يوميات شاب عادي

by د.مصطفى إبراهيم زايد

تمر بنا الأيام ..

وتمر بنا المواقـف ...

لحظـات ... ذكريـات ...

رسائل كثيـــــــــــرة ...

أوقات نشعر بها ..

وأوقات أخرى نتجاهلها ...

وفي هذه الرواية ..

سنتناول معا ً قصة حياة شاب عادي وآخر ملتزم ..

سيَمُرُّ الاثنان بما نَمُرُّ عليه جميعاً ..

مِن فِتن و مشاكل .. حُبٍّ و كُره .. فـَرَح و حُزن ..

وسنرى كيف سيتعامل الاثنان مع هذه المشاكل ..؟؟

الرواية خيالية ؛ ولكنها أقرب ما تكون إلى واقعنا ..

قد تجد/تجدين تشابهاً كبيراً بينها وبينك فى كثير من أجزائها ..
..

رابط التحميل :

https://archive.org/download/YomyatSh...

Genres: Religion

338 pages, Unknown Binding

First published January 1, 2012

Reviews

[✴عائشہ✴ · Rating 5 out of 5]

رواية قصيرة ""عبارة عن مسلسل "" ممكن تكون حصلت في حياة اي واحد حتي لو جزء منها :)
في مواضع كتير بكيت فيها
بجد الرواية دي غيرت فيا كتير

رائعة وانصح الجميع بقرائتها

[Huda Aweys]

كان اهل رامى مستمرين ف البكاء..لا تنقطع دموعهم على فراق ذلك الشاب الذى كان فى ريعان شبابه ومقتبل حياته..

تلك الوفاة المفاجئه كانت صدمة بالنسبة لهم..

فكغيره من الشباب..كانت ابوب الحياة مفتحة امام رامي..وينتظره مستقبل يظنه الجميع مشرقا ..حيث كان مع عدم التزامه فى احد كليات القمه ..ومن بيت من بيوت الاثرياء.. ولكن انتهى كل شئ.. انتهى كل شئ..!!

[محمد فريد · Rating 4 out of 5]

رواية تحس انك عايش فيها،بتحس بكل حدث كأنه حقيقه،حتي الشاب بطل القصة مر عليك قبل كده..انت عارفه،عارفه كويس جدا ،لأنه يمكن يكون اي حد من اللى حوليك صاحبك أخوك ،أو ممكن يكون انت..بس الفرق بينك و بينه ان انت لسه عايش...
.اول رواية اقرأها،كلامها سهل جدا و قرأتها في جلسه واحده.
أظن انها تنفع لكل واحد اول مرة يقرأ روايات.

[Zainab Ahmed · Rating 5 out of 5]

من اروع ماقرأت للدكتور ابراهيم زايد خلصتها فى يوم واحد ‏‎ ‎:)‎‏ عجبتنى جدااااااا شخصية معاذ ومواقفه وثباته قدام ابتلااءات كتييير حصلتله وبكيت كتييير على عبد الرحمن والموته اللى مات عليها والفرص الكتيييير اللى كانت قدامه وضيعها للأسف ‎:(‎‏ انصح الجميع بقراءته لأنه مؤثر جدا وممكن يكون سبب فى التزام ناس كتييير إن شاء الله

[Hadeer Alsmailawy · Rating 5 out of 5]

روايه رائعه تستحق القراءة بها معلومات دينيه كثيره وجميله :) تفيق القلب من غفلته وتغير فى الانسان اشياء كثيرة ..
روايه واقعية جدا تحس ان الاحداث حقيقيه ومرت عليك حتى لو جزء منها ..
واجمل ما فيها طريقه النصح والدعوه بالاستشهاد بالآيات والاحاديث، وإن كان أطال فى شرح بعض الدروس الدينية .
لكن النهايه محزنه جدا لسوء الخاتمة !! :(
يارب ارزقنا حسن الخاتمة ولا تقبضنا إلا وانت راض عنا

[Safia · Rating 5 out of 5]

مش عارفه ابدأ تعليقى على الكتاب ده ازاى ، ولكن برده مش قادرة ما اكتبش !
كتاب من االكتب اللى اى حد محتاج يقرأه ، ..
كتاب من الكتب اللى يحسسك انها رواية وفى مشاهد لازم تواصلها قرءاة للآخر .. وكأن الكتاب كله مشهد واحد ! ولكن ولا أروع سيناريو !!
وأنت بتقراه هتحس انت أى شخصية من المذكوريين، ,,, وعلى شوق مرير لمعرفة ما سيجرى معاها
وو
اقرأها .. "محتاج" تقرأها
.

[MoHamed MOunir · Rating 4 out of 5]

عجبتني النهايه لانها عجبلتني اشعر بالخوف لان حياه هذا الشاب مثله مثل حياه كثير مننا
فا ياتي الينا اوقات نقترب فيه لله و اوقات نبتعد عنه
ولن لم نتمسك بالاوقات التي نقترب منها الي الله سيكون مصينا ان نقابل الله ونحن ع معصيه ف اوقاتنا البعديه عنه
حقيقي احي الكاتب د مصطفي ابراهيم

[محمد حمدي مُسَلَّم · Rating 4 out of 5]

في الغالب لا احب الروايات لان نسبة تحصيل الفائدة منها ضئيلة
لكن هذه الرواية مختلفة جدا
هتحس انك مقصر في بعض الحاجات
واد ايه ان الصحبة الصالحة نعمة عظيمة من ربنا
وهتبكي من موقف ما او كلام أثر فيك
انصح بقراءتها
ولو ليك حد من صحابك وعايز ربنا يهديه اعطيه هذا الكتاب هديه

(من مقتطفات الكتاب)
فوقوا بقى يا شباب ..
فووووووقوووووووووووا
مستنیین إیھ ؟؟!!
الموت مش بعید عني وعنك وعنِك !
شباب المسلمین بیموتوا على إیھ دلوقتي ؟؟!
على الأغانى والأفلام والإباحیات والمخدرات وقصص الحب..!
اللي عایز یموت على طاعة یعیش على طاعة یا شباب ..
یا ترى ھتقول لربنا إیھ ؟؟
ھتقولى لربنا إیھ ؟؟
ھنقول لربنا إیھ ؟؟
هنقوله إيييييييه يا شباب ؟؟!!

مستنين إيييييه علشان نتوب يا شباب ؟؟؟
كل یوم صاحب وأخ وقریب بندفنھ بإیدینا !!!
مستنیییییییین إییییییییییھ ؟؟!!!!
مستنیین ندخل القبر ونرجع نقول یاریتنا كنا تبنا !!!
یا شباب كلنا عایزین السعادة في الدنیا والآخرة .. …
ولله العظیم أي طریق ھتمشى فیھ غیر طریق ربنا مش ھتلاقى فیھ
غیر الھم والغم في الدنیا والعذاب في الآخرة !
إسمع أغانى براحتك .. حب بنات براحتك ..
إشرب مخدرات براحتك .. زعق لأبوك وأمك براحتك ..
وإنتي إلبسي كل اللي اللبس الضیق اللي یغضب ربنا ..
وكلمى كل الشباب .. واتركي الصلاة وإعملي في نفسك البدع ..
عیشوا الحیاة زى ما تحبوا یا شباب ویا بنات ..
زي ما ربنا قال :
(اعملوا ما شئتم)
إعملوا كل اللي إنتو عایزینھ ..
بس .. في الآخر ولله العظیم مش ھتلاقوا غیر الھم والغم والضنك
لأن ربنا ھو اللي قال :
(ومن أعرض عن ذكري فإن له معيشة ضنكا ونحشره يوم القيامة أعمى )
ھم وغم و نكد وضنك في الدنیا .. وفي الآخرة .. مفیش غیر جھنم !!
كل ده علشان إییییییییھ ..؟؟
إيييييييييييه اللي يستاهل في الدنيا دي كلها ؟؟!

(اللهم يا مقلب القلوب والابصار ثبت قلوبنا علي دينك وعلي طاعتك حتي نلقاك به)

[ghada MarȜe · Rating 2 out of 5]

قريت النسخة الاليكترونية لا اعلم اذا كانت هناك نسخة ورقية و ان كانت هل هى بنفس الشكل
ما قرأته لا يغدو عن كونه حلقات لقصة ما من التى تدون فى المنتديات القصة نمطية جدا عن شاب ملتزم و اخر بدا فى طريق الالتزام يعنى حسيتها مكررة و تقريبا كنت متوقعة الجمل اللى بقراها هتبقي عاملة ازاى
التنسيق بالنسخة الاليكترونية سيئ جدا من حيث حجم الخط و الالوان و ان فيه سطور اعلى الصفحة مختفة تحط الاطار المزخرف لها انا كنت بتوقع ايه السطر ده من سياق الحديث

[ᾄṩмᾄᾄ · Rating 3 out of 5]

كتاب جميل لكن ككتاب مش كروايه
الوعظ او الارشاد الدينى فيه مباشر جدا لدرجه انه طغى على جو الروايه وحولها لكتاب دينى وفجأة بدأت سرعه احداث الروايه تختفى
اكتر ما دايقنى اثناء قرأته هو تفريغ الخطبه الموجودة فى النص واللى اخدت حيز كبير جدااااا رغم ان المؤلف كان قادر يوصل المعنى بأحداث

[Aisha Mahmoud · Rating 3 out of 5]

رائعة :)
تجدد الهمة وتساعد علي الطاعة
النهاية صدمتني
منكرش انها حلوة وكأنها قلم علي الوش عشان تفوقنا
إننا هنتحاسب ولازم نبطل نجري ورا شهواتنا
بكيت كتير واتعلمت منها حاجات كتير
اللهم لا تقبضنا إلا وانت راض عنا
يارب إرزقنا حسن الخاتمة

[هـــبــة عبد اللطيف · Rating 1 out of 5]

معجبتنيش
كلام كتير وموصلتش المعلومة بشكل كويس :))

[Ahmed Abd-Elfattah · Rating 1 out of 5]

ليست رواية او مسلسل وانما طريقة للعظة ولكن حديثة يشكر عليها الكاتب :)

[Aya Darwesh · Rating 5 out of 5]

يااااااه الرواية اللي عيطت معاها كتير وانا صغيرة :d غالبا لو قرأتها دلوقتي مش هتأثر تاني خلاص
ومش هخلي بنتي او ابني ف يوم من الايام يقرأوها
بس تقييمي العالي ليها لتأثري بيها ف وقتها بس

[Rokia · Rating 5 out of 5]

يا الله !!
مؤثرة ومبكية
تفيق القلب من غفــلته
أبكتني وأثـرت في نفسي كثيرًا

[Alzahraa Salah · Rating 5 out of 5]

أول حاجة أقرأها في حياتي، كانت ترشيح واحدة من أصحابي، كنت لسة في إعدادي! بكيت كتير جدًا وأنا بقرأها، كان القلب ما زال حي! نقي ويخشع.

مازلت أحب هذا النوع من الروايات التي تمزج الأسلوب القصصي والديني، بدلًا من توجيه النصائح الدينية في كتاب بشكل مباشر، سردها في رواية ومعايشة أبطالها ورؤية كيف أنهم يشبهوننا أحيانًا.

النهاية كانت صادمة، مازلت أتذكر اسم البطل (عبد الرحمن) الذي بعد مدة استقامة وتلذذ بطاعة الله، توفى على سوء خاتمة! 💔😢 الله يعافينا ويرضى عنا ويرزقنا حسن الخاتمة.

[آلآء جمال · Rating 5 out of 5]

الرواية بتحاكي الواقع بطريقة تخوف
بتتوغل جوا كل فرد ويكأن الرواية متفصلة علي كل واحد فينا بالظبط
أول حاجة قرأتها وأخدتني وشدتني لعالم القراءة ككل🌸
يمكن أكتر رواية فاكرة أحداثها لواقعيتها ولتعلقي بيها ودايما ممتنة للكاتب أنه قدر يوصل وباخد منها عظة كل ما رجلي تزل💡

[Amoul · Rating 5 out of 5]

لا أستطيع أن أقول شيئ غير أنها غيرت تفكيري
اللهم إغفر لنا ولوالدينا
اللهم لا تجعل الدنيا أكبر همنا
الله أحسن خاتمتنا

[Fatma Mostafa · Rating 5 out of 5]

رائع جدا انتهيت من قرائته في بضع ساعات ..
بضع ساعات كانت كفيله بتغير قلبي وحياتي للافضل .

[شيماء عبد المنعم · Rating 2 out of 5]

الرواية كانت ماشية حلو لكن النهاية صعبة جدا و ضعيفة الحبكة
او رواية ترهيبية كما أسميها
النجمتين بس عشان اندمجت ف الحكاية في الاول

[Ame El · Rating 5 out of 5]

رواية جميلة جدااا
ولكن النهاية الواقعية كانت محزنة للغاية
ينصح بها للشباب والمراهقين

[Esraa Soliman · Rating 3 out of 5]

بحب اسلوب الروايات اللي جواها معاني دينية ❤
بتشدني وبحس اني مستنية التزام الابطال
بس نهايتها ضايقتني .. كنت اتمني النهاية تبقي مختلفة

[Nouran · Rating 3 out of 5]

من البدايه كل ما أردته أن أقرأ كتابا عن السيرة النبوية، او قصص الصحابة و الخلفاء الراشدين " تلك الكتب التى تستمد منها روحك طاقة تنتعش بها حياتك " إلا إننى لم أضع اى فكرة عن اسم كتاب محدد.. و بالتالى شرعت أبحث لعلى أصل إلى ضالتى..
حتى وجدت رواية بأمس " يوميات شاب عادى "
استوقفني الاسم كثيرا، فلا أنكر إننى رأيته مرارا، إلا إننى لم يجول بخاطرى للحظة واحدة انه كتابا دينيا !!!!
و اتخذ فضولي محلة ووجدت نفسى أقرأ أول صفحة بنهم بالغ الشدة..
و كانت المحصلة جيد للغاية، على الرغم من أن
لدى الكثير و الكثير من الأسئلة و الملاحظات...
و لكن مازال أمامى أكثر لأنهال عليه بلا توقف..
حتى تكون معى من المعرفة ما يقنعنى عقلى من السنه و الكتاب بشرح بين ...
باختصار " الرواية رائعة ، رغم أن اجتاحنى شعور ببعض الأمور المبهمة " إلا إننى استفدت الكثير منها...

[Amal Saleh · Rating 4 out of 5]

جزى الله الكاتب خيراً ..
مبدئياً الرواية جميلة جداً لأي شخص بيحاول يلتزم بس مش عارف يبدأ , و لأي شخص عادي اتربى في بيت عادي مش ملتزم و ملقاش فرصة يعرف كتير عن دينه ..
الكاتب ناقش الفتن اللي منتشرة في مجتمع الشباب و اللي كلنا بنواجهها في حياتنا و كتير مننا مش بيديها حجمها و بيستصغرها
أنا اتأثرت جداً و حسيت انها بتمثلني للأسف في بعض الحاجات
للأسف أغلبنا عنده مفاهيم مغلوطة و بنمشي ورا اهواءنا كتير
الرواية رائعة في الجانب الدعوي , بس للأسف في بعض الحلقات كانت بتتكلم عن خطبة الجمعة او الحلقة كانت طويلة لدرجة تنسيك انك بتقرأ رواية
في المجمل الرواية مفيدة , جزاكم الله خيراً و نفع بكم

[Ahmed Gharib · Rating 4 out of 5]

رواية رائعة تستحق القراءة اثرت في كثيرا وهي عبارة عن دروس دينية بحته مجموعة على شكل مسلسل واعجبتني شخصية معاذ الا ان حياته اظنها غير واقعية بعض الشئ فهو متدين لابعد الحدود فلا اظن مثله احدا الا قليلا فهو في شدة غضبه مثلا عند ارغامه على الزواج واباه يحبسه يصحح لاخته ان لفظ "تصبح على خير " بدعة وانه يجب ان تلقي تحية الاسلام
ولكن مجمل الرواية ومضمونها ورسالتها مفيدة ومؤثرة وانصح بقرائتها

[هبة الله · Rating 2 out of 5]

المسلسل عبارة عن تجميعة لمجالس وعظ أكثر منه رواية
اللغة العامية قد تناسب الأحداث لكنها لا تتناسب كثيرا مع سرد الدروس الدينية المكثفة بالنسبة لسردها في رواية
شخصية معاذ نادرة لكن لا أظنها مستحيلة
هل حقا من مات منتحرا يموت كافرا؟؟؟؟؟؟؟؟؟؟؟؟
المنتحر لا يموت كافرا ويمكن مراجعة الرابط
http://fatwa.islamweb.net/fatwa/index...

[Mohamed Saleh · Rating 5 out of 5]

الرواية مميزة جدا وجميلة،
يكفى انها بتغير فى الانسان حاجات كتير...

الإنسان بيحتاج من وقت لآخر لتجديد الإيمان، وقد تفانت الرواية فى هذا وزادت !

أنصح الجميع بقرائتها.

وبنوه ان كل الشخصيات فالرواية واقعية جدا وكذلك أحداثها، ومظنش ان فيه حد مثالى فيها...لكن فيه حد اختار طريقه صح واتمسك بيه.

[علا مشعل · Rating 4 out of 5]

تأثير الرواية دي عليآ مش هيخليني اقدر اصنفها واقيمها ع اساس انها رواية وخلاص
هي حاجة كدا بتهزك من جوا اوي ، وبتوضحلك انتا عامل ازاي ، بتكشف كل تفكيرك ..
كلنا كنا او ما زلنا عبد الرحمن
يارب حسن الختام !!

[Gehad · Rating 5 out of 5]

رائع
اسلوب دعوى جديد فى شكل درامى
معلومات دينية غاية فى الخطورة والأهمية
جزا االله د.مصطفى زايد عنا خير الجزاء ونفع بيه شباب الأمة

[آيـــــه نمـــــر · Rating 5 out of 5]

رواية صغيرة ورائعة جدا ،،، افادتنى جدا ف تعاليم الاسلام ،،
وفعلا حكاية شاب عادى !