San Meteoro

by Josiño Araújo

O día do seu vixésimo aniversario, Pedro, quen se considera a persoa máis irrelevante do mundo, láiase da súa intranscendencia mentres contempla o seu reflexo no espello. Á noitiña, só no monte, fumando maría e filosofando sobre a vida ao pé dunha capela, ve pasar unha estrela fugaz e formula o desexo de se converter en alguén destacado. Pero aquela luz fuxidía resulta ser un enigmático meteorito que cae do ceo para cambiar a súa vida, a das persoas da súa contorna e mesmo a da cidade onde vive.
Unha historia orixinal, de ritmo cinematográfico e chea de humor. Unha sátira de profunda lixeireza cun final trepidante.

368 pages, Paperback

Published March 13, 2025

Reviews

[Kyan S. Dios · Rating 5 out of 5]

De ser un rapaz irrelevante no barrio obreiro desindustrializado por excelencia de Vigo a rematar na Basílica de San Pedro ou intimando cos reis de España.

Esta novela enmarcada perfectamente no Vigo de hoxe en día percorre a consecución dun soño, pero tamén afonda nas problemáticas sociáis dos seus protagonistas e personaxes da novela.

Josiño o volta a facer ofrecendo un entretenimento de calidade e como xa pasara coas Memorias Dun Exgalego, espero pronto poder ver o filme de San Meteoro, oxalá tiveramos esa sorte no audiovisual galego!

[Jorge Rodríguez Durán · Rating 5 out of 5]

É un libro moi divertido pero este humor non che fai perder a perspectiva do que acontece realmente e de todas as problemáticas sociais que describe.
Adorei as personaxes que construiu o autor, todas tan normais e ao tempo esperpénticas.

[Roque Pombal · Rating 5 out of 5]

LI-BRA-ZO