عمارة الخمس بنات

by سارة عبد الحميد

في “عمارة الخمس بنات”، تجمع القدر خمس فتيات من خلفيات وظروف مختلفة في بناية واحدة، لتكشف الرواية عن تحدياتهن الشخصية والعاطفية في مواجهة الحياة. تتشابك قصصهن مع الحب والخيانة والمجتمع، ليقدم الكاتب عملاً درامياً يجذب القارئ ويثير أسئلة عن الهوية والإنسانية.

123 pages, Paperback

Published January 24, 2025

Reviews

[Yassin El Badrawy · Rating 4 out of 5]

" احيانا يكون اكبر همنا هو الشعور بالطمأنينة ، نبحث عنه في اعين احبابنا ومن يقربوننا، او في اعين غريب يحدثنا "

رواية قصيرة لكن مليانة مشاعر وأحاسيس جميلة ، وبتخلي الواحد يحس ان الدنيا لسه فيها امل وبخير وان الناس لسه قلبها على بعض. الرواية من نوع الاجتماعي و بتتكلم عن حياة 5 بنات عايشين في نفس العمارة في المعادي، وكل شخصية فيها كانت مؤثرة بشكل مختلف. واحب اقول من ساعة ما بدأت الرواية وانا بتكلم مع الكاتبة وقد ايه هي شخصية جميلة وتستحق كل الدعم، وبتمنا لها التوفيق والنجاح في كل أعمالها الجاية

[Basant Hosam · Rating 3 out of 5]

مع الأيام نعلم أننا مضطرون للتخلي، سيتوجب علينا إفلات أشياء للحصول على أخرى، أو ترك كل شئ فقط محاولة للنجاة.

نبذة عن الرواية:
_خمس بنات ألقت بهم الحياة في ظروف صعبة، لكل منهن قصتها المختلفة، تتقاطع دروبهن جميعًا ليسكن معًا في عمارة واحدة متأملين في مستقبل أفضل من الماضي.

رأيي:
_رواية لطيفة مليئة بالمشاعر الدافئة والأجواء العائلية الجميلة، النهايات الرومانسية فقط كانت سريعة قليلًا من رأيي ولكن الرواية مناسبة جدًا للمبتدأين لأنها خفيفة وقصتها ممتعة.
_______
رواية: عمارة الخمس بنات
الكاتبة: سارة عبد الحميد
عدد الصفحات: 122
دار النشر: بيت الياسمين
_______

[حَبِيبَةُ · Rating 5 out of 5]

السهل الممتنع
روايه خفيفه وسهله في لغتها ،بدايه موفقه للقراءه وحل امثل لفتور القراءه

من أسباب الي شديتني ليه الغلاف بسيط وفيه روح حلوه وبيعبر عن الروايه
الاسم حلو ويشد وفيه طاقه نسويه حبيتها اوي

اما الحبكه فاهي مش اقوي حاجه لكن لذيذه فعلا ،حكايه بسيطه عن خمس بنات وكل بنت ومشكلتها وحياتها

حبيت النهايه الي كانت سعيده وتدخل التفاؤل في النفس

واختيار الاغاني في الروايه عظيم من اول حبيبي ساكن في الحسين
لاغنيه الفرح
السرد لطيف وسهل ويقدر يخليك تندمج معا الشخصيات بسرعه
ويحسسك انك في مسلسل مصري حلو

السلبيه الوحيده بنسبه ليا هي إهمال قليل في شخصيه سدره يعني هي بدأت حلوت اوي لكن كنت منتظره نهايه ليها احسن

في النهايه الروايه جميله واحببتها، واظن ان أين منكم سوف يرا نفسه من احد تلك الفتيات

[Asmaa Esam · Rating 2 out of 5]

رواية عن خمس فتيات منهم من هربت من اهلها لاصلاح حياتها ومنهم من هربت من وطنها لعدم صلاحه للعيش به بعدما اصابته الح..رب و منهم من هربت من ضغط اهلها

فهي عبارة عن عمارة مؤجرة لفتيات ذو حيوات وأحلام و قصص بسيطة في ظاهرها ولكنها صعبة في تحقيقها

فنمشي معهم حتي نري ما ستصل إليه كل فتاة ..

الرواية قصيرة بسيطة اسلوبها غير معقد تصلح للفصل بين القراءات الدسمة أو لمدخل شخص في بداية قراءاته


اسم الرواية : عمارة الخمس بنات
اسم الكاتب:سارة عبد الحميد
عدد الصفحات: 123
التقييم:5/2

#ريفيو
#ريفيوهات_سيمو

[احمد حسام · Rating 4 out of 5]

بسم الله رب البدايات نبدأ ٢٠٢٦ بهذه الرواية الصغيرة اللطيفة
صراحة بداية الرواية مكنتش متوقع انها هتبقي حلوة خاصه اني الانتقالات بين الشخصيات مكانتش واضحه يعني ممكن تقرأ فقرة و اتنين و انت لسه اني الموضوع اتغير و احنا بنتكلم علي شخصية تاني و ده كان اغلب الرواية
و لكن الرواية فيها الفه و دفء و حنان و مشاعر ايجابيه جميلة اعتقد هتعجب البنات اكتر خاصه البنات اللي في جامعات او اللي جربوا سكن الجامعي قبل كده
الرواية نهايتها جميلة معرفناش سدرة هيحصل فيها ايه و الموضوع كان مستفز بطريقة مضحكة صراحة
الخلاصة
رواية لطيفة جميلة سريعة خلصتها في نفس اليوم و فكيت بيها رهبه هبدأ ب ايه ولا ايه السنه دي انصح بقرائتها للبنات فقط قد لا تكون جيدة جدا بالنسبة للشباب

[Aya Khairy · Rating 2 out of 5]

❞ ستظهر الحياة وجهها الآخر في يوم ما، ستريك بشاعة البشر لتتمنى بعدها لو عشت مخدوعًا طوال عمرك خيرًا من ذلك، هناك من يتجرع نصيبه من الألم دفعة واحدة، وهناك من تذيقه الحياة مرارة حظه تقطيرًا. ❝

أحلام العصر الوردية جداً جداً.. بسيطة وخفيفة لكن خارج ذائقتي الحالية، مناسبة لكل مبتدئي القراءة من 10 لـ 16 سنة مثلاً، وخاصة البنات.

تمت - 15 أبريل 2025

[Gehad · Rating 5 out of 5]

رواية جميلة بها مشاعر قيمة ومؤثرة جداً تستحق القراءة
اقتباس من الرواية

مع الأيام نعلم أننا مضطرون للتخلي، سيتوجب علينا إفلات أشياء للحصول على أخرى، أو ترك كل شيء فقط محاولةً للنجاة، لا يُفضل أحد الفرار، لكن ماذا إن كان فى البقاء هلاك لأرواحنا؟

[Malak Khaled · Rating 5 out of 5]

روايه تحفهه بجد خفيفه احداثها جميله جداا كلها مشاعر قيمه و مؤثره اعجبتني جداا من الطف روايات هذه السنه تفصل بيها بين روايات دسمه احببت قصص الأبطال كلها و شعرت انني واحده منهم تسكن معهم ❤️❤️

[Anwar Obaedi · Rating 5 out of 5]

لا شيء مضمون في هذه الحياة
بعض العلاقات كطوق نجاة تهبط علينا من السماء كهدية من الله لنا في أوقاتنا العصيبة

[Ahmed Ali · Rating 5 out of 5]

عامة الرواية تحفههه دافئة اوييي اوييي حبيت علاقتهم اويي بالذات سديم وسدرة و بجد تحفههه تحفههه ي سارة ومستني نفس زي م قولتلك مستني نفس جدااا

[Choco Tota · Rating 3 out of 5]

أحب قصص البنات 😍😍
بس يبقى السؤال ؟
What about sedra???

[Karma Ahmed · Rating 4 out of 5]

هي حلوة و عجبتني من حيث أنها خفيفة كده💜💜

[Rewan Mohamed · Rating 4 out of 5]

بعض الصدف تكون كنجوم متلألئة ضاهى عليهن ضوء القمر، متى اختفى وحلت عتمة المساء تطل هي بنورها..

يشاء القدر فيجمع خمس فتيات تحت سقف عمارة واحدة، لكل منهن حكاية، مخاوف، وأحلام.
يجدن مواساتهن في أحضان بعضهن ليستطعن مواجهة الحياة كل يوم.. سِدرة الجامعية، سديم الصحفية، بيسان الفلسطينية المجروح وطنها، جلنار المراهقة ذات العاهة الروحية قبل الجسدية، وكاميليا المجروحة من عائلتها..
تُرى ما الذي جمعهن؟ وكيف ستسير حياة كل منهن بعدما فقدت جزء من روحها في الحزن؟

أما عن رأيي، قرأت لسارة من قبل رواية هُدنة وقد كانت كإسمها هادئة كهدنة من الحياة بأجمعها.
أما عن هذه الرواية فتميزت بالنسبة لي بمشاعرها الآسرة، مشاعر كل شخصية وقصتها كانت تؤثر فيه وتلمس جزءًا مني فأتعلق بها.
جاءت الرواية سردًا وحوارًا بالفصحى يتخللها بعض الأغاني اللطيفة التي تناسبت مع المشاهد والأحداث، وأيضًا لاحظت تطور الكاتبة في اللغة والنحو في هذه الرواية عن سابقتها.
استمتعت كثيرًا بالرواية، تأثرت بقصص الفتيات وما عِشنه من أحداث غيرت في شخصياتهن.. حتى أنني وجدت جزء من نفسي في كل حكاية.
أحببت وجود شخصية بيسان الفلسطينية في الأحداث والتي ذكرتني بأهلنا وجعلتني أدعو لهم في كل سطر تسرده الشخصية.
ما لم يعجبني هو شعوري بنمو الثقة سريعًا في بعض الأحداث بشكل غير واقعي، وأيضًا كانت هناك مشكلة في تنسيق الفصول في الكتاب فخلطت بين بعض الفصول.
أما عن النهاية، كنت أنتظرها بشوق وقد كانت عند ظني، مازلت حتى الآن أذكرها وأبتسم.

في النهاية رواية جميلة تنتنهي في جلسة لكنها تعطيك مشاعر جميلة ورسائل قيمة، أنصحكم بها.

اقتباس:
الزمن غير مضمون ما دمتِ مازالت لديكِ فرصة للإجتماع مع من تحبين افعلي، لا تتخلي عنهم، فالزمن سيفرقكم يومًا حتمًا، فلمَ تُعجلي بالفراق؟
___
عمارة الخمس بنات
سارة عبد الحميد
123 صفحة
بيت الياسمين للنشر والتوزيع
___

[Haneen tharwat · Rating 5 out of 5]

الروايه بتتكلم عن بنت و مامتها بيحصلهم ظرف معين وبيكون السبب انهم يأجروا الشقق الفاضيه في البيت بتاعهم و بيأجر الشقق دي ٣ بنات و بنت و مامتها و ورا كل واحده منهم ماضي او سر او حد بتحاول تهرب منه و بنشوف شخصيات الروايه هيأثروا ازاي على حياة بعض.
الرواية دي دافيه اوي!
على قد م هي بسيطه و سهله و احداثها سلسله جدا و في الغالب انت عارفه نهايتها من قبل م توصلها بس هي جميله اوي حقيقي و مليانه مشاعر حلوه.
الرواية اسلوبها بسيط خالص و قصتها ابسط، هي رواية اجتماعيه وانا ماليش في الجو دا اوي لكن الروايه دي مختلفة بصراحه ! حقيقي معرفش ليه بس انا حسيت انها مونساني و دا كان عندي كفايه لان دا اللي كنت محتاجاه منها.
انا بدأت اقرا الروايه و انا مزاجي أبداً مش حلو خلصتها و انا حاسه ان الدنيا بخير و بكره احلى و الشمس مسيرها تشرُق 💖
هي صغيره خالص ١٢٠ صفحه و احداثها سريعه جدا مع ذلك هتتعلق بالشخصيات وتتأثر معاهم انا ضحكت و عيط و اتاثرت كتير جدا لدرجه ماكنتش فاهمه يعني ايه كل دا من ١٢٠ صفحه.
العيب اللي فيها بالنسبالي ان اسلوب الكتابه و بعض الاحداث كانت كليشيه شويتين لكن الحقيقه دا مكانش مضايقني خالص لان انا كنت بتعامل مع الروايه انها حاجه بسيطه مش طالبه منها غير انها تغير مزاجي و هي حقيقي عملت كدا ! 💖
الروايه دي هتفضل في قلبي بجد من الأثر و الاحساس الحلو اللي سابته فيا

[Shenodien · Rating 3 out of 5]

لطيفة اوي و خفيفة ، دمّعت و أنا بقراها
جايز كنت محتاجة أشوف نهاية سعيدة ل سدرة برضو ، الأخت الاقل جاذبية و اللي دايماً بيتم مقارنتها مع اختها الجميلة اللي حظت بقصة حب رائعة في الرواية لكن حاسه ان ورا عدم ذكر حاجة زي كدا قصد او رمز.
و أنا بقرا احياناً حسيت ان اللغة المستخدمة هي لغة عامّية مترجمة و ليست لغة عربية فصحى ف كان الافضل يتم استخدام دي بشكل كامل او دي لكن في نفس الوقت مأثرش اوي بالسلب و كان بيدي طابع لذيذ في الحوار .
رواية دافية تخلص في ساعتين 😘

[Omnya Mohamed · Rating 5 out of 5]

الرواية حقيقي خطفت قلبي الأسلوب حلو جدا و الثرد ولا غلطه ، ومتقومش عليها من غير ما تخلصها.مليانه مشاعر و بتنقاش أفكار كتير ،مستنيه روايات جديده لحضرتك بفارغ الصبر.

[Hanaa Ibrahim · Rating 5 out of 5]

روايه عمارةالخمس بنات روايه اكثر من رائعه تجد فيها الحب والوفاء والتضحيه روايه اجتماعيه هادفه تلقى الضوء على حياه خمسه من البنات تجمعهم الظروف تحت سقف عماره واحده رغم اختلاف الاوطان والثقافات فنجد قد ذابت بينهم الطبقات والظروف الاجتماعيه وفشكرا للكاتبه المبدعه ساره على كميه المشاعر والاحاسيس الراقيه متمنيه لها دوام النجاح والتفوق وفى انتظار مزيدا من الاعمال الناجحه ل

[Habiba Farghaly · Rating 5 out of 5]

رواية دراما اجتماعية رائعة و مشيقة
خلصتها في يومين من كتر الحماس

[Salma · Rating 5 out of 5]

تحفه جدا جدا جدا ❤️ أحداثها خطيره ومميزه ❤️

[Farah Gemy · Rating 5 out of 5]

رواية جميلة جدا مليانه مشاعر اول مرة اعيط وانا بقرأ
و cozy اوي بجد تحفه

[Nada · Rating 2 out of 5]

تجربة لطيفة فكرتني بروايات الواتباد الي كنت اقراها زمان

[Basma Djobbi · Rating 1 out of 5]

نجمة واحدة من أجل الغلاف ومُحاولة الكاتبة، (لم أُكمل الرواية رغم محدودية عدد صفحاتها وسرعةِ أَحداثها).
هذهِ ليست سوى خيبةُ أَملٍ أُخرى ضمن سلسلة الروايات التي بدأتُ في قراءتها مؤخرًا.
سؤال: هيَ الأَسماء العادية المألوفة قصرت معهم في ايه؟

[Hana · Rating 5 out of 5]

رواية جميلة جدا وخفيفة دافية وأثرت فيا

[نور الحياة · Rating 4 out of 5]

الاسلوب سلس واحببت الربط بين القصص
حسيت براحة رغم مآسي كل شخصية لكن لم يخرج عن جو الألفة فكانت رواية استراحة من الحياة بالأمل

[Habiba Mohamed · Rating 4 out of 5]

🩷🩷🩷🩷🩷🩷

[Hager Moharram · Rating 4 out of 5]

A light book like a summer breeze
Definitely needed it

[Jeyo · Rating 2 out of 5]

2.5
كيوتا.

[Emyriad · Rating 3 out of 5]

رواية لطيفه بتتكلم عن خمس بنات لكل منهم قصتها وظروفها اسلوب الكاتبه سهل و بسيط
السرد ممتع هتتاثر معاهم بحكاياتهم و مشاعرهم
الروايه مناسبة للقراءه السريعه نظرا لعدد صفحاتها الصغير مما ادي لعدم وجود تفاصيل كثيره و دا حسسني ان فيها حاجه ناقصه...لو كانت اطول كان هيبقي ف مساحه نتعرف ع جوانب كتير لشخصيه كل بنت والشخصيات الفرعيه المرتبطه بيهم و علاقاتهم