Түүвэр зохиолууд

by Урианхай

Шүлгүүд, эссэ өгүүллэг, туурь, ойллого, дотоод ойллого, бодрол, үр-бодол, уянгын өгүүлэмж, гуниглуун, халаглуун, дотуур яриа, товчитууд

300 pages, Paperback

First published January 1, 2013

Reviews

[Soko · Rating 3 out of 5]

Хааяахан ажлаа тараад харуй бүрий орох 19 өнгөрөх үес хүнсний 50 дугаар дэлгүүр явах замд хаа нэг уртаа хар саарал дээлтэй,саарал хар үс сахалтай, өвөрмөц хийцийн малгай духдуйлан тавьсан нуруугаа үүрэн намс намс алхан явахтай таардаг тэр нэгэн хүн бол Д.Урианхай гуай бөлгөө. Эртний юм шиг хэрнээ нэг үед амьдарч ажиллаж байгаадаа хааяа бахархах сэтгэл төрдөг ч очоод дөхөөд сайн байна уу, та гэж хэлж үл чадах хүн. Таньдаг хэрнээ таньдаггүй тэр хүн...
Эмхэтгэгч Д.Гүн-Үйлсийн хүртээлээр 2013 онд энэ ном өлгийдүүлсэн хэдий ч шүүрс алдмаар шимийг нь хүртээд биширмээр сайхан шүлэг, туульс эссэ нь багтаагүй мэт санагдсан /голонгуй байгаа хэдий ч бас энэ бичсэнийг нь ойлгох ухаан хүрэхгүй байна уу гээд өөрийгөө голохоо урдаа тавьсан нь дээр болов уу./
Урианхай гуайн шүлэг, эссэ хичнээн гүн гүнзгий философи агуулан байдгийг бишрэн бишрэн байдгийн хувьд номыг нь арай "муулж" үл чадна даа

Нэрт зохиолч, яруу найрагч, гүн сэтгэгч Д.Урианхайн түүвэр зохиолын эл эмхтгэлд Чамдаа, Модод, Бидэн хоёрын хорвоо, Өчиг, Нулимстай үнэн буюу найрагчийн гуйлга, Нүд, Хүсэл, Харанхуйг шалгаахуй, Ирээдүй, Ижий зовлонт газар, Нигүүрэл буюу зүрхэн тольт зэрэг 30 гаруй шүлэг, Дургүй юм, Ирэх нь үгүй ирээдүй, Дэлхийн зовлон, Ертөнц, Гээгдсэн гурван аугаа, Хоёр далай, хоёр даваа, Хувь заяа, Хий үнэн, Сайны чанар, Юутай сонин, Шинэ үнэр, Монгол зан, Гав, Намрын шар халуун зэрэг 90 шахам эсээ, өгүүллэг, туурь багтсан болно. Өөрийн оюунаараа тунгаан уншихыг зөвлөе.

Хорвоо яагаад чухам бүтсэн шалтгаан
Хоосон чанар яагаад дүүрдэггүйн шалтгаан шиг,
Үнэн яагаад өнөө дандаа ялагддагийн шалтгаан шиг, -
Үл мэдэгдсээр! ...

Хүн төрдөг нь үнэн хэрнээ
Молиго ч юм шиг, -
Үхдэг нь л ганц үнэнээрээ
Хүйлэн хөх сансарын хүрдэнд
Хоног бүр давтагдсаар! ...

Зам эхтэй нь үнэн хэрнээ
Молиго ч юм шиг,
Төгсдөг нь л ганц үнэнээрээ
Замиранга хөх сансарын хүрдэндээ
Өдөр бүр давтагдсаар ! ...

[Enkhsuren IS · Rating 5 out of 5]

Одоо ч уншсаар байна, ер нь хэзээ ч тэгэж төгс сайхан ойлгохгүй байх...

[Ariunzaya · Rating 4 out of 5]

Л.Өлзийтөгс найрагчийн "Үзэхийн хязгаар"-т өгүүлдэгчлөн "Аль болох бага юм эдэлж яваад энэ хорвоогоос буцахыг хүсдэг" ариухан сэтгэлт өвгөн зохиолч. Одоо ямар ч ном, ямар ч шүлгийг нь уншсан ерөөс дээрх ганц өгүүлбэр л бодогдоод байх болж... хачин аа

[Ishdolgor · Rating 4 out of 5]

Ямар ч их удаан уншив даа...

[Doore Dooree · Rating 5 out of 5]

Би ч жаахан том толгойлох гээд байна уу гэсэн үе дээрээ зориуд үе үе барьж авч уншаад баймаар хэхэ