سجلات الليدر شيت

by سالي العقاد

القائد الخايب بيبقى شبه اللي سايق عربية وتايه ... وقافش مش عايز يسأل حد، مصمم يفرهد ويلف حوالين نفسه ويحرق بنزين ووقت على الفاضي أما بقى القائد الشاطر .. فدا بقى بيبقى برنس كدا في نفسه: سابق باشا بالـ GPS يا معلم ومتوجه بالظبط على المكان اللي عايز يوصله .. بأسرع وأحسن، وأسهل طريق من غير عوق على الفاضي. إنت بقى مين فيهم ؟!!

164 pages, Paperback

Published January 1, 2025

Reviews

[Nora]

الكتاب واقعي، وتحفة!

مواصفات الكتاب المثالي بالنسبة ليا إنه يجاوب ليا عن تساؤل سألته لنفسي أو يوصف شعور حسيت بيه في يوم ألمني أو فرحني، والكتاب عمل ده بإمتياز، وخلاني أحس إنه مش لوحدي إلي اتعرضت لتجربة شغل مقرفة بكل المقاييس، بل ناس كتير بتسيب وظائفها بسبب غباء المديرين، وآذاهم.

الكتاب مذكور فيه أغلب الأفعال التوكسيك -الخاصة بالإدارة، والمديرين- المثبتة بالدراسات بس ده داخل أمريكا فقط أو دول أجنبية، للأسف في مصر الموضوع ده مش متسلط عليه الضوء خالص، يعني إيه بيئة عمل سامة أصلا ؟!

**الناس إلي مضايقة من الألفاظ بس ده أقل تقدير ووصف للناس التوكسيك داخل الشغل، أو يمكن معدوش على تجارب مزرية؟ يمكن، بس الألفاظ معبرة 😍

سعيدة بالكتاب، ومنتظرة أعمال الكاتبة إلي جاية على أحر من الجمر، تسلم الأيادي 🙏❤️

[أحمد السكري]

منحاز لكل ما هو صيدلي!
الدرسات المذكورة ممتازة يا ريت لو في وسيلة لتجميعها

[Ahmed Abdelraouf Elgeidie]

الادارة فن
القائد الجيد يحقق نتائج و القائد السئ يدمر المنظومة
التغيير سنة الحياة
التمييز ضد النساء فى بيئة العمل
المير الناجح داعم للفريق

…………
مبادئ اساسية و معروفة
ما احنا عارفين يا ست الكل

الكتاب ده بيفكرنى بالنصيحة الذهبية "اذا سافرت الى الصين فيجب ان تتعلم بعض الكلمات الصينية"

اللغة العامية المطعمة بافيهات من الافلام المصرية و الروح المرحة فى الكتاب بالاضافة لبعض التعبيرات العلمية مثل تأثير الفراشة و تأثير زيمايفايس سبب تقييمى النجوم الثلاثة

[Diaa Elgebaly]

الفكرة جيدة والطرح مكلوب، لكن طريقة الطرح والعرض ليست بالأفضل....واثرت على اخراج الكتاب

[Raghda]

ينفع workshop اكتر من كتاب لكن بشكل عام كتاب لطيف و بيطبطب علي كل موظف تعيس و يقوله انت مش لوحدك 😄

[ناديا]

أرجوكم لا ثم لا ثم لا