حتى النهاية

by مريم أحمد علي

«حتى تعبر هذه البوابة، عليك أن تكون قد اتبعت التعليمات الآتية طوال فترة اللعب، استمع إلى التعليمات جيدًا وفكر قبل العبور، إن لم تتبع أيًّا من هذه التعليمات خلال اللعب، فعليك سلك الممر الأيسر، وإذا اتبعت التعليمات جيدًا سوف تعبر البوابة».

208 pages, Paperback

Published January 1, 2024

Reviews

[Ahmed Halawa · Rating 2 out of 5]

من اول بداية قراءة الرواية و انا جالي احساس نوعا ما اني في تشابة بين الرواية و بين the hanger games و كمان the divergent.. لكن للاسف هنا التنفيذ كان ضعيف فكرة الاجبار علي لعب اللعبة جاي من منطلق اني بلعب عشان اخد مكانة في المجتمع طب اللعب اصلا بيبقي لحد امته في سن اللاعيب طب فكرة اللعب اتفرضت علي الشعب ازاي مفيش امبراطور ولا في تقسيم للشعب قبل اللعب ... احنا اخدنا الرواية من منظور واحد طب فين الناحية التانية ناحية منظمين اللعبة و القوانين مفيش ده
- اكتر شي كان مستفز جدا بالنسبالي هو تكرار مشاهد كاملة بكامل الحديث تقريبا مرتين السوال بيطرح نفسه ليه !!
-نيجي للنهاية فكرة النهاية حلوة طب التنفيذ سئ جدا فكرة انها تكشف بعد 3 شهور ليه هو كل دفعة بتدخل تلعب كل 3 شهور ؟ طب احنا قولنا اني النظارة بتمكن اننا نشوف العالم حقيقي انما البوابة عليها تراب ليه ليه مصمم اللعبة يعملها عليها تراب ! عزام اما هو جامد و عمل مكان جوه اللعبة كان مستني ايه.
الخلاصة العمل اتحط فيه افكار كان ممكن تعمل عمل قوي لكن التنفيذ كان سطحي جدا و كان لازم تاخد وقت اكبر في الكتابة مع مراعاة كل تفصيله .

[Mina Habib · Rating 4 out of 5]

* هذه الرواية هي الاختيار رقم 7 من قائمة الأعمال الخاصة بالنسخة التانية من تحدي أبجد الملقب مجازاً – من قبلي أنا – بالتحدي الكبير. العمل ده هو أولي قراءاتي للكاتبة و الحقيقة ماكنتش أعرف عنها أو عن أعمالها أي حاجة – و الصراحة يعني مازلت – و كل اللي أعرفه إني فاكر إني سمعت اسم الكاتبة مرة بيتردد في حوار كنوع من الاستشهاد بأعمالها ولكن لا فاكر كان عن ايه الحوار ولا مين اللي كانوا بيتكلموا – أقولكم علي حاجة مش متأكد إذا كانت هي دي الكاتبة المقصودة ولا لاء – ولكن قررت إن أخوض التجربة و أقرأ للكاتبة و بصراحة لم أندم.

* في البداية محتاج أقول إن الرواية مش كاملة وفيه عليها ملاحظات مش قليلة ومع ذلك أنا حطيتاها تقييم عالي والسبب في ده حاجتين أول حاجة فيهم الإطار بتاع الرواية و فكرته. فكرة الرواية نفسها مش جديد يمكن تكون مهمة و عجباني بس الأكيد إنها مش فكرة جديدة، ولكن الإطار اللي اتحطت فيه الفكرة جديد. و تاني حاجة و اللي ما ينفعش تتفصل عن الأولي هي وقت ادراك و اكتشاف الفكرة و الحبكة بتوع الرواية – و ده حاجة شخصية وفردية جداً – أنا بدأت أدرك و أكتشف اللي الكاتبة قصدته – أو اللي أنا فهمت إنه مقصود يعني – بعد 75% من الرواية، و ده خلاني مندمج مع الأحداث والشخصيات من غير ما ابقي فاهم هما بيرمزوا لإيه بتفاعل مع الأحداث كحكاية أو حدوتة بتتحكي عن الناس و حياتهم و اللي بيواجهوه فيها.

* من الحاجات الجيدة الموجودة في الرواية دي إن بالرغم من إن التركيز المفروض يبقي متركز علي القصة والحبكة و الأحداث، واللي بالمناسبة حاصل، ولكن الكاتبة لم تغفل الشخصيات، أغلب شخصيات الرواية – إن ماكنش كلهم – مرسومين كويس، أولاً متميزين عن بعض مش كلهم نفس القالب و اسطمبة واحدة، ثانياً عندهم تاريخ كل شخصية عندها حياتها و مشاكلها الخاصة اللي أثرت في تكوينها و تصرفاتها و ده ظهر في الرواية في تصرفاتهم و أفكارهم و ردود فعلهم و اللي كانت متامشية جداً مع بروفايل كل شخصية منهم. يعيب رسم الشخصيات في الرواية شيء واحد فقط إن الكاتبة لم تحدد سنهم ولا المرحلة العمرية اللي بيمروا بيها.

* و لكن الرواية ماكنتش رواية كاملة و فيها بعض العيوب اللي الحقيقة مش صغيرة. و العيوب دي متعلقة بكشل عام بتصميم العالم. و بالرغم من إن الكاتبة نجحت في تصميم طبيعة العلاقات في عالم الرواية وفي رسم الشخصيات، إلا إنها تقريباً ما حاولتش ترسم البيئة بتاعت العالم ده، أو في بشكل أبسط ماحولتش ترسم المكان، وفي العموم الكاتبة مارسمتش الأماكن و اللي رسمتهم ماكنوش متميزين.
* لما تقرأ رواية زي دي وقبل ما تعرف تقفش أو تدرك فكرتها و رمزيتها بتحس إن إنت في عالم ممكن يقال عليه ديستوبي بشكل أو بآخر، بمعني هو إيه اللي حصل في العالم العادي بتاعنا علشان يبقي فيه لعبة بهذا القدر من الأهمية و هذا القدر من التأثير علي حياة الإنسان، إمتي ده حصل وليه و إزاي؟؟! كل الأسئلة المتعلقة برسم العالم وتفاصيله لم تتطرق إليها الكاتبة. عارف إن إدراك الرمزية وراء اللعبة هيخليك تدرك إنك مش محتاج التفاصيل دي و العالم ماجرلوش حاجة، بس احترام الحكاية نفسها اللي هي بتحكيها و شخصياتها و إنها عملت أجهزة و نظارات وقواعد و خلافه يُحتم إن رسم العالم يكمل.

* و من نفس المنطلق المتعلق برسم الأماكن، فين رسم بيئة اللعبة نفسها شكل العالم جوة، علاة الأماكن ببعضها بعدها قربها شكل مبانيها و ارتفاعتها، وكل التفاصيل المكانية و الشكلية دي. دائماً ما تحضرني رواية ready player one كمثال علي بناء عالم افتراضي، و يعني بالمناسبة رواية ready player one رواية ذكية جداً و فيها واحدة من أذكي الحركات اللي ممكن كاتب يعملها، الكاتب بتاعها عمل futuristic nostalgia، كان عاوز يعمل عالم مستقبلي و خيالي، فراح عامل عالم افتراضي فيه شوية حاجات مجنونة و أخد منه الحرية و التنوع بتاعت إنه عالم افتراضي و customized و كده و خلي كل تفاصيل العالم جاية من الماضي والنوستالجيا بتاعت ألعاب الفيديو جيم من بدايتها تقريباً من الثمانينيات. فكرة في منتهي الذكاء.

* دي آخر نقطة و يمكن تكون فيها حرق سنة بسيطة، فلو ما قرأتش الرواية ما تقرأهاش دلوقتي.
المهم، في أول مرة بدأت أدرك رمزية اللعبة في الرواية حسيت إنها إسقاط علي فكرة الثانوية العامة، وإن كان فيه شوية إشارات أخري بتقول لاء مش هو ده الرمز الصحيح، بس فكرت ساعتها إنها فكرة رائعة جداً إن حد ممكن يبقي قادر يتكلم عن الثانوية العامة من المنظور ده، بعيداً عن الكلام اللي بيتقال بعد الامحانات وإنها مش نهاية العالم، لاء حلو إننا نعيش التجربة و نشوفها من وجهة نظر اللي بيخوضها، ونشوف اللي خاضها واللي يأس منها. بعد شوية حسيت إن المنظور محتاج يبقي أوسع و ركظت كده في الاختيارات بتاعت الاختبار و قلت لو بنظرة أوسع شوية يبقي أحنا بردو بنتكلم عن فكرة فترة ثانوي والجامعة و إزاي دي اللي بتحدد إتجاهك و إنها اللي بترسم الطريق اللي أنت هتمشي فيه و بتختار اتجاه واحد تمشي فيه حب ولا تعليم ولا وظيفة، و ده علشان تحقق حاجة و تبقي حاجة و إن اختيار كل ماسبق معناه إن أنت مش هتوصل في ولا حاجة فيهم. و مع اقتراب النهاية بقي الرؤية اتسعت أكتر وأكتر و بقيت ممكن تشوف إن اللعبة دي بترمز لحياة الإنسان.

* الصراحة أنا كنت هبقي مبسوط أكتر لو كانت الرواية و رمزيتها توقفت عند أول منظورين أو مستويين رؤية. و كانت بالنسبة لي هتبقي مختلفة أكتر و جديدة أكتر و صادقة أكتر و بتخاطب جمهور ممكن يبقي أصغر لسه مش قادر يشوف و يدرك الرؤية الأكبر للحياة – و لو إن الجيل الجديد بقي مدرك للحياة أكتر مننا بكتير- أنا محتاج أبطل كلام وأسكت لأني حاسس إن كلامي بقي شبه كلامي جدو.

[Basmala 𝜗𝜚 · Rating 2 out of 5]

كنت متحمسة جدًا للرواية بسبب اني قرأت للكاتبة رواية "آخر ليالي البشر" و اللي عجبتني لما قرأتها. عنوان الرواية و الغلاف و فكرتها شدوني بس بصراحة تنفيذ الرواية كان سيء. شبه أفلام كتير بس أنا معنديش مشكلة انها تكون شبه أفلام تانية بما اني أصلا بحب النوع ده من الأفلام و الروايات. لكن الحبكة و الشخصيات و القفزات الزمنية في الرواية غريبة. مستنية للكاتبة أعمال تانية أفضل إن شاء الله.

[Doaa · Rating 4 out of 5]

❞ لا تنخدع بما تضعه اللعبة أمامك من مراحل وتحديات، فلكل مرحلة ثغرة، والأهم أن تجد من يشبهونك لتلعب معهم. فلنبدأ عصرًا جديدًا بلا لعبة وبلا قواعد وضعها أناس لا يفقهون شيئًا عن جيلنا ومشاعره وحياته، بعيدين كل البعد عن حياتنا وقواعدها الجديدة، لن يقبلوك وإن فرشت الأرض وردًا ونجحت في كل الاختبارات، فرِضاهم عنك وهم. العب لنفسك مهما كلفك الأمر، اقتنع بقدراتك ولا تجعلهم يصنفونك ويحددون لك الاختيار. أنت مالك اللعبة، وعليك أن تستمتع بها قبل أن تتركها وترحل. إلى من يهمه الأمر، حان وقت الاستبعاد لكل اللاعبين، وليلعب أصحاب اللعبة سويًّا حتى يملوا». ❝✨

[Sohila Khaled · Rating 1 out of 5]

بشعة.

[Ghadeer Ahmed · Rating 1 out of 5]

أول ما قرأت اسم الكاتبة على أبجد تهللت أساريري، تذكرت رواية آخر ليالي البشر والمتعة التي حظيت بها في صفحاتها، لكن الحقيقة كانت محبطة!!
الرواية قصتها مهلهلة للغاية، الأسلوب ضعيف بشكل غريب، الأحداث ذكرتني بالمغامرين الخمسة التي لا أستطيع أن أقرأها بعد سن العاشرة، النهاية لم تحتو على أي جديد، كان بالرواية حشو لدرجة إعادة بعض المشاهد بحذافيرها، أعتقد أن هذا حدث في مشهدين.
لا يجب أن يكتب الكاتب ليسد فراغا، لينشر كل عام كتاب، الكتابة إبداع وإلهام، كان على الكتابة أن تتمهل حتى تختمر فكرة اللعبة في رأسها، هي أحرقت الفكرة الجيدة بالأسلوب السيء والأحداث الضعيفة مع الأسف.
لعلنا نقرأ لها رواية أفضل قريبا ان شاء الله.

[Maria Sherine · Rating 4 out of 5]

❞ اللعبة ما هي إلا مجرد وهمٍ لا أكثر، مكان خياليّ ذو قيمة صفر. لا يمكنك أن تحيا وفقًا لقواعدها، ولا يمكنها هزيمتك إن قررت تجاهلها. لا تقبل اللعبة أحدًا، وتضع لك القيود الخفية كلما شعرتْ بأنك تتغلب عليها، ولا يعلو إلى معايرها إلا من عاش للناس ولم يعِش لنفسه، و ❝

‏في النهابة اختار حياتك اختار دائره علاقاتك افعل ما تحب والعب لعبة الحياه وفقا لقواعدك وقوانينك وليس قوانين احد لا تدع احد يملي عليك ما تفعله فهو الا سراب ❤��

[Sara Mahran · Rating 2 out of 5]

فكرة الرواية حلوة، مش أول مرة أسمعها، وشبه أفلام كتير، بس حلوة.
مشكلة الرواية الكبيرة اللغة، اللغة حقيقي ضعيفة جدا، جدا، وده كان مخليني مش عارفة أستمتع خالص طول وقت القراية.
النهاية مكنتش محبوكة حلو، حسيت كانت المفروض تبقي أطول، كإنها اتقطعت فجأة كده، كان ممكن ده يبقي منطقي لو ليها جزء تاني، بس غير كده لا كانت ناقصة.
محبتش اختيارات اللعبة، حسيتها عادية أوي، وكمان عام منها مكنش منطقي.
كان ممكن تبقي أحلي كتير.
في فقرات كانت بتتكتب تاني من أول وجديد، مع إن حتي لما اتكتب تاني متغيرش الشخص اللي بيتكلم، ف حسيتها تكرار ملوش داعي.
عامة تجربة مش وحشة، بس من أجل قصة مش بطالة، ممتعة شويتين، لكن ككتابة ولغة وكده لا مش حلوة الصراحة.

[Sherouk Tharwat · Rating 3 out of 5]

مبدأياً الرواية خفيفة لطيفة بتخلص بسرعة بتتحمس في بدايتها ولكن
أعطتها ثلاثة نجوم لأنها تقليد تام بدون أي مجهود مختلف لفيلم ready player one
ولكن تجميع الخيوط في النهاية كان على عجل ومن وجهة نظري أنه حدث تضارب أو خطأ فكيف هم يسعوا لإثبات خطأ اللعبة وهدم معتقدها لدى الناس وفي الوقت ذاته شعروا بالخوف من عدم وجود مستقبل لو عبروا البوابة أو ظلوا عالقين؟!
في المطلق الرواية خيبت آمالي بعد رواية( آخر ليالي البشر) لأنه كما ذكرت هي مجرد تقليد وكأن الفيلم تُرجم
لكن في المجمل رواية خفيفة ظريفة وانتهيت منها في سويعات.

[Youssef Sherif · Rating 4 out of 5]

ومن شابهت حياته اللعبة فما ظلم، ده اللي اقدر اقوله الصراحة بعد ما خلصت حتي النهاية، القصة جميلة، والشخصيات مكتوبة بشكل لطيف، بس لو لي عتاب، فا أني أردت أن أري ما بعد النهاية، نتيجة افعال شخصياتنا، وما مصير القادمون وماذا عن اللاحقون، لكن في العموم، تجربة لا أندم عليها، بل واستمتعت بها، وبالتأكيد ليست اخر قراءتي للكاتبة مريم أحمد علي،
تمت.

[Wesam Karam · Rating 2 out of 5]

ليست اول قراءتي للكاتبة .. حقاً كل رواياتها لطيفة
ولكن تظل الاولي هي الاقوي
حتي النهاية اسم يليق بما ستجده من محتوي مختلف واللعبة هي الاساس
والجميع يبحث عن التفوق عن الاختيارات الصحيحة
في عالم كله اوهام ولا يوجد اجابة حاسمة
كلها مجرد تخمينات في حياتك

[Omnia Tamer · Rating 3 out of 5]

في البداية حسيتها شبه فيلم divergent اوي ومكنش عندي مشكلة نهائي النوع ده لذيذ عادي لكن الحبكة حسيتها ناقصة حاجة وبردو تكرار جزء كبير من النص يتعدي صفحه وصفحتين!! مكنش له داعي
بس فيها اقتباسات كتير حلوة جدا والقصة لذيذه عشان كدا الريت ممكن يبقي كدا مش اكتر اعتقد

[Mayada · Rating 4 out of 5]

كل روايتها خارجة عن المألوف بجد..

[Nour Waleed · Rating 4 out of 5]

كتابتها دايما مختلفه مفيش كتاب قريته الا واستمتعت بيه
خصوصا اول كتاب وده كمان حلوين جدا

[davidalromany · Rating 3 out of 5]

مريم شاطره في كتابه وانها جابت موضوع خيال علمي طلعت منه حبكه وشخصيات لكن معالجة الموضوع كان كارثي اتمني اقرا ليها عمل تاني

[Karima · Rating 5 out of 5]

حلوه اوي مبدعه كالعاده ❤️ خت منها اقتباسات كتير القصه واقعيه في نفس الوقت كانّها بتتكلم علي لعبه لذيذه وحلوه ❤️❤️

[Heba books · Rating 3 out of 5]

في عمر معين تبدأ اللعبة حيث تختار مستقبلك من الوظيفة أو الحب أو التعليم أو عام وبعدها يتم إعطائك مهام معينة علي إتمامها إلى أن تصل إلى البوابة وتتخرج.
لكن هناك قائمة بأسماء المستبعدين الذين عليك الحذر منهم وعدم الاختلاط بهم حتى لا تستبعد أيضا، لكن هل الأمر بهذه البساطة، أصدقاؤنا هنا اكتشفوا ثغرة ما في اللعبة وأنه لا يوجد فوز حقيقي فكيف سيثبتون هذا؟
أولا أعجبني أن السرد بالفصجى والحوار بالعامية، ثانيا القصة خالية من الخطر فأكبر عقاب هنا هو أن يتم طردك من اللعبة، ثالثا أن فكرتها مستوحاة من قصص أخرى على بساطتها.
لكن هذا لا يمنع أنها نجحت بشكل مختلف حتى لو كان بسيطاً.

[Yomna Ahmed · Rating 3 out of 5]

حتى النهاية 👾
للكاتبه مريم أحمد علي
عدد الصفحات 208

رواية تأخذك في رحلة غير تقليدية مليئة بالغموض ، تدور الأحداث عن لعبة يتعين على الجميع خوضها عند سن معين ، تُجبر المشاركين على الإلتزام بقوانين وقواعد لضمان استمرار وجودهم مع التهديد بالإقصاء او العقاب في حال مخالفتها ، الهدف من اللعبه العبور من البوابة و تجميع نقاط للإرتقاء والحصول على مكانه اجتماعيه أعلى ، لكن بالتفاعل مع بعض المستبعدين تُكشف حقائق عن اللعبه ويتغير مجرى الأحداث بشكل جذري .


فكره الرواية قوية وأضافت تشويق من اللحظة الأولى ومليئة بالاسقاطات ، نرى من خلالها أثر القرارات على حياه الإنسان .
وقدمت شخصيات متعدده مختلفة تماماً تُظهر أبعاداً نفسية تؤثر على قرارتهم .

وبرغم الفكره الرائعه لكن افتقرت الى بناء عالم أكثر تفصيلاً كان يُمكن تطويرها لإبراز قوة الفكرة . ومقارنه بروايات الكاتبه الأخرى تعد "حتى النهاية" الأقل تكاملاً وقوه .
ومع ذلك، تظل الرواية تجربة ممتعة وفكرتها مميزة .



My rating:3.5 ⭐️
لمزيد من المراجعات
Insta : yomna_reads

https://www.instagram.com/yomna_reads...