وش كسوف

by دعاء فاروق

وش كسوف،كتاب يحمل اكثر من وجه لأكثر من امرأة تحكي كل منهن قصتها بكامل ارادتها،تعترف بمنتهي الجرأة عن علاقاتها،عن مشاعرها،عن معاناتها مع نصفها الآخر و كأنها تحكي لنفسها في المرآة .. تغوص كل منهن في تفاصيل حياتها الواقعية و تخرجها في هذا الكتاب بسلاسة بلا اي رقابة او تحفظ او موارية .. لا يوجد مساحة للخجل فيما تحكيه حتي لو كانت صاحبة هذا الوجه الخجول المعروف ب"وش كسوف"

132 pages, Paperback

First published January 1, 2014

About the author

دعاء فاروق عبد الحميد العيارى إعلامية مصرية تخرجت في كلية الآداب قسم اللغة الإنجليزية - جامعة طنطا، تم قبولها للعمل كمذيعة في شبكة ( راديو وتلفزيون العرب) عام ١٩٩٨... وكان أول ظهور لها من خلال مهرجان الأغنية الدولي الخامس الذي كانت تنقله قنوات ( إيه أر تي ) الموسيقى على الهواء مباشرة . ارتدت الحجاب سنة ٢٠٠٢م، وكانت بذلك أول مذيعة محجبة في الوطن العربي استمرت في تقديم برامج المنوعات بالحجاب.

وهي متزوجة من رجل الأعمال المصري عماد مختار وأم لثلاثة أبناء: راقية، ومحمد، ومختار

Reviews

[ياسمين Thabet]

وش كسوف
هذا الكتاب الذي سيتصدر قائمة اسوء ما قرأت ليس في هذه السنة وانما في حياتي كاملة

الحقيقة ان المشكلة ليست في ان اللغة عامية فقد قرات العديد من الكتب العامية التي كانت تستخدم هذه الاداة في محلها افضل استخدام
بان تقترب من مشاعر القارئ وتمتعه بنبرتها الساخرة
لكن استعمال اللغة العامية هنا كان استعمال مقزز جدا للاسف

المشكلة ايضا ليست في جرأة الافكار او تناولها لمواضيع مثل الجنس والعلاقات الزوجية ومشاعر المراة في العلاقة الحميمة واحتياجاتها وغير ذلك
فهذا ليس الكتاب الاول الذي اقراه بهذا الخصوص

بالعكس شعرت ان الافكار مكررة جدا ومتوقعة لا جديد فيها
الجديد في هذا الكتاب هو طريقة تناول الفكرة, حين لا تكون مشكلة الكتاب الافكار السيئة او المنحطة وانما تناولها هو الذي يكون دون المستوى!

وهو امر لم اره من قبل في كتاب سابق

تذكرت كل الروايات والقصص التي قرأتها وشعرت ان محتواها اجرأ من ان اتحدث به مع احد, ولكن الكاتب كان يعرف كيف يتناول هذه الافكار بطريقة تتعمق في الشخصيات وتضيف للقارئ

او حتى تلك الكتب المكتوبة لغرض المتعة فقط وليس الاستفادة لم ينل هذا الكتاب منها شئ فهو غير ممتع بالمرة


اذن نحن هنا امام كتاب مجرد من كل مقومات الكتاب


يؤسفني بالفعل اني قرأته

[Ahmed]

مش متخيل المذيعة الرقيقة دي تكتب كتاب بالجرأة دي
بس فعلا كلها قصص من واقع الحياة على ندرتها و غرابتها
و اللى عجبني إن كلها عن الستات
أهى محاولة لفهم الدماغ الأنثوية :D

[Ahmed Refat]

الكتاب ده قريته اول يوم رمضان فى الفترة بين التراويح و السحور و وه كتاب مسلي جدا و سلسل فى القرايه ماخادتش منى اكتر من ساعه خفيف بمعنى الكلمه اتصدمت طبعا ازاى المذيعه الرقيقة دى تكتب كلام بالجرأة دى بس فاتركت انها قصص حقيقيه من واقع الحياه و شايف ان الكتاب ده اكتر ناس تستفاد منه هى البنات لانه ملىء بالتجارب

[Ebthal Yusuf]

يووووووووووووه أدي واحدة كمان عاوزة كتابها يبيع وعاملة نفسها جريئة
وهيطلع في الاخر كتاب مش محترم وخلاص
ده اللي جه ف بالي لما شفت الكتاب في المكتبة
قلبت فيه قرأت صفحتين لحد ما الراجل بدأ يوضحلي اني ممكن أقراه في البيت
و رغم انه كان رخيص الا اني مشتريتهوش
و ده شيء مستحيل الحدوث عندي
المهم روحت شفت الريفيوهات علي الجودريدز عجبتني
ف اشتريته وخلصته

الكتاب حلو
عارف البرامج بتاعة التليفزيون أو التمثيليات
حاجة زي كده
اتبسطت لما قريته ضحكني وزعلني وخلاني أفكر بعد كل قصة
تصدقي يا ابتهال دي شبه فلانة اللي انتي عرفاها شخصيا!!
طب تصدقي دي شبه القصة اللي قريتيها في الجرنان
و دي بقا شبه اللي سمعتي عنها من طنط علانة

الخلاصة انه كتاب واقعي جدا
خلص بسرعة جدا ممكن بسبب أسلوبه البسيط و العامية اللي مكتوب بيها
مشاكل حصلت لبنات وستات كتير من النوع اللي مش بيتحكي ﻷي حد.....هتشوفها ف الكتاب ده

[Noha Shawqi]

احكي يا خالتي ~
ممكن لو دا عنوان الكتاب كان هيبقى حاله احسن من اول قصه لاخرها ، لا ثواني من اول المقدمه كدا بالضبط -_-
خالتي اللتاته هي النظام الاسبق طول الكتاب بدون اي توقف لت في لت في لت ، وفضلت فتره ع بال ما فهمت هي عايزه ايه من القصص اعتقد انها بتتمحور عن البنت ؟ ولا نظره المجتشمع للبنت !
لا اتهزمت نعرفش هي عايزه ايه من ورا الكتاب غير انه حصاد قصص فشل حب لقصص ان كل الرجاله خونه معندهنش اي احساس بالمسؤوليه اتجاه ايها حاجه مش اكتر ، ونبي ماعرف !!
بس بس كفايه لت انا كمان -_-
ممكن اعتبره سابع اسوا كتاب اقراه في حياتي من الاسلوب للفكره للهدف الي لو حد يتكرم ويعرفني ايه هو ،
ما علينا الوضع فاشل لنفسه ف بلاش ازيده فشل ~

[Rana]

احترت بين 3 و 4 بس حسيت ان القصص الاولانية فى الكتاب كانت مكررة ومش جديدة بالنسبالى ..الكتاب واقعى بس جرىء جدا صدمنى خصوصا فى اخر قصتين .........لأ فعلا قليل الادب :D

[Muhammed Hebala]

ليس سيئا لكنه ليس بالكتاب الرهيب
أفكاره جيدة فيما عدا قصة وش كسوف لم أستسغها
في المجمل كتاب مسلي
و سأقرأ لها ثانية

[سمر درويش]

لو حابب تشوف الواقع أكتر اقرأه لو بتهرب من الواقع وسودوية حياة الناس وحكاياتهم أوعي تيجي جنبه لو معندكش صلابة نفسية تشوف بيها الدنيا

[Nada Elshabrawy]

فرحانة بجرأة الكاتبة، أتوقع الجاي أفضل.

[Enas]

احيه :D :D

[Heba Mostafa]

الكتاب صدمة بكل المقاييس !

[Mayar Ebead]

كتاب مسلى والأهم من ده واقعى

[عبيرجمال الدين]

المادة ممتازة بس التناول في منتهى القبح..
دعاء فاروق
بتتكلم بلسان قبيح جدا وبذيئ جدا..
بوظت المحتوى..
الساخر مش معناه بذاءة بأي صورة
وش كسوف
كتاب غير موفق

[Maha Yosry]

قصص خفيفة و واقعية :) من اكتر القصص اللى عجبتنى (عريس بالرئيس) و (ضارباها صرمة) و (عاوزة أطلق لانى مش متجوزة) و (انا خاينة) و (وش كسوف) من الاجزاء اللى ضحكتنى جدا "كنت هلزق فنجان القهوة فى ضبها" من قصة (بلمع أكر) و جملة "دة نايم باين .. حد يزمر لى لما يبدأ او لما يخلص طيب عشان افهم" من (عايزة اطلق لانى مش متجوزة) و اكتر شخصيتين صعبو عليا و اتأثرت بحالهم شخصية وش كسوف و شخصية انا خاينة .. القصص حلوة و بالنسبالى تلت نجوم مناسب جدا ليهم ..ه

[Aya ma’zouz]

بصراحه مصدقتش و انا بقرا الكتاب ان ديه دعاء فاروق،، الخروخ عن المألوف كان في صالحك زي ما بيقولوا غيرتي جلدك و ده احترمتوا اوي ..... الكتاب حلو جدا و كل النماذج البنات ديه موجوده بجد و بنفس طريقه الكلام

[Youssry Effat]

وش كسوف
هو مقالات متنوعة من انماط مختلفه جدا
من الستات و عقليتهم و تفكيرهم
واللى عجبنى هو عدم انحياز الكاتبة للجنس الناعم بشكل عام
انما هى بينت الايجابيات و السلبيات بشكل
اجتماعى ممكن يكون صادم بس حقيقى وموجود فى حياتنا بشكل كبير جدا

[Dalia Samy]

يا نهار اوسد :D
بقي دعاء فاروق تكتب بالاسلوي ده اتفوجئت بصراحه :))
كتاب مفيد ومسلي وواقعي ككلام ستات ميه ميه
عباره عن قعده دردشه كده في قعده رايقه ظريف ومسلي

[Menna Ayman]

حرفياً صُعِقت لما عرِفت إن الكاتبة هى دعاء فاروق.

[Ahmed Abo Baker]

الكتاب عبارة عن مجموعة قصص قصيرة جريئة على لسان بنات او ستات بيفتح مواضيع جديدة محدش تقريبا اتكلم عنها بالجرأة دي قبل كده الشيء الغريب ان مؤلف الكتاب كاتبة والاكثر غرابة انها هي المذيعة دعاء فاروق
اكتر قصة عجبتني واقلهم جرأة هي قصة "من كتر خطابها"
عندي تحفظ شديد على اللغة اللي اتكتب بيها الكتاب فهي عامية فجة لا يجب أن يتم طرحها في كتب
ولو إن المؤلفة تحكي هذه القصص على لسان أصحابها معنديش مشكلة لكن لو هي كاتباها من وحي خيالها فأعتقد إن مينفعش لسيدة إنها تكتب مواضيع بالجرأة دي مش رجعية مني لكن خوفا من انتشار هذا النوع من القصص يين الفتيات
نصيحة مني: يحذر على البنات قراءته
تقييمي ٢/٥

[Amr Aly]

كتاب ملوش اي تلاته وتلاتين لازمة ..
شوية قصص هبلة - ممكن تكون واقعية
لكنها مسرودة باسلوب في رأيي مقزز - وان كان واقعي :)
تحس انك قاعدة مع شوية ستات على المصطبة وبتسمع منهم ما تستحي ان تسمعه ست محترمة زيهم فما بالك براجل قاعد معاهم - ما بالك بواحدة تكتب كده باسلوب والفاظ واشارات لا تمت بصلة لمذيعة او بنت السمت العام عنها محترم ....
مكنتش هستغرب هذا الكلام لو طلع من وحدة شكلها غير شكل دعاء ...
لكن هنقول ايه الله اعلم بالنوايا هل الهدف شهرة ام غير ذلك
الكتاب مينفعش يتقرا من الناس اللي .. وشك كسوف
واخيرا
كتها نيلة اللي عايزة خلف

[Mahmoud Fayez]

كتاب وش كسوف أسوء الكتب اللى قرأتها او ل مقرأت اول فصل بتاع (فيش وتقفيش) بتتكلم فيه عن التحرش بطريقه مبتذلة لا تدل على ثقافه او فكر انا مالى بعبده خطيبك اللى كنت بتحبيه وطلع متحرش زى الرجاله اللى فكرين صدرك زى الطماطم وشغلين فعص فى الطماطم انا جاللى الضغط منك
الفصل الثانى( البكر الرشيد) انا مالى ياستى انك مش بكر ولا رشيد وضحك عليكى اللى كنتى بتحبيه وروحتى الدكتور وعملتى عمليه وعايشه فى تبات وتبات وخلفتى صبيان وبنات .... من جوزك اللى ضحكتي عليه يابكر يارشيد .....انا فصلت من الكتاب ده

[Ahmed Abd El-Hamid]

كتاب يكشف حقيقة مشاكل كثيرة موجودة في مجتمعنا وميخطرش في خيالنا ولا أسوأ كوابيسنا انها تكون موجودة فعلا وبتحصل

كتاب للافاقة وللوعي بضرورة تجنب الأخطاء اللي حصلت في القصص المذكورة في الكتاب

كتاب جيد جدا ويستحق القراءة

[Heba Mohamed]

المحتوي مش وحش و الطرح الجرئ كان مناسب للموضوع و بصراحه احيي دعاء فاروق علي شجاعتها في طرح الكتاب دا اللي ممكن يكون ضد صورتها المحافظه المتعارف عليها
بس طريقه الكتابه قفلتني، استخدام كلمتين بالفصحي وسط العاميه كل كام سطر جاب لي صداع و حسيته غريب و غير مستساغ بالنسبه لي.

[Asil Hamad]

لا يستحق نجمة.. لم اجده جريئا ولم اجد به مايستدعي الكسوف..اصلا لم اجد اي داعي او سبب لكتابته.. القصص عادية جدا..ارى انها ارقى من هذا المستوى

[Lana Elsafadi]

كتاب خفيف سهل و لكنه صادم!!! من أسرع ما قرأت في ليله او ساعه واحده!
يبدو ان القصص الواقعيه تكون اكثر صدمة و تأثيرا لأن نا ما لا نريد ان نراه

[Sherehan Mohmed]

مجموعة قصصيه مفيده وحلوه 👌

[عبدالعزيز زايد]

كتاب وش كسوف
للكاتب: دعاء فاروق

خبرة حياة، وعين جامعة لواقعنا، الكاتبة تقول أن الحكايات الواردة ماهي إلا قصص واقعية، للكاتبة تشويق جميل،
نأمل أن نطالع كتاب آخر للمؤلفة.

[Ola]

كتاب حلو .. قصص جريئة ،، اول مرة اقرا ل دعاء فاروق . بس مش هتكون الاخيرة باذن الله ،،

[Asmaa Doedar]

الكاتبة سردت قصص واقعيه من الحياه برغم انها صادمة لكن اعتبرها خبرات من الحياة و اسلوب الكاتبه كان دمو خفيف

[Mohab Mostafa]

أقرب طريقة بل و أنسب طريقة لفهم شيء.. هي القراءة عنه.. 

هل تريد أن تدرك ما هي الفيزياء فلتقرأ عنها .. هل تريد أن تتعلم الترحال؟ الصيد؟ حتى الطيران.. 

و لأني الأنثى هي الأكثر استعصاء بين الجميع.. لذلك فيجب أن تقرأ عنها.. تُلِم بها.. 

هيهات هيهات أن تصل لفهم أو منهجية لإدراك عقولهن.. لكن أضعف الإيمان أن أعرف ما الأنثى.. 

لذلك قرأتُ عنها.. أول كتابٍ لي يتحدث عن الإناث بشكل مركز و فقط.. 

مجموعة قصصية عن إناث مختلفة.. أبدعت دعاء في خلق حياة و شخصية و طابع مختلف تماماً عند كل واحدة عن الأخرى.. فأراني مرة مع الفتاة القروية التي تكثر من الشين "حبيبتشي،يالهوتشي،روحتشي".. و تارة أجدني مع جميلة من أسرة متوسطة.. و تارة مع غنية.. 

صراحة لم تعجبني كل القصص.. 
لكني  استمتعت..و رأيت المرأة و قرأت صُفَيْحات في الكتاب عنها

علمت أن الجنس مهم جدا.. علمت أن الخجل بين الزوج و زوجه يعد بداية صنع سور يظل يتقوى و يتقوت على خجلهم ليصل و يكوّن سوراً منيعاً يهدد العلاقة الزوجية الصحية الصحيحة المفترض أن تكون بين الجميع

علمت أنه لا يجوز أن أنخرط في بيئة لأنسى نفسي فيها و أنسى إنسانيتي.. فلا يطغى عمل على حياة.. و لا حياة على عمل.. 

علمت أن الإنسان لا بد أن يكون خليط من كل شيء و لكن خليط متساوٍ.. فكما لدي من الحياء أحتاج بعضاً من الثقة و الشجاعة.. 

علمت أن المرأة تشبه الرجل، و ليست غانية هي التي لا تجد من زوجها ما تريد،لكنها مخطئة التي لا تبدي بالقول الصريح الواضح ما تريده.. 

علمني الكتاب كثيراً.. شكرا دعاء فاروق.. 

اكثر قصتين توقفت عليهما "    "  و "وش كسوف"  لن أتحدث عنهما لأفسدهما عن ذاك الذي سيخوض التجربة و يقرأ المجموعة القصصية.. 

لكني كتبت بالأعلى جل ما تعلمته من هذا الكتاب الصغير الجميل