من أنفسكم أزواجاً: رحلة البحث عن شريك الحياة

by إيمان غنيم

256 pages, Paperback

Published January 1, 2000

Reviews

[Takworm]

ريفيو متأخر سنين ، طبعًا شهادتي مجروحة و لكن لا أبالي و هعبّر عن رأيي بكل الأحوال ..
قعدت كتير اوي مأجلة الكتاب عشان حاسة إنه بيكلم فئة عمرية انا لسة موصلتلهاش ، و إني لسة أصغر من إني أقرأ عن هذه المواضيع ، و الحقيقة الأسباب دي خلتني أنبهر أضعاف بأسلوب الكتاب ، مرة لإنه مبهر فعلاً ، و مرة تانية لإني كنت متصوراه معقد كتير عن كده ..
طول ما كنت بقرأ كنت ببقى مستغربة ازاي نقاشات و مواضيع الكتاب و الأمثلة اللي عليها صعبة و قوية فعلاً و في نفس الوقت الأسلوب اللي الحاجات دي مطروحة بيه سهل و بسيط كده ..
صفتين متناقضتين تمامًا ، حرفيًا جمعت بين القوة و الصعوبة من ناحية و البساطة و السهولة من ناحية تانية ، السهل الممتنع كما يُسمون الأمر .
كتاب دافي زي ما وصفته صديقتي ، أشبه بحوار هادي بين شخصين و هم بيفطروا الصبح بدري و بيشربوا حاجة دافية ، أو بين أم و ابنها/بنتها في وقفة من وقفات المطبخ ، جميل و بسيط و مُقسَّم بشكل منظم للغاية و جامع لكل ما يمكن أن يجول بذهن المرء من تساؤلات حول شريكه أو حول كيفية بحثه عنه .

في الآخر لا يسعُني إلا أن أقول كما قال د. محمد جبريل في حديثه عن الكتاب : "إن كانَ هذا العملُ أولَ أعمالِ الكاتبةِ فنسألُ اللهَ من فضلهِ ألَّا يكونَ آخِرَها" .