صفية

by مروة القسط

Unknown Binding

First published January 1, 2014

Reviews

[آية معتز · Rating 1 out of 5]

الكتاب ده كارثة !!
------------
اي حد ناوي يقرأه يعرف انه من الآثار الجانبية اللي ممكن تتعرضلها بسبب قرائتك للكتاب ده :
1- اكتئاب حاد - أساسي و لازم و لابد -
2- لو مش متجوز هتكره الجواز و سنينه ، و لو متجوز برضو هتكره الجواز و سنينه !
3- كـ واحدة ست هتحسي انك صعبان عليكي نفسك اوي و هتدخلي في جو حزن هيقرفك و تقعدي تفكري في كل الأحداث البلاك اللي عدت عليكي في حياتك ..
4- و اهم عرض جانبي / الكتاب ده هيسببلك عزوف عن القراءة فترة من الزمن قد تستطيع العودة بعدها للقراءة و قد لاء .
5- لو اشتريته ورقي - و اعتقد انه مش متوفر الكتروني - هيصعب عليك الفلوس اللي دفعتها فيه + هتقعد تشتم في عمو بتاع الكتب اللي اقترحه عليك و انت بهبلك اشتريته عالطول ..
-------------------
تعبني اوي الكتاب ده بجد ! و الله لولا اني جايباه ورقي مكنتش كملته استحالة ، اخدت فترة طويلة و جيت في النص خلاص مش قادرة اكمله و سببلي عزوف فظيع عن القراءة و عن الكتب ! وحسيت اني مجبورة اكمله -_-
طوووويل جداً عالفاضي و كمان الأحداث كئيبة بشكل مفجع و مؤلم
المشكلة انه كل ما يكون في بادرة أمل بيدخل " سي حسين " يدمرها !
بجد قد ايه صعبت عليا صفية ! ياربي احنا ليه هبل أوي كدة ؟ ليه الطيبة اللي بزيادة دي ؟؟ و ليه المعاملة الجافة و القسوة دي في المقابل ؟
صعب اوي كسرة النفس اللي كانت بتتكسرها صفية كل يوم و كل ساعة و هي في بيت " سي حسين " ده !
ده احنا اي كلمة بس بتجيبنا الأرض و تبهدلنا و نقعد أسبوع نعيط عليها ! ازاي كانت مستحملة كل الهم ده ؟!
النهاية طبيعية و حتمية لواحدة زي صفية الانهيار اللي حصلها ده التطور الطبيعي لواحدة شافت كل ده و لسة عايشة و كان المفروض يحصلها من زمان !
----------------------
بجد خوفتيني جداً من فكرة الجواز !
الله يسامحه عمو اللي قالي خديه معرفش اقترحه عليا بتاع ايه يعني ؟
واحدة داخلة 3 ثانوي تقرأ الهم ده كل ليه ؟!
-----------------------
في النهاية مقدرش اقول غير ان للأسف الرواية واقعية بشكل مستفز يمكن عشان كدة صعبة عشان هيا عرتنا و كشفت مجتمعنا على حقيقته و اللي بيحصل جوا البيوت ، بحاول أقنع نفسي ان الرواية مبالغ فيها و فيها نوع من الخيال .. بس للأسف هيا حقيقة و أحداثها بتحصل في بيوت كتييييير ..
ربنا يهون على الزوجات و يجبر كسرهم ..

[Essam Eldeen]

في انتظار الجزء الثاني

[دعاء · Rating 3 out of 5]

لأول مرة في حياتي أقرأ رواية باللهجة العامية .. لكن واقعية جدا جدا جدا .. كأنك بتحكي عن 90% من سيدات مصر .. أكتر حاجة ضايقتني عدم انتهاء الرواية .. فعلا دي مشكلة رهيبة أتمنى من دكتورة مروة الاسراع في نشر الجزء التاني من الرواية ممنونين جدا للدكتورة مروة .. قد نختلف معها في نقاط عدة .. ولكن مجال التلاقي والاتفاق أكبر .. وصفها لصفية وفاتن وسعاد ونانسي ولبنى وحتى أخت علية الكبيرة كان وصف لجميع الحالات اللي بنشوفها ونسمع عنها .. حتى تبريرات صفية لنفسها .. أتمنى الجزء التاني يكون على أد مستوى توقعاتنا من اللي حصل مع لبنى ونانسي

[Amira Saad · Rating 3 out of 5]

نادرا ما تعجبني رواية بالعامية ولكن من وجهة نظري العامية هنا ضرورية في الروايه فهي موجهة الى فئة معينة لن يتم توصيل المضمون جيدا الا بها
اعجبتني واقعية الروايه جدا فكأنني بها أدخل أغلب البيوت المصرية وأشاهد ما يحدث بين الأزواج والزوجات بمنتهى الواقعية
وانصح بها الزوجات اللائي لايعلمن شيئا عن حقوقهن التي كفلها لهن الإسلام
في انتظار الجزء الثاني

[Joseph · Rating 5 out of 5]

Amazing book! Even more amazing author!