അശു Ashu

by V.M. Devadas

കഥകഴിഞ്ഞെന്ന് സകലരും കരുതുന്ന ഘട്ടങ്ങളില്‍ അതേ മനുഷ്യര്‍തന്നെ കുതിച്ചു പാഞ്ഞുകളയുകയും ചെയ്യും. ബാബേല്‍ പേച്ചുകലക്കത്തില്‍നിന്ന് അനന്യങ്ങളായ ഭാഷാസാദ്ധ്യതകളിലേക്ക് വികസിച്ചതുപോലെ കലങ്ങിമറിച്ചിലുകള്‍ക്കും കുഴമറിച്ചിലുകള്‍ക്കുമൊടുവില്‍ തെളിച്ചങ്ങളിലേക്ക് തുറവികൊള്ളാനുള്ള സാദ്ധ്യതകളും മനുഷ്യര്‍ക്കു മുന്നിലുണ്ട്. അശുവിലെ പല മുഹൂര്‍ത്തങ്ങളും അതിന് നിദര്‍ശനങ്ങളാകുന്നു. ഒപ്പം അധികാരമെന്ന ഒടുങ്ങാത്ത ലാബിറിന്തില്‍നിന്ന് ഒരുകാലത്തും മോചനമില്ലാതെ ചുറ്റുന്ന മനുഷ്യനിസ്സഹായതയുടെ വെളിപാടുപുസ്തകവുമാകുന്നുണ്ട് ഈ നോവല്‍. -ബിപിന്‍ ചന്ദ്രന്‍ കുടിപ്പകയുടെ ഊരാക്കുരുക്കില്‍നിന്ന് ഒരിക്കലും മോചനമില്ലാതെ, എന്തിനെന്നുപോലുമോര്‍ക്കാതെ പ്രതികാരത്തിന്റെ കത്തിമുന രാകിമിനുക്കുന്ന ജീവിതങ്ങളുടെ ഹൃദയമിടിപ്പിന്റെ ഉദ്വേഗം ഓരോ താളിലും തുടിക്കുന്നു… ഇരയും വേട്ടക്കാരനുമായി പല കാലങ്ങളില്‍ കൂടുവിട്ടു കൂടുമാറുന്നവരെക്കാത്ത് ഇരുട്ടുവളവിലെല്ലാം പതിയിരിക്കുന്ന മരണമെന്ന വിധിയുടെ തീത്തണുപ്പ് ഓരോ വരിയിലും അനുഭവിപ്പിക്കുന്നു… ദേവദാസ് വി.എമ്മിന്റെ ഏറ്റവും പുതിയ നോവല്‍.

206 pages, Paperback

Published October 31, 2024

About the author

V.M. Devadas was born in 1981 in Wadakkancherry, Kerala. A prominent voice in contemporary Malayalam literature, he has authored five novels and seven short story collections in Malayalam, three of which have already been translated into English. His writing is characterized by a unique stylistic flair, and he often delves into the political and philosophical dimensions of modern life. Devadas's works are known for their unconventional themes, which focus on the hybrid politics of people in our society. He is constantly experimenting with the structure, theme and narration of his works, which has earned him many accolades. He is the recipient of several prestigious awards, including the Kerala Sahitya Akademi Award, Malayala Manorama Novel Carnival Award, Swami Vivekananda Yuva Prathibha Award, O.V. Vijayan Memorial Literary Award and Vaikom Muhammad Basheer Malayala Padana Kendram Award, among others. Currently he is living in Chennai and working as an IT professional.

Reviews

[Athul C · Rating 2 out of 5]

2.5/5

ഒരു വിഎം ദേവദാസ് നോവൽ എന്ന നിലക്ക് നോക്കിയാൽ സത്യത്തിൽ ഇതെനിക്ക് നിരാശയായിരുന്നു സമ്മാനിച്ചത്. പുള്ളിയുടെ ആ ട്രേഡ്മാർക്ക് മാജിക്ക് ഇവിടെ മിസിംഗ് ആയി തോന്നി. അത്ര പുതുമയൊന്നുമില്ലാത്ത പ്ലോട്ടാണെങ്കിലും അവതരണത്തിലെ മികവ് കൊണ്ട് engaging ആക്കാനുള്ള കഴിവ് എഴുത്തുകാരനുണ്ട്. 'ഏറ് ' അതിൻ്റെ നല്ലൊരു ഉദാഹരണമായിരുന്നു. ഇവിടെ അതിൻ്റെ ഒരു 50% മാത്രമേ വന്നതായി തോന്നിയുള്ളൂ. Still, It’s not a tedious read. Personally, I found it a letdown only because I know he could have made it better and more engaging, as seen in his previous works. Hope it gets sorted in a possible sequel or cinematic adaptation.

[Sreelekshmi Ramachandran · Rating 4 out of 5]

ഒരു ആക്ഷൻ ത്രില്ലർ + എന്റർടൈൻമെന്റ് ചിത്രം കാണുന്ന ഫീലിൽ ഒരു പുസ്തകം വായിക്കാൻ പറ്റിയാൽ എന്ത് രസമായിരിക്കും. ആ അനുഭവം നിങ്ങൾക്ക് വി എം ദേവദാസ് എഴുതിയ 'അശു' എന്ന നോവൽ വായിച്ചാൽ ലഭിക്കും..

ഇത് പ്രധാനമായും അയ്യപ്പന്റെ കഥയാണ്.. അയ്യപ്പന്റെ ഓട്ടപ്പാച്ചിലിന്റെ കഥ... അയ്യപ്പൻ പോകുന്ന വഴിയിലൂടെയൊക്കെ വായനക്കാരും ഓടും. അപ്പോൾ നമ്മൾ വഴിയിൽ വേറെയും ചില ഉശിരൻ കഥാപാത്രങ്ങളെ കണ്ടുമുട്ടും..
അവരുടെ മാസ്സ് ഡയലോഗുകളും കിടിലൻ ഫൈറ്റും ഒക്കെ ചേരുമ്പോൾ ഒരു ഗംഭീരമായ സിനിമാറ്റിക് നോവൽ അനുഭവം വായനക്കാരന് കിട്ടും..

എഴുത്തുകാരന്റെ 'പന്നിവേട്ട' എന്ന നോവൽ എനിക്ക് ഏറെ ഇഷ്ടപ്പെട്ട ഒന്നാണ്..
ഒരു ഇടവേളയ്ക്കു ശേഷമാണ് വീണ്ടും താൻ എഴുതിത്തുടങ്ങിയതെന്നും അദ്ദേഹം പുസ്തകത്തിൽ പറഞ്ഞിട്ടുണ്ട്. എന്തായാലും പ്രതീക്ഷ കെടുത്താതെ മനോഹരമായ ഒരു വായനാനുഭവം അശു'വിലൂടെ അദ്ദേഹം നൽകിയിട്ടുണ്ട്...
ഓരോ കഥാപാത്രങ്ങളെയും ക്രാഫ്റ്റ് ചെയ്തെടുത്ത രീതിയും അതിന്റെ detailing- ഉം എടുത്തു പറയേണ്ട സവിശേഷതയാണ്.

NB- ഒറ്റയിരിപ്പിന് ഈ പുസ്തകം വായിച്ചു തീർത്താൽ ഏറെ നന്ന്.
.
.
.
📚Book - അശു
✒️Writer- വി എം ദേവദാസ്
📜Publisher- ഡിസി ബുക്സ്

[Dr. Charu Panicker · Rating 3 out of 5]

കോളേജിലെ റാഗിങ്ങിൽ നിന്ന് തുടങ്ങി കുടിപ്പകയുടെ ഊരാക്കുടുക്കിൽ വിട്ടുപോയ ജീവിതങ്ങളുടെ കഥ. എന്തിനെന്ന് പോലും ഓർക്കാത്ത പ്രതികാരം മാത്രം മനസ്സിൽ സൂക്ഷിക്കുന്ന ഇരയും വേട്ടക്കാരനുമായി മാറി മാറി വരുന്ന കഥ മുഹൂർത്തങ്ങളും ഇവിടെയുണ്ട്.

[Libin Varkey · Rating 4 out of 5]

Very entertaining cool action thriller, with some super cool characters . Loved it , and loved all the characters!!

[The Quiet Bookshelf · Rating 4 out of 5]

“കൂട്ടിക്കൊണ്ട് വന്ന ആളുകളുടെ തലയെണ്ണിക്കണക്ക് നീയ്യി പഠിപ്പിച്ചില്ലേ... പകരം ഞാൻ നിനക്ക് കരിമരുന്ന് കൂട്ടിന്റെ കണക്ക് തരാം. അമിട്ടും കുഴിമിന്നീം ഒക്കെ മേലെപ്പോയി ഒച്ചയോടെ പൊട്ടണതാണ് വെടിമരുന്ന്. അതിനെയൊക്കെ ആകാശത്തേക്ക് തള്ളിപ്പായിക്കാൻ കുഴീല് നെറയ്ക്കണത് അടിമരുന്ന്... ഇനി ഒന്നുങ്കുടിയുണ്ട്... തിരികൊളുത്തുന്നിടം മുതല് കലാശം വരെ നിര തെറ്റിക്കാണ്ട് നിർത്താതെ തീയ്യാളിപടർത്താൻ പാകത്തിന് നീളത്തില് വരച്ചു വരിയിട്ട് വെയ്ക്കണതാണ് വഴിമരുന്ന്.. ഇന്നാ സംശയമുണ്ടെങ്കില് കാണ്..."

പൊടി പാറുന്ന ഒരു അടിയുടെ ഗംഭീര ബിൽഡപ്പ് ന് തൊട്ട് മുന്നേയുള്ള വില്ലന്മാരുടെ കൂട്ടത്തിനോട് കഥാപാത്രത്തിലൊരാൾ പറയുന്ന ഡയലോഗ് ആണിത്. നോവലിൽ ഉടനീളം ഇത്തരത്തിലുള്ള മാസ്സ് മൊമെന്റ്സ് കൊണ്ട് നിറഞ്ഞിരിക്കുകയാണ് ദേവദാസ് ന്റെ 'അശു' എന്ന നോവൽ.

ഒരു ലോക്കൽ അടിപ്പടത്തിന്റെ എല്ലാ ചേരുവകയും ചേർന്ന ഉഗ്രൻ നോവൽ. ജോൻവിക്ക്, നോബഡി സിനിമ കളുടെ യൊക്കെ ഒരു തനി നാടൻ വേർഷൻ.

ധൈര്യമായി വായിക്കാം നിരാശപ്പെടുത്തില്ല..

[Ellis · Rating 3 out of 5]

ഒരു ആക്ഷൻ-കോമഡി സിനിമ കാണും പോലെ വായിച്ചു രസിക്കാൻ പറ്റുന്ന നോവൽ.

[Deepak Varadarajan · Rating 3 out of 5]

Again a scopeful one for cinema. In some places it was felt like ‘written by Indugopan’. Quite an easy read, each character having an interesting backstory.

[Rahul CS · Rating 5 out of 5]

This book was like a full on action Movie.

[Deffrin Jose · Rating 2 out of 5]

Compared to Devadas’s other works, this was disappointing.

[Rahul C S · Rating 5 out of 5]

Like full swing action movie

[Dileep Viswanathan · Rating 5 out of 5]

മനുഷ്യന്റെ ജീവിതപോരാട്ടം - ഒരു ഉന്മേഷകരമായ കഥപറച്ചിൽ.