إسود وردي

by مصطفى ذكري

خالد: في العادة دايمًا باغلط في البداية.. وبعدين باصلَّح
الغلط بعد وقت قُليِّل.. أنا بأكدلِك.. بعد وقت قُليِّل..
بيقولوا عني إني راجل بدايات عظيم.. آه بدايات بس..
بس برضه المرَّة ديه أنا عازم وناوي أكمِّل للنهاية..
أقصد بالنهاية النهاية بس.. غريبة مفيش حد يسمع
كلمة النهاية إلا ويعتبرها نهاية.. لازم الواحد يستخدم
كلمة تانية.

«ذكري مثله مثل كل كاتب كبير؛ مقاوم للتصنيف... إن عبقرية ذكري ناتجة إلى حد كبير من الرغبة في إيجاد ذلك التلاقي المثالي بين اللغة وما ينتمي إلى عالم التجربة الحسية، لذلك فهي تنتج إبداعًا فرديًّا خاصًّا متفردًا... لدي ذكري وعي عميق بالإنسان، وبالعالم الحقيقي بعد نزع العابر والمؤقت والمزيف عنه»
القدس العربي

«الرواية لدى مصطفى ذكري تقوم على بنية ذهنية... وفي أعماله حس المغامرة والتجريد اللغوي وإزاحة التقنيات التقليدية للكتابة»
الشرق الأوسط

«بعيدًا عن تقويض مصداقية كتاباته، ربما يكون هذا التناقض تحديدًا: الإنتاجية السلبية، والرفض الحتمي لأية إمكانية للاعتراف الجماهيري أو «النجاح»، هو ما يجعل ذكري - مع أخذ كل الأمور في الاعتبار - واحدًا من أهم كتاب العربية الآن»
الأهرام ويكلي

269 pages, Paperback

First published June 18, 2014

About the author

مواليد 31 / 12/ 1966

تخرج من المعهد العالي للسينما 1992 شعبة سيناريو

كتب فيلم "عفاريت الأسفلت" 95 96 ونال الفيلم بعض الجوائز منها جائزة السيناريو في مهرجان الفيلم الأفريقي بجوهانسبرج

كتب قصص "تدريبات على الجملة الاعتراضية" وظهر الكتاب في المجلس الأعلى للثقافة 95

كتب رواية "هراء متاهة قوطية" دار شرقيات 97

كتب رواية "الخوف يأكل الروح" دار شرقيات 98

كتب فيلم "جنة الشياطين" 1999 ونال الفيلم بعض الجوائز ومنها جائزة السيناريو بمهرجان الإسكندرية 99

كتب رواية "لمسة من عالم غريب" دار شرقيات 2000 ونالت الرواية جائزة الدولة التشجيعية 2004

كتب قصص " مرآة 202" دار ميريت 2003

كتب رواية "الرسائل" دار ميريت 2006

كتب يومياته " على اطراف الأصابع" دار العين 2009

نشر مجموعة من رواياته السابقة في مجلد واحد، بعنوان "ما يعرفه أمين وخمس روايات أخرى" دار التنوير 2012

Reviews

[رضوى أحمد عيد · Rating 1 out of 5]

ما هذا الهراء؟؟؟ إيه ده بجد!! كمية تفاصيل رهييييبة جابتلي ضيق في التنفس والحوار بين الشخصيات مش مفهوم ومعرفش إيه حوار الشنطة والكتاب فيه إيه عشان هيتجننوا عليه وإيه النهاية الغريبة دي 😒 رواية ملهاش لازمة وتضييع وقت ع الفاضي والنجمة خسارة فيها كمان 😎

[علي · Rating 3 out of 5]

رواية تجريبية مضطربة
ساعات كتير يبقى نفسك تكتب.. تكتب لمجرد الكتابة مش أكتر.. مفيش في بالك حدث معين أو رابط معين.. تفضل تخلي الأحداث ماشيه كده لحد ما تكتشف أنك لازم تنهي في لحظة ما.. برضه تنهي لمجرد أنك تخلص كتابة.. المهم في الآخر بتقوم مبسوط باللي كتبته
ده اللي خطر في بالي بمجرد ما خلصت الرواية.. أنا قريت قبل كده لذكري وكانت تجربة كويسه ووثقت في كتاباته.. ليه المرة دي مش زي اللي فاتت
فكرت شوية وخرجت بنتيجة واحدة إن ذكري كان أناني جدا في روايته دي وخرج مستمع بالتجربة بغض النظر عن رأي القاريء
ذكري قالها على لسان خالد في أول الرواية واحنا مخدناش بالنا.. وكانت الرواية قوية في بدايتها وذكري قرر أن يكمل للنهاية.. بس النهاية اللي تريحه وتخرجه كسبان من لعبة الكتابة
التلات نجوم للبداية القوية ولاسم مصطفى ذكري
صحيح قريت أن الرواية هتتعمل فيلم واعتقد أنها هتكون أشبه بأفلام الميهي التجريبية

[Ranya]

I don't know what to say about this book, I have read it all, and I was very curious to know the end, but then I reached the end and I still do not know what is the story really about.

People are killed in the middle with no good reason, weird actions from weird characters.
But the writer managed to force me to finish the book although i really do not understand what the story is :), for that reason I am not going to rate the book.

[Hana Reviews · Rating 1 out of 5]

رواية عبارة عن تضييع وقت وغريبة ومربكة حسيتها أقرب لهلوسة نفسية بس مقدرتش أكملها برضو لإن السرد تقيل ومفيش حاجه شداني اقرأ كمان صفحة حتى
اديتها نجمة عشان مفيش أقل من كده

[Noha · Rating 4 out of 5]

عجبني غير انها غير متوقعة في كل صفحة.. بس كمان اللي مكتوب على ضهرها ان مصطفى ذكري بيكتب حلو وعارف انه بيكتب حلو عشان كده مش حيبقى مشهور! :)

[Mohamed Sherif · Rating 1 out of 5]

وصلت لصفحة 50 وتعبت الصراحة، مش عارف ايه اللي بيحصل ومين بيكلم مين والسرد مش سلس تحس في مطبات كتير وأرجع أقرا تاني مفهمش برضو، مش عارف المشكلة عندي ولا ايه بس مش هقدر أكملها، أنا بحب أفلام مصطفى ذكري جداً بس لحد دلوقتي مش قادر أحب كتاباته الأدبية.

[Doaa Ragab · Rating 2 out of 5]

في نص الرواية تقريبا، كنت بدأت أفهم شبكة العلاقات نوعا ما، وتحمست عشان أخيرا هبدأ أفهم الحكاية نفسها، لكن الرواية خلصت ومافهمتش حاجة! إيه الكلفتة دي يا أستاذ مصطفى؟
لكن مع ذلك الحوار في الرواية جميل.

[Allaa Elabd · Rating 1 out of 5]

لم استطع تكملة هذه الرواية، لا افهم المغزي منها و لم افهم الشخصيات و لا افهم اسلوب السرد ولا لغه الحوار!
حتي لا تستحق النجمة الواحده

[Yasser Yahia · Rating 2 out of 5]

سرد رائع باسلوب مشوق لاحداث درامية ... المشكلة الرئيسية هي انك دائما في منتصف القصة لا تدري متى بدأت الدراما او حتى لما بدأت ودائما ينقصك الكثير من المعلومات متوقعاً انك ستعلم كل شئ بالنهاية ... ولكنه رجل بدايات فقط!

النجمتان للتشويق والاسلوب :)

[Belal Hosni · Rating 4 out of 5]

ممتع .. ذهني وحسي في آن واحد، لا يكسر السرد التقليدي قد ما تحس أنك بتفتح معاه درج غير منظم خالص لشخص منظم جدا ، كالعادة مصطفى ذكري لا يعدك بشئ، يكتب لنفسه أولاً وأخيراً.