O teito é de pedra

by Álex Alonso

«Naqueles primeiros días de xullo de 1936, don Antonio Cerqueira, elegantemente vestido co seu traxe de xastrería, chaleco, gravata e chapeu, comía na terraza do Bar Canido dúas nécoras con suma destreza e rapidez, coma se levase toda a vida manipulando criaturas minúsculas e indefensas». Deste xeito comeza «O teito é de pedra», unha novela escrita coa pel e coas entrañas da emoción para homenaxear a todas as persoas que deron a súa vida pola democracia ou que padeceron en calquera das súas formas a represión franquista. Tomando como referencia o libro «Memoria dunha parroquia republicana», de Bernardo Vázquez Acuña, Álex Alonso sitúanos nunha época en que as políticas da República permitían unha mellora da vida das clases humildes, o que era visto polas clases industriais como unha ameaza inasumible. Con personaxes baseados en persoas reais e ambientada na zona de Vigo (San Miguel de Oia, Coruxo e outras parroquias limítrofes), esta novela describe de forma maxistral e próxima os terribles feitos acontecidos durante o golpe de Estado de 1936, cando se fará cachizas unha sociedade que aínda hoxe segue en proceso de reconstrución.

360 pages, Paperback

First published April 10, 2025

About the author

Álex Alonso (Vigo, 1968). Licenciado en Filoloxía Galega e Hispánica pola Universidade de Santiago de Compostela, na actualidade traballa como tradutor intérprete da Administración de Xustiza na Audiencia Provincial de Pontevedra.Mención especial do xurado en 2003 no XII Certame Manuel Murguía de narracións breves pola obra Estremonías, gañador en 2010 do VI Certame de relatos de muller Matilde Bares por Xénero imperfecto e Premio de narrativa curta Ánxel Fole con Tempos de bebidas isotónicas e fast-food (Xerais, 2016).

Reviews

[María · Rating 4 out of 5]

Me hubiera gustado poder empatizar más con ciertos personajes, conocer mejor las historias de unos pocos. Al final, al querer mencionar a tantos personajes puede llegar a ser confuso.
Sin embargo, es un libro muy necesario, la lectura es ligera y nos hace partícipes de la realidad vivida en la que hoy es nuestra casa.

[Leticia · Rating 3 out of 5]

A pesar de que me gustó mucho la temática y la forma en que está redactado, no consiguió engancharme.
Me hubiera gustado que hubiera una historia más conectada, como al principio del libro y sin tantos saltos de unas a otras, sobre todo hacia el final.
Aún así me gustó mucho leerlo.

[Walsop · Rating 4 out of 5]

Moi necesario, para maiores e pequenos.Historias durísimas e feridas que seguen abertas case 90 anos despois.