‫نجيب محفوظ... عن الكتابة‬

by عمرو فتحي

لأول مرة، كتاب واحد يجمع أهم ما قاله نجيب محفوظ عن الكتابة.
يجمع هذا الكتاب الصغير في حجمه، الكبير في قيمته، ما نثره كاتبنا الكبير في حواراته العديدة من آراء وتأملات في حرفة الكتابة، ومَن قرأ لهم وتأثر بهم، وحديثه عن الإلهام وكيف يكتب، وعلاقة الشكل بالمضمون، واستخدام الفصحى والعامية، وموقفه الفكري، ورأيه في دور الأدب في الحياة، وكيف نشر أعماله، ورأيه في النقد وفي السينما وفي الشهرة.
يحتوي هذا الكتاب أيضًا على قسم ثانٍ جمع آراء نجيب محفوظ في أعماله المختلفة وظروف كتابتها وملاحظاته عليها.
جمع الباحث الدؤوب عمرو فتحي هذه التصريحات من عشرات الحوارات النادرة والمتفرقة، ورتبها ليقدمها لكل محب ومهتم بالأدب.
إنها إطلالة مركَّزة على أدب كاتبنا الكبير نجيب محفوظ على لسان أديب نوبل نفسه.

عن المؤلف
عمرو فتحي من مواليد عام 1971 بالجيزة، ويشغل حاليًّا منصب مدير إدارة النظم والمعلومات بغرفة الصناعات الكيماوية باتحاد الصناعات المصرية، حصل على دبلوم دراسات عُليا تخصص تذوق فني من المعهد العالي للنقد الفني بأكاديمية الفنون. صدر له عن دار الكرمة: «موسوعة أغاني عبد الحليم حافظ» (2019)، و«قائمة القراءة: كبار الكُتَّاب يرشحون لك أجمل وأهم الكتب» (2023).

107 pages, Kindle Edition

First published January 25, 2025

About the author

عمرو فتحي من مواليد عام 1971 بالجيزة، ويشغل حاليًا منصب مدير إدارة النظم والمعلومات بغرفة الصناعات الكيماوية باتحاد الصناعات المصرية، وهو حاصل على دبلوم دراسات عليا تخصص تذوق فني من المعهد العالي للنقد الفني بأكاديمية الفنون.

Reviews

[Youssef Hossam · Rating 5 out of 5]

تحفة أدبية فلسفية خفيفة، أولا أحيي الكاتب أو الباحث عمرو فتحي الراجل عمل مجهود غير طبيعي لجمع حوارات متفرقة لنجيب محفوظ منها المسجل ومنها الصحفي وغيره والأهم تصنيفهم تحت عنواين واختيار أعماله بترتيب صدورها كان احتيار ذكي لأني حسيت اني بتتبع رحلته وبشوف تطوره وتغير أفكاره وأسلوبه الأدبي، العبقري في اللي عمله عمرو فتحي إنه جمع ما قاله محفوظ من حوارات متفرقة ورتبها فقرات بطريقة تحسسك إن ده نجيب محفوظ بيحكي، شبه مستحيل تحس إن دي كانت حوارات متباعدة.

نجيب محفوظ برغم إني لم اقرا له الكثير ولكن كنت اطلعت علي اجزاء من كتاب وطني مصر -لمقال كنت بكتبه-واللي كان محاورات معاه وسمعتله بعض الحوارات المسجلة وبنبهر بأسلوبه في الحوار تأثير دراسته للفسلفة علي مفرداته اعترافه بأخطائه، كم إنتاجه الأدبي، تسامحه، بحب وصف د.أحمد -ربنا يرحمهما- إنه كان زي غاندي الشخص اللي عرف الحقيقة وزهد في الدنيا ومتسامح كده -وده حسب منا فاكر مش نصا-

أنصح بشدة لأي حد بيكتب أو بيحب محفوظ عامة أو عايز مدخل للتعرف علي أدب الراجل ده وآراءه.

[Amr Amer · Rating 4 out of 5]

كتاب خفيف وجميل وممتع ومفيد جدا جدا جدا
بالنسبة لي مفيش اجمل من اني اسمع كواليس صُنع عمل فني معين من الفنان اللي صنع العمل ده
وعشان كده دايما بحب اتفرج على البرامج الفنية اللي بتستضيف كُتاب ومخرجين وممثلين تسألهم عن اعمالهم
والكتاب ده ممكن نعتبره حاجة شبه كده مع نجيب محفوظ
فهو تجميع لأراء نجيب محفوظ عن الكتابة والقراءة والفن واخيرا في اعماله نفسها
واخر جزء ده كان امتع جزء بالنسبة لي
رغم..ان في حاجة ضايقتني
وهي ان مش كل الاعمال كان في كلام عنها بالشكل الكافي
ففي اعمال كان بيُكتفى بالكلام عنها لسطر او اتنين
وكنت حابب اني اسمع عنها اكتر
ولكن دي طبعا مش مشكلة الكاتب نفسه
لأنه اكيد بذل مجهود عظيم في انه يلاقي المصادر اللي جاب منها كلام استاذ نجيب محفوظ
بس هي بصراحة كانت مجرد رغبة شخصية مني اني اعرف اكتر عن نظرة نجيب محفوظ للأعمال دي
مجهود الكاتب ظاهر مش بس في تجميع اراء نجيب محفوظ ولكن كمان في ترتيبها وتصنيفها لفقرات او فصول
مبسوط جدا اني قرأت الكتاب ده
كان كتاب مفيد وممتع بالنسبة لي كشخص بيحاول يكون كاتب
وكقارئ بيحب جدا اعمال نجيب محفوظ
٤/٥

[Antony Ibrahim · Rating 4 out of 5]

محتوى الكتاب من آراء و فلسفات نجيب محفوظ ثمين جدا لندرته خاصة بهذا الشكل المجمع المنظم. يصلح للقراءة بالكامل في يوم واحد.