تصميم رائع.. ليس تمامًا

by عبد الرحمن محمد خلف

دعني لا أخفي عليك سعادتي الشّديدة بأن غلاف الكتاب الذي يتحدث عن التصميم ليس جذابًا لك، بل من الممكن أن تكون اكتشفت الأخطاء الفنية التي به، أحييك فهذا هو الدّرس الأول، النّاس ينجذبون للأخطاء ويتحفّزون ضد الأشياء الفاشلة، إن كُنت مُصممًا فأنصحك ألا تحرمهم من حاسّة اصطياد الأخطاء والتّهكّم عليها وفي النّهاية أنت الرّابح.
هناك الكثير من الكتب التي تُعلّمك التصميم، البرمجة وغيرها وللحقيقة كان من الأسهل عليّ اتّباع هذا الطّريق -الآمن بالمناسبة من ناحية العائد- إلا أنه غير مُجدٍ بالمرّة؛ فالتصميم محتوى مرئي يتم تعلّمه بالطّريقة المرئية، لكن هناك أمور فارقة لمصمم الجرافيك تفصل بين كونه مصممًا عاديًا أو مُتفرّدًا وللحقيقة فهذه الأمور ليست قليلة.
سيختصر عليك هذا الكتاب سنوات الخبرة التي تبحث عنها أغلب الشّركات، ببساطة ستفهم اللعبة حتّى يصبح المجال بأكمله مكشوفًا.
في هذا الكتاب لن تتعلم تصميم الجرافيك، بل ستتعلم كيف تصبح مصمم جرافيك، كيف تُصبح مطلوبًا وفارقًا في سوق العمل.

Paperback

Reviews

[Soha · Rating 5 out of 5]

الكتاب ده لو ب 5000 اشتريه ومتفكرش للحظة!!

الحقيقة ده مش ريفيو دعائي بالمرّة، حقيقةً الكتاب ده قادر يخليك تنظر نظرة تانيه للشغل كمصمم جرافيك بالبلدي " بيغسل عينيك " بالمعنى الحرفي، كل فصل بيديلك معلومات ويغيّر مفهومك كُليًا.

مكنتش متخيلة إنه حد يُفشي سر المصممين وحيلهم الذكية جدًا.

الكاتب قادر يجذبك بأسلوبه السَلس وقدرته على توصيل المعلومات والاستدلال بدلائل واقعية تقدر تفهم منها بكل سهولة مقصد الكاتب.

الفصل الأول بياخدك لجولة تعرف فيها المجالات المختلفة لتصميم الجرافيك واقتحام سوق العمل ونصايح ليك لو لسه هتبدأ علشان تكون عارف اي المجال اللي ممكن تتخصص فيه "متكونش عايم ف مية البطيخ" .

الفصل التاني فيه خطتين علشان تتعلم الجرافيك والحقيقة أنا كنت ماشية على خطة منهم، ونصايح كتيرة علشان تقدر تبدأ.

الفصل التالت ومن أكتر الفصول اللي عجبتني بشكل لا يوصف بسبب الإسقاط على نماذح والشرح البسيط والتريكات والحيل التسويقية اللي قادرة تخلي شغلك مميز دونًا عن الباقي فـ نفس المجال👌🏻.

وبعدها كل الفصول للنهاية الحقيقة فيهم كم من المعلومات والشرح البسيط اللي قادر يخليك مصمم جرافيك واقف على أرض صلبة، ازاي تختار الناس اللي بتشتغل معاهم وازاي تحدد أسعارك، وثورة الذكاء الإصطناعي واستغلاله بشكل يخليك أفضل ومواكب للطفرة اللي حصلت وكمان بيتكلم عن أهم أدوات الذكاء الاصطناعي وشرح كل آداة واستغلالها فـ شيء معين يخدم المصمم، وحقوق الملكية وهل الـ Ai بيسرق وينسخ ولا لا❌.

الفصل اللي بعده بيديك دفعة قوية لبناء شخصيتك وازاي يكون تعاملك مع الclient وأنواع الشخصيات في التعامل ونصايح علشان متوقعش فـ فخ اللي بتشتغل معاهم .

باقي الفصول مش هحرقها ليكم بس فيها كم استفادة هائل يخليك منتظر الجزء التاني من الكتاب بفارغ الصبر.

الكتاب مش بس بيستهدف مصممي الجرافيك بشكل خاص لكن أنا شايفة إنه أي حد بيشتغل لازم يكون عنده الكتاب ده تحديدًا، بطلب من أصحاب دور النشر تحديدًا يقرأوه لأنه هيغيّر من طريقة الشغل والتعامل وازاي يكون شغلهم مميز جدا.

لما تشتروا الكتاب وتقرأوه هتيجوا تشكروني على ترشيحه ليكم وده شيء واثقة منه 100٪