المتمرد : حكاية ابن سينا

سيرة النور والظلام #1

by أحمد البخاري

يستدعى إبن سينا الشاب ورفيقه نور لقصر المملكة السامانية ، بعد أن عجز أطباء الدولة عن علاج الملك نوح بن منصور الساماني، وهناك في ردهات القصر تكشف الحقيقة لإبن سينا وأصدقائه، فمرض الملك مفتعل لإنهاء حياته، والمسؤول عن إمراضه، هو أحد قاطني قصره الكبير، فهل يستطيع إبن سينا ورفاقه، كشف القاتل، ومعرفة كيف يمكن إنقاذ حياة الملك ؟

رحلة فريدة تجمع بين الغموض، الذكاء، والمغامرة... رحلة ابن سينا تبدأ الآن !

154 pages, Paperback

Published January 1, 2025

About the author

كاتب وروائي ليبي، من مواليد العاصمة طرابلس، ومقيم حالياً في ألمانيا، متحصل على شهادة في علم البايوتيكنولوجي من جامعة غرينتش البريطانية وماجستير في الإدارة الثقافية والفنية من جامعة لونبورغ الألمانية

المؤلفات :

رواية كاشان 2012
2018 رواية الخضر

سلسلة سيرة النور والظلام
صدر منها حتى الآن أربع آجزاء
المتمرد - الغريب - الإسطرلابيات - النظير

Reviews

[Yassin · Rating 4 out of 5]

حبيت جدا جدا الشخصيات و اتعلقت بيهم و فهمتهم بسرعة في 150 صفحة بس، ال طارو في ايدي حرفيا و داخل على الجزء ال بعده دلوقتي و متحمس جدا لبقيت السلسلة علشان دي بداية قوية جدا 🤩

[Amr · Rating 4 out of 5]

رحلة ممتعة جدا حبيت الدمج بين شخصية ابن سينا والقصة و فيها معلومات كتير لما خلصتها حاسس اني عايز ابحث ورا القصص دية بجد جميلة اوي ولذيذة وتنفع لو عندك ريدنج بلوك وتنفع للمبتدئين
نسيت اقول اني اول ريفيو علي الروايه😂❤️❤️❤️

[Sarah Hany · Rating 4 out of 5]

أول جزء من السلسلة وأول خيط من خيوط اللغز
الرواية جميلة الصراحة واسلوبها لطيف وخفيف

[Omarekoooo · Rating 5 out of 5]

تحفه موت عامه و روايه ليها روح كده و مود تحفه روايه تاريخيه بتتكلم عن ابن سينا مغامراته مع اصدقائه نور و شيرين وواضح ان في تكمله لقصه ابن سينا في الجزء الثاني اللي هو الغريب كنت مفكر ان هو يبقى قصه لوحده لكن واضح ان دي تكمله

[Abd Almoneam · Rating 4 out of 5]

الرواية رائعة جدًا بكل تفاصيلها، وبصراحة لم أستطع تركها حتى أنهيتها في جلسة واحدة. إنها تحفة فنية .

بناء الشخصيات وتسلسل الأحداث كان مذهلًا، وطريقة السرد التي اتخذت منظورًا آخر، من خلال نور البطل الذي يحكي عن ابن سيناء وغيرهم، كانت رائعة. المنظور السردي مميز، وأيضًا فكرة أن لكل شخصية نقيضًا لها، إلى جانب القواعد التي بُني عليها هذا العالم، كل ذلك كان متقنًا بشكل رائع.

لكن هناك نقد بناء أود الإشارة إليه، وهو أنني كنت أتمنى لو تم وصف العالم المحيط والبيئة المحيطة بالأبطال بشكل أكثر تفصيلًا، خصوصًا أننا لا نعرف كيف كانت الحياة في ذلك المكان في ذلك الوقت.

ومع ذلك، تظل هذه الرواية رائعة .

[Aya Fouad · Rating 4 out of 5]

من ألذ الحاجات اللي قرأتها الفترة الأخيرة

رواية قصيرة وخفيفة (153 صفحة) وبتخلص بسرعة جدًا من كتر ما هي ممتعة ✨

اللغة سلسة، وفي نفس الوقت مش سطحية ولا تافهة، والكاتب قدر يقدم حكاية متماسكة بأسلوب شيّق.
الجزء ده تحديدًا بيتكلم عن ابن سينا، وده أول خيط من خيوط اللغز اللي باين إنه هيتكمل في باقي أجزاء السلسلة .

•القصة: جديدة ومثيرة للفضول، خصوصًا الدمج بين اكتر من عُنصر جوه القصة .
•الشخصيات: لسه في البداية ومش كتيرة، لكن اتقدمت بشكل واضح.
•الأسلوب: بسيط، مش مُرهق، وفيه تشويق يخليك تكمل من غير ما تحس حرفيا خلصت معايا في ساعة و أربعين دقيقة بالظبط و مسبتهاش ولا مره من ساعت ما بدأتها

متحمسة جدًا أشوف الأحداث هتمشي إزاي في الأجزاء اللي جاية ❤️

[Mohamed · Rating 4 out of 5]

حبيتها اوي بجد و متحمس اكمل باقي السلسلة

[Youmna · Rating 4 out of 5]

كنا في معرض القاهرة الدولي للكتاب2025
وبالصدفة كنا معديين قدام دار النشر وشفنا الكتاب واشترينا نسخة ووقعناها لان حظنا حلو ان الكاتب كان موجود وقلت اجرب اقرأ له.
من حسن حظي ان الرواية كانت حلوة خلصتها في قعدة قصة مغامرات لطيفة وخفيفة وناوية اكمل السلسلة

[Mousa · Rating 5 out of 5]

تحفه بجد و متحمس للجزء الي بعديه 😍

[Habiba · Rating 4 out of 5]

هي من أكثر الروايات تشويقا و إثارة و مليئة بالاحداث التاريخية و الفانتازيا المشوقة

[إسلام عماد · Rating 4 out of 5]

بداية مشوقة لمغامرات عالم سيرة النور والظلام، وتقديم جيد جدّا لشخصية ابن سينا العالم الشاب العبقري، في إطار مغامرة بوليسية لحل غموض مرض الملك والتوصل للجاني الحقيقي، بمساعدة تلميذه النجيب نور، والشابة شيرين الماهرة العنيدة، وبعدها نستكشف المخبأ السري داخل مكتبة قصر الملك حيث يعثر ابن سينا على جهاز اسطرلاب ورسالة سرية تحمل أحجية غامضة، ليزداد التشويق بإنتظار ما تسفر عنه رحلة الثلاثي إلى وجهتهم القادمة بالجزء التالي..
..
الأسلوب السردي للكاتب أحمد البخاري سهل وممتع في القراءة، يناسب جميع الأعمار وليس اليافعين فقط، واللغة متوازنة دون تكلف او استسهال، ربما أردت أن تمتلك قصة المكتبة ومخبأها السري والاحجية قدرًا أكبر داخل نص الرواية على حساب حل لغز مرض الملك، إلا أن الرواية لم تقع في فخ المط والتطويل، فالاحداث سريعة متلاحقة، والحبكة متقنة إلى حد كبير دون ثغرات واضحة..
..
شخصية نور تماثل في أهميتها شخصية د. واطسون مساعد شيرلوك هولمز الوفي، وسارد مغامراته الأمين، لذلك كانت شخصية شيرين أكثر حيوية بصفاتها الشخصية، ومن المؤكد أن لها دورًا أكبر في حبكة السلسلة فيما بعد مما اتضح في نهاية الرواية الأولى..

[Marwan Ashraf · Rating 4 out of 5]

الاسواق!
الاجواء!
ابن سينا!
الالغاز!

[Hedaya Adel · Rating 4 out of 5]

تحفه و fast paced حرفيا تخلص في قعده و في نفس الوقت ال character building فظيع
متحمسه بجد اجيب باقي السلسلة انا اكبر فان عموما لي مش كلنا نستخدم تاريخنا في روايات و عوالم تحفه زي دي😭

[Hana Ekramy · Rating 5 out of 5]

الكتاب تحفه الكاتب دمج بين التاريخ و الفانتازيا

[Mena Elmadawy · Rating 3 out of 5]

الرواية مناسبة جدًا لأي حد مبتدئ في القراءة، أو لو عندك طفل نفسك تحببه في الكتب، أو حتى لو أنت مضغوط وعايز حاجة خفيفة وسريعة تخلصها من غير مجهود وتساعدك تخرج من الريدنج بلوك.

أسلوب السرد كان لذيذ وسلس، يخليك تكمل من غير ما تحس بملل، لكن كان محتاج تركيز أكبر على المشاهد اللي فيها أكشن وخطر، بحيث تدي القارئ إحساس أقوى بالتوتر والتشويق بدل ما يعدي عليها بسرعة من غير ما يتأثر بيها بالشكل الكافي.

بشكل عام، الرواية كانت خفيفة وظريفة، لكن لو متعود على حبكات معقدة أو مشاهد تشدك وتحسسك بواقعية الحدث، ممكن تحس إنها خفيفة شوية عليك. هكمل السلسلة لأن عندي فضول أشوف تطورها، ويمكن الأجزاء الجاية يكون فيها عمق وتشويق أكتر.

التقييم: 3/5 – ممتعة ومناسبة للي عايز حاجة خفيفة،

[Muhammad Elmasalhe · Rating 4 out of 5]

الروايه رائعه لدرجه اني انهيت قراءتها في جلسه واحده .
الحكايه بشخصياتها جميله جدا و رائع مزجها بلمحه من حياة الحسين بن سينا الحقيقيه في بخارى
مفردات واسلوب الكاتب جيده جدا ..
شكرا احمد البخارى كنت. اتمني اقابلك بمعرض كتاب القاهره للحصول على توقيعك على سلسلة النور والظلام الخلابه..
الى الجزء التاني من السلسله واتمني الا يكون اقل من الأول

[Tabarak Ahmed · Rating 5 out of 5]

مراجعة رواية "المتمرد"

للكاتب / أحمد البخاري

رواية خفيفة جدًا وتنفع لأي شخص بيمرّ بفتور في القراءة أو للي لسه مبتدئ في عالم الروايات.

لغتها سهلة وبسيطة، وتقدر تخلصها في ج��سة واحدة من غير ما تحس بالملل.
جميلة وممتعة، رحلة تجمع بين الغموض والذكاء والمغامرة، وتخليك تعيش مع أبطالها لحظات من التشويق والتفكير.

[Amira · Rating 5 out of 5]

قصة من ضمن سلسلة خفيفة ويمكن قرائتها في يوم

أعجبتني فكرة نسج السلسلة بشخصيات مسلمة من العلماء ودمج أحداث وأماكن حقيقية بداخلها

المتمرد جذبتني من أول الغلاف ولم أستطع تركها حتى أكملتها

أنصح بها للأطفال والشباب الناشئين

[Natheir Malkawi · Rating 3 out of 5]

مسلية، لكنها تحتاج تدقيقا لغويا حادا.

[Sarsora-2 · Rating 4 out of 5]

❤️

[Omar Salah · Rating 5 out of 5]

حلو جدا و أحداث سريعة

[Rahaf Mohsen · Rating 5 out of 5]

حلوه اويي

[Jeyo · Rating 3 out of 5]

سريعه وخفيفة قوي قوي بجد خلصت في وقت قياسي مع ان عندي reading block بقالي شهر تقريبا
بس حقيقي الروايه حلوه وممتعة!
اي حد عندوا reading block هتطلعوا بسهوله ومش هيمل👩‍🦯

[Tasneem · Rating 4 out of 5]

حلوه جدا وبدايه جميله للسلسله

[Eyad Ahmed · Rating 4 out of 5]

تحفه بجد بس صغير شويه

[Abdullah Ashraf · Rating 4 out of 5]

متحمس لباقي السلسلة❤️

[Abdallah Mohamed · Rating 4 out of 5]

الكتاب تحفة بيحكي قصة تاريخية في سرد مبسط جدا في هيئة رواية 🤍

[Abdelrahman Sameh · Rating 5 out of 5]

الحسين البلخي البخاري
الحضارة السامانية و الغزناوية
الفارادي فيلسوف له طريقة في ترتيب المكتبة

[ranaaorabyy]

رحلة جميلة استمتعت فيها
ولكن مش عارفه اقيمها

[Sandy Elshazly · Rating 5 out of 5]

ممتعه بشكل مش طبيعي وبتخلص في وقت قصير جدا