Վանոն ու Վազգենը. Երկու ընկերոջ կյանքն ու ողբերգությունը

by Ara Tadevosyan, Lusine Gharibyan (Co-Author), Արա Թադևոսյան

«Վանոն ու Վազգենը. Երկու ընկերոջ կյանքն ու ողբերգությունը» գիրքը պատմում է Երրորդ Հանրապետության հիմնադիր հայրերից երկուսի մասին։ Շատ փաստեր և վկայություններ ներկայացված են առաջին անգամ՝ թույլ տալով ավելի լավ հասկանալ Վանո Սիրադեղյանի և Վազգեն Սարգսյանի հարաբերությունները տարբեր ժամանակաշրջաններում։

Հեղինակները զերծ են մնում եզրակացություններից՝ վստահ լինելով, որ ներկայացվող նյութը ընթերցողներին հնարավորություն կտա սեփական գնահատականներն անել։

220 pages, Hardcover

First published January 1, 2024

Reviews

[Lilit Harutyunyan · Rating 3 out of 5]

«Վանոն ու Վազգենը. Երկու ընկերոջ կյանքն ու ողբերգությունը» գիրքը կարևոր ստեղծագործություն է նորագույն պատմության սիրահարների համար, սակայն այն պահանջում է քննադատական ընթերցում, որտեղ ընթերցողը ստիպված է լինում ինքնուրույն մեկնաբանել և լրացնել ներկայացված նյութի բացերը։
Հեղինակների կողմից հայտարարված չեզոքության ձգտումը, թեև հնարավորություն է տալիս ընթերցողին ինքնուրույն եզրակացություններ անել, միևնույն ժամանակ կարող է դիտարկվել որպես գրքի թուլություն։
Մի կողմից, չեզոք դիրքորոշումը խուսափում է միակողմանի մեկնաբանություններից, բայց մյուս կողմից՝ այն հաճախ թողնում է վերլուծության և համատեքստի բացեր։ Պատմական այդ բարդ իրադարձությունների և անձանց փոխհարաբերությունների լիարժեք ընկալման համար երբեմն անհրաժեշտ է հեղինակային խորը վերլուծություն և պատճառահետևանքային կապերի բացահայտում, ինչը գրքում պակասում է։ Արդյունքում, գիրքը դառնում է ավելի շատ փաստերի հավաքածու, քան ամբողջական պատմական հետազոտություն։

[naisokram · Rating 4 out of 5]

Մեծ ա գայթակղությունը շատ երկար ռիվյու գրելու, բայց կփորձեմ հակիրճ ներկայացնել, թե ինչն էր ինձ համար լավ, ինչը` ոչ այնքան:

Նախ և առաջ, տեսանելի ա արված ահռելի ուսումնասիրությունը` Վանոյի ու Վազգենի հարաբերությունները ժամանակագրական ու իմաստային շարադրելու համար: Ու շատ կարևոր գիրք ա` ՀՀ երրորդ հանրապետության հիմնադիրներին մի քիչ ներսից ծանոթանալու առումով:

Ինձ դուր չեկավ, որ ամբողջ գիրքը լրագրողական մեծ հոդվածի տպավորություն էր թողնում` շատ քիչ լրագրողական խոսք ու ահռելի երկար մեջբերումներ: Չգիտեմ, գուցե թեմայի բնույթից ա, գուցե այլ կերպ հնարավոր չէր գրել էս գիրքը, բայց ինձ մոտ էդ զգացողությունն էր. շատ մեծ էր վախը` նկարագրված իրադարձություններին որևէ որակում տալուց: Գուցե նրանից ա, որ գրքի զրուցակիցները ողջ են, գրքում ներկայացված կերպարների մի մասը ողջ ա, ու դա դժվարացնում ա գնահատականներ տալը: Կամ էլ գուցե ի սկզբանե հեղինակները չեն էլ ուզել որևէ կարծիք կամ դիրքորոշում հայտնել, որը պարբերաբար նշվում ա գրքում, բայց որը իմ համար էդքան էլ հասկանալի/ընդունելի չի:

Ամեն դեպքում արժի կարդալ ու նաև մեր օրերի դիրքից եզրահանգումներ անելու մեր ոչ էնքան վաղ անցյալի կարևոր իրադարձությունների մասին, որոնք ինչ-որ չափով կամ մեծ որոշիչ են եղել, որ հիմա ունենանք էն իրականությունը, որում ապրում ենք:

[Varduhi Hovhannisyan · Rating 5 out of 5]

Գիրքը հենց նոր եմ ավարտել, բայց չեմ կարողանում մտքերս արտահայտեմ: Ավելի շատ գրքից հետո միայն մնում են տխուր էմոցիաներ:

[Mariam Aperyan · Rating 5 out of 5]

Շատ կարևոր գիրք, անպայման կարդալու:

[Mariam Vahramian · Rating 5 out of 5]

Գիրքը խճճված կծիկի սկիզբ էր, պիտի քանդելով առաջ գնաս, այլ ելք չկա...
Ծանր սրտով կամ ձեռքդ ետ տար ցավի վրայից...