Historia de Galicia

by Anselmo Lopez Carreira

A dialéctica social do ser humano, actuando secularmente no seu contorno, foi creando as comunidades nacionais, que se procuran e se recoñecen na experiencia da súa propia historia. O nacemento da moderna conciencia nacional galega, no século XIX, está estreitamente vinculado á elaboración do discurso histórico, que ao mesmo tempo é resultado da existencia da nación e elemento axente da súa configuración. Desde aquela altura ata hoxe o acervo historiográfico foise incrementando en cantidade e calidade científica, tanto en obras globais como en monografías, de divulgación ou especializadas. Focalizada desde unha perspectiva na que Galicia constitúe o seu propio centro, e cunha clara intención divulgativa, esta Historia de Galicia de Anselmo López Carreira recolle e sintetiza as achegas proporcionadas polo conxunto de historiadores que ofrecen ao país unha imaxe coherente de si mesmo e pretende ser un elemento útil na construción desta comunidade de convivencia que é a nación galega.

304 pages, Paperback

First published July 16, 2013

About the author

Anselmo López Carreira, nado en Vigo en 1951, é un historiador galego.

Licenciado (1976) e doutorado (1994) en Historia pola Universidade de Santiago de Compostela. Catedrático de Historia no IES María Soliño de Cangas, logo de ter traballado en Celanova, Verín, Santiago, Barcelona e Hannover. É tamén profesor titor da UNED en Ourense, catedrático de secundaria e historiador ligado ao Instituto Padre Sarmiento de Estudos Galegos.

Anselmo López é autor dunha ampla obra ensaística de investigación histórica, centrada na historia medieval de Galicia. Tamén é coautor de varias Historias Xerais de Galicia (1979, 1991, 1996 e 1997).

Estivo casado coa poeta e política Chus Pato, coa que tivo dúas fillas: a historiadora Sabela López Pato e a tradutora Catuxa López Pato.

Reviews

[celtia · Rating 3 out of 5]

paréceme unha lectura imprescindíbel e aprendín bastante pero tamén hei de dicir que me alegrei de rematala

[nuno ʕ•ᴥ•ʔ · Rating 3 out of 5]

non me acordara de marcalo como acabado pero vamos, que non levantamos cabeza dende o século XV

[val(eria) · Rating 3 out of 5]

Paréceme un contido moi interesante e necesario, pero tamén creo que na maior parte das ocasións se podería expresar con moita máis claridade sen perder ningunha información.

[Thisisnotmarta]

bueno bueno bueno por fin son libre!!!!!

[Charlie · Rating 4 out of 5]

Moi bo achegamento á historia de Galicia mais con algunhas eivas como a clara parcialidade cara ó BNG e o trato do último capítulo, non como un repaso da "Transición" en Galicia, senón dos pasos da UPG e a posterior formación do BNG.
Tamén parece haber unha maior profundidade nos primeiros capítulos, dos primeiros séculos de historia, en detrimento dos últimos séculos onde é máis palpable o tratamento superficial dos acontecementos deixando moito que desexar no tratamento da represión franquista, por exemplo.
Con todo, trátase dunha obra de lectura asequible e da que se poden extraer moitos coñecementos.

[Farru · Rating 3 out of 5]

O formato en si é atractivo, unha breve introdución á historia de Galicia fácil de ler, mais tamén é a causa dunha das principais chatas e é que as cousas se contan sen contexto, sen explicar por que ou sen unha mención do que pasa máis alá do Padornelo. Para alén diso a idade contemporánea é unha crónica do nacionalismo galego, coma se no país non tivese pasado máis nada.

[Léxuam Záled · Rating 3 out of 5]

Trátase dunha obra que non custa demasiado traballo ler e que ofrece unha visión da historia de Galicia (e nalgúns casos tamén da historia de España) diferente á da historiografía oficial. Porén, non ofrece unha versión imparcial, xa que é notable a defensa de Galicia como nación histórica, chegando a manifestarse a favor do BNG.

Ademais, conforme se achegan as últimas páxinas, da a sensación de que o propio libro chega á súa fin, como se acelerase no final porque é consciente de que se lle están a esgotar as páxinas restantes e que aínda non tratou todo o que quería tratar.

Pero, pese a todas as críticas que se lle poidan facer, é unha lectura interesante para coñecer un pouco máis en profundidade a historia de Galicia. Aínda que sexa saltando certas páxinas.