سكارلت

by Omer Kamal El Deen, عمر كمال الدين

مجموعة قصصية تعيش فيها بين الدراما، الرومانس، الفانتازيا، السايكو دراما، الرعب و الخيال العلمي

الكتاب موجود حالياً بالقاهر في :
مكتبات الشروق و فكرة
بعمر بوك ستور ش طلعت حرب فوق فلفلة-القاهرة
مكتبة النهار شارع 9 بالمعادي
مكتبة ليلي بجوار محطة محطة محمد نجيب ش جواد حسني
مكتبة روعة
مكتبة سنابل بوسط البلد
و بالأسكندرية بمكتبة فكرة سان ستيفانو
المستقبل 23 ش صفية زغلول
مكتبة تياترو ش فؤاد أمام مسرح سيد درويش
الخياط بوك ستور بجرين بلازا
كشك الصحافة الإبراهيمية عالترام
فرشة سعيد تقاطع صفية زغلول مع سعد زغلول
مكتبة ميرامار بالإبراهيمية

270 pages, Unknown Binding

First published May 26, 2014

Reviews

[Radwa · Rating 4 out of 5]

حسنًا، هذه المجموعة بالتأكيد ليست لمن يرغب بقراءة قصص سعيدة. :)

تتنوع القصص ما بين الرومانسية، والدراما، والخيال العلمي، ولكن يجمعها كلها الكثير من الألم والحزن والاكتئاب.

فقصص مثل "تياترو" و "حكايات يناير" و "رسائل إلى الجنة" و "إشارة مرور" تدور كلها حول الحب الذي كاد أن يكون، او ذلك الحب الذي لم يكتمل، وهو أسوأ بكثير من الحب الذي لم يكن يومًا، فأسوأ ما يمكن هو عدم اكتمال الحب المتبادل.

وطبعًا تدور قصة "سكارلت" في نفس الفكرة، والتي إن كانت فكرتها مكررة نوعًا ما إلا أن كمية المشاعر وتفاصيل الوصف الشخصيات فيها يجعلانك تنغمس فيها كليًا.

وتختلف المجموعة في القصتين الأخيرتين، لتشمل عنصري الفانتازيا والخيال العلمي، ففي "صندوق زجاج" و "سوق عذاب البشر" يقدم أفكار مميزة للألم وخاصة في سوق عذاب البشر والتي أعتبر فكرتها رائعة والنهاية صادمة جدًا.

أسلوب الكاتب جميل وطبعًا فيه مجال للتحسن، وصف الأشخاص والأماكن ممتاز، والقصص مفعمة بالمشاعر بشكل يصعب على شخص تحمله في جلسة واحدة.

[Rama Ghith · Rating 3 out of 5]

تياترو بالنسبه لي حكاية عن الزمن الجميل بس الحوار بالفصحى ضايقني

اما عن حكايات يناير و الحب الاول الي مبيكملش الوصف و رسم الشخصيات حلو تحس بمتعة

رسائل إلي الجنة واشارة مرور و سكارلت وسوق عذاب البشر فيهم جرعة ألم مكثف عن الفراق

المجموعة فيها مجهود و كعمل أول حلو جدا الجمل الحوارية مناسبه لحالة النصوص بس لو كانت عامية كانت هتبقة احسن كتير وصف الشخصيات و الاماكن ممتاز
قد يكون بعض الافكار ف التناول كلاسيكي و بعض المشاهد و المفارقات مكررة لكن تحس بمتعة و انت داخل الحكاية

الاسلوب في الكتابه كان يحتمل اللعب ع بعض الافكار و تتحول لرواية زي سكارلت كان نفسي وصفها يبقه اطول و يشاركني الكاتب ف وجعها اكتر من كده

منتظرة الرواية الجديدة للكاتب

[Ranim · Rating 4 out of 5]

عجبتنى جداااا الاسلوب فى الكتابه رجعنى لطفولتى بصراحه وفكرنى بكتبات يوسف السباعى والاختلاف فى كل قصه عجبنى جدا الخيال ووالتنقل بين الازمنه ووصف الاماكن كانها بتتحرك حواليا فعلا
الكتاب كله لايت وجميل يتقرا فى ساعه هدوء كده
اللى بس لفت نظرى ان النهايات كلها فيها سخريه قدر ومش مركز على العبره الى فيها يمكن لو كنت زودت اقتباسات او كلمات ليها مغزى كانت بقت بيرفكت فعلا
بدايه موفقه ^_^ تستحق الاربع نجوم بموضوعيه فعلا وخلى نجمه علشان مصر ;) :D

[Reema Elkurdy · Rating 5 out of 5]

الكتاب متنوع جدا وكل قصة تتميز بلون أدبى مختلف , مش محصور فى لون معين , يجمع بين الواقع والخيال , الدراما , الرومانس , والفانتازيا و الرعب . وده جديد ومختلف جداً و فريد من نوعه وبيناسب كل الأذواق مع سلاسة الإسلوب وبساطتة رغم نهايات القصص الغير متوقعة واللى شدنى جداً وشجعنى اكتب رأيى ان لازم القراء يستفادوا من النوع الراقى من الفن ده

[Samah souliman · Rating 4 out of 5]

على قد مافيها واقعية على قد ما انت مأبدع بخيالك بيها وبترتيب الاحداث
انا شايفه انها تنفع مسلسل او سلسلة كدا مسلسل من ربع ساعه ربع ساعه هيبقا حلو اوي ومؤثر فعلا :D
انا كنت قربت انسى انها اول رواية ليك.ما شاء الله تعبك باين فيها اوي وخصوصا سوق عذابات البشر
ملاحظة :لما المرة الي فاتت قلتلك صندوق زجاج فيها ابداع كنت قاصدة سوق عذابات البشر بس التبس عليا الاسم ...الي هيا اخر وحدة اعذرني معليش هههههههههه
حبيت الفكرة المشتركة بين الحدوتات كلها الي هيا فقدان الحاجة بطريق الصدفة او تغيير مسار الاحداث بسبب حادثة صغيره جدا او تاخر في الميعاد او بسبب سكوت مثلا تفقد حد ..
سكارلت : حبيت شخصيتها واتخيلتها اوي وحلو شغل الالوان الي عاملو .. في شخصيات فعلا بتأسر نفسها بفكرة وبتفضل عايشة عليها على اساس بتبقى مفتكرة انو دا الحل لوحيد مع انو الدنيا كلها الوان ...
اختيارك المقبل فانتازيا :طبعااااااااااااا انا شايفه انو اختيار هيبقى موفق اوووي ان شاء الله لسبب انك ابدعت ف اخر وحدة
رسائل الى الجنة خوفتني شوية ههه :")
بتمنالك كل التوفيق قصص خفيفه وخلصتها بسرعه .. سلسة مفهومة تناسب اي حد ممكن يقراها
حتى بفكر اعملها حدوتة لعيال اختي بس .مش حابة افتح عنيهم من بدري :P
برافو عليك واللهي ياعمر ابدعــت وابهرتني .مستنية الي جاي

[Khaled Omara · Rating 4 out of 5]

سعيد بالمجموعة الدسمة المشوقة المتميزة من الروايات والقصص اللي قريتها دي
حقيقي نجحت بشكل كبير فعمل مجموعة متباينة متنوعة من الإتجاهات الأدبية وجمعتها فكتاب واحد من غير القارئ مايشعر بالغرابة أو التنافر بين المجموعة

نجحت إنك تشدني من أول صفحة فالرواية (تياترو) عشان فالنهاية متحركش من مكاني لحد ما وصلت الفهرس

تجربة أكثر من رائعة أوتمنى لك التوفيق فالأعمال القادمة

ملحوظة : الأربع نجوم لأني زعلان إن الكتاب خلص بسرعة :D

[شيرين طلعت · Rating 4 out of 5]

عمر كمال الدين
احساس جميل بالكلمة

اكثر من قلم يكتب

استمعت

موفق دوما

[Shahd Al-azawi · Rating 5 out of 5]

great story OMER ;)
كل قصه مختلفه عن التانيه مفيش تكرار بالشخصيات ولا بالاحداث