Забойства на вуліцы Макаёнка

by Клёк Штучны

Рэдкі на беларускай літаратурнай прасторы дэтэктыў, які ўпісаны ў кантэкст "рэвалюцыі дваццатага года". Стылёва дасканалы, з тонкім гумарам і небанальным сюжэтам.

У задушлівым, прыціснутым рэпрэсіямі Менску ўзору 2022 года, з пустымі афішнымі тумбамі і поўнымі аўтазакамі, закрытую суполку — Гільдыю гарадскіх варʼятаў - абляцела жудасная навіна: за вакзалам дзіцячай чыгункі пякельным механізмам задушаная Жанна Танцэн, багемны матылёк і ўдзельніца масавых маніфестацый часоў рэвалюцыі 2020-га. Зламысная сіла невядомага паходжання падбіраецца таксама да іншай гарадской легенды — вулічнай спявачкі Камароўскай Прымадонны.
Менская міліцыя, занятая паляваннем на палітычных, здае загадкавае забойства ў архіў. За справу бярэцца менскі клан Пісьменных — сумнеўны ранцье і безнадзейны халасцяк Якуб Пісьменны, яго пранырлівы кансільеры Аркадзь Табібулаеў, а таксама яго мёртвая бабка Ханя Пісьменная, якая пры жыцці была імпрэсарыа ці не ўсіх гарадскіх варʼятаў.

234 pages, Paperback

Published January 1, 2024

Reviews

[Maša · Rating 4 out of 5]

".. наступаюць паўгадзіны непазбыўнага, нічым не разведзенага гневу. Потым, вядома, гэты гнеў, гэтая неперастрававаная камлыга, усмокчацца, утопчыцца, утрамбуецца ў нашу доўгацярплівую плоць"
На рэчаіснасць тых, хто застаўся накладваецца надзвычайныя з'явы, дэтэктыў і гумар, таму чытаць не траўматычна.

[Maria Dze · Rating 3 out of 5]

Ідэя дазволіць напісаць кнігу штучнаму інтэлекту цікавая, але я магу паверыць хіба што ў тое, што ШІ прыдумаў сюжэт. Гэта растлумачыла б пэўныя дзіўныя сюжэтныя павароты.
Было цікава чытаць з-за лакацый Мінска ды актуальных праблемаў герояў. Дэтэктыў слабаваты, развязка ні аб чым, містычная частка не ратуе агульнае ўражанне.

[Аляксей Івашкевіч · Rating 1 out of 5]

пратэстспларэйшн, дэмшыза з палаты мер і вагаў, скучны дэтэктыў

[Andrej · Rating 3 out of 5]

Сатыра і містычны рэалізм, не дэтэктыў.
Бадзёранькае чытво, асабліва для менчукоў, асабліва для былых.

[Hienuk S. · Rating 2 out of 5]

Аўдыё версію было вельмі цяжка слухаць. Мяне хапіла на паўгадзіны, пасьля чаго я цалкам згубіў ланцуг аповеда.

[Viktoria · Rating 4 out of 5]

Беларускі дэтэктыў у цяперашні складаны час з незвычайным сюжэтам і цікавымі неадназначнымм героямі.
Было цікава даведацца пра гарадскіх вар'ятаў Мінска. Ды і ўвогуле вуліцы роднага горада заўсёды ў сэрцы❤️

Я так да канца і не вызначылася, ці спадабалася мне кніга. Можа таму, што героі выклікаюць неадназначныя ўражанні і давераеш ім з асцярогай.
У сюжэце шмат чаго намешана, таму можа і ад гэтага ў мяне неадназначныя ўражанні.

Але я ўсё ж раю яе чытаць і вырашыць самаму ці прыйдзецца яна вам даспадобы.

P.S. Недзе чытала, што насамрэч Клёк Штучны - гэта псеўданім аўтара, а не кніга напісаная ШІ ў чыстым выглядзе. Думаю калі-небудзь мы больш дасканала даведаемся як быў створаны гэты дэтэктыў і хто яго аўтар.