عزلة_فيسبوكية

by ياسمين حسن

لا شئ سوى مقالة قررت كتابتها لتنشر على الفيس بوك
فتطور الامر واصبحت يوميات تملأ مجموعة أوراق ضمنتها كتاب اليكتروني .....


حياتنا مليانة مواقف شخصية واجتماعية كتيرة
وبيحصل ان الظروف تخليك في موقف يغير حياتك يمكن للأبد،،
حاول قبل أي شيء تفكر، فكّر في اللحظة اللي بعد الموقف، فكر إزاي هتدفع تمنها أو إزاي هتعيش حياتك بعد التغيير اللي هيحصل فيها وبعد كده، استمتع أوي بكل اللي هتعمله لأن الحياة مش هتتعاش غير مرة واحدة بس ~ يبقى لازم تعيشها صح.
---
ياسمين .

80 pages, ebook

First published March 22, 2014

About the author

-
السؤال مفتاح ،، والباب الإجابة
والابواب المغلقة مشتاقة للمفتايح
من بين البشر هتقابل مفاتيح وهتقابل أبواب
الموقف هو اللى هيحدد هتكون مفتاح او باب
-
بالكتابة حبيت اكون مفتاح يفتح على الناس ابواب كتير
اتمنى أأقدر افتح باب يدخل منه للحياة ....نور
--------------------------
بيقولوا لي " بنت حسن " لاني بنته الاولى نفسي يفضل اللقب معايا للابد واكبر ويكبر معايا وتكون بنت حسن فخر ليه وعلامة حلوة ف حياته <3 .
---
الاسم بالاساس ياسمين ،،

Reviews

[Amira Mahmoud]

عزلة فيسبوكية
قرأته تقريباً في نفس اليوم اللى قررت فيه أبعد عن الفيس بوك , بعد ما قفلت الأكونت بتاع الفيس بوك بتاعي كنت بكمّل رواية نوميدوس ولفت نظري أن الكاتبة ليها كتاب تاني بعنوان عزلة فيسبوكية لفت نظري الاسم وقولت يمكن تكون دى من أشارات القدر :D
وقررت اقرأه يمكن أستفيد بشيء يدعم قراري ويشجعني للثبات على موقفي , لكن ده للأسف محـصلش :\
كُل اللى موجود في الكتاب هو يوميات الكاتبة على كام اسم وصفة طبخ وكام اسم كتاب وبس !!
كان نفسي يكون الكتاب أعمق من كدا وتأثيره يكون أكبر من كدا
لأن الفكرة ف حد ذاتها حلوة ونبيلة وعجبتني جملة لم ربنا يسألني عمري فيما أفنيته هتكون الأجابة ايه ؟
أعتقد أن الفيس بوك زيه زى أى أختراع , العيب مش فيه لكن ف أستخدامنا ليه
لو هستخدمه فحاول يكون استخدامه في الحاجات المفيدة والحاجات اللى بحبها يعني مثلاً بحب الكُتب والقراية هحاول أستخدمه ف أنه يساعدني أعرف أكتر عنها , بحب أجمع معلومات علمية أدور على الصفحات دي وأحاول أكون متابعة ليها , بحب أعرف معلومات دينية نفس الطريقة
وأحاول استغله أنه يقربني من أصحابي أكتر لكن من غير تضييع وقت ومن غير أدمان
بالظبط زى جملة محمود العيسلي ف أغنية كام واحد " متبقاش ملك حاجة , أحلامك مش محتاجة , خليك واعي وأمسك الزمام "
هكون كدا مش هكون ملك أختراع زى الفيس بوك يضيع وقتي وعمري , كل لحظة هستخدمه فيها هحاول أنها تكون أضافة جديدة ليا مش وقت بيضيع على الفاضي
أكتشفت بعد الكتاب ده أنى مش محتاجة كتاب يشجعني , أنا محتاجة ارادة قوية نابعة من جوايا ... وبس :)

[Amel El idrissi]

قراءة هذه " الهوامش " كأنها نوع من الراحة المؤقتة من أعمال عظيمة ، لكن ما يحز فِي النفس أن الكتابة ككل أصبحت تتجه - فعليا و بدون حرج - إلى اكتناز العامية و الأفكار الركيكة و الأسلوبِ الذي لا يمنح اللغة إلا ما يُرديها نحو الهلاك لا شيء يُمكن أن يُستفاد من هكذا إنتاج سخيف .

[zahraa esmaile]

الله عليكى يا ياسمين
تجربة شخصية...بسيطة...وممتعة
عجبنى جدا الاهداء الى ف الاول
والخلاصة ف الاخر
تجربة مميزة رغم قصرها
وشجعتنى على موضوع التأمل...غن شاء الله هيكون مجال القراءة الجديد
بعض الاقتباسات

إن الذي جٌعلنا نتكاسل ف العبادة هو طول
الأمل، وعلمنا بأن الحساب سيكٌون بعيدٌا
أوعلى الأقل ما زال ف العمر بقيةٌ،
لكن
أن تخبر نفسك بأن هناك حسابا ستواجهه فى نهايةٌ اليوٌم، ستتراجع عن أفعال عديدٌة قد
تخسر بفعلها نفسك
إن شيبٌا تحبه
ينبغى عليك القيام بهوالاستمتاع قدر
الإمكان حتى وإن لم تكن تتقنه
برافو ياسمين

[Nermeen Elbek]

كتاب لذيذ وعجبنى فكرته جداً وكمان اسمه ملفت
فى أجزاء كتير أصابتنى بالملل وأجزاء تانية كنت حاسة انها موجهة ليا وبتلمسنى..
الكتاب حلو بس لو كانت قللت شوية من السرد عن حاجات مش مفيدة للقارئ تخص عادات شخصية وشخصيات تخصها فقط كان ممكن يكون أفضل كتير لأن وجهات نظرها ورؤيتها حلوة وهادفة.
صدقت عندما قالت انها غير مستعدة لكتاب ورقى الآن بس مع الوقت أكيد اسلوبها هيتطور وهتستعد للكتاب الورقى لأنها عندها اصرار على التعلم وكمان اعتراف لنفسها بحجمها ودا قليل فى الشباب دلوقتى.. كل واحد بيكتب كلمتين بأة شايف نفسه نجيب محفوظ للأسف.. لكن فى النهايةأحيي الكاتبة على احترامها لعقل القارئ وعلى أسلوبها اللذيذ

[Ryma aguir]

اسلوب جديد جدا حتي كمذكرات او حاجه من النبذه الذاتيه ده مختلف ....غير كتابه السلسه و الترابط بين مختلف المواضيع رغم تعدد مجالاتهم بس ماخليتي القارئ يحس بالتنقل .... الاحلي فكره مشاركه جزء من يومياتك كيف اتجراتي تشاركي بتفصيل ايامك و كيف قدرتي توفقي في الكتابه حتي تنزل بالروعه دي.... فعلا اكتر من رائع ..... عجبتني جداااااااااا ... رببنا يوفقك ان شاء الله

[Mohammed ELSaeed gomaa]

كوني كُنت شؤيكاً بطريقة أو اخرى على مولد هذا العمل اللطيف ... أقول لطيف لأنني رأيتها الكلمة المُناسبة ... كوني كُنت شاهدا على مولده ، ومن ثَم قراءته يجعلني أشعر تجاهه بشعور مختلف . أشعر أنه كتابي :) .....
كتاب جميل ، صادق؛ لأنه يُعبر عن تجربة شخصية ... وأروع الكتب هي من تُكتب عن التجارب الذاتية ، خصوصاً إذا كان بأسلوب ياسمين حسن الرشيق :) :)

[همیشه مشغول]

نقدر نقول عليه "يوميات"
بس كفاية الشجاعة اللى كانت عندك فى إتخاذ القرار
حلوة الفكرة جملةً ^_^ وأنا رغيت كتير بقى ع الفيس وقولت رأيي كفاية عليكى التقييم هنا
بالنسبة لكتاباتك السابقة
ده يستحق 3 نجوم بس ^_^

[Toqa Medhat]

عجبتني الحتة بتاعت شلبي سوليفان..
الحتة بتاعت أفلام ديزني كلها عشان حاسه بيها..
غير كدة الكتاب زي ما الكاتبة قالته "تدوينات" و مفيهوش حاجة مميزة أوي..
مش وحش, كان فيه حاجات حلوة..

[samar samir]

زى ما الكاتبة قالت انها لسه فى مرحلة المدونة بس طريقة كتابتك عموما حلوة بس محتاجة تطوير كتييييير وحاجات كتير متشابهين فيها فى الحياة خارج الفيسبوك ... ربنا يوفقك ويكرمك

[Hussein saad]

اول كتاب الكتروني أقراه للمدونه (الكتابة )مستقبليلآ ياسمين حسن أسلوب المذكرات وذكر الايـام يعجبني جـدا وربما هذا ماشدني الى قراءته بصراحة كتاب لطيف وخفيف يقرأ في ويتخلص في دقائق معدودة

[عفاف الشاذلي]

أكتر حاجة عجبتني في الكتاب : المقال الأخير وهو ان ده عمرك وهتتسأل عنه فحاول تجهز إجابة تقابل بيها ربنا

[Sara]

ممل !!

[Sarah Nasser]

عزلة فيسبوكية !
بإختصار شديد ،،
يكفينى أن أخبرك أنى وجدت نفسى بين سطورها _أو بالأحرى "رأيتنى" _ ،، ما أجمل أن تقرأ ما أردت كتابته عن حالك يوما ما !
جُريتِ خيراً :))

[Majida Hashem]

للأسف الكتاب ممل بشكل فظيع لدرجة أصابي مرض الملل ولولا رحمة الله بأن الكتاب كان صغير جداً لكان أغمى عليي من الملل
الملل أتاني من المواقف شديدة التفصيل بشكل زائد عن حده ...أي أنا لا أقول لصديقتي المقربة جداً ما يحصل من تفاصيل يومية كما فعلتي في هذا الكتاب "طبعاًأفعل ذلك حفاظاً على روحها "
تحتاج كلماتك إلى تطوير وتمكين وأن تدخلي إليها لون الصور الذي يدخل القارئ بنوع من الخيال الجميل وهو يقرأ
للحق أعجبني كلامك في النهاية
وأتمنى لك التوفيق في روايتك الثانية التي تحدثتي عنها ويارب تكون أفضل من هي بكتيييييير ☺
ويارب يتحقق حلمك

[Mãñøshã Eßrãhëm]

بصي ي يسمينتى ’ انا عارفة ان شهادتى هتبقى مجروحة
هما بيقولو كدة ع طول :P
كنت مبسوطة بالتجربة دى اوى ’’ كأنى عايشة مع ياسمينتى ولو بعض الوقت بالمختصر المفيد ف حياتها ♥
وانشكحت اوى لما ذكرتيني ♥ ’’ مع انك قولتى اسمى ’’ بس اى حاجة منك حلوة ع قلبى ^_^
وانتى عارفة بقى انى مش بعرف اتكلم واعمل ريفيو حلو ’’ ربنا يوفقك ي قلبى ياااااااااااااااااارب ومن نجاح لنجاح اكبر بإذن الله ^_^
منكوشتك المزحلقة ^_^

[سما طارق]

مممممم كنت ناويه اقفل الفيسبوك فعلا وفجأه ظهر قدامي الكتاب ده وقرأته :D
الكتاب عادي جدا مافيهوش شئ مميز بس اسلوب الكاتبه كويس وخصوصا انها أول مره تكتب .. محتاجه تحسين اسلوب شويه وتكون أكثر عمقا
بس ما انكرش ان لكتاب أضاف لي شيئا رائعا سأختفظ به لنفسي =))

ربنا يوفقك يا ياسمين =))

[Dina Dody]

اسلوبك حلو وبيعير عن واقع انا عايشاه او تقدري تقولي معظمنا عايشه ،،
انا حبيته واسمه جذبني ،ولكن بامكانك ان تقدمي شئ افضل :)))

[Sarah Hijazi]

أسلوب بسيط جدا وفكرة بسيطة وكتاب بسيط :)

واستفدت منه كتير وإن شاء الله تكوني كاتبة كبيرة :)

بالتوفيق دايماً إن شاء لله :)

[Sara Aljaryan]

كتاب بسيط وجميل ,,تتحدث فيه عن خطتها في محاوله الاقلاع عن الفيسبوك ,, اكثر ما اثار اعجابي هو مجموعة عناويين الكتب التي ذكرتها ,,لذا كانت السبب في اني اقوم بتحميلها مباشرة .,,, فشكرا <3

[Mohamed Mamdouh]

تجربة كتابي تستحق التقدير لكن تحتاج للتدريب المستمر

[esraa sedeek]

عجبني جدا

[Esaraa Mamdoh]

قريت منه 20 صفحه بس وحسيته ممل جدا ومكملتوش :\

[Zeinab]

مش كملته

[Mahmoud Barakat]

استمع للكتب الصوتية ؛ اكتب يومياتك ؛ حاسب نفسك يوميا ؛ تأمل ولو 10 دقائق يوميا

[صديق الحكيم]

تصفحت الكتاب وهو رائع فكرا وأسلوبا
وينم عن كاتبة متمكنة من قلمها