حالة توحد

by محمود أمين

جريمة قتل.. الشاهد الوحيد طفل مصاب بالتوحد.. هل سيكون مفتاح الحل؟.. أم سببا في تعقيد الأمر على رجال المباحث؟
نبذة من الكتاب...
ظل ساعة كاملة على هذا الحال.. تخطت الساعة الثانية عشرة.. عندما غلبه النعاس.. ظل طوال ساعات نومه يحلم بالقتيلة.. المقص.. دماء فى كل مكان.. ترى ما سبب ذلك القطع العرضي فى جانب جثة القتيلة؟.. "مازن" ينظر إليه فى ثبات.. يبتسم فى ثقة.. اسمك جميل.. لعن اسمه وكرهه بسبب هذا الطفل.
عقارب الساعة الفسفورية تشير إلى الرابعة فجراً.. الوقت الذى حدثت فيه الجريمة.. ما الذى أيقظه فى ذلك الوقت؟.. لماذا يقف "سامح" ابنه بجانب الفراش؟.. لماذا يمسك بالمقص؟.
ـــ اسمك جميل.
طار "كرم" من فوق الفراش وطار معه الغطاء أضاء ضوء الغرفة.. لم يكترث لزوجته التى استيقظت فى فزع تسأله عن سبب ما يفعله.

Genres: Horror, Novels

191 pages

First published June 22, 2014

About the author

في ذلك الحي الفقير.. حي شبرا ولد محمود أمين.. اعتاد على حياة العزلة منذ صغره وفضلها فوجد في الكتاب ضالته وصديقه.. عندما انتقل للعيش في حي الظاهر بالقرب من الفجالة عندما كانت لا تزال تعج بالمكتبات كان ذلك افضل يوم في حياته.. عاش فترة طفولته و مراهقته بين المؤسسة العربية الحديثة ودار المعارف ونهضة مصر ومكتبة مصر.. التحق بكلية العلوم جامعة عين شمس ثم عين معيدا بقسم الرياضيات وهو الآن يشغل وظيفة مدرس مساعد بالقسم.. وبالرغم من عمله اللصيق بالعلم إلا أن ذلك لم يشغله عن هوايته.. وعشقه للأدب لم ينطفئ فكانت أولى محاولاته مجموعته القصصية (نظرات دمية) و التي كان الفضل في ظهورها بعد الله للأستاذ محمد سامي مدير دار ليلى الذى شجعه على طباعتها

Reviews

[Mãñøshã Eßrãhëm]

#حاله_توحد
#محمود_امين

بسم الله الرحمن الرحيم ,,
مبدأيا .. السرد تحفة ,,
الرواية مرحة جدا ,, هى اقرب للساخر من رعب ,,
=
سلبيات الرواية ..
1.. اللغة محتاجة شغل كتير جدا خلط بين العامية والفصحى فـ نفس الجملة ودة كان بيفصلنى كتير جدا للأسف ,,
2.. فـ صفحة 102 .. الطفل المصاب بالتوحد "مازن" قال لجارهم "عماد" ماما مريضة وشدة من ايدية .. متهيألى المُصابين بالتوحد بيكونوا قافلين ع نفسهم اوى ومش بيتكلموا حتى مع اقرب الناس ليهم "ام او اب او اخوات "
3.. كان ممكن الرواية يكون ليها اسم تانى غير حالة توحد لانى محستش ان فى طفل مريض بحالة توحد ,, حسيت عندة صدمة او خلل فـ دماغة مش توحد ,,
4.. فى بعض التحفظات علي بعض السخرية اللى كانت موجودة من الظابط ,,
5.. تغيير مفاجئ من زوجة الضابط بدون مبرر ,, او بـ مبرر ضعيف جدااا
=
ايجابيات الرواية ,,
1.. عجبنى الاسلوب وطريقة السرد
2.. شدتنى من اول كلمة لآخر كلمة
3.. النهاية كانت جيدة ومُرضية نوعا ما
4.. طريقة الكاتب فـ الساخر تحفة جدااا مع بعض الملاحظات القليلة
5.. الرواية لذيذة وخفيفة تخلص فـ ساعتين تلاتة ,, تفصل بيها مودك للأحسن
=
اتمنى التوفيق للكاتب وهقرأ استجواب عن قريب بإذن الله واتمنى تكون افضل من حاله توحد ^_^
=
تقييمي
2.5/5

[Nada Khaled]

بعد يومٍ شاق ومرهق جدًا في معرض الكتاب،
لا شيء يمكن للمرء أن يقوم به سوى النوم، فاذهب إلي سريري مطيعة لجسدي الذي أوشك على التبرؤ مني، فيغالبني التفكير في كتبي الجديدة كطفلة صغيرة ليلة العيد ولا تطيق الانتظار حتى صباح اليوم التالي لترتدي ثيابها الجديدة..
أقوم من سريري لأختلس نظرة صغيرة إلي كتبي قبل أن أنام في محاولةً لإقناع الذات أن الأمر سيقف عند إختيار الكتاب الذي سيكون رفيق الغد..
أقلب في كتباً عدة تتنوع بين العلمية والثقافية والأدبية،
أرى حقيبة دار البصمة تبعد عني بضع سنتيمترات وأستعيذ بالله، ثم أردد بهدوء وبثقة، أنا منهكة جداً، بالتأكيد لن أبدأ بأي كتاب الأن..!
لذا، لن يضير القليل من التصفح..
أمد يدي داخل الحقيبة بهدوء،
ها هو الكتاب بين يدي..
حسناً، سيكون هذا كتاب الغد ..
ولا أعرف ما حدث بعد ذلك بالضبط سوى أنني وجدتني جالسة في مكاني بعد ما حوالي ثلاث ساعات وقد ألتهمت الكتاب كله، ولم أشبع!
أحمد الله أنني لم أشتريها سوى تزامناً مع صدور الجزء الثاني لكي لا يجن جنوني..
، أنا لم أتحدث عن الرواية بعد!
حسناً، الحبكة متقنة لأبعد حد،
التفاصيل مترابطة للغاية،
كل شيء محسوب بدقة شديدة،
كل ما يمكنني قوله أنها رائعة بحق..!
وسأتكلم عنها باستفاضة أكثر بعد إنهاء الجزء الثاني :)

[هالة الملوانى]

رواية حلوة وخفيفة عامل التشويق بها جيد جدا أسلوب السرد جميل وراقى رواية تجذب الأنتباه
فى أنتظار الجزء الثانى منها إن شاء الله

[May]

ده تاني كتاب اقراه لمحمود امين بعد استجواب و بجد الرواية اكتر من رائعة و اسلوب الكاتب ممتع جدا ، محستش بملل و لا لحظة و مستنية الجزء التاني

[Yousra]

هراء.

[نور الإسلام]

حالة توحد.... أهنالك قصة ؟ نعم بل وبمادة دسمة ايضا ... ولم يتطرق لموضوع واحد .. بل لمعظم فروعه ايضا وهذا جيد ... لكن طريقة عرضه ليست جيدة .. وليست لديه اى لغة ...
من اكثر الاشياء التى تسئ للقصة الجيدة وتضعفها عدم وجود مفردات لغة جيدة لسردها...
ايضا عدم الثبات على لغة حوار محددة ... فكانت طريقة الكاتب للحوار بين شخصيات الرواية بالإضافة الى سطحيتها الشديدة عامية لكن هو جعلها فصحى خالصة !!! ايضا العمل على هذه القصة ضئيل جدا... فمادة دسمة مثل تلك كان ينبغى العمل عليها اكثر من ذلك واعطائها حقها خالصا فهى شديدة الواقعية ..
بالتوفيق فى المرات القادمة

[Donia Darwish]

جريمة كبيرة ممنوع فيها النشر ، ولا التصريح بأى شىء إلا لما نعرف اللى حصل ايه
أصل الموضوع داخل فيه رجال أعمال كبار
والقتـ ****يلة كانت فى وضع مش تمام
ومين اللى جنبها ده كمان 🤔 ده " عمرو " ابن خالتها بس ايه اللى جابه فى بيت المدام
وفين جوزها ده كمان
بس ثانية فيه شاهد لقيناه … قاعد ساكت والصدمة باينة عليه وماسك مقص ✂️ والدم مغرق ايده ..
ده " مازن " يا سعادة البيه ابن القتـ***يلة
قول يا مازن شوفت ايه وليه ماسك المقص فى ايديك
صمت تام كل اللى جاى عليه … أكيد مش هو القا***تل ده طفل ميقدرش على اتنين

وتبدأ التحقيقات ، ويتولاها " كرم " رايح جاى بين المشتبه فيهم لكن مش قادر يروح من باله صورة الطفل " مازن " نظراته وسكوته والكلمات القليلة اللى بينطق بها ده حتى لما بيرجع بيته بيتهيأله أنه بيشوفه قدام عينه ..
كبرت وبدأت تهلوس يا كرم ولا ايه
ولا يمكن ضغط الشغل خلاك تشوف حاجات غريبة بتحصل حواليك
بقى يخاف لما يطلبه بالإسم
أكيد وراه سر 🤫 قالوا عليه ممسوس لا لا ده كلام مش معقول يمكن زى ما قاله مريض
محتار فى أمرك يا " مازن " وهفضل وراك لحد ما يبان لموضوعك ملامح

أول تجربة ليا مع الكاتب ، ثلاثية وده 👆🏻👆🏻كان الجزء الأول منها ، بخاف من الروايات اللى ليها أجزاء لانى بشوف أن أول جزء بيكسب دايما فى أنه يشد القارىء بكم الاحداث ويمكن الفكرة كمان بتبقى ليها سحر البدايات و ده اللى حصل فى الجزء الأول استمتعت به ونجح أنه يشدنى
ياترى الجزء التانى بقى هيبقى على نفس الدرجة من التشويق ولا هيخيب أملى 🤔
ملحوظة : عندى اعتراض واحد عليها هو اسم الرواية يفضل أن الكاتب مكانش ذكر مرض أو حالة معينة يصف بها الطفل وكان سابها مفتوحة محبتش اسم حالة توحد نهائى تدخل فى أحداث رواية جريمة وديه وجهة نظرى تحتمل الصواب أو الخطأ 🤷‍♀️

#مكتبة_دنيا
#قراءات_٢٠٢٣

[Aya]

حسيت وأنا بقرأ إنها سكربت للرواية مش الرواية نفسها.. مجرد تخطيط ليهامش أكتر.. تخطيط حلو بس ملهوش معني ولا مزاج..
بتهيقلي لو كنت قرأتها قبل استجواب والحشاش مكنتش قرأتهم وده من حسن حظي إني قرأتهم الأول

[Cupid's Arrow]

بدايه بأسلوب الكاتب فهوا اسلوب ساخر رائع جدا بس بالنسبالي توحيد الاسلوب كان هيبقي احسن بدل من الكلام بين العاميه و الفصحي ، الروايه نفسها متكرره فأكتر من فيلم اجنبي قمكنتش اضافه ليا الصراحه ، دار النشر سيئه جدااااااا ( الطباعه وحشه و في صحف كتير متكرره و مش مترتبه و صحف ناقصه اصلا و اتكرر معايا في استجواب بردو ) ، اتمني التوفيق للكاتب في موضوعات احسن و اكثر اشاقه ( نفس الكلام بالنسبه لروايه استجواب من حيث الموضوع المكرر او المجمع ما بين روايه مسيا من حيث الفكره و صانع الظلام من حيث الاحداث اكيد مش نفس الطريقه بس اقصد مفيش جديد و ده مش قصدي ان الموضوع مقتبس بالظبط اكيد انا اقصد فقط ان الكاتب لازم يكون عارف ايه الروايات الموجوده في السوق بحيث ميعرضش افكار مكرره و يكون ليه سبق الابداع ) مع كامل احترامي :)

[Menna Ibrahim]

اسلوب السرد حلو جدا
وخصوصا ان الكاتب معتمد على الاسلوب الساخر
و كان من الغريب بالنسبه لكتير عارف ان الروايه دراما او ما إلى ذلك و يلاقيني بقراها و بضحك جدا وبس اكتشفت ان دا طبيعي بعد ما قريت "رقصة الشيخ الاخيره " :-D
اضافة معلومات جديده فالروايه دي حاجه مهمه_ اظن _اثناء تقييم الروايه .......... و انا كانت بالنسبالي المعلومات الجديده المعلومات النفسيه ......
الروايه بتهدف للمعلومات الجديده بس
اعتقد ممكن كنا نضيف فكره او مبداء او الحاجات اللي اظن اننا محتاجيين نشوفها فاي حته ولو بين السطور حتى .......
بالتوفيق يا دكتور

[احمد محمود]

رواية بسيطة ولطيفة كأول تجربة للكاتب
الرواية فكرتها عن مرض التوحد وجريمة قتل ووجود الطفل بالشفة ومعه أداة مشتك فيها إنها أداة الجريمة
والطفل مصاب بمرض التوحد فلا بد الكلام حتي عن المرض أو سببه
ولكن كان لايوجد أي تعريف عن المرض لإني هكذا لم أحكم علي الطفل بالتوحد ..
طبعا الأسلوب بالرواية يحتاج إلي يحتاج إلي مزيد من النضج
في المجمل الرواية جيدة كبداية ولطيفة كمسلية وقراءة في قعدة أو اتنين

[Ahmed Elhewity]

محمود ياصديقي
انت اكتشاف
انا عشت جوة حالة توحد
ياريت ابقي اقرأ الروايات قبل ما تطبع يابيه
ههههههههههه
بجد انت كاتب هايل
واكيد بستني اعمالك علي طول
دمت صديقا مبدعا متألقا

[Heba]

الكتاب فعلا رائع واخد مني 3 ساعات بالظبط من الورقة الاولى للاخيرة طريقة السرد راااائعة

[Asser elnokaly]

أول عمل للكاتب: قصة مشوقة انهيتها في ساعة
حبكة الرواية ممتعة و متشوق لمعرفة القادم.
أسلوب سرد سهل و ممتع،كنت مستغرب القاء النكت في منتصف الحوارات و لكن مع مرور الوقت أعجبتني و وجدتها فكرة مقبولة ولا تؤثر علي العمل.

[Fadia Tarek]

رواية متوسطة ... أحداثها متوقعة بنسبة كبيرة بس الكاتب عنده موهبة محتاج يشتغل عليها شوية .... أعتقد ممكن لو ركز أكتر فى كتاباته هيطلع أعمال أقوى من كده

[Mayoy]

اكثر من رائعة

[Mohamed Mutawea]

ربما لايمكنني الحكم علي الرواية كامله حيث ان الكاتب اشار الي انه هناك جزء ثاني تحت الطبع ولكنني سوف انتقد ماقرأت
. واضح من الروايه انها من نوع التشويق والاثاره ولكن الاحداث جائت مكسره ومشتته بفعل خفه ظل البطل احيانا وتدخل الكاتب بخفه الظل احيانا اخري وتكرار المرح في مواقف لاتحتمل خفه الظل والتعليق المستمر علي اسم الطبيبه كان يكفي لمره واحده وليس بأستمرار كلما ذكر اسمها
اذا اختفت التعليقات المرحه ربما اصبحت الروايه جاده وحافظ الكاتب علي اثاره القارئ وجذبه طوال الوقت
مثال( حوار استحواب صديقه القتيله)
الشاهده تطلب من الضابط ان لايذكر صاحبتها بأسم القتيله فيتحول المشهد الي كوميديا عندما يصف الكاتب ان الضابط مستمع بتكرار اللفظ ويعطينا مثالا من فيلم لفؤاد المهندس وقولته الشهيره طويل العمر
لا اعتقد ان هذا المرح يتوافق مع جريمة قتل وضابط وتحقيق وحاة حزن من صديقه علي صديقتها القتيله
رجاء تخفيف كميه المرح والدعابه الا اذا كانت روايه كوميديه وللاسف لن تكون مضحكه

[Aya Allam]

الرواية
سهلة بسيطة خفيفة ساخرة اكثر من انها رعب او درامى
تخلص ف اقل من 3 ساعات
اسلوب الكاتب ف السرد حلو جدا

عيبها
قلة الكلام عن مرض التوحد او الانفصام
وشخصية مازن نفسه
اللي كنت متوقعاه من اسم الرواية

كان معظم الرواية عن كرم
ويومة عامل ازاى
والعمارة والبواب ومصنع البسطرمة
ونسمة اللي استغربت من اسلوبها معاه ف الاخر
..........................

الرواية فكرتنى بفيلم
Hide and seek
بس اللي مِحَلي الفيلم انى
اتفاجأت
بالنهاية
واتكلمت اكتر عن المرض واهتمت بالشخصيات الاساسية

............


نهاية الرواية هى اللي جعلتها حلوة
وارجو التوفيق لحضرتك يا دكتور محمود
وف انتظار الجزء التانى
وأأمل اعرف عن شخصية مازن اكتر

[فاطمة محمود]

القصة جميلة جدا كنت أتمنى ألا تنتهى بسرعة .. الكاتب أسلوبه بسيط مزج بين الاثارة و السخرية و لم يخرجك من الواقع.. أنا شخصيا تخيلت القصة تحدث أمامى.. أكثر ما أعجبنى تلك التساؤلات التى أثارها الكاتب فى آخر القصة تجعلك تفكر ما الذى سيحدث فيما بعد ؟ هل صحيح أن القاتل هو القاتل كما ظن الجميع ؟ أمر واحد فقط كنت أرجوه من الكاتب أن يدخلنا أكثر فى عالم " مازن " لنرى ما الذى يفكر فيه و كيف يرى من حوله .

[safaa abosamra]

تجربتي الاولي لك ولكن تكون الاخيرة
كقصة مشوقة وفيها غموض ونهاية مرضية الي حد ما وما اعجبني حقا روح الكاتب حفيف الظل
ما لم يعحبني طريقة السرد هي فصحي يتخللها بعض الكلمات العامية
إما السرد بالفصحي والحوار بالعامية أو كلاهما معا أما هذا المزيج لم يعجبني اطلاقا ،حتي الفصحي ثقيلة ،
الخلاصة يوجد سلبيَّة وحيدة في هذة الراوية ألا وهي اللغة
في انتظار الحزء التاني
موفق☺

[Osama Yosre]

انتهيت من روايه حالة توحد- محمود أمين
الغلاف رائع وجذاب
الروايه بوليسيه - اجتماعية
الحدوته حلوه و عجبنى الاسلوب وطريقة السرد النهاية كانت جيدة ومش شايف داعى لجزء تانى
وعيب الروايه وقلة الحديث عن شخصية مازن نفسه والدخول الى عالمه اللى هو المفروض قايمه عليه الروايه

[Menna Sharkawy]

روايه حلوه جدا وفكرتها جميله حسيتها خلصت منى بسرعه اوى
الواحد دخل جوه الروايه جدا لدرجه انى كنت بقرأ الحاجه مرتين عشان افهمها مين اللى قتل
بجد تحفه ^_^

[Basant Kamal]

الفكرة حلوة قوي وان كان هناك بعض الاخطاء اللغوية
النهاية كانت غير متوقعة ومفاجأة

[Simo Kashkoul]

مرحة وصغيرة
بسيطة وتجسيد الشخصيات ووصفها جيد وملائم ^^

تحكي عن مرض التوحد لكن ليس كما يجب _حسب رأيي_
وهي عبارة عن جريمة واثناء الاحداث يبحث عن المجرم ^^

[Sameh Ismail]

رواية جميلة جدا احدثها سريعة جدآ مم يجعل لا وجود للملل اسنأ قراءة هذا الابداع. محمد امين شكراً على هذه المتعة. القاتل غير متوقع. خالتنى أشك فى كله من دمنهم القاتل الحقيقي.

[Neven Mohamed]

كتاب جيد شدتني احداثه لم اتركه حتي أنهيته ولكن الطبعة و الورق سئ

[Nada Abd el sattar]

الرواية حلوة جدا و مشوقة .. بس اسلوب انه جزء عامية و جزء فصحى لغبطنى .... المفاجأة كانت فى الاخر فعلا بس اجملا الرواية حلوة جدا و ياريت اشوفها فيلم قريب ان شاء الله

[Muhammed Hamied]

still waiting to read

[shaimaa El-Essway]

يعني هي المفروض روايه رعب او خيال ليه الجزء الساخر اللي في النص

[Go Yaso]

ريڤيو رواية "حالة توحد":

الرواية بتتكلم بإيجاز عن: جريمة قتل الشاهد الوحيد اللي عليها هو طفل مُصاب بالتوحد.

انا هقول الإيجابيات والسلبيات اللي في الرواية بكل صدق:

أولًا الإيجابيات:

• اللغة بسيطة وسلسة وأي حد ممكن يفهمها وأنا شخصيًّا بحب اللغة تكون قوية وفيها إستعارات وتشبيهات قوية بس عجبتني في الرواية اللغة دي، فهدي نقطة زي دي 4/5.

• الأسلوب ممتع وسلس ويخليك قاعد مستني ايه اللي هيحصل؟ ولو عندك Reading block او Reading slump، فالرواية دي تنفعلك جدا، فهدي نقطة زي دي 5/5.

• البُعد النفسي اللي في الرواية أسرني بمعنى الكلمة، خلاني أقعد أحلل الدوافع واعرف ليه عملوا كدا؟ والكاتب جسِّد حالة التوحد في الطفل مازن بشكل ممتاز وعبقري، فهدي حاجة زي دي 5/5.

• العلاقة بين كرم الضابط ومراته وعياله حبيتها أوي مع إن ساعات بحسه شخصية باردة شوية بس حبيت طريقة تعامله مع المشاكل وطريقة تربيته لولاده، فهدي حاجة 4.5/5

ثانيًّا السلبيات:

• ساعات بلاقي إن الكاتب بيكتب مصطلحات عامية بيحولها لفصحى، بالنسبالي لو عمل كل الحوارات بالعامية هتكون أحسن بكتير وهتودي الرواية في حتة تانية خالص، فهدي نقطة زي دي 1.5/5.

• البلوت تويست متوقعة وانا الصراحة كنت مستني إني اتفاجأ بالبلوت تويست أو صدمة بس ملقيتش دا، فممكن أدي حاجة زي دي 0.5/5

• في بعض الأساليب اللي زي "إحم" في الحوارات حاطيتها حسيتها وحشة جدا اللي هو قبل متكتب الحوار قول: "فتنحنح قائلًا.. الخ" فممكن ادي حاجة زي دي 2/5

الرواية ككل حلوة جدًا بس النقط السلبية لو اتعدلت هتودي الرواية فحتة تانية خالص، التقيم العام بتاعها هو 3.22/5