Божик под Беласица

by Лилјана Пандева

По големиот успех на “Два Божика”, што доживеа три изданија, од кои првото се распродаде за рекордни 6 дена, во „Божик под Беласица“, низ две наративни оски, од Банско, Струмица, преку Шкотска, до Њујорк и од Њујорк, преку Истанбул, до Банско, Струмица, во два различни историски периода, Пандева ве внесува во магијата на божикните празници. Во денешнината, од 25 декември до 7 јануари, животот на Катарина Вотерман се менува за 360 степени, во потрага по корените и неочекуваното наследство од прапрадедо ѝ, Џорџ Вотерман, таа пронаоѓа богата природа, лековити води, топол дом и секако, љубов! Повеќе од сто години пред неа, Ѓеорѓе Водарот, го изодува обратниот пат, од сиромашниот, осамен живот под падините на Беласица кон градот на соништата и можностите – Њујорк. И сето тоа зачинето со љубов, хуманост и со малку магија од божикната паричка.
„Се почувствував како во еден од филмовите на ‘Халмарк‘ во кои една девојка, најчесто од Њујорк, од најразлични причини ги поминува божикните празници во некое мало идилично место што живее само за празниците“ – роман за сите што некогаш посакале да се почувствуваат вака и за оние што ја заборавиле моќта на Божик.

Genres: Christmas

Paperback

Published January 1, 2024

Reviews

[Stefani · Rating 4 out of 5]

Убава книга за почеток на новата година. Пишувањето е подобро споредено со Два Божика, а и приказната и ликовите како повеќе да ми се допаднаа. Да, крајот е мошне налик на тв серија, но зарем не е таков во повеќето божиќни книги?

3.75 но заокружувам на 4 како финална оценка.

Среќни празници!

[Bube Ale · Rating 5 out of 5]

Прекрасна книга за Божиќ! Една убава авантура проткаена со дарувањето за Божиќ, славење на упорноста и работливоста на нашите луѓе во светот и враќањето на корените!
Би сакала и една филмска адаптација за следниот Божиќ!