Armelo

by Þórdís Helgadóttir, Nanna Kalkar (Translator)

Elfurs liv står stille, og sådan kan hun godt lide det. Hun holder af sofaens trygge varme og af at scrolle sociale medier og lytte til podcasts. Så da hendes mand Birgir foreslår et road trip ned gennem Europa, er hun ikke begejstret. Elfur bryder sig hverken om turister eller om selv at være turist, men snart er hun og Birgir på vej ned gennem et hedebølgeramt kontinent.

Birgir har arrangeret noget arbejde på turen i forbindelse med det medical startup, hvor han arbejder, så under ferien forsvinder han i længere perioder uden at give nogen forklaring. Oftere og oftere er han væk, og da de når den søvnige landsby Armelo, er deres ægteskabelige problemer kommet helt op til overfladen. Da Birgir pludselig er blevet helt og aldeles væk og ikke vender tilbage, går Elfur ikke i panik; hun bliver rasende. Midt i raseriet åbner hun Birgirs efterladte kuffert. Kufferten er fyldt til randen med penge.

438 pages, Paperback

First published October 19, 2023

About the author

Thordis Helgadottir is an Icelandic author.

Her work has been nominated for the Nordic Council Literature Prize, the Icelandic Literature Prize, The Icelandic Women's Literature Prize, Maístjarnan – The Icelandic Poetry Prize and won The Jón úr Vör Poetry Prize. She was the 2019-20 Resident Playwright at The Reykjavík City Theatre.

She is a member of the writers' collective Impostor Poets.

Reviews

[Karl Hallbjörnsson · Rating 4 out of 5]

Armeló er frábær lestur. Hún hélt mér við efnið frá upphafi til enda, og var spennandi, falleg, dularfull og hnyttin allt í senn. Það er keimur af Murakami framan af, en meiri David Lynch í lokin að mér fannst, og sér í lagi fannst mér endirinn bera þess merki. Manni er stöðugt haldið á tánum við lesturinn vegna þess að áreiðanleiki sögumannsins er alltaf tvíræður; það er aldrei verið að gefa þér alveg alla söguna, og ekki bara því það hentar höfundinum, heldur vegna þess að þannig eru karakterarnir raunverulega, tvíræðir, flóknir og margvíðir.

Engu að síður er eitt og annað sem ég hef við söguna að athuga. Til að mynda átti ég stundum erfitt með að kaupa það að frásögnin, talandi Elfar sjálfrar, væri raunverulega frá henni komin, miðað við það hversu (vísvitandi) tvívíð, máttlaus og dofin hún er við upphaf arcsins síns. Hún er einfaldlega stundum of hnyttin og athugul miðað við gufulegu myndina sem er oftast máluð upp af henni, að mínu mati. Þar fannst mér stundum sem ég sæi glytta í höfundinn. Aftur á móti fannst mér persónuarcið gott, verðskuldað og fullnægjandi – sem kórónast þegar við fáum dass af Everything, Everywhere, All at Once þarna í lokarússíbananum.

Þess að auki fannst mér sem Armeló (staðurinn/staðleysan) væri dálítið vannýtt auðlind í sögunni. Við upphaf frásagnarinnar fylltist ég eftirvæntingu og dulúð frammi fyrir undarlegum, kaldranalegum bæjarbúum í merkilega ómerkilegum bænum – mér fannst eins og það hlyti að vera eitthvað meira þarna undir yfirborðinu. En svo er leið á söguna féll Armeló (að mér fannst) um of í bakgrunn frásagnarinnar – ég fékk ekki payoffið sem ég hafði væntingar um. Kannski voru væntingarnar óréttmætar, en í ljósi þess að Armeló er titill verksins bjóst ég við því að hlutverk bæjarins yrði veigameira.

Mér fannst persónurnar flestar ef ekki allar frábærar. Í sérstöku uppáhaldi hjá mér voru Jökull ("Fuck around and find out" var ein fyndnasta lína bókarinnar), Bella & Ruby, samstarfskonur Elfar í ritfangaversluninni... af nógu er að taka. Þá þótti mér sömuleiðis afar vel gert hvernig hver og einn karakter er skrifaður sem næstum "overdetermined" af sjónarhorni Elfar framan af þar til hún öðlast yfirnáttúrulega hæfileikann (lesist: þroskann) til þess að raunverulega setja sig í spor annarra; Elfur verður þar með e.k. írónískur, kierkegaardískur valtari, "The Great Leveler", sem leggur allt að jöfnu undir þunglyndislegu samsemdarlögmáli sem er svo hrokafullt að það jaðrar á við að vera ofbeldi. Þetta fannst mér virkilega gott eins og ég segi.

Það er margt fleira sem ég gæti talað um – en ég ætla að láta þetta gott heita í bili. Kannski er þetta efni í dýpri bókmenntarýni á Sýsifúss-vefnum. Allt í allt – mjög flott verk sem ég myndi hiklaust mæla með.

[Rebekka Stefánsdóttir · Rating 5 out of 5]

Já já já! Meira svona! Sturluð, fersk, hélt mér límdri við lesturinn. Ég vil ekki fara frá Armeló.

[Ástrós Hind · Rating 4 out of 5]

Brakandi fersk! Skemmtileg tilviljun að ég er nýbúin að lesa Milk Fed eftir Melissu Broder þar sem golemið spilar líka lykilhlutverk.

[Hilmar Hildar Magnúsarson]

Flott og óvænt plott og framvinda sem megnar að halda manni spenntum. Svona oftast. Sagan líður helst fyrir lengdina og það að hún fer svolítið út af sporinu og verður pínu langdregin á köflum. Frábær persónusköpun annars með grátbroslegum og jafnvel brjóstumkennanlegum karakterum, stundum kannski ívið miklum erkitýpum, en sem maður tengdi vel við og náðu að byggja upp sannfærandi valdahlutföll og samskiptamynstur. Hnitmiðuð og beitt gagnrýni á stjórnlausa efnishyggju og ofbeldi tækifærismennskunnar.

[Þorvaldur Sigurbjörn Helgason]

Virkilega flott skáldsaga eftir einn af okkar frumlegustu höfundum. Armeló er í senn krefjandi, spennandi, frústrerandi og marglaga. Bók sem er virkilega hægt að pæla í og velta fyrir sér fram og til baka. Eftir lesturinn er ég líka sannfærður um að eitt af því óhugnanlegasta og einmanalegasta sem hægt er að upplifa hlýtur að vera að festast í langtímasambandi með manneskju sem þú þekkir ekki í raun og veru og deilir engu með.

[Jóna · Rating 4 out of 5]

Sannarlega óvænt skemmtileg lesning sem lofaði ekkert sérstaklega góðu í upphafi en tókst síðan smám saman betur á loft uns hún flaug. Ég naut margra tíma og persóna í senn, víddar sem er óskilgreinanleg. Er reyndar ekki alveg viss um hvernig hún endar! Mæli með að anda vel í síðari hlutann, lesa hægt og rólega. Gef 4* núna en á allt eins von á að sú 5. bætist við eftir endurlestur þar sem velt verður vöngum yfir því hver er hver og hvar "Ég var einhver annar. En ekki bara einhver."(317)

[Nína · Rating 4 out of 5]

4 stjörnur! Mjög góð, mjög öðruvísi - vissi ekkert hver bókin var að fara með mig og endirinn????? Fletti bls 3x fram og til baka til að double tékka hvort það væri ekki eitthvað meira en alas no more text. Langt síðan ég las bók eftir ísl höfund og á ísl þannig það var gaman og góð tilbreyting. Fannst eitthvað svo fallegt í lok bókarinnar þegar maður fékk aðeins að komast inn í hugarheim þeirra beggja með meiri vitneskju og hvað það var samt mikil hlýja þeirra á milli. Og mig langar að ganga Jakobsveginn eða Dolomites (eða bara Laugaveginn í sumar) aðeins að eyða meiri tíma með náttúrunni og utan veraldlegra muna. Takk kærlega Elín fyrir the recomendation it was a v good read!

[Assa Borg Snævarr Þórðardóttir · Rating 4 out of 5]

Þessi bók er rússíbani. Persónusköpunin er upp á 10, bókin er vissulega löng en ekki langdregin og ekkert er fyrirsjáanlegt

[Birna Kolbeinsdottir · Rating 3 out of 5]

Hmm, var alveg spennandi mestmegis allan tímann, samt svooo margt tilgangslaust og svo hæg á pörtum sem mer finnst ekki skemmtilegt og sorry en fýlaði ekki plottið. 😣😐 svo fannst mér aðal karakterinn frekar óþolandi og a disgrace to that beautiful name🙄

[Jóhannes Ólafsson]

Úthugsuð frásögn sem teymir lesanda í ótrúlegustu áttir en rígheldur þó í tauminn. Spennan er fólgin í flóknu sambandi okkar sítengdu tvöföldu sjálfa við offline Veruleikann. Sjálf sem þarf stöðugt að örfa með æsifrásögnum og stórum tilfinningum til þess eins að við bregðumst við. Mannshvarfið í upphafi Armeló er eins og lifandi fréttaflutningur af óhugnanlegum tíðindum sem leiða lesanda eitthvert annað, stundum hvergi en þó aðallega innávið þar sem stærstu spurningar tilverunnar kvikna. Þetta er spennu-, ferða- og glæpasaga eins og ef Kafka eða Saramago eða skyldur höfundur sé á flandri milli blaðsíða að leiða skattborgara athyglishagkerfisins í ógöngur, að minnsta kosti stríða þeim hressilega!

[Elinóra Guðmundsdóttir · Rating 5 out of 5]

Mikið var ég hrifin!!!!! Það má vera að ég hafi verið svelt af úthugsuðum persónum og fallegum setningum í cliterature svallinu sem ég er búin að vera í síðustu mánuði, en það gildir einu. Þessi bók fær mín allra bestu meðmæli.

[Svava Ólafsdóttir · Rating 4 out of 5]

Áhugaverð persónusköpun í þessari bók. Elfur sérstaklega. Gaman hvernig hún virtist skipta um persónuleika á einum tímapunkti og kynhneigð. Ég tengdi við margt í sögunni, sérstaklega okkur ferðamennina sem erum öll eins í grunninn. Hvernig sem við lítum út. Mæli með að hlusta á höfundinn lesa úr verki sínu á Storytel.

[Anna Þórhildur · Rating 5 out of 5]

Það góð að ég skilaði henni hálfkláraðri á bókasafnið á Strandgötu, fór í Eymundsson og keypti eintak. Mæli með!

[Saeunn93 · Rating 5 out of 5]

Besta íslenska bókin sem ég las á árinu 2023. Ótrúleg saga og personusköpun og stöðugt eitthvað óvænt handan við hornið. Mjög spennt að kynnast þessum höfundi betur!

[Thorunn · Rating 5 out of 5]

Virkilega skemmtileg bók. Hún hélt mér við efnið frá upphafi til enda og var spennandi, falleg, óþægileg og fyndin allt í senn. Og líka skrítin, margt sem ég tengdi alls ekki við en samt aldrei leiðinleg. Bók sem er hægt að hugsa um og pæla í – held að maður gleymi henni ekki svo glatt.

Nokkrir fulllangir kaflar í miðhlutanum. Og svo er sagan ögn ruglingsleg undir lokin, í neyðarútgangs kaflanum, flakkað aðeins of oft milli manna og staða jafnvel í sama kaflanum.

En í heildina er þetta gagnrýni á efnishyggju, siðblindu og græðgi. Allir eru meira og minna að þykjast vera aðrir en þeir eru í raun og veru. Elfur er að reyna að finna sig og átta sig á hlutunum en það gengur misvel. Hún lítur yfirleitt þannig á að útlitið og yfirbragðið sé það eina sem skipti máli og hvernig maður lítur út í augum annarra.

Persónurnar voru margar og flestar vel gerðar þó sumar þeirra væru erkitýpur. Og endirinn er magnaður.

Það má segja að þetta sé allt í senn ferðasaga, ástarsaga, glæpasaga, þroskasaga og heimspekileg pæling.

Mæli með.

[Brynhildur Þórarinsdóttir · Rating 4 out of 5]

Þessi var rosaleg. Las hana um jólin og skil ekkert í mér að hafa ekki nóterað hana hérna fyrr en nú. Þetta er bók sem að maður gleypir í sig og er einhvern vegin alls konar allan tímann; mjög meditatív á köflum þegar að aðalpersónan er á þessari löngu göngu sinni, djúp og umlykjandi í lýsingum sínum á mismunandi persónum og sýn þeirra á aðra og umheiminn, og meira að segja smá þriller. Hún skildi mig eftir í smá áfalli og sorg sem ég var ekki viðbúin við, og er það ekki góð einkunn að maður finni svona mikið fyrir bók? Æði.

[Hofi Jonsdottir · Rating 4 out of 5]

Þórdís er hörkupenni, Armeló rígheldur. Enginn er allur þar sem hann er séður og ekki er allt sem sýnist. Og svo verður margur líka af aurum api. Nöfn aðalsöguhetjanna eru engin tilviljun; Birgir þýðir áreiðanlegur og Elfur áin sem allt fram streymir endalaust, síbreytileg. Frábær bók. Ég mun fylgjast spennt með Þórdísi Helgadóttur í framtíðinni.

Ef einhver lesandi getur skýrt fyrir mér hvernig Kafka breytist í Angelu Merkel má sá hinn sami endilega kommenta hér.

[Ragnheiður Lárusdóttir · Rating 5 out of 5]

Merkileg saga um baráttu konu við að reyna að kynnast sjálfri sér í heimi sem er stjórnað af körlum, þar sem hún passar hvergi inn. Þegar hún loks finnur styrk sinn og farveg er hún komin á hættulega braut

[Eva Ýr · Rating 4 out of 5]

Góð karaktersköpun! Tempóið svolítið breytilegt í gegnum bókina, sumir partar hefðu getað verið styttri

[Sara Hlín · Rating 5 out of 5]

5 stjörnur fá þær bækur sem mig langar að lesa aftur og þessi fer í þangað. Ótrúlega skemmtilega skrifuð og söguþráðurinn fjölbreyttur - í raun er bókin eins og nokkrar sögur. Dettur aðeins í að vera súrrealísk eða yfirnáttúruleg í lokin en helst þó innan minna marka. Þetta er í raun ferðasaga Elfar, aðalsögupersónunnar sem lendir í ákveðnu áfalli og vinnur sig á áhugaverðan og um leið sérstakan hátt í gegnum það. Hún hefur sínar ástæður sem síðar koma í ljós. Í bókinni koma fram margar tilvísanir í hitt og þetta og eflaust fara þær margar framhjá manni nema þú leyfir þér þeim mun meira að smjatta á sögunni. Eins er bókin svo spennandi á köflum að manni hættir til að fara að lesa of hratt sem ég mæli alls ekki með. Frábær bók sem skilur eftir sig skemmtilega tilfinningu.

[katrín lea · Rating 4 out of 5]

ég hámaði í mig seinustu 200 blaðsíðurnar án þess að taka pásu og án þess að taka virkilega eftir því hvað tímanum leið. vel skrifuð og spennandi, var oft mjög confused en á góðan hátt? situr alveg í mér en þarf að melta hana aðeins lengur held ég. góðar línur úr henni, t.d. „æðruleysi og uppgjöf eru eineggja tvíburar,“ „það var eins og ég væri full af óunnu hráefni sem ég þyrfti að vinna úr og melta áður en ég gæti bundið enda á þennan dag.“ „ég hafði hreinsað úr þeim (augunum) kunnugleikann eins og stírur og nú sáu þau veruleikann eins og hann var“ flott bók!

[Nu Do · Rating 2 out of 5]

The pace of the story is too slow. The first 2 chapters are interesting. The rest are awfully slow and boring. You can skip many chapters without missing out on anything or you may as well read 2 sentences on each page and those were enough to get the context. This feel as if you're writing an essay and trying to reach the minimum required word count. The character's development is also bad and most of them are cringe.

[Ásta Melitta · Rating 3 out of 5]

Elfur og Birgir eru á ferðalagi um Evrópu þegar hann hverfur í smábænum Armeló og Elfur stendur eftir án farangurs og vegabréfs. Eftir nokkurra daga bið gengur Elfur af stað eftir vinsælli gönguleið í gegnum skóginn.
Ég skildi ekki alltaf af hverju Elfur hagaði sér eins og hún gerði og fannst stundum erfitt að halda með henni. Hún er óörugg í eigin skinni og Birgir virðist líka hafa verið það og þau í raun þekkt hvort annað illa þrátt fyrir að vera gift í nokkur ár. Þetta er sérstök saga en mér leiddist ekki að lesa hana.

[Adda Steina · Rating 5 out of 5]

👏👏 🙌🙌 👏👏

[María Einarsdóttir · Rating 4 out of 5]

Frábær!! Gæti held ég lesið hlutann þar sem hún er á göngunni aftur og aftur, hann dregur mann svo inn! Elfur er svo vel skrifuð persóna og núanseruð, og plottið er meira að segja spennandi??

[Sindri · Rating 4 out of 5]

Mjög góð og marglaga. Vel þess virði að lesa

[Sigrún Þorbergsdóttir · Rating 1 out of 5]

Ein undarlegasta bók sem ég hef lesið lengi. Ég beið eftir að henni lyki. Þvílíkt hugmyndaflug sem höfundurinn hefur. Get ekki mælt með.

[Anna Rós · Rating 5 out of 5]

kokgleypti þessa í mig og var óglatt á meðan.. five stars

[Arína Vala · Rating 5 out of 5]

er enn að melta þessa en ég held að hún hafi mögulega haft meiri áhrif á mig en ég geri mér grein fyrir núna

[Unnur Lárusdóttir · Rating 3 out of 5]

Hver kemst passalaus í gegnum gististaði í Evrópu? Karakterinn Elfur er eins og á, líður um og kveikir ekkert á perunni. Margt áhugavert, en langdregið. Fyrri hlutinn betur upp byggður en sá seinni.