كهنة الإلحاد الجديد

by هيثم طلعت سرور

عن دعاة الإلحاد المعاصرين، وتهافت أدلتهم والرد عليها

رابط تحميل الكتاب

http://laelhad.com/files/media/book/1...

215 pages, Unknown Binding

First published April 18, 2014

About the author

كاتب في الملف الإلحادي.

Reviews

[Mohamed · Rating 1 out of 5]

الريفيو القادم ساخر، يحتوي الكثير من السخرية اللاذعة التي لا يطيقها عادة أصحاب العقول المنغلقة ومحتكري المعرفة وأفراد القطعان التي لا تستطيع الوجود بدونها. ونعتذر لمحبي الفصحى علي الجريمة التي سأقدم عليها بحقها. ولمن لا يستطيع التفرقة بين السخرية والحقيقة فأنا مسلم.

قصة وصولي للكتاب وقراري أن اقرأ من خلاله غير مهمة في سياقنا، أنا اصلا ندمان بما فيه الكفاية، ولكنه مسلي باعتباري أحد هؤلاء الكهنة التي يتحدث عنهم الكاتب، أو لنقل متدرب صغير في سلك الكهنوتية فأنا ما زلت طالب دراسات عليا في الفيزياء أقبع في معملي. بالمناسبة الفيزيائيين النظريين زينا مبيقعدوش في معامل يا استاذ هيثم بيه.

طبعآ أول قاعدة في سلك الكهنوتية بندرسه هو نقوا احنا مش بنؤمن بدين ولكن في الحقيقة الحادنا ده عبارة عن دين. ده طبعا علشان نرضى اللي زي الاستاذ هيثم لا يكتب فينا مقالة يفضحنا فيها.

أما القاعدة الثانية فهو اننا نؤمن بصحة نظرية التطور، مع ان يعني احنا غالباً بينا وبين البيولوجي وناسها ما صنع الحداد وغالبا هما مادة السخرية في أروقة أقسام الفيزياء بس هو كده لزوم حبكة الاستاذ هيثم ينفع نزعله يعني؟
ثم يعني معروفة ان في دينا كراهية بتوع البيولوجي عبادة نتقرب بها الي الهنا. علشان البيولوجي علوم زائفة وكده.
ايه اللي انا بقوله ده!!

نبطل تريقة شوية ونتكلم جد عشان الاخ اللي هييجي يهاجم في الكومنتات دلوقتي.

عشان أكون أمين مع الاخوة اللي هيهاجموا فانا فعلا مقرأتش كل الكتاب علشان القولون، لو حد فيكم مستعد يتبرع بتكاليف استئصاله هكون شاكر وهكمل فعلآ الكتاب للأخر. أنا بس عايز ابدأ بسؤال حقيقي.

هو الكاتب ليه مصر يعرفنا بانه بيعرف يقول ابستمولوجي وانطولوجي وامبريقي مع انه في نفس الوقت والجملة بيقول معانيه بالعربي. يعني البيه مش عارف مثلا ان الابستمولوجيا هي نظرية المعرفة وان لما اقول ابستمولوجيا معرفية زي ما بقول مثلآ شاورما بطعم الشاورما. ومحدش يسألني ليه اخترت مثال الشاورما بس انا جعان ونفسي في شاورما سوري في روستو في الحصري بس للاسف مينفعش اسيب الابراشية بتاعتي في امريكا وانزل ٦ اكتوبر في مصر!.

المهم اني يا مؤمن لقيت في الكتاب جملة هقتبسها حرفياً عشات نشوف بؤس المتثاقفين.

"هل ثمة مبرر علمي أو مادي أو حدسي أو إمبريقي أو إبستمولوجي أو رياضي أو فلسفي لهذيان كارل ساجان"

يعني نصيحة بجد ياريت الاخ الموسوعة هيثم طلعت يقرأ الموسوعة الحقيقية علي ويكيبيديا بتركيز أكبر.


نيجي للجزء الاول في المسرحية الجميلة دي وهو اللي انا قرأته بأمانة شديدة ثاني مقرأتش اغلب اللي بعده عشان الاخ او الأخت اللي هتهاجم او لو المؤلف هيشرفني ويعلق عندي ويقولي ان من الناحية الابستمولوجية المعرفية المهلبية ان كلامي لا يستحق الرد عليه.

الباشا بيقول ان اينشتاين قعد يحلم بنظرية كل شئ ويشتغل عليها اربعين سنة وفشل وبيبدأ من هنا تأسيسه لفكرة اننا عالم مغرورة وعايزين نزيح الاله ونؤسس ديانة الإلحاد. ماشي يا اسطي واسف علي كلمة يا اسطي بس القافية حكمت ومعلش احنا اتفقنا اه ده ريفيو ساخر.

بص هو انت ايدك فرطة في السنين بس فعلا اينشتاين قضى اخر سنين حياته بيحاول يحط نظرية كل شئ، بس لما مؤاخذة احنا بنقصد بنظرية كل شئ بالنظرية اللي بتفسرلنا القوي الطبيعية الأساسية الاربعة في الطبيعة بدل ما احنا عنذنا ميكانيكا الكم والنظرية النسبية مش عارفين نجيب نظرية عامة ليهم. فهي مش بتفسر كل حاجة في الكون لا ولا هتغنينا عن أي حاجة ممكن يحسها الاسطاوات اللي زيك والناس في حياتهم اليومية. احنا بس هنعمل حاجة بنعملها دايما وهي اننا بنفهم شوية عن العالم. شغل إضافي بنعمله من الملل في وقت فراغنا ككهنة يعني لما مبندعوش الناس للالحاد.

وبعدين انت بتقول بعد سنين من وفاته جم كهنة المعاطف البيضاء علماء الكوانطا، بعيداً عن الكوانطا دي وبعيذاً عن ان اينشتاين نفسه كان من اكبر المساهمين في ارساء نظرية الكم وانه اخذ جايزة نوبل علي الاسهامات دي مش علي النظرية النسبية بس ايه المعاطف البيضاء دي يا اسطي. الكلام ده تقوله في معمل تحاليل، في كلية طب اسنان، طب بشري، علاج طبيعي. أي حاجة من دي. انما حتي احنا في معامل الفيزياء هنلبس بالطو أبيض ليه؟
لا يا عم احنا كهنة باللون الاسود التقليدي متفتريش علينا كده ثاني.
.


البيه بيقول اننا سألنا نفسنا كيف كان عقل الله حين خلق الكون، فحطينا نظرية الأوتار الفائقة.
وفي دي عندك حق والله، انا ياما خدت ادوارد وتن اعظم علماء الفيزياء حاليآ علي جنب وابرز باحثين نظرية الاوتار وقولتله يا اد يا اخويا مينفعش كل شوية تنسي اننا كهنة الحاد وعندنا دين وشغل كبير، يعني ايه تسأل نفسك كيف كان عقل الله عندما خلق الكون. وبعد كذه تطلعنا بنظرية صعبة جدا ومعادلات معقدة متتفهمش غير من الكهنة الكبار. ويطلع عين اهالينا احنا الصغيرين اسايمنتات وفاينلات رخمة كده. معلش امسحها فيا دي.

بس معلش يا استاذ هيثم ايه بلايين بلايين المعادلات المعقدة دي؟ ما تمسك ايدك الفرطة دي شوية، وبعدين زعلان ان احنا بنروح للمستحيل التجريبي بتاع ال١١ بعد، لا ده انت مقرأتش مقالة ويكيبيديا كويس بقي عشان تعرف ان احنا عندنا نسخ من نظرية الاوتار ب٢٦ بعد للكون فابقي كمل والنبي المقالة للاخر. بطل اهمال في الشغل، عيب ده حضرتك هباد كبير مش حد صغير في الكار ده.

اقتباس
"وهؤلاء يفرضون علينا رؤية للكون بناءاً علي تجريداتهم الرياضية"
معلش انا عارف الموضوع حساس بالنسبالك اد ايه كسلفي محدش يفرض عليك أي رؤية بأي تجريدة مفيهاش بيادة عسكرية

اقتباس ثاني
"وبعيداً عن كون هؤلاء ابتعدوا كثيرآ عن نظرية البوصة الواحدة التي كان يحلم بها اينشتاين"

ياه اينشتاين كانت أحلامه بسيطة جدا لدرجة انه كان عايز تلفزيون ببوصة واحدة!!. ايه نظرية البوصة الواحدة دي؟

اقتباس ثالث
" هل للزمكان وجود انطولوجي مادي، أم هو مجرد وجود ابتسمولوجي معرفي تجريدي في معادلات النسبية العامة "

امال لو عرفت بقي انه موجوذ كمان في النسبية الخاصة، ده احنا كهنة اه بس نعجبك اوي.

اقتباس رابع
"الزمن هو احساس افتراضي بالوقت ينقسم عقلياً الي ماضي وحاضر ومستقبل"

بامانة وبعيداً عن السخرية انا معرفش اقتبست الجملة دي ليه، يمكن لاني مش فاهم برضه هي موجودة ليه وسط الهبد ده كله؟
لو حد فهم حاجة، ياريت ميقوليش حاجة مش عايز


اقتباس خامس
" اذن عندما يخرج عليك أحد كهنة الكوانطا، ويطلب منك أن تعبر معه الثقب الدودي
، فاعلم انه مهرج يتلاعب ببداهايتك العقلية"

هو تقريبا ده هيبقي زميل سابق لحضرتك خرج مؤخراً من مستشفى العباسية او واحد عايز ياخدك فوق سطح الواد حمادة 😁
ده مش شغل الكهنة بتاعنا، احنا بنوصل الثقب الدودي لحتي المنزل والسعر ثابت شامل مصاريف الشحن. فخلي بالك من نفسك.

هتكلم دلوقتي بجدية عن موضوع القطب المغناطيسي المفرد اللي اتكلم عنه الاسطي هيثم عشان ده موضوع بحثي اللي شغال عليه دلوقتي ولسه مدي talk عنه في القسم اول امبارح
هو بول ديراك اقترح ان وجوده هيفسر ليه الشحنة الكهربائية مكممة بس مقالش انه لازم يكون موجود علشان تكون مكممة والفرق كبير، فيه اقتراحات ثانية لتفسير تكميم الشحنة الكهربية واللي هو حقيقة تجريبية بس احنا معندناش سبب لتفضيل تفسير عن الثاني لحد دلوقتي. فلا حضرتك اصلا احنا عندنا اسباب برضه لان ليه مشفناش قطب مغناطيسي مفرد لحد دلوقتي بس احنا لاننا كهنة محترمين عايزين نشوفه تجريبياً عشان نقول حاجة وادعيلنا علشان انا و٤ ثانيين بندور عليه في مجموعة بيانات في تجربة شغالة وساعتها هديك نسبة من مكافأة جايزة نوبل. عمرك شفت كاهن الحاد كريم زيي كده قبل كده؟

كاهن الالحاد الفرفوش رزق يا جدع ففرفرش كده.



انا هكتفي حاليآ بده بس امانة علي أي حد ناوي يشتم او يهاجم يستني يومين اكمل الريفيو عشان اخوكم الكاهن مزنوق عندي تاسك اني اشكك ثلاث مؤمنين علي الاقل والكاهن الاعلي عندي راجل صارم. فيومين كده اخلص الموضوع ودعواتكم ربنا يوفقني كده اكمل الريفيو وبعدين خدوا راحتكم
وياريت بلاش اكونتات جديدة مخصوص عشان كده مش مستاهلة

[Walid Abdallaoui · Rating 1 out of 5]

الكتاب يعتمد على ويكيبيديا كمصدر علمي !

به الكثير من السخرية و الاستهزاء !

[Hayel Barakat هايل بركات · Rating 1 out of 5]

من اسوء ما قرأت في الدفاع عن الاسلام:
اولا: الرجل غير علمي، ويستعمل المصطلحات الفلسفية بشكل خاطىء.
ثانيا: الكاتب يشعرك بأنه الوحيد الذي يعلم كل شيء في الحياة. من نظريات علمية والحجج والردود، بارغم من ان معظمها ردود ساذجة غير علمية.
ثالثا: الاستهزاء الشديد بالجميع، سواء بالنظريات العلمية او المخالفين او بالعلم.
رابعا: اللغة غير سلسلة والتشكيل والتنقيط سيء. لا تستطيع اكمال فقرة.
من المؤسف قراءة هكذا كتاب. سيء جداً.

[Manoh Al maskari · Rating 1 out of 5]

الكتاب مشوق ، ولكن ما جعله ممل أن حقد الكاتب على الملحدين،، و استخدام السب لتفريغ عن غضبة لهم،، في بعض الأمور لا تستحق المناقشة لأن الكاتب تطرق إلى أمور بعض من مجتمعاتنا يعيش تحت تلك المبادئ ،مثل الأبحاث التي اثبتت تفوق الجنس الأبيض عن الاسود، هي مجرد ابحاث، ولكن المجتمع الملحد في ما مضى كان عنصري ، ليس الجميع انما البعض.. ولكن الحال ينعكس في مجتمعاتنا العربية المسلمة، شعبنا أصبح عنصري ، لأنه ينظر للأسود بنظرة احتقار ويطلق عليه مصطلحات مثل (العبيد ، الخدم).
يتكلم أيضا على أن العلم أثبت تفوق الرجل عن المرأة وان الرجل في مرتبة أعلى بيولوجيا من المرأة وان عقل الرجل أقوى وأفضل من المرأة، سوف تنعدم المساواة بين الطرفين.. هي كما قلت مجرد أبحاث. . ولكن ما نراه في
 المجتمعات الملحدة العكس، و هذا النمط متبع في بعض المجتمعات العربية منذ القدم استصغار المرأة، و معاملتها مث�� البهائم، وغيرها من انعدام المساواة.
أين المساواة الدينية في كل هذا!!
الهيومانية "الانسانية" هي جزء لا يتجزأ من أخلاق الانسان، الإنسانية التي وصفها الكاتب ، مختلفة عن الإنسانية الي نراها ونعيشها، الإنسانية بالمفهوم الصحيح هي الشعور بالآخرين، وعدم إيذاء الغير،و الرفق بالحيوان، و عدم اذا النبات، و العيش في سلام مع كل الأجناس مع عدم وجود الضلم..هذا كله موجود في المجتمعات الملحدة ، ولكن العكس في المجتمعات المسلمة،، لا أنكر ذلك فالجروب الآن تبرهن عدم وجود الانسانية في الذات البشرية.. و الانسانية في نظري مرتبطة بالروح و الأخلاق. 
أيضا قال " إن نظرية القطب المغناطيسي المنفرد ليست منطقية" أيضا نظرية الكم ليست منطقية ولكنها صحيحة اذا ليس كل شي نظري غير منطقي يعني أنه غير صحيح،،
أيضا في بعض المواقف يقوم بالتعارف مع نظريات ، ثم فالنهاية نفس مواضيع أخرى يستخدمها كتفسير لحججه، مثل تفسيرات مدرسة كوبنهاجن .
هناك الكثير من الأمور التي يجب على الكاتب النظر فيها قبل أن يحول كتاباته إلى كتاب .. لأن الكاتب يعيش في وهم وحقد على البشرية وعدم القدرة على التعايش مع المجتمعات الملحدة بسبب حقده عليهم.
لا النقد الكاتب ، و الكتاب لا بأس به ، لكنه لم يروق لي ..

[Hussain Mohammed]

لا يستحق التقييم ، كاتب هذا الكتاب عايش في وهم
وهم جبير كلش !!

[Vladimir Stukov · Rating 1 out of 5]

مشكلة غباء المؤلف أنه يرى الإلحاد مثل نظام الأديان العفن الذي يتبعه. لذلك يصف الإلحاد بالكهنة.
نصف نجمة للكتاب من أجل الورق المطبوع عليه فقط.
نصف نجمة أخرى لعقل هيثم طلعت الغير موجود.

[أحمد عامر · Rating 3 out of 5]

بسم الله ما شاء الله

أتمني من الدكتور هيثم طلعت سرور أن يستمر في إنتاجه ويغزره

وتحفظي الوحيد إنه يكتب لنا نحن المسلمين ولا يكتب للملحدين

أتمني أن تكتب بموضوعية للجميع للملحد والمؤمن بدون عبارات الكفرة والزنادقة فنحن نعرف كل ذلك ... ومن هذا القبيل لخدمة العمل وزيادة الموضوعية فيه

ولكن جهدك ممتاز ورائع

[عادل عبد اللطيف]

أي اضا سيبقى الحسؤال: كيف تصل كل حدبة غبار طلع إلحى فصيلتها نفرسها دون غيرها على
الحرغم من وجدود عدد ضخم من حدبات غبار الحطلع في الحهواء ؟
نعم ان هذا الكتاب أمره عجيب انه يجعل المسلم يتفكر كثيرا في خلق الله كما امر ربنا ويتفكرون في خلق السماوات والأرض كتاب ممتع بحق

[حمزة · Rating 5 out of 5]

لم يعد بوسع المثقف المسلم أن يطالع في هذا المجال دون أن يقف علىما كتبه المبدع هيثم طلعت وإن كنت أنتظر منه أكثر من هذا.
طالعته في نشرة براهين ولم ترقني طبعتهم يا للأسف.
والكتاب قيم وثري بالردود والأفكار ف نقض هراء الملاحدة.

[هيثم الساعدي]

ممتاز

[ريمة · Rating 2 out of 5]

بصرف النظر عن حاجتنا لهكذا كتاب، وللجهد المبذول فيه، مازال نهج الباحثين العرب عاطفيا اندفاعيا، قبل ان يكون منطقيا مقنعا بذكاء.
نتمنى على الكاتب الاطلاع على النهج البحثي الحديث.
رؤية أولية لأول قراءة.

[Mostafa Elsheemy · Rating 4 out of 5]

إستفدت من الكتاب القليل،
بس هو ليه التعصب والسب؟

[Muhammad Mazroua · Rating 1 out of 5]

انا قريت مجموعه من كتب الرد على الملاحده و بتناقش الموضوع بس مالقتش كتاب صراحه مستواه ركيك زي الكتاب ده عامل بالظبط زي انك تعمل بحث على جوجل و تجمع و تروح دار نشر تطبع و تسميه الرساله المبينه في الرد على عم مينا كتاب فيه غلطات شنيعه و بيتناقش باسلوب علمي رادح غير علمي

[Ahmed · Rating 4 out of 5]

كتاب جيد جدا .. ينقصه تسلسل الافكار وترتيب المواضيع وتنسيقها
لكن استفدت منه ..
جزاك الله خيرا د / هيثم ونفع بكم

[Mohamed Alaoui]

i love it