالكاتب يمتلك كل مؤهلات الكاتب الناجح من حيث بناء احداث سريعة مرعبة بحق وتسلسل وحكى رائع وقوى وتشويق لا ينضب ولا يتوقف بين سطور الرواية وهى من النوع الذى لا تستطيع ان تتركه من بين يديك .. لكنه لعب على التيمة السائدة فى المجتمع وهى كسر كل الخطوط الحمراء الممكنة والاغراق فى الالفاظ الخادشة والمشاهد الفاضحة القذرة بل وتعدى ذلك الى تصوير مشهد بين دجال وسيدة عجوز .. وهو ما يجعلك تضع الرواية فى سلة القمامة فورًا .. لا أدرى حقًا .. هل رأيى وضرورة ألا يتماس الادب مع خطوط الدين والاخلاق هو الذى يمثل رأى غالبية القراء الآن أم أن المهم هو المتعة المستفادة من العمل وكم الامتاع والتشويق- وهو المتحقق فعلًا - بين دفتى الرواية ! قى ظل مجتمع معيوب تنخر فى جسده قلة الأدب حتى وصلت لعظامه
..
التقييم على جود ريدز
3.2/5
تقييمى
0/5
#مما_قرأت_ولم_يعجبنى

[Menna-Allah Mostafa · Rating 1 out of 5]

مع احترامي الكامل للكاتب بس دي بالنسبالي تاني اسوء روايه بعد منافي الرب حقيقي.. اولا بالله عليكم كفايه شتايم تخدش الحياء ف الروايات ف كلام حقيقي صدمني وانا بقراه حتي لو بيتقال ف الشارع بلاش يبقي ف الكتب حرام بجد اننا نكون بنحاول نهرب من الواقع البشع المحيط بينا لعالم الروايات علشان نستمتع نلاقي كلام يضايقنا اكتر طيب فين الفرق؟؟ ومش معني انها روايه رعب يبقي انزل بالمستوي كده واقول كلام مينفعش يتقال ! .. ثانيا برضو رجاء خاص بلاش الايحاءات بالشكل ده انا مش عايزة اتكلم من منظور ديني لاني لست بعالمه بس نصيحه لوجه الله حضرتك كده بتاخد ذنوب كل واحد بيقرا الروايه دي وبيبدا يشكل الايحاءات دي ف ذهنه فياريت نتقي الله ف انغسنا وف الآخرين .. واشهد الله كلامي للنصيحه وليس للجدل الفارغ .. الروايه كمضمون حسيت ان حضرتك فعلا ف حاجات بتوصلهالنا كويسه زي فكره خيانه الاصدقاء بسبب الحقد والغل عجبتني الفكره جدا خصوصاً اننا بنعشيها دلوقتي وبنشوف ناس كتير اقرب الناس ليهم بيكونو سبب ضرهم ..وعجبني برضو فكره ان حضرتك بتوصل ان الاستعانة بالشياطين كفر وليه نهايه سيئه وعجبني جدا الصراع الي بداخل لبيب لما كان بيتسال بينه وبين نفسه ان ربنا ارحم بيه من الشياطين بس كبره وخوفه خلاه يكمل الطريق ده .. الروايه فيها افكار كويسه بس للاسف الصياغه مكنتش عاجباني ودي وجهه نظري ولحضرتك كامل الحريه ف الاخذ بها او لا