Conta, Sherezade (EDICIÓN LITERARIA - NARRATIVA E-book)

by Suso de Toro

Luz asiste a un curso de creación literaria e decátase de que descoñece a verdadeira historia da súa familia, da súa vida, polo que decide utilizar a escrita literaria para reconstruíla. A investigación e o proceso de documentación que leva a cabo para crear esa súa novela vital vaille ir desvelando datos e acontecementos que xa estaban aí e agardaban agochados e silenciosos nalgún lugar da memoria.
A reflexión sobre a literatura, o descubrimento de segredos familiares que proceden de tempos dunha guerra civil destrutiva a todos os niveis e a reconfiguración da propia identidade son os asuntos que se tratan en «Conta, Sherezade», unha novela que se vai construíndo mentres se le.
Suso de Toro sorpréndenos cunha historia en que a literatura se converte en protagonista da propia novela e nun medio para comprender a vida.

229 pages, Kindle Edition

Published March 13, 2025

About the author

Xesús Miguel de Toro Santos, máis coñecido como Suso de Toro, nado en Santiago de Compostela o 10 de xaneiro de 1956, é un escritor galego.

O seu pai é de Formariz (provincia de Zamora) e a súa nai de Falapaso (Camboño, Lousame). Seu irmán, Xelís de Toro, tamén é escritor.

É Licenciado en Arte Moderna e Contemporánea pola Universidade de Santiago de Compostela. É guionista para televisión e colaborador habitual na prensa e na radio, publicou en galego máis de vinte libros de narrativa, teatro e ensaio. A súa obra, ademais de ser traducida a varias linguas, foi obxecto de estudo en diversas universidades europeas.

En abril de 2010 anunciou a súa retirada como escritor profesional, retomando a súa carreira de profesor de secundaria.

Nas Eleccións ao Parlamento Europeo de 2014 concorreu na lista Os Pobos Deciden. En abril de 2014 foille concedida a Creu de Sant Jordi.

Reviews

[Verutxa · Rating 5 out of 5]

QUE DIVERTIDO

[Brubruno · Rating 3 out of 5]

Que forma máis divertida de facer un libro. O único malo é que a forma de escribir non é para min

[Sani · Rating 3 out of 5]

Estivo entretido, a verdade, gostei de lela. Quizais a estructura semelloume demasiado caótica e as veces confusa. Sei que era intencional para parecer "cru" e sen editar mais non lle vin eu moito xeito. Penso que podería estar máis traballada a narración, en especial, nos emails.

A fin é a mellor parte do libro sen dúbida, cando expoñe os dilemas aos que Luz se enfrenta sobre o legado do seu avó e como non sabe realmente como sentirse ante isto.

[Oscar Sson · Rating 5 out of 5]

Gustoume moito. Quizais axude que conseguín que o autor me firmade o libro. O certo é que a historia enganchoume e fíxome pensar na miña familia