Kul

by Sunna Dís Másdóttir

Una rambar á barmi kulnunar og er send vestur á firði í nýstofnað meðferðarúrræði, Kul. Þar dvelur lítill hópur fólks í þorpi við sjávarsíðuna í svartasta skammdeginu og glímir við það sem Hákon, forsprakki Kuls, segir mikilvæ að horfast í augu við myrkrið innra með sér. Fyrir vestan fer fortíðin að sækja á Unu, minningar frá æskuárunum í litlu kjallaraíbúðinni með mömmu og Magga bróður.

Þegar hrikta fer í stoðum meðferðarinnar, og ekki síður sjálfsmyndar Unu, tekur allt það sem hefur frosið fast innra með henni að losna úr læðingi og veruleikinn fer á flot.

Kul er fyrsta skáldsaga Sunnu Dísar Másdóttur en áður hefur hún sent frá sér ljóðabókina Plómur sem var tilnefnd til Maístjörnunnar. Sunna er jafnframt ein Svikaskálda sem gefið hafa út fjórar ljóðabækur og skáldsöguna Olíu sem var tilnefnd til Íslensku bókmenntaverðlaunanna. Hún starfar ennfremur sem þýðandi, leiðbeinandi í ritlist og bókmenntagagnrýnandi.

339 pages, Kindle Edition

Published October 17, 2024

Reviews

[Þórdís Helgadóttir · Rating 5 out of 5]

Dásamleg! Ljúf eins og flauel og súkkulaði, samt sönn eins og lífið.

[Eiríkur Norðdahl]

Höfundurinn er sjálf gagnrýnandi í Kiljunni og mér finnst alltof félagssálfræðilega flókið að fara að gefa bók eftir hana stjörnur á samfélagsmiðli. En bókin er vel skrifuð og áhugaverð innsýn í líf konu sem dregur alls konar djöfla og er í talsverðum átökum við bæði sjálfa sig og heiminn – ég átti hálfvegis von á að fá skýrari niðurstöðu en var ánægður að fá hana ekki, að lífið væri bara áfram svolítið flókið.

Bókin gerist fyrir vestan en ég las hana veðurtepptur í Reykjavík. Sem hafði eitthvað að segja.

[Agnes Ósk · Rating 3 out of 5]

Hélt mér vel. Hún kemur í orð líðan sem ég átti engin yfir.
Þær eru býsna margar íslensku skáldsögurnar sem fjalla um áföll í æsku (skrítin tíska) og úrvinnslu þeirra. Þessi á sér "óvænt" tvist í lokin sem var hressandi

[María Einarsdóttir · Rating 4 out of 5]

Frábær! Rennur svo mjúklega áfram en kemur manni samt á óvart þó ég héldi að ég vissi hvað ég væri að fara út í!

[Jóna · Rating 3 out of 5]

Vel skrifuð en efnið vakti ekki áhuga minn á að ljúka við bókina í hvelli!

[Anna Hardardottir · Rating 2 out of 5]

Úfff ekki fannst mér þetta góð lesning …. Var allan tímann að reyna að átta mig á því hvað ég væri að lesa, fór eiginlega í burnout að lesa þessa bók

[Sara Hlín · Rating 4 out of 5]

Frelsið býr í fjallinu. Mér fannst þessi bók algjörlega frábær og ákkúrat það sem ég þurfti á þessum tímapunkti - í höfuðborg um hásumar. Elskaði að lesa um kuldann og myrkrið í smábæ úti á landi. Hljómar eins og fullkomið frí frá öllu áreiti að lok sig af í myrkrinu, stunda sjóböð og láta elda ofan í sig súpur. Vel skrifuð og öðruvísi. Góð lýsing á því hversu flókið þetta líf er.. jafnvel þó maður sé ungur og barnlaus.

[Assa Borg Snævarr Þórðardóttir · Rating 3 out of 5]

Náði ekki nægilega góðri tengingu við þessa bók. Leið eins og ég hefði lesið hana áður og fannst hún jaðra við að vera klisjukennd í þessu ónefnda og dimma þorpi með þessa þreyttu og ringluðu konu í aðalhlutverki. Það var fátt sem kom mér á óvart og söguþráðurinn jafnvel frekar fyrirsjáanlegur. Notkunin á tungumálinu var þó fjarska falleg á köflum.

[Berglind Tómasdóttir · Rating 5 out of 5]

Sunna Dís er ofurnæm í skrifum sínum og ljóðræn. Svo margar fallegar myndir í sögunni, heil bíómynd í orðum. Hlakka til að lesa meira eftir hana. Hefði mátt stytta? Já kannski.

[Svanhildur Sif]

Ágæt

[Védís Fonn · Rating 3 out of 5]

Mér finnst hún Sunna Dís skrifa fallega, sagan var létt. Ég efast ekki um að það komi meira frá höfundinum í framtíðinni sem er vert að lesa.

[Sigrún Þorbergsdóttir · Rating 3 out of 5]

Ég varð þreytt á að lesa þessa bók. Sem betur fer tengi ég ekki við líðan Unu, aðal sögupersónunar þar sem ég hef ekki upplifað kulnun. Ég var samt spennt að vita hvernig bókin myndi enda.

[Brynja Einarsdottir · Rating 5 out of 5]

Mjög ljúf og ljóðræn. Heilandi og hugguleg lesning.

[Martína · Rating 4 out of 5]

Þetta er fullkominn haust-/vetrarlestur! Var rosalega hrifin af persónusköpun Unu, vestfirska umhverfinu og fallega tungumálinu. Mæli mikið með!