Límonaði frá Díafani

by Elísabet Jökulsdóttir

Ella Stína er átta ára þegar hún fer út í heim með fjölskyldunni. Í Grikklandi er allt með öðrum brag en heima á Seltjarnarnesi; eðlur skjótast um veggi, mandarínur og ólífur vaxa á trjánum, geitur ganga um með bjöllur um hálsinn og örsmáu bænahúsin í hlíðinni hljóta að vera sérstaklega fyrir krakka. Ella Stína skottast um allt með yngri bræður sína en foreldrarnir eru yfirleitt uppteknir við skriftir. Löngu seinna kemur Ella Stína aftur til Grikklands, hvað er þá orðið af sólbökuðu fjölskyldunni sem eitt sinn var?

Elísabet Jökulsdóttir hefur sent frá sér fjölda bóka en sló nú síðast í gegn með Saknaðarilmi og Aprílsólarkulda. Límonaði frá Díafani kallast sterklega á við þessar bækur um leið og farið er með lesendur í heillandi könnunarferð um bernskuna undir grískri sól.

91 pages, Hardcover

First published January 1, 2024

Reviews

[Sóley Reynisdóttir]

Mjög langt síðan ég las íslenkst ritverk, og þessi kom mér svo á óvart. Svo svakalega vel skrifuð frásögn, og tilfinningarík. Sagan sjálf um grikklandsmánuðina kannski óspennandi en hvernig Elísabet skrifar um fjölskylduna sína og samböndin var svo hnyttið, sorglegt, fallegt. Hló oft upphátt. Ljóðræn en samt einföld. Elskaði hana, las hana viljandi hægt til að dreifa nautninni.

[Eydís Blöndal]

elísabet jökuls kann allra og manna best að segja SATT.

[Fríða Þorkelsdóttir]

Góð eins og við var að búast. Er búin að skrifa gagnrýni sem birtist kannski einhvers staðar fyrir jólin :)

[Kristín Hulda]

Góð en of stutt til að vera mikið verk eða skilja mikið eftir. Er samt alltaf rosalega hrifin þeirri innsýn í hugarheim Elísabetar Jökuls sem bækurnar hennar veita. Samtalið um mylsnuástina hreyfði við mér.

[Tanja Elín Sigurgrímsdóttir]

Stutt, áhugaverð, skrítin. Sérstök upplifun að lesa hana og mér fannst ég eiginlega verða að lesa hana aftur til að njóta og skilja betur. Lesin fyrir bókaklúbb sem ég komst svo ekki í, hefði gjarnan viljað ræða þessa en á sama tíma veit ég ekki hvað er að segja um hana.

[Agnes Ósk]

Fallegar æskuminningar. Og þó ég kunni að meta hnitmiðaðan stílinn þá er þetta tæplega bók.

[Heida Eiriks]

Ótrúlega fallegt listaverk

[Valdís Mýrdal Gunnarsdóttir]

stutt en góð bók!! Skemmtilegt að fa að fylgjast með æskuminningum❤️❤️❤️ hlakka til að lesa meira frá Elísabetu

[Margrét Birgisdóttir]

Furðuleg og áhugaverð, eins og að synda um í heila höfundar, innan um minningar hennar frá æsku. Finnst merkilegt hvernig Elísabetu tekst að koma minningarbrotum sínum í samfellda, ljóðræna og flæðandi frásögn.

[Nilla Einarsdottir]

Elsku besta Ella Stína - ein af mínum uppáhalds í gegnum tíðina og klikkar ekki á því að draga mig með í allskyns ferðalög. Um tvistinn og bastinn og út um allt í tíma og rúmi.

[Fanney Snjólaugardóttir]

Elska Elísabetu, skrifar alltaf neðan úr iðrum sínum, kann svo vel að meta það 💖

[vigga]

Það eru einmitt svona bækur sem ég vil lesa

[Ásta Melitta]

Hér segir Elísabet frá ferðalagi fjölskyldunnar til Grikklands þegar hún var 8 ára. Þau dvöldu á eyjunni Karpaþos í nokkra mánuði og skrifaði pabbi hennar bókina Dagbók frá Diafani um dvölina þar. Elísabet skrifar út frá sjónarhorni barnsins, en nokkrum sinnum er samt farið til fullorðinsáranna og m.a. sagt frá því þegar hún fór aftur sem fullorðin á slóðir fjölskyldunnar í Grikklandi.
Bókin er fljótlesin, byggð upp á stuttum minningarbrotum og fylgja nokkrar myndir með. Þetta er ánægjuleg lesning en skildi samt ekki eins mikið eftir og Saknaðarilmur og Aprílsólarkuldi
3,5 stjörnur, hækka upp í fjórar.

[Gerður María]

falleg bók, skemmtilegur höfundur

[Alma Wolf]

Ekki alveg nóg söguþráður til þess að vera saga, ekki alveg nóg og djúpt til þess að geta kallast endurminningar. Finnst eins og þetta hefði geta verið frábært ljóðasafn eða hefði geta bætt við sig 200 bls í viðbót og verið frábær skáldsaga. Eins og er, er þetta svoldið eins og…. Eins og þetta trendy sódavatn sem er ekki með bragði heldur bara lykt. Ég sé svo hvað gæti verið, en það vantar *meira*

[Katla Lárusdóttir]

Kannski af því ég átti áratuga löng kynni við Elísabetu á ákveðnu tímabili í lífi mínu heyrði ég hana segja frá um leið og ég las. Tæplega hægt að kalla þessa stuttu skruddu bókarskrif, meira eins og að vera komin inní stofu til höfundar með gamalt myndaalbúm í kjöltu og sögustund við gamlar minningar húsráðanda. Fljótlesin þó, 40 mínútur til nákvæmni.

[Margrét Lára]

ótrúlegt en satt fyrsta bókin sem ég les eftir Elísabetu
fannst þetta góð fyrsta bók til að lesa, kynnast henni út frá barnæskunni, og hlakka núna til að lesa meira eftir hana
stutt og létt og þægileg
barnslega sjónarhornið fallegt en líka erfitt
stundum hoppar hún úr einu í annað sem gat verið ruglandi en ringulreiðin segir líka svo mikið

[Ingibjörg]

Góð bók eins og annað sem frá Elísabetu kemur. Mér fannst Saknaðarilmur betri, en þessi er skemmtilega skrýtin á köflum og oft kómísk móment. Skemmtileg frásögn af dvölinni í Grikklandi frá sjónarhóli barnsins. 3 og hálf stjarna.

[Ran Tryggvadottir]

Yndisleg minninga- og uppgjörsbók. Elísabet Kristín Jökulsdóttir skrifar af svo mikilli næmni, frá kjarnanum, af fegurð og hittir mig beint í hjartastað. Ef ég hefði haft biblíuna við höndina hefði ég farið að blaða í henni og lesið „Verði ljós”.

[Sara Hlín]

Eftir frábærar tvær síðustu bækur olli þessi mér vonbrigðum. Minnti mig á raus sem maður hlustar á í fjölskylduboðum og þú hefur mögulega áhuga á ef það tengist fólki sem þú þekkir.

[Ragnheiður Lárusdóttir]

Dásamleg bók

[Heidrun Hauksdottir]

Góð. Stutt, hugljúf minningabók, gott flæði og eins og ávallt lipur og snjall penni.

[Gunnella Kaaber]

2ja-3jaklst unaðslestur

[Fjóla Ósk]

Ljúfur lestur og skemmtileg frásögn, fannst hún þó heldur stutt og ekki eins kraftmikil og aprílsólarkuldi

[Unnur Lárusdóttir]

Sagan af Grikklandsdvöl Elísabetar og fjölskyldu er einföld en samt flókin. Textinn ljóðrænn og fallegur. Það að hún snýr aftur síðar og rifjar upp fyrri tíma áhrifamikið og ekki síður sú staðreynd að hún verður sjálf skáld í kjölfarið. Snilldarskáld, hreint ekki síðri en faðirinn.