شاي في الخمسينة

by Ahmed Saeed

خمسينة هو كتاب يريد أن يصفي ذهنك من أي شوائب ، كتاب تعتبرة كالشاي في الخمسينة يروق دمك و يخفف عنك مصاعب الحياة ...
للتحميل ..
https://www.mediafire.com/?0sbt64klz4...

Genres: Humor

80 pages, ebook

First published June 17, 2014

Reviews

[AhmEd ElsayEd · Rating 2 out of 5]

أتفق مع الكاتب

الكتابة الساخرة مش سهلة، مش كل من هدب ودب يكتب نكتتين ويقول أنا بكتب أدب ساخر

[Muhammad Galal · Rating 3 out of 5]

كتاب لطيف و خفيف ، فعل المرجو منه و هو رسم البسمة مرارًا على وجهي العابس!

أوافقك الرأي في اللي بيتكلّموا كلمتين عربي على كلمة إنجليزي غاويين اصطناع بريستيج مش بتاعهم، هم زي اللي بيرقص على السلالم لا اللي فوق شافوه و لا اللي تحت سمعوه!

و أوافقك الرأي بشدّة في أفلام "آدم ساندلر"

أتمنّى ألّا تُفقدك قساوة الحياة خفّة ظلّك

دُمتَ بخير ، تمنيّاتي بالتوفيق.

[Amira Mahmoud · Rating 3 out of 5]

بسم الله ما شاء الله ^_^
أول ما حملت الكتاب وحتى وأنا بقراه , كنت عارفة أن الكاتب شاب
يعني حاجة وعشرين كدا ولا حاجة
لما وصلت لآخر صفحة ولقيت الصورة وسنة الميلاد اتفاجأت
واتبسطت
طريقة الكتابة بالنسبة لسنه حلوة جداً
والأسلوب لذيذ شدني وقريته في أقل من نص ساعة
كتاب خفيف فعلاً , عامل زي كوباية الشاي في الخمسينة
بيروق بالك
وأستغربت لما أتكلم عن متلازمة ستوكهولم واللى أنا مكنتش أعرف عنها حاجة ويمكن غيري كتير زى كدا :3
هبدأ في حقناً للدماغ على طول
وبرافو بجد وبالتوفيق :)

[Mohamed Abdellatef · Rating 1 out of 5]

يقول الـ (كاتب) في مقدمة الـ (كتاب) 1



وأحب أن أزيد عليه بأن ليس كل من أمسك قلم أو جلس أمام شاشة كمبيوتر و لوحة مفاتيح أصبح كاتب , فهناك أطفال يتعلمون الكتابة يكتبون في مواضيع التعبير أفضل من هذا

أسهل شيئ عملت له
shift+delete
من الكمبيوتر الخاص بي

[ياسمين Thabet · Rating 4 out of 5]

كريم الحكيم
اللي دمه زي العسل

حبيت الكتاب جدا مش بس عشان المقالات كمان عشان نظام ترتيب الكتاب
والتصاميم اللي بتسبق كل مقال
كانت من محترف

بعض المقالات كان رائع وبعضها كان متوسط وبعضها ضعيف
لكن اكبر مفاجاة هي عمر الكاتب
يخليك تحس بالفخر بيه فعلا

منتظرة كتابك الجديد يا كريم

[Sarah Sabry · Rating 5 out of 5]

كتاب جميل جدا ! وبيضحك ! ساخر فعلا ,,, وحطيته فيفورت قبل ماأقراه لانى متأكده من مستواه هيكون ازاى ,,, ياريت كل اللى فى سن كريم يكونوا زيه كده :)

[Ghada · Rating 2 out of 5]

لطيف..

مقال (فلسفة القطط) قرأت قصة نفس فكرته وأنا طفلة كان اسمها (إيمان والقطط) كنت بحبها أوي. ^_^

فيه حاجات فكرتها حلوة، وحاجات تانية متقبلتهاش وحسيت دمها تقيل.

بس على كل حال، هو أفضل من حقناً للدماغ ومستواه أعلى.

بالتوفيق..

[Mohamed Shady · Rating 4 out of 5]

الكتاب ده اجمل من الكتاب اللى قبله ..
كريم .. مستواك بيتحسن كتير ..
فى مقالات ضحكت فيها فعلا .. وفى مقالات حسيت إنك مدرك اوى نفسية الشخصية المصرية
تعجبت اوى لما لقيتك بتتكلم عن عقدة ستوكهولم اللى كتير اوى من المثقفين ميعرفوهاش
ببساطة.. ابهرتنى :)
استمـر

[Noura Rizk · Rating 2 out of 5]

أولا.. مقدرش أنكر النضوج اللي في أسلوبه عن كتابه السابق حقنا للدماغ
,ثانيا.. للأسف واضح ان المود مكانش تمام لأني مفتكرش أني ابتسمت مره واحده حتى وأنا بقرأ الكتاب دا فبالتالي أوعد الكاتب اني اقرأه في وقت تاني يكون المود أفضل.
ثالثا.. أنا أصلا مش بحب الشاي ولا بشربه تماما فايمكن دا السبب لثانيا :D

[إسراء فكري · Rating 5 out of 5]

(خمسينة) كتاب هيخطفك شوية كده لمكان محدش هيعرف يوصلك فيه و هتقضي وقت لذيذ و تروق دمك ولا إكنك شربت كوباية شاي فـ الخمسينة " مع اني مبحيهوش :D "
الكتاب ده باين إنه أخد وقت فـ كتابتُه و الكاتب بذل فيه مجهود أكتر من حقناُ للدماغ .. بس كان فيه كذا مقال حلوين اوى
و الصور مُعبرة و عجبتني أوي :)
الكتاب أفكاره كمان حلوة و جديدة .. و اتكلمـ عن متلزمة ستوكهولم .. اللِّي أنا واحدة عندي 19 سنة مكنتش أعرف حاجة عنها اصلاً :3
و من الحاجات اللِّي لاحظتها إن الكاتب بيبقي إسلوبه متأثر بالكُتاب اللِّي إسمهم بيبقي فـ الإهداء .. مش أسماء كده و خلاص !
ع قد ما هتستمتع جداااً و انت بتقرأه ع قد ما هتزعل أما تلاقيه فجأة كده خِلّص :(

[أحمد الكيلانى · Rating 3 out of 5]

ما تزعلش منى يا صديقى كريم بس كتاب حقنا للدماغ كان احلى ، لكن كتاب خمسينة حسيت انه اتكتب بسرعة...على فكرة مش عيب ان الواحد يكتب مواضيع حصلت له لكن لازم يبقى فيه اسلوب للكتابة والا ممكن اى حد يكتب...انت قلت ان مش كتير بيكتبوا فى الادب الساخر...واسمحلى الكلام ده مش صحيح...لو تفتكر كان فيه موجة كتابة ساخرة من 2009 لحد 2011
لكن ده ما يمنعش ان كان فيه بعض المقالات الحلوة اهمها حياة الشعب المصرى بالاضافة ان الصور الداخلية كانت جميلة جدا...انا اديت الكتاب ثلاث نجوم لكن المجهود اللى انت بتعمله فى سنك ده يستحق عشرة نجوم...إن شاء الله انت هتبقى كاتب ممتاز فى المستقبل...شكرا على الكتاب وشكرا على مجهودك

[Alaa El-Desouky · Rating 1 out of 5]

هو أي واحد يألف كلمتين بقا كاتب !

40 دقيقة قريت فيهم دة و التاني بتاع حقناً للدماغ

سخيف :) :S

[Asmaa Essam · Rating 2 out of 5]

الخليل كوميدي ستايل

[Nada Shukri · Rating 4 out of 5]

بغض النظر عن ان في اخطاء املائية فظيعة و متأكدة انك ماكنتش تقصدها لأن اسلوب كتابتك و املاءك في معظم الكتاب صح :D و حاول قبل ماتنشر الكتاب تراجع الكتاب مراجعة سريعة كدة ... الا انه اسلوبك تحول لأحسن بكتير ، و نظرتك للمواضيع اختلفت تماما عن كتاب ( حقن الدماغ ) بجد اتمنالك التقدم الدايم و نسمع عنك في المستقبل القريب في اعمال موفقة :)

[Fatma Mahmoud · Rating 1 out of 5]

في مقدمة الكتاب يقول كاتبه "الكتابة الساخرة مش سهلة ،مش كل من هب ودب يكتب نكتيين ويقول أنا بكتب أدب ساخر "

فين الأدب الساخر ي عمنا !
لم أجد أي نوع من السخرية او الفكاهة ف الكتاب إلى أن أنهيته !
سيء سيء في رأيي ..

[Sara Ashraf · Rating 4 out of 5]

عجبني اوي دمه خفيف و احسن بكتير من الكتاب الاول

[Sara Saad · Rating 5 out of 5]

جميل جداً و دمة خفيف ضحكني لأقصي درجة

[Maram Mersal · Rating 3 out of 5]

كتاب خفيف اوى
يساعد ع الابتسام ^_^

[Aya Magdy · Rating 5 out of 5]

دمة خفيف أوي

[Omnia Mohyee · Rating 3 out of 5]

انبسطت جدا و انا بقرأه ... احلى مقال فيه اول واحد :))

[✴عائشہ✴ · Rating 3 out of 5]

كتاب خفيف وساخر الي حد ما
مقالات بإسلوب بسيط
بتعبر عن الواقع المصري!

[Amira Radwan · Rating 3 out of 5]

أنا اتفاجأت بالكاتب انه سنه صغير ماشاء الله ..
الاسلوب رائع بالنسبه لسنه
كتاب زى كوبايه الشاى فى الخمسينه فعلا .. بيروق بالك
أنا قرأته فى اقل من نصف ساعه ..

[Aya Elkhawaga (Uka) · Rating 5 out of 5]

الكاتب مواليد 1997 !
ماشاء الله بجد .. ليك مستقبل باااهر يابني والله :))

[احمد محمود · Rating 3 out of 5]

كتاب لذيذ وخفيف يتقري وأفكار بعض مقالاته لذيذة فعلا كتسلية .

[Alla Elsanfaz · Rating 3 out of 5]

كتاب حلو وخفيف اعجبنى كتيرا استمر

[Menna Riad · Rating 4 out of 5]

كتاب خفيف خلاني أبتسم والرسوم فيه عجبتني أوي.... بالتوفيق أيها الكاتب الصغير ^^

[شروق عبدالغنى · Rating 1 out of 5]

انا اللى مضايقنى ان فى اول الكتاب الكاتب قال :
الكتابة السخرة مش سهلة
مش كل من هب ودب يكتب نكتتين ويقول انا بكتب ادب ساخر

بعد الكلمتين دول فى الاول قلت هادخل الاقى اى حاجة جوة ...بس ملقتش حاجة !!!

مش عارفة ليه مش حاساه ادب ساخر ..
انا حاساه استظراف ...ممكن يكون الش ...هو اى حاجة غير كونه ادب سواء ساخر او لاء

حاجة ممكن تتكتب على الفيس مش اكتر ..ما ينفع تتجاوزه لكتاب ..
حاجة كدة الش استظراف مواج رايق اى حاجة غير ادب وساخر
فى كتاب يبقى فيه كلمات زى (ياض ...60*70...فطصان ..ماصورتين
ده غير الغلطات الاملائية التى لا تعد
.
لغة عامية ركيكة وفى النص محشور شوية الفاظ بلغة عربية
زشوية كلمات ملهاش فى كتاب
وحتى لو ركنا كل ده على جنب فى الاخر الحكايات مفيهاش اى جانب من الضحك او المرح

ده غير فى بداية كلامه قعد يقول على الناس اللى بتمزج عربى وانجلش فى كلامها متخلفين
وبعدين بكام صفحة من ضمن الكلام كاتب :
الشعب المصرى هو الوحيد اللى عنده hidden folder
احلف كدة ان الناس دى متخلفة ؟

انا كل اللى طلعت به من الكتاب انى اتضايقت واحتجت الجا الى كتاب تانى
النجمة دى بقى على الرسومات اللى جوة

[souria zergoune · Rating 5 out of 5]

عارف انت الكتاب الي تطالعه وما تقدر تحرك عيونك لا شمال ولا يمين بسبب انه كتاب جميل جميل ايه بس خلوني قول هالعبارة الي انا متاكدة ممنوعة في عالم الثقافة والمثقفين الكتاب دا جامممممممممممممممد جدي
الكاتب دا عندو موهبة غريبة اوي بتفكرني باحمد خالد توفيق انا قرات زغازيغ وفقاقيع لكن الخمسينة سحرني وقتلني من الضحك والاستغراب مصر ولاده للغرابة من ايام الاسكندر المقدوني ههههههههههه

لولا عامية الكتاب فقط لاني لست من مشجعي العامية في كتب وروايات

باختصار شديد اعجبني جدا هذا الكتاب بكل ما يحمله من واقعية الكوميديا السوداء يصورها محمد كريم بصورة جد ممتعة :D

[Fatma · Rating 1 out of 5]

الكتاب برأيي مَيرقى لدرجة انه يتسمى ساخر انما اذا انوصف ك"خفيف دم " يكون اصح :)
مع الاشارة لفقرات كانت مُفتعلة بوضوح و حتى ثقيلة دم :/
النقطة السلبية الاخرى المُنفرة باسلوب الكتابة كانت الخطاب اللغوي الموجه للفرد الذكر على وجه الخصوص وبالتالي باوقات كنت احس بروحي مو كدام كتاب غرضه مخاطبة كل الفئات المجتمعية و امتاعها انما كأنه دا اتسََّمع لحكي اثنين اصدقاء دَينكتون سوة

مع تمنياتي كل التوفيق للكاتب الشاب :)

[Mai · Rating 2 out of 5]

هو الكتاب مقدرش اقول عليه ادب ساخر لانه مش ساخر اصلا هو عبارة عن خواطر و افكار عادية ممكن اى حد يكتبها على الفيس
بوك كستاتس و يمكن فى ناس كتير بتكتب احسن من كده بس بالنسبة لسن الكاتب الصغير فيعتبر بداية لا باس بها بس الصراحة استغربت من المقدمة على ان الكتاب مفروض يعنى ادب ساخر شايفة انه لو عايز يكون كاتب فعلا يدرس ازاى يكتب مقال الاول و يقرا كتير
و اخر حاجة الاخطاء الاملائية استفزتنى جدا لانها اخطاء هبلة جدا مفروض محدش يغلط فيها اصلا