القربان

by مروى جوهر

في الثالثةِ فجرًا أظهر تسجيل الكامِيرا الطفلةَ “راحيل” نائمة وإلى جوارها طيف أسود.. تستيقظ وتجلس فى فراشها تتحدث إليه بلغة غريبة، ثم يختفِي الطيف وتقوم “راحيل” من مكانِها وتنظر إلى الحائط! ثم تغنِي بنفس اللغةِ الغريبةِ لحنا مقبضا ومخيفًا.. وتشهَقُ صارخةً.. بعدَها تتجمّد لدقيقة ثم تعود للنومِ من جديد.

طفلةٌ بريئةٌ لا يتجاوز عمرها تسع سنواتٍ، تسيطر عليها روحٌ شريرةٌ، تُطالِبُ بحقِّها في القُربانِ.

معاهدة مدنسةٌ مع العالم السفلي يجبُ دفعهَا وإلّا لقِي الجميع مصيرًا مرعبًا.

كيفَ يمكن إنقاذُ الطفلة المسكينة رغم خيانة أقربِ الناسِ إليهَا؟

بينَ الصِّراعِ مع القوَى الخفية، وخيانة أقربِ الأقربين، يصبح إنقاذ “راحيل” أمرًا يتطلب أكثر من مجردِ شجاعةٍ أو تضحيةٍ بديلةٍ.. فهل تستطيعُ الخالةُ “مورين” السيطرةَ على بوابة الشر الشيطانية قبل أن تفقد “راحيل” إلى الأبدِ؟


كعادةِ الكاتِبةِ “مروَى جُوهـر” تَنسُجُ لنا حبكةً سينمائيةً مليئةً بالغموضِ والرُّعبِ النفسيِّ والماديِّ، والتي تعكسُ لنا حكايةً متشابكة؛ الكلُّ فيها موضِع شكٍّ، والكلُّ لديه أطماعٌ تجلِبُ الأذَى على الجميعِ.. وفي خِضمِّ كلِّ شيءٍ تظهرُ بسالةُ بعض الشخصياتِ المحوريةِ التي تُضفِي جانبًا من الِّدراما والرومانسيةِ على حكايةٍ لَا تتكرّرُ كثيرًا في عالمِنا.

Genres: Horror

208 pages, Paperback

First published January 1, 2025

About the author

كاتبة وروائية مصرية، عمِلت كمضيفة طيران لسنوات طويلة، كتبت فى جريدة "الدستور" ومجلة "عين"، وتكتب بشكل دائم فى عدة مواقع إلكترونية، درست الإخراج السينمائي بقصر السينما بالقاهرة، وشاركت فى العديد من الأفلام القصيرة والوثائقية، صدر لها كتاب بعنوان "هات م الآخر" عام 2013، وكتاب بعنوان "المضيفة 13" عام 2015، صدر لها رواية "يحدث ليلًا فى الغرفة المغلقة" عام 2018 والتي تصدرت قوائم الكتب الأكثر مبيعًا لسنوات في روايات الرعب والتشويق، كما صدر لها رواية "منزل التعويذة" عام 2019، ورواية "النوم الأسود" عام 2020، ورواية "عمارة آل داوود" عام 2021. و رواية "نبوءة قصر السلطان" عام 2023 و رواية "سرداب قصر البارون" عام 2024، و رواية "القربان" عام 2025، و رواية "أبناء الليل" عام 2026.

Reviews

[محمد خالد شريف · Rating 1 out of 5]

"إن شعور الفقد يُشبه الضغط على جُرح ينزف، يتغلغل بداخلي يوماً بعد يوم، ليجعلني أشعر بغصة دائمة، وكأنني أقف على حافة الحياة وأنظر برؤية مشوشة إلى المجهول، فلا شيء يستحق الفضول بعد رحيل الأحبة، ومع ذلك لا بد أن أستكمل طريقي وسط الضباب، إنها سُنة الحياة."

التجربة الثالثة لي مع "مروى جوهر" بعد تجربتين سابقتين جيدتين، ونظراً لبعد الفترة الزمنية بين العملين وأن هذا العمل هو الأحدث لها، ظننت أنني على موعد مع تطور في كل شيء، الأسلوب والقصة والحبكة، ولكن للأسف أدعي أن العمل الأحدث هو الأقل في كل شيء، فالقصة مُستهلكة مراراً وتكراراً، ولم أجد زاوية واحدة طازجة، فهذا على الأقل ما تنتظره من رواية رعب، الشخصيات غريبة تماماً، تم تناول معظمهم بشكل سطحي، حتى بطلة الرواية لم أستطع التعاطف معها، وأما الحبكة فهي أسوأ السيئين، لا محبوكة بشكل جيد، ولم تكن غامضة كما هو متوقع، بل كانت واضحة لدرجة أنني استبعدت هذا الاحتمال، ظنًا مني أن الرواية لن تكون بهذه السذاجة! وقد كان، نهاية مُتعجلة تماماً، كما هو حال الرواية عموماً، وكأنه واجب قومي علينا أن نكتب رواية كل عام، وإذا كان هذا هو الحال، فلماذا لا نُعطي اهتماماً أكبر بالرواية؟

ختاماً..
عمل انتظرت منه الكثير، وخاب أملي كثيراً مع توالي الصفحات، وعلى الأخص عند النهاية، التي بالطبع كأي رواية رعب رديئة تعدك بجزء ثان بنفس المستوى! وكأنه لم يكن كافياً العبث بهذه الرواية.

[Ali Omar · Rating 2 out of 5]

اولا وصدقا الاسماء معجبتنيش ( مورين & راحيل & هاشم & سما & باسل & همسه & اياد & عارف )
فى واحد ابن تربي اسمه عارف
ثانيا الروايه ملهاش طعم
الصراحه رعب ماسخ كدا لا قصه ولا طريقه تحكي بيها الروايه او الحبكه اصلا فين
اصل فى الاخر جالها خاطر ان ابوها مش عايزهم فقرا فعمل عقد مع الشيطان
وبعدين انسحب فيظهر
همسه واياد علشان يعملوا عقد جديد بس بشروط الانتقام من عائله هاشم
والسرسجي خاف من الظابط هاشم عند المغاره ومجريش لا لما انا قاله انا ظابط خاف كدا وكش فى نفسه قاله اامر ياباشا المغاره هناك بس مش هقرب
ولما جثه ابوها البوليس لاقها قريب من المغاره مش المفروض اصلا بيدور فى محيط المكان ويشوف الدنيا
وهى اصلا مورين دى بيجلها رؤي زى سيلمان كدا
سيلمان دا دكتور مشرحه بيظهر له رؤي
شكلها كدا بقت شرط مادام دكتور ومشرحه لازم يشوف حاجات هو كمان
واياد البضان ازاى يعني بكلمتين من الظابط قال كل اللى حصل ازاى مش فاهم
بنظره بس من هاشم بقا يحكي وهمسه تقوله يا غبي هتفضحنا
المشكله ان دى ٣ تجربه مع مروى وللاسف مليش حظ معاها محبتش اى تجربه

[Ali Alkhuzai · Rating 2 out of 5]

الطفلة راحيل وخالتها مورين بطلتا الرواية احداهما متلبسه بالشياطين والأخرى تحاول الإنقاذ وكل العائلة تصاب بالأذى ، أب مورين كان محاميا مشهورا وبعدها يعتزل المحاماة وامها سيدة منزل ، ولكن تنكشف الأحداث بين خطيب مورين ومساعدته في العمل ، والمحامي الذي يساعد الجميع والذي كان ضابط شرطة ومن قبل نهاية القصة تجده مرة أخرى يحقق كضابط شرطه وليس محاميا ، الأحداث تسير سراعا بما يتخللها من مواقف تثير الرعب وتزيد من حدة الموقف بأكتشافهم مغارة فيها أمور ليست في الحسبان.
التخطيط والمؤامرة ماهي الا انتقام من سحرة ومشعودين ومن يبتغي الثراء عاجلا حتى لو ارتكب الجرائم التي يندى لها الجبين.
كيف يتم انقاذ الطفلة وهل ستعيش العائلة في أمان ، لان الكاتبه المحت الى وجود متابعة للرواية.
ربما لا تصلح للصغار لما فيها من أمور وأحداث شيطانية مزعجة.

[رومولا الن emmajain-book · Rating 3 out of 5]

طفلة بريئة تسيطر عليها روح شريرة تطالب بحقها في القربان

كيف يمكن إنقاذ الطفلة المسكينة راحيل رغم خيانة أقرب الناس إليها

نتابع رحلة مورين خالة راحيل و عي تسعى لإنقاذها

رواية مكررة الموضوع لكنها كانت ممتعه و خفيفه

أنصح بها

[Luna · Rating 2 out of 5]

نجمتان كثير عليها

أتذكر أني كنت معجبة بكتابات الاستاذة مروة، لكن ما هذا؟ انه عمل رديء.

أولًا لم تعجبني الأسماء الغريبة أبدًا، أما السرد فهو ضعيف مرتبك، الشخصيات سطحية للغاية..

اما عن المضمون، الرعب طفولي وبارد، الاحداث متوقعة ومهروسة، اما الحبكة الضعيفة فلا اجدها اصلا، والنهاية متعجلة.

عمومًا لم تعجبني.

[Ramy · Rating 3 out of 5]

روية لطيفة ...انهيتها فى 3 ايام

مروى جوهر كل مدى تثبت انها كاتبة رعب متمرسة ... تجيد خلطة رواية رعب جيدة
الرعب هنا فى هذه الرواية عبارة عن نقرات خفيفة متباعدة من الرعب و الاثارة و التحفز حتى منتصف الرواية "اول 100 صفحة "
و يزداد الرعب و التحفز و الاثارة فى ال 100 صفحة التالية الى ان تصل الاحداث الى ذروتها ...

قراتها و اعطيتها ل أبني أحمد ليقرأها بعدي
اعطيها 3.5 / 5
و لعدم وجود انصاف نجوم الاقرب 3 / 5

الكتاب القادم : تشريح القلق

[Farida49_ · Rating 4 out of 5]

العنوان: القربان
الكاتب: مروى جوهر
عدد الصفحات: 208
دار النشر: دون للنشر والتوزيع
التقييم: ⭐️⭐️⭐️⭐️
تبدأ احداث الرواية ببطلتنا مورين، والامراة التي تهتم لكل أفراد عائلتها، الخالة اللطيفة للطفلة راحيل، تنقلب احداث الرواية فور فقدان العائلة لاهم افرادها، ووسط الحزن والم الفقد، تنكشف الأسرار لتفضح المستور، وتبدأ الاحداث الغير طبيعية والمرعبة في الحدوث، فجأة تظهر تصرفات مريبة على الطفلة راحيل، ووسط كل هذا تحدث احداث لم يتوقع أحد أنها ستحدث، ووسط جميع تلك الأسرار التي تُفضح، نكتشف ما لم نتوقعه.
تلك الرواية كانت أول قراءاتي لمروى جوهر، وقد كانت رائعة، وبالتاكيد ساقرا لها روايات أخرى مستقبلًا.

[Ma Ha · Rating 5 out of 5]

علاقة مدنسة اقامها الأب مع الشيطان علي أمل الربح السريع مقابل تقديم قربان لم يلتزم بتقديمه الأب فكانت الضحية الحفيدة اللي عمرها لم يتجاوز التسع سنوات، لكن للأسف معاهدة الشيطان ليست سهلة وعواقبها أسواء مما نتخيل
وهنا بتبداء أحداث الرواية لما تتلبس راحيل الطفلة بروح امرأة عجوز مش بس عشان تاذي البنت لاء الاذي هيطول الكل ابتداء من الجدة اللي هتموت وانتهاء بمحاولة الخالة مورين بدبح ابنة أختها راحيل ،، مسار من الاحداث مكتوب بشكل سلسل وشيق لابعد حد من اول سطر هتاخدك لعالم تاني عشان تكتشف جرعة من الرعب والصدمات لا نهائي مع كل خطوة بتغرق فيه يخليك تتاكد ان البعد عن الله ودينه ما هو الا مهانة ومزلة للانسان ..
الرواية حلوة اوووي بجد ومكتوبة حلووو جدااا وأعتقد إن النهاية بتقول في جزء تاني
الاقتباس ده عجبني جدا وحقيقي جدا👇
🍂إن فرضية الخطأ محتومة، ولكن الحمدالله أن التوبة والحكم والمصير له سبحانه، فلو كانت البشر معنية بالغفران لما نجا احد منا .🍂
الرواية دي فيها حدث كامل انا حرفيا عيشته بحزافيره وعيشته للمرة التانية جوا الرواية 💔
مروي عمرها ما فشلت انها تمتعني بقلمها

[Yossef Mohammed · Rating 4 out of 5]

خلصتها فى يوم ونص تقريبا
كانت تجربة لذيذه كعادة روايات مروى جوهر
والنهاية كانت متوقعه شويه بس الاحداث كانت شيقه ومكنش فيه ملل خالص

[In the mind Of salmaa · Rating 5 out of 5]

كالعادة مروى جوهر بتخليني اعيش أحداث مليئة بالتشويق و الاثارة
الرواية اكتر من رائعة مفيش ولا ثانية من الملل و تخليك تخلصها في قاعدة
اكيد ارشحها لكل قارئ
شكرا للكاتبة على الرواية الممتعة و بالتوفيق في اللي جاي🤍

[Sara Ezz]

كعادة مروى جوهر روايتها من نوعية الكتب ال��ي تسحرك تمسكها من اول صفحة متسيبهاش تحت اي ظرف لحد ما تخلصها.. دايماً تسيب جواك حالة صعب توصفها.. بجانب انها بارعة في الوصف..الحقيقة قلم مروى جوهر عمره ما خذلني ..ارشح الرواية بقوة لكل اللي بيحب ادب الرعب..

[Noor · Rating 5 out of 5]

الكتاب تحفة بجد يجنن الغموض والإثارة احلي كاتبة تكتب رعب

[Elias · Rating 4 out of 5]

رواية جميلة خفيفة سريعة ومشوقة وبتشدك جدا انك تخلصها وفعلا انا خلصتها في قعده واحدة بتدور الرواية مع الطفلة راحيل الجميلة الطيبة اللي كل ابطال روايتنا بيحبوها ولكن بيحصل حاجة بتخلي حياة راحيل وكل القريبين منها تتقلب وتبتدي الاحداث سريعة وبنكتشف اية اللي حصل ليها…
تقديم الشخصيات كان جميل في منها شخصيات اتقدمت ع مستوي الرواية وفية شخصيات اتقدمت علي طول والتقديم كان ممتاز ومحستش خالص ان فية شخصيات ملهاش لازمة كل شخصية كان ليها دور وكانت بتبين نوايا الشخصيات التانية
السرد والتعليق في الرواية كان باللغة العربية الفصحي والحوار كان بالعامية المهذبة
عجبني ستايل الرعب في الرواية انو رعب مصري او شرقي مخلنيش احس اني مثلا قدام نوعية من الرعب ضعيفة او رعب ممل الكاتبة استغلت اجواء وزحمة القاهرة واستعانت باماكن حقيقة لإعطاء جرعة رعب حقيقة ومخيفة.

[Basmala Hassan · Rating 1 out of 5]

قصة الدبدوب اللي كان بيقلي بطاطس مرعبة عنها

[Ayten · Rating 5 out of 5]

روايه اكثر من رائعه كالمتوقع من أستاذه مروى فيها ميكس الرعب والتشويق ومش ممله ابدا وبتجبرك تخلصها في يوم واحد من كتر ما هي ممتعه وعايز تعرف ايه اللي هيحصل بعد كده
انصح بها وبشده❤️❤️❤️❤️❤️❤️

[Islam · Rating 4 out of 5]

رواية لطيفة خلصتها فى ٣ ايام

وبصراحة أنا كنت متوقع نهاية معينة لكن النهاية خالفت كل توقعاتي من حيث الأشخاص او من حيث سير الأحداث

وبصراحة رواية ممتعة وان شاء الله اقرأ باقى الرويات لمروى جوهر

[Khaled Mohamed · Rating 5 out of 5]

يمكن من فترة كبيرة ماقريتش رواية رعب قوية كدة
اسلوب مروى جوهر ممتع جداً رواياتها بتخليك مش عايز تقفل الكتاب غير اما تخلصه
الغلاف جامد جدا من احمد فرج ومرعب الصراحة
كنت بقلب الكتاب على وشه اما اجي انام😅😂
الجزء الدرامي اللي فيه ووصف احساس البطلة كان اكتر من رائع
الجزء الرومانسي فيها مش كبير كان على استحياء كدة لتقليل شدة الاعصاب والتوتر من الاحداث اللي فيها رغم انها فرواية عمارة ال داوود كان الجانب الرومانسي فيها حلو جدا
لكن هنا هي اهتمت بالجانب الاساسي فالرواية وهو الجانب المرعب وأبدعت في جدا اوي خالص حقيقي
والنهاية مفتوحة لاحتمالية جزء تاني وحقيقي نفسي يكون ليها جزء تاني
بالنسبالي افضل رواية قرأتها لمروى جوهر

[Hana Ahmed · Rating 5 out of 5]

بجد دي من احلي الروايات الي قريتها وبجد اسلوب مروة جوهر في السرد تحفة أشرك جدا علي الرواية الحلوة دي

[Nesreen karara · Rating 5 out of 5]

من أفضل روايات الرعب اللي قرأتها مؤخرًا👌. الكاتبة قدمت عمل مشوّق جدًا، مليان غموض وتفاصيل مرعبة بتخليك مش قادرة تسيب الكتاب من إيدك.
اللغة كانت بسيطة وسلسة، لكنها في نفس الوقت قدرت تنقل الإحساس بالخوف والتوتر بشكل قوي، وكل فصل بينتهي بطريقة تخليك عايز تعرف إيه اللي هيحصل بعد كده. أسلوب مروة جوهر في وصف الأماكن والمواقف كان ممتاز وخلق جو مرعب و النهاية كانت غير متوقعة وصادمة.
حقيقي عبقرية👏🏼❤️

[Salma Sherif · Rating 5 out of 5]

رواية تحفه فيها كمية احداث رهيبه وخلصتها ف قعده واحده♥

[Lara Saad · Rating 5 out of 5]

تحفه ولا غلطه

[Hager · Rating 5 out of 5]

بجد الكتاب رائع وانا عن نفسي مستنيه الجزء الثاني بفارغ الصبر وشكرا ليكي بجد يا مروي علي الكتاب الجميل ده🩷🩷

[Ro0oÑa Elalfy · Rating 3 out of 5]

مروى جوهر من الأقلام المميزة التي أحب أسلوبها في الكتابة، لكن هذا النوع من الروايات، الذي يتناول العالم السفلي والماورائيات، ليس من اهتماماتي أو ضمن قراءاتي المفضلة، لذلك لم أستمتع كثيرًا أثناء قراءتها.
كنت أنوي تقييمها بنجمتين، لكنني منحتها ثلاث نجمات تقديرًا لحبي للكاتبة نفسها، الذي يفوق الخمس نجمات. ولذلك فإني أتطلع لقراءة أعمال جديدة لها ♥️

[The blue sticky note🌧️ · Rating 5 out of 5]

انا خلصتها في يوم واحد …مروه جوهر عندها استعداد تخليني افضل قاعده اتشقلب وانا بقرا الروايه من كتر ما كل حدث مذهل ومش متوقع عن اللي قبله في انتظار ان قصه يكون ليها باقيه وحرفيا الروايه دي لو اتعملت فيلم هتبقي احلي من افلام الرعب التركي الشهيرة

[يوسف سامي · Rating 5 out of 5]

تحفة بجد و الرعب الي فيها حلو و فكرتها مختلفة عن باقي الروايات الرعب و مشوقة اوي و مفيش صفحة مش ممتعة بجد و البلوت ويست الي في الرواية مش طبيعي ❤️📚

[Ahmed Elmarsafe]

استاذه مروى بجد الرواية جميله وعجبتنى وخصوصا ان اول مره لحضرتك تعملى كذا جزء واعتقد ان الجزء الثاني هيكون اقوى 🙏🙏🙏

[Islam Ashour · Rating 5 out of 5]

رواية حلوة جداً والأحداث سريعة مش مملة واهم حاجه عايزين نعرف هل هي النهاية على كده ولا هيبقى ليها جزء جديد

[Asma Alghaithi · Rating 3 out of 5]

مسليه

[NOVELLA❤️ · Rating 5 out of 5]

كعادة مروة جوهر وقلمها المبهر من اول ما قرأتلها بدايتها فى ادب الرعب وهى رواية(يحدث ليلا فى الغرفة المغلقة) وصولا دلوقتى للقربان حبكة وسرد وسرعة احداث ولا غلطة من الكُتاب اللى يجبروك تخلص الكتاب فى قعدة واحدة كل مرة تبهرنى اكتر وتتفوق على نفسها اكتر واتمنى يكون معنى النهاية بيشير لجزء تانى هتبقى حاجة لطيفة جدا استمتعت جدا بالعمل الرائع ده وفى انتظار كل جديد من مروة جوهر❤️

[Rana Salama · Rating 5 out of 5]

حقيقي رواية ممتعه جدا وشيقة وأحداثها سلسة جدا و سريعه و مفيهاش اي ممل أو مط للأحداث
وكعادت أستاذة / مروى جوهر
وحقيقي مفيش رواية غير وقراتها ليها. حقيقي ��ل رواية احلي من التانيه
وخصوصا رواية القربان حلوة جدا جدا حقيقي وبنجاح والتوفيق دايما ❤️❤️