عبد الناصر: وثائق وشهادات

by محمد مورو

84 pages, Paperback

First published January 1, 2010

About the author

مفكر إسلامي مصري.

رئيس تحرير مجلة المختار الإسلامي في مصر، مدير مكتب مجلة العالم بالقاهرة.

اختارته هيئة الأمناء في منتدى الوسطية العالمي كأفضل مفكر عربي لعام 2011
وجاء في حيثيات الاختيار، أن الدكتور محمد مورو قدم أطروحات إسلامية متميزة في مجال الحرية والعدل وعدم التعصب، ودعم الوسطية الإسلامية، وقام بدور كبير في تطوير الفكر الإسلامي السياسي المعاصر، وهو من المفكرين المجددين، كما أنه أسهم بدور متميز في الدعوة إلى الثورة العربية والإسلامية عن طريق سلاح الجماهير وليس العنف.

له حوالي 100 كتاب في مختلف قضايا التحديات الإسلامية المعاصرة ، تتميز بالاشتباك مع القضايا المثارة في الواقع العربي والإسلامي والعالمي.

كتب في عدد كبير من الصحف المصرية والعربية والدولية ما بين عمود يومي ومقال أسبوعي ودراسات وأبحاث.

ترجمت بعض كتبه إلى عدد من اللغات مثل التركية ، الإنجليزية ، الفرنسية و الأردية.

له 55 مجموعة قصصية في أدب الأطفال وأدب الخيال العلمي.

كتب بصورة مستمرة في عدد من المواقع الإليكترونية مثل الجزيرة " المعرفة " – المسلم – الإسلام اليوم – إسلام أون لاين – الشريعة – وكالة الأخبار الإسلامية – مفكرة الإسلام ، اليوم السابع - الوسط - قصة الإسلام.

يعمل مستشاراً إعلامياً لدى عدد من المواقع الصحفية الإليكترونية.

Reviews

[Amr Mohamed · Rating 1 out of 5]

الكتاب بينتقد عبد الناصر ومع كرهى الشديد لعبد الناصر إلا انى لازم اقييم الكتاب نجمة واحدة لكذا سبب


1 - الكتاب مش فيه غلطات مطبعية ده هوا كله غلطات مطبعية وكلميت مكتوبين صح

2 - الكتاب اسمه وثائق وشهادات ومفيش ولا وثائق ولا حاجة هما شوية شهادات من كام كتاب ومن ضمن الشهادات جايب شهادة حسن التهامى ..

اللى هوا اصلا اول واحد اتفاوض مع اسرائيل وحصل فى المغرب .. ومن اهم شخصيات التى أدت الى اتفاقية كامب ديفيد وكان متهم هو نفسه بالعمالة لامريكا فشهادته اصلا ملهاش لازمة.


3 - اول فصل بيستشهد برواية صالح مرسي رأفت الهجان ويقولك ان الرواية اكيد صحيحية لأن المخابرات المصرية وافقت عليها فيقولك واحنا بنثق فى المخابرات ووزارة الاعلام !!

طبعا ده قفلنى من الكتاب من اول كلمتين لما يقول بثق فى المخابرات والاعلام .....الاتنين...
وبعدين حد يستشهد برواية اغلبها من دماغ صالح مرسي ... ناقص يقول ان الميعاد الساعة اتنين فى المترو وده معناه ان الميعاد الساعة اربعة فى بركان فيزوف..


4 - قال عن محمد جلال كشك فى كتاب ثورة يوليو الامريكية ان جلال كشك قال ان امريكا جندت عبد الناصر ..

كلام جلال كشك ان امريكا كان مصلحتها من مصلحة عبد الناصر ورفاقه للتخلص من نفوذ بريطانيا وطبعا فرق كبير انى اقول اتجند واقول انه هما تعاونوا عشان مصالحهم اتقابلت ..
اه طبعا مش كويس ان مصالحهم تتقابل ويتعاونوا لكن مزودش كلام وخلاص .


5 - وشوية كلام قبل 1952 وان كان فيه ثورة اسلامية هتقوم من الاخوان واحمد حسين.... وعبد الناصر قضى على الثورة الاسلامية ومش عارف جاب منين موضوع الثورة الاسلامية الى كانت هتقوم ده..

عبد الناصر قضى على اى ديمقراطية واى حد اسلامى شيوعى كان هيقضى عليه اى حد ممكن بس يشارك معاه جزء من السلطة ومحدش ينسا ان واول ناس اتعدموا كانوا خميس والبقري بتهمة الشيوعية.


6 - قال ان عبد الناصر تعمد هزيمة يونيه وممكن عشان يشيل حكيم عامر

اه عبد الناصر كان سايب عامر وهو فاسد هو ورجلاته ..وعمل مليون حاجة اتسببت فى هزيمة يونيو لكن اكيد مكنش عايز يسلم سيناء مش عشان مصر بردو حتى عشان عبد الناصر نفسه وسلطته بردو

_______________________________________

انا شايف ان المغالاة فى نقد عبد الناصر وانى اقبل اى كلام المهم انه شتيمة زى انه امه يهودية وكان عايش فى حى اليهود زى بالظبط اللى بيأيد عبد الناصر ومش شايف الف غلطة عملها فى الفترة السيئة الى حكم فيها..
الاتنين مش صح..

وبعدين الكاتب مش محتاج يزود كلام على عبد الناصر عشان نكرهه هيا اصلا اخطائة وفساد حكمه وقمعه كفاية

[Eng. Mohamed ali · Rating 1 out of 5]

مجرد اكاذيب وقصص غير واقعية ..وليس معنى ذللك ان عبد الناصر مظلوم ولكن الحقائق لاثؤخذ من ذلك المؤلف