قضية عنب الثعلب

تحقيقات نوح الألفي #3

by ميرنا المهدي

ما الخيط الذي يربط بين اختفاء رضيع، وجريمة انتحار فظيعة، ولوحة إيفان الرهيب، وروح عالقة تبحث عن النيكوتين؟
كان الضابط نوح الألفي منشغلًا باستعدادات زواجه من دليلة، ولكن رغبة زميله قطز في تناول الكباب عند كبابجي شهير قادتهما إلى التورط في قضية فتحت عليهما أبواب أسئلة لا تنتهي...
ضابطان عاديان كانا سيقفان عاجزَين أمام ملابسات هذه القضية، ولكن نوح الألفي الذي تعرَّض لحادث جعله يُبصر غوامض لا يراها غيره، وزميله قطز المحمدي، ليسا ضابطين عاديين.
ثم ما عنب الثعلب أصلًا؟
قضية جديدة مثيرة في سلسلة «تحقيقات نوح الألفي».

Genres: Audiobook, Crime, Fiction, Novels, Thriller, Mystery Thriller, Mystery

257 pages, Audiobook

First published January 25, 2024

About the author

روائية وكاتبة سيناريو مصرية شغوفة بفئة التشويق والغموض
والجريمة. تحلم بتحقيق حلمها بدخول المجال الروائي الأدبي منذ كانت بالثامنة وتسعى لتحقيقها منذ سنوات مراهقتها حتى نشرت روايتها الأولى (تحقيقات نوح الألفي) بعام 2019

An Egyptian novelist and screenwriter who dreamed of getting published since she was eight and chased it during her teenage years until she published her first novel (The Investigations of Noah Al-Alfy) in 2019.

Reviews

[Ahmed Halawa · Rating 2 out of 5]

⚠️الراي شخصي ده يحتوي علي حرق للاحداث ⚠️
قضية عنب الثعلب رواية للنسيان في تحقيقات نوح الالفي بالنسبالي و ده مش جاي من فراغ
-هو لحد امته هنفضل جوه تيمة تسمية القضايا باسماء السموم !!
-انا متقبل جدا اني السرد فصحي و الحوار عامية ومعنديش مشكلة في كده خالص لكن في العمل ده عندي مشكلتين مع العامية الاولي جاي من طريقة حوار رشيد و يمني و ميدو حسيت انهم ناقص يقوله الفرخة مش إلها وراك بصوت بسنت النبراوي كان كفاية اووي يتوضح ده و نكتب عاميه عاديه مع توضيح تمسكهم بعادات و لغة البلد ... المصيبة الاكبر بقي طماشة ايه العامية دي ليه يبقي كده هو اه ديلر انما طريقة كلامه مش حلوة و معاه الاخ ميدو يا لورد .
-طب نوح قررانه يقل من استخدام قدرته موافق جدا مع السيناريو ده لاني طبيعي العمل مش كلها جرائم قتل بس ميدو عرف انه شافه ومن غير ليمون يبقي ايه نحل الجريمة ولا نلف و ندور علي الفاضي و خصوصا انه استخدمها في الاخر اما الامور شبه اتعقدت .
-نيجي بقي لحوار مرض دليلة اللي ظهر في الاخر من غير ما نعرف طبيعة المرض ايه اصلا بس مش ده المهم دلوقتي .. يعني هي ابوها توفي من قريب و داخله علي الجواز ايه الداعي اني حياتها تبدا مع نوح سودا وغامقه اووي كده !!
- مشهد من المشاهد المستفزه بالنسبالي مشهد قطز و هو بيدعك ارضية الحمام هو اه نسكويك علي راي صلاح انما مش لزم اما يقرر ينظف الشقة يقوم يجيب فرشة بلاط .
- هو الاخ صلاح مش ان الاوان انه يجيله ترقية بقي و يروح دايرة تانيه و نوح او قطز حد فيهم يبقي رئيس مباحث قصر النيل ؟
- هو اه صلاح رخم و قليل الذوق انما اما يروح ب 2 ظباط طلب منهم خدمه مش هيروح و يقول ل اخته ده الضابط ليمونه .
- مشهد ضرب روؤف ل 3 ظباط مالوش عندي غير واكسه لاني مفيش ضابط هيضرب و يسيب حقه و مفيش في تحقيق في جريمة قتل هيبقي 3 لوحدهم كان من المنطقي اني حد يدخل يلحقهم من الرجاله اللي نازلهم معاهم .

[Marina Ehab · Rating 4 out of 5]

"لتكتشف أننا جيل تعيس لا يسعي إلي حياة سعيدة بقدر سعيه إلي التظاهر بامتلاكها."

[Amany Ebrāhim · Rating 3 out of 5]

"الله يخلقنا كرماء نجود بثقتنا على الجميع، ونظل على تلك الفطرة حتى نحتك بباقي البشر فيعلمونا الحيطة والشك والتخوين"

[✨حبوبه✨ · Rating 5 out of 5]

هتفضل افضل سلسلة قراتها و ليها مكانه خاصة في قلبي🤎
29.6.2024

[Samir Shehata · Rating 3 out of 5]

لو مكنتش النهاية مفتوحة كنت اديتها خمس نجوم بس انا بتخنق من النهايات المفتوحه

[Yato Ver.6 · Rating 3 out of 5]

3.5
كنت اتمنى يبقا بجودة اول جزئين، بس دا ممنعش اني استمتعت بيه.

القراء قعدو يقولوا هتحبوا صلاح في الجزء التالت، هو ايوا ظهر تطور في شخصيته السمجة، بس لسه عند رأيي انه غتت وشخصية لا تطاق نهائي.

[Rania Hammad · Rating 5 out of 5]

حلوه اوي بجد و بكده اكون خلصت سلسله نوح الالفي وياريت الكاتبه متتأخرش في الجزء الرابع ❤️😂

[محمد خالد شريف · Rating 3 out of 5]

ربما يكون الجزء الثالث من سلسلة تحقيقات نوح الألفي هو الأنضج حتى الآن، وذلك لعدة عوامل، أولهما إضافة بُعد جديد ومختلف على بعض الشخصيات الثانوية على مدار السلسلة، ولكن في هذا الجزء تحديداً كانت من الشخصيات الرئيسية، بالإضافة إلى مراوغة الكاتبة بدءاً من اسم الجزء الثالث وطريقة ربطه بالجريمة، وحتى الجريمة نفسها أخذت تشابكاً لن أقول عميقاً تماماً، ولكن هناك تحسن ملموس في علاقات الشخصيات وترابطها.

وكعادة أسلوب الكاتبة "ميرنا المهدي"، المزيج من الأحداث المشوقة، وخفة الظل، مع تقديم دلائل مخفية بداخل الأحداث عن الجريمة، والتحقيق فيها، بالتوازي مع علاقات الشخصيات الرئيسية التي ربما كان الاهتمام بها أقل من الجزئين السابقين، ولكن المكافأة كانت كما ذكرت في المقدمة في شخصيات أخرى، فأضافت للرواية بشكل جيد، بل تجعلنا ننظر إليهم بترقب فيما يمكن استخدامهم مُستقبلاً.

اقتنعت بكل دوافع الجريمة، وحتى كل تبريرات المشتبه فيهم، ورغم أن معرفة هوية مرتكب الجريمة لم تفاجئني بشكل كبير، ولكني وجدت فيها الكثير من المنطقية والإحكام، ما لم يقنعني تماماً هو أحداث ما بعد النهاية، الخاصة بالشخصيات الرئيسية نفسها، وأتمنى ألا يكون تأثيرها على الجزء القادم أكبر ما يُحتمل، وإلى "قضية ذيل القط".

[Naira Xx · Rating 4 out of 5]

3.75
الروايه تحفه لكن خلينا متفقين ان صلاح لسه من اغتت الشخصيات اللي قابلتها ف حياتي
( عامه مفيش حاجه اثرت فيا قد قطز )

[Rory · Rating 2 out of 5]

ثلاثية تحقيقات نوح الألفي
بما اني قريت الجزء الأول والثاني فا قولت ليه لأ اقرأ الثالث بما اني بستخدم هذا النوع من الكتب في الفصل بين كتب تقيلة كانوع من انواع الترفيه ..
الحبكة المرة دي ماعجبتنيش اوي الصراحة يعني لو جينا نقارن قضايا الجزء الاول والتاني اعتقد هنلاقيهم افضل الي حد ما من التالت ..ونوح بقي متشكك زيادة عن اللزوم في أي حاجه المرة دي حسيته مُتخبط جدا عشان يعرف يوصل لحل من غير مساعدة الأرواح فاده خلي منه محقق مبتدئ..بس ايه سر جعل الخلافات بينه وبين خطيبته بالشكل الذكوري ده ، طريقة السرد مخليه شكل الستات اكنهم نكدين وبس.. المطالبة بالمشاعر بتندرج تحت "بدأنا بقي النكد " مش حابه الطريقة دي في كل مرة الصراحة..
الكتب دي كانت هتبقي حلوة جدا من غير لا ليمون ولا اروح وحتي لو في أرواح مايبقاش فيها فكرة الليمون خالص مبوظة فكرة الكتب جدا ومهدور حقها حقيقي..
بس نرجع ونقول انها كتب خفيفة تفصل بيها لو عايز تفرفش شويه تضحك شويه علي علاقه صلاح ب قطز ونوح والمحادثات الدايرة مابينهم وبس كده .

[Merhan · Rating 4 out of 5]

الجزء ده مقاديره مظبوطة😁

[toli୨ৎ · Rating 4 out of 5]

احتاج الجزء الرابع فأسرع وقت🙏

[Ranya · Rating 5 out of 5]

من أفضل روايات ميرنا المهدى دائما ميرنا المهدى خارج التوقعات جميله القصه جميله الحبكه كل شئ جيد

[زينب · Rating 2 out of 5]

بعد الانتهاء من الأجزاء الثالثة بتاع الرواية أقدر أقول إن بس القضايا الي تستحق إن الرواية تنقرأ عشانها غير كدا فـ بالنسبالي مزج الحوار العامي مع السر الفصحى بيقتل المتعة وأنا بقرأ ، وكمان بعض الأخطاء الإملائية الملحوظة ،
الجزء الأخير بقا وكلام طماشة كان محتاج ترجمة بجد 😂 .
تقييم نجمتين لأجل القضية بس للأسف

[Noha Ahmed · Rating 4 out of 5]

رواية مشوقة مثيرة مليانة غموض من اولها لاخرها.. على الرغم اني كنت بستغرب كتير لهجة الابطال و طريقة كلامهم لكنها رواية شيقة جدا 🫶

[Yassin · Rating 5 out of 5]

احلي جزء بالمسبالي في الثلاثية 😍 الجريمة كانت حلوة جدا جدا و انا قدرت اتوقعها 💪🏻 و ايه ال حصل في الاخر دا؟!! انا محتاج الجزء الرابع حالا.

[Sandy · Rating 3 out of 5]

حلوه بس مكنتش بمستوى اول جزئين. و بعض الحوارات و الامثال العاميه المصرية ما فهمتها هل مره زي اول كتابين😅.

[Babadeodo · Rating 5 out of 5]

اخر فترة كانت وحشة جدا من ضغط الدراسة فـأنا تقريبا نسيت حاجات كنت عايزة اقولها على الكتاب و على الأغلب الريڤيو هيكون بشع.

الجزء ده كان فعلا مظبوط بشكل رهيب و الكاتبة اتفوقت على نفسها من كل النواحي سواء كان من حيث السرد أو الشخصيات -بالذات شخصية صلاح- أو القضية..
القضية في الجزء ده كانت تحفة بمعنى الكلمة و معقدة كدة خلتني أحس إن رأسي وجعاني و أنا بحاول احلل معاهم،بس لازم اتكلم عن كم شخصية في الجزء ده و قد ايه حسسوني بمشاعر متضاربة.

من أكتر الشخصيات الي حسيت إن الكاتبة اتقتنها هي ميدو..
بالرغم أنه بيظهر في الكتاب كإنسان دمر نفسه و دمر عيلته -كانت اصلا متدمرة- بس لما عرف إن باباه هو الي قتله و قد ايه كان مقهور و ندمان على كل الي عمله في حياته اتعاطفت معاه،
هو الخطأ مش بيقع عليه كليًا إن هو إنسان وحش حسب وصف الكاتبة إن البيئة الي هم كانوا عايشين فيها مكنتش كويسة ابدًا و باباه المجنون و القاتل و مامته الي حبت حد و كانت على استعداد انها تسيب عيالها عشانه..
بس برضو مقدرتش اتعاطف معاه كليًا لأنه أذى أخوه من غير ما يفكر غير في نفسه و في الفلوس،من غير ما يفكر قد ايه أخوه هيكون متدمر و ابنه بعيد عنه و كم القلق الي حس بيه و إحساس أخوه لو كان عرف إن هو الي عمل كدة مع أنه حسب وصف الكاتبة إن أخوه هو الي رباه و علمه و اهتم فيه و كان بيدفع ديونه.

حبيت برضو اعلق على تغيير شخصية صلاح للأحسن!
شفناه في الجزء ده من وجهة نظر مختلفة و تعمقنا اكتر في حياته و عرفنا قد ايه هو و أخته متشابهين و عيلة جوز أخته عيلة غريبة بس اكتر حتة عجبتني لما شغل دماغه و عرف يحل القضية في نفس الوقت أو ممكن حتى قبل ما نوح يحلها و راح استوجب الأب،
كانت حتة حلوة اوي و متقنة الكتابة و خلتني اتوتر.

علاقة دليلة و نوح جميلة و علاقته مع عيلتها لطيفة جدا،
هموت و اعرف عندها مرض ايه بس عندي توقع و اعتقد أنه صح،
و طبعًا قطز في قلبي دائمًا و ابدًا 😻

في إنتظار الجزء الرابع 🙏🏻

[Dee · Rating 2 out of 5]

مش سيئه
في تحسن كبير في اسلوب الكاتبه الحمدلله
وقللنا ظهور الليمون وده كويس كمان عشان مش عارفه مين الي اقترح عليها الفكره دي ويارب الاقيه بوظلها ثيمة السلسلة
و كفايه أسماء كتب عن السموم
هو كفايه سموم عموما في طرق كتير للقتل غير السموم
القصه كويسه معقوله
ولكن بعد ماعرفت دراسة الكاتبة توقعت منها أكتر من كده بكتير
عموما أدينا بندعم الشباب ..
نصيحة للكاتبة خليكي في القضايا المهمه أفضل من كتب المبيعات وبس
حلو الإنسان يبيع ويشتهر ولكن متوسمه فيكي تكتبي عن قضايا بجد وتلفتي النظر ليها زي كتابك عن التحرش
القصص القديمه الي اتهرست قبل كده مش بتضيف جديد فلان قتل علان عشان خيانه دي قدمت مهما لعبنا في الحبكه
قدمت لدرجة الواحد بيزهق

[Amr · Rating 5 out of 5]

ميرنا المهدي تغرد لوحدها في صدارة الرواية البوليسية المصرية عن طريق نوح الالفي و صديقيه قطز
الجزء الثالث هي رواية كمثيلاتها الجزء الاول و التاني مشوقة وًمثيرة و غامضة من الصفحة الاولي حتي الاخيرة
تتناول جريمة قتل مأسوية غريبة و مريبة تحدث في عائلية مصرية و
لا أريد حرق الاحداث علي اصدقائي و لكنها رواية رائعة و مشوقة بامتياز
و يجب الأعتراف باني اصحبت من فانز نوح الالفي
تستحق الرواية ٥ نجوم بجدارة و شكرا يا ميرنا

[ِAhmed hassan · Rating 1 out of 5]

مش عارف أبدا منين .. الرواية مافيهاش أي تشويق و النهاية متوقعه ... لم الحظ اي عبقرية من نوح أو قطز كاني بقرا حادثة في جرنال الحوادث ! رواية عادية جدا جدا تفتقر للإثارة و التشويق .. اخر ٦ صفحات مالهمش اي لازمة ف الرواية ولا بيأثروا علي أحداثها . معتقدش حكرر التجربة تاني معاها .

[Esraa · Rating 4 out of 5]

قلبي موجوع شوية بعد القضية ده لانها اثرت فيا بسبب اللي حصل فيها
الحبكة كانت تحفة كالعادة بس ايه النهاية دي! اول مرة تسيب حتة مفتوحة في النهاية و المفروض كده اني استنى للرواية الجاية اللي لسه منزلتش علشان اعرفها 😭😭

محتاجين الرواية دلوقتي حالا يا مرينا لو سمحت 🥹

[Aya Fouad · Rating 3 out of 5]

⭐️⭐️ ⭐️

[TAJ ALGADDAFI | تاج القذافي · Rating 4 out of 5]

مرحبا يا اصدقاء💚🪓
انتهيت من رواية "قضية عنب الثعلب" لميرنا المهدي. بعد بلوك قراءة امتد لشهر تقريبا..

هذه الرواية هي الجزء الثالث ضمن سلسلة "تحقيقات نوح الألفي"، بعد "ست الحسن" و"لوز مُر"

في الجزئين السابقين كانت القضايا اشبه بمجموعه قصصية ،في الجزئين السابقين تقريبا بتكون الجرائم منفصلة تماما و بترتبط في الاخير بنفس المجرم و اداة الجريمة ..

بس الجزء هذا كان مختلف تماما عن ما سبق ، بنشوف جرائم متعدده زي الخطف ، القتل ، و تعاطي الحشيش و الإبتزاز و التهديد و الإنتحار كلها في عيله وحده و في مكان واحد.

الي حببني في السلسة هذي هو تداخل اللغه العربية الفصحه مع حورات الشخصيات بالعاميه ، و كذلك حس الفكاهه الي كانت فعلا بتخليني اضحك ..

الشغل الي شتغلوه فريق إقرألي كان رائع عشان يحولوا السلسه هذي لكتب صوتيه كان رائع ، استمتعت بالنسخه الصوتيه اكثر الصراحه .

انا تمنيت ان اخت نوح وزوجها ظهرت اكثر من مره هنا لانها مطلعتش شخصيتها في الرواية الا في مشهد واحد للأسف.

وفي إنتظار الجزء الرابع.. اتمنى يكون ممتع زي الاجزاء السابقه💚
2025\7\12
السبت 7:30pm

[ياسمينة · Rating 3 out of 5]

كان هذا الكتاب مفجعًا للغاية خاصتا من جانب شخصية رؤوف قسملي قلبي المسكين.
لقد كان هذا الجزء مقبول🤌🏻

[الزهراء الصلاحي · Rating 4 out of 5]

قضية عنب الثعلب هى الجزء الثالث من تحقيقات نوح الألفي الذي عرفنا عنه في الأجزاء السابقة أنه شرطي شاب في المباحث الجنائية ويتحدث مع أرواح الموتى. وهذه المرة القضية مختلفة، فهى في البداية كانت قضية خطف لطفل صغير ثم فجأة تظهر روح في المكان من حيث لا يدري! فأصبحت القضية متشابكة، خاصة بعد التحول الغريب في قضية الخطف.

لن أتحدث كثيراً عن القضية لأن أحداثها متشابكة ومن الصعب عدم حرقها، لكن ما سأقوله لكم أن بانتظاركم قضية جديدة من تحقيقات نوح الألفي ستستمتعون بها.

تمت
٥ مايو ٢٠٢٤

[Remas Usama · Rating 5 out of 5]

ميرنا حرفيا الكتاب اللي اي حاجه بينزلوها بقت auto buy بالنسبة لي حرفيا كل حاجه تحفه من أسلوب الكتابة لعلاقة الشخصيات - ببعض منها اللي يحسسك بالدفا و الحب ومنها اللي يخليك تخاف من البشر و عمايلهم - .
بجد انا حزينه قوي أني خلصت السلسلة التحفه دي و متطلعه لأي حاجه جديده ميرنا هتنزلها

[Dana Al-Basha | دانة الباشا · Rating 4 out of 5]

[Jan 21, 2024] screaming

[Ayman Elgazzar · Rating 4 out of 5]

اسعدنى كثيرا توفر هذه الرواية على تطبيق اقرألي منذ ايام معدودة وجعلتها من اولويات الروايات التى سأستمع لها على التطبيق بعد ان استمعت للجزئين الاول والثاني من قبل واحمد الله اننى حملتها على التطبيق قبل انقطاع الانترنت بيومين فقط والذى هو ما زال لا يعمل حتى الان
نعود للرواية ففى هذا الجزء الثالث وأخر ماصدر من سلسلة تحقيقات نوح الألفي حتى الان أعود لتأخذنى ميرنا المهدى فى حكايات أبطال رواياتها مع الضابطين نوح وقطز وتحقيقاتهما وحياتهما بكل مشاكلها ونقترب فى هذه الرواية اكثر من شخصية الرائد صلاح ايضا وعائلته ونكتشف انه ليس غبيا كما بدا فى الجزئين السابقين
لكنه مازال سمجا ولا يطاق ونموذج سئء للضابط
أما نوح وقطز فمابين مشاكلهم الخاصة والتحقيق فى الجرائم تدور بنا الرواية فى قضية غامضة عن اختفاء طفل او اختطافه وقضية قتل اخري ايضا في نفس العائلة
الرواية جيدة لكننى منذ القراءة فى بداية الرواية شككت فى الجاني فى جريمة القتل بسبب تصرفاته الغريبة والمريبة وفعلا كان هو القاتل اما بقية الاحداث فبعضها توقعته وأحداث أخري لا
لكنها رواية جيدة الى حد كبير وتستحق الاربع نجوم عن جدارة
لكننى لم استطيع استساغة موقف رؤوف بهذه السهولة وحتى عدم غضبه لما جرى له واستسلامه له
لا اقول انه كان يجب ان يقدم على ارتكاب اى جريمة ولكن ان يغضب او يشعر حتى بمرارة الخيانه لا ان يبكى على الخائنين
لست متحجر القلب ولا احب العنف ولا اشجع عليه ولا اريد له ان ينتقم لكن ان يظهر عل الأقل شيئا من النخوة والغيرة اكثر لا ان يمر أمر الخيانة عليه كأنه شىء عادي
هذه هى ملاحظتى الوحيدة على القصة وهى تتعلق بالجزء اخاص بالمشهد الختامي فيها فقط
غير هذا فالرواية جيدة

[Jeyo · Rating 4 out of 5]

4.5/5
لسة مخلصاها حالًا إيه التحفة دي!!!!
جماعة الجزء حلو بطريقه مش منطقية، احلي جزء في السلسة، بيرفكت في كل حاجه حرفيًا...
الجريمة حلو قوي والتحقيق وازاي اتحلت هي بجد تحفةةة!

السلسة دي بقي ليها معزه خاصة عندي حقيقي، سلسلة تحفة في كل حاجه الشخصيات، السرد، الجرائم كلها تحفة 💕
لحد دلوقتي مش عارفة احدد انا تيم نوح ولا قطز بحب الاتنين طب):

بس اي النهاية؟ ايدا بجد؟ يعني اي قاعده هنهار عايزه اعرف هي عندها اي!!

منتظره الجزء الرابع بفارغ الصبر☹️💖