صالون غريب

by يحيى صفوت

صالون غريب بقلم يحيى صفوت ... ما الغريب في صالون حلاقة به كرسي واحد، حلاق واحد وزبون واحد، لكنه بلا مرآة؟ ربما لأنه لم يكن هنا بالأمس، ولن يكون هنا غدًا، ربما لأنني أشعر أنه ... يُطاردني!

240 pages, Paperback

First published January 1, 2025

Reviews

[Mohamed Metwally · Rating 4 out of 5]

وياله من صالون غريب فعلا، يتخطى الزمان والمكان، صالون يذهب الى زبائنه على خلاف الطبيعي أن يذهب الزبون الى صالون الحلاقة.

اسطورة من اساطير الحضر، اذا مررت من نفس المكان ذهابا وإيابا سبع مرات سترى شيئا مختلفا لا يراه سواك في المرة السابعة، وهو ما كان مع بطل الرواية الذي ظهر له صالون حلاقة عم غريب الذي ما أن دخله حتى بدأت معه سلسلة من الاحداث الماورائية التي قلبت حياته الى جحيم.

عنصر التشويق حاضر بقوة مع تسارع الاحداث بوتيرة تجعلك تقلب الصفحات بحثا عن الحقيقة

محمد متولي

[Verina Sameh · Rating 3 out of 5]

أنا عارفة إن فيه كذا حد قال النهاية معجبتوش
بس أنا أكثر حاجة عجبتني في الرواية هي النهاية👀👀

بحب النهايات المفتوحة شوية اللي تخليني أفكر نربط التفاصيل ببعض ونحط احتمالات يعني ده فعلاً كده ولا حاجة تاني
مستنية الجزء الثاني علشان اكتشف هل فعلا نظرياتي صح ولا لأ

الرواية حلوة ولذيذة بس أنا من أنصار ما أخفاه الرماد وبالنسبالي هي مازالت أفضل عمل للكاتب
3.5/5

[Mona Saad · Rating 2 out of 5]

كعادة الروايات التي قرأتها للكاتب ،
كلها بحاجة لتدقيق لغويٍّ ونحويٍّ

أما عن فكرة الرواية نفسها ،
وبرغم الجزء التشويقي ،
إلا أنها لم تکُ مُرضيةً بشكلٍ كبيرٍ!

بالتوفيق في العمل القادم ...

[Nadia · Rating 3 out of 5]

رواية رعب و عوالم الخوارق .
فتحي منزل س اتصالات شاب تتقاطع طريقه بصالون غريب لصاحبه "غريب" الذي يحكي قصصه الغريبة و المخفية في كل مرة يلتقي به بعد أن يمر فتحي سبع مرات في نفس الشارع .
القصص منفصلة متصلة في نفس الوقت بها تفاصيل مما يسمى بالرعب المعوي و القاسم بينها انها تؤثر على حياة فتحي و علاقته بزينة .
العمل يشد القارئ ليعرف السر الذي لا ينكشف الا مع الفطور الأخيرة للرواية.
عمل لكل محبي هذا النوع من الأدب .

[Yasmine Baddar · Rating 5 out of 5]

أنا عمومًا مش من الناس اللي بتحب القصص القصيرة، بس الكتاب ده كان مختلف. كل قصة كانت مربوطة بالتانية وبتخدم حبكة الشخصية الرئيسية، وده خلى التجربة ممتعة ومترابطة. الفكرة نفسها أصلية وجديدة، ومحستش إني شفت حاجة زيها قبل كده. اللي احبّطني شوية هو إن النهاية كانت سريعة ومش مفهومة قوي، كانت محتاجة تتفرد أكتر وتتوضح.
***تعديل
لسه عارفة ان الرواية هيكون ليها جزء تاني اللي اكيد هيوضح تفاصيل النهاية أكتر و يكملها

[نرمين عصام · Rating 5 out of 5]

“صالون غريب” رواية قصيرة لكنها غريبة ومميزة.

بتبدأ بحكاية فتحي، مهندس اتصالات ساخر مطحون في الحياة اليومية، بيقرر يقطع نفس الشارع للمرة السابعة رغم تحذيرات الناس.. وهناك بيقابل صالون حلاقة مش طبيعي، وصاحبه “عم غريب” اللي بيوعده بـ ٧ حكايات، كل واحدة أظلم، وأغرب، وأقرب للرعب من اللي قبلها.

الجميل في الرواية إنها بتدمج بين الكوميديا والرعب بشكل ممتع، وده واضح جدًا من شخصية فتحي وتعليقاته.

السرد بالفصحى كان بسيط وواضح، وامتزاجه بالحوار العامي المصري خلى القراءة سلسة وقريبة من القلب (الكلام جاي من واحدة مش بتحب الحوارات العامية أصلًا).

الحكايات نفسها متدرجة في سوداويتها، وبعضها فعلًا بيلعب على الرعب النفسي والغموض بطريقة ذكية.

السبب في إني قيمت الرواية ٤ من ٥، مش ٥ كاملة، هو إني ماقدرتش أفهم النهاية بشكل كامل.

كانت محتاجة لمسة توضيحية أكتر أو على الأقل مفتاح يخليني أربط كل حاجة ببعضها.

بس ده ما يمنعش إن الرواية كانت تجربة لطيفة، مسلية.

أنصح بيها لمحبي القصص الغريبة والكوميديا السوداء.

[Salma Sayed · Rating 5 out of 5]

روايه أقل ما يقال عليها تحفه بمعنى الكلمه بجد ❤️❤️❤️

[Bassem Alfiky · Rating 5 out of 5]

من الروايات القليلة التي تدفعك لإكمالها في جلسة واحدة

[Heba · Rating 2 out of 5]

صالون حلاقة غريب يظهر في اماكن متعددة
يحكي صاحبه قصص مخيفة حدثت له، تجد تلك القصص انعكاسا في واقع فتحي وزوجته زينة التي تزوجها عن حب رغما عن أبيها.
القصص التي يرويها الحلاق، مع غرابتها وجوها الكابوسي، تعاني من التشتت وعدم الاكتمال. القصة الثالثة خانقة وشديدة الكآبة والقصص كلها مبتورة تتركك في حال من الحيرة والبحث عن رابط منطقي أو دلالة رمزية، دون أن تجد ما يرضي فضولك أو يفسر الغموض المتراكم
النهاية بدورها جاءت مبهمة ويبدو كأن الكاتب عجز عن إيصال الفكرة بوضوح للقارئ وان كان يتميز بأسلوب يجعلك تستمر في القراءة رغم عدم اقتناعك بالأحداث

[Rana Hisham Ibrahim · Rating 5 out of 5]

رواية متبدأهاش غير و انت عندك وقت انك تخلصها في جلسة واحدة علشان حرفيا مش حتقدر ماتكملهاش !!!! قصص حقيقي مبتكره و مشوقه و كالعادة فكرة جديدة … خطيرة بجد

[Sara Islam · Rating 3 out of 5]

2.5⭐️

[أروى صلاح · Rating 4 out of 5]

رواية بالنسبة ليا فكرتها حلوة اوي مع إني مش من محبي الحوار العامي بس فكرة الرواية و سرعة الأحداث و كل حكاية خلتني محسش اني مدايقة
الرواية حلوة اوي لسه مخلصاها حالا و مصدومة من النهاية تحفه بجد

[Tabarak Ahmed · Rating 4 out of 5]

مراجعة رواية صالون غريب – يحيى صفوت

منذ الصفحات الأولى، يأخذنا يحيى صفوت إلى عالمٍ غامض ومُربك، تدور أحداثه داخل "صالون حلاقة" يبدو بسيطًا من الخارج، لكنه يخفي وراءه الكثير من الأسرار. صالون فيه كرسي واحد، وحلاق واحد، وزبون واحد… لكن الغريب أن الزبون يظهر ويختفي وكأنه لم يكن موجودًا من الأساس.

الرواية تمزج ببراعة بين الواقعية والرمزية، وتغوص في أسئلة عن الوجود والعزلة والوعي، فتجعل القارئ يتساءل طوال الوقت: من هو الغريب؟ وهل كل ما يحدث حقيقي أم مجرد انعكاس لأفكار الحلاق؟

أسلوب الكاتب هادئ لكنه مشحون بالتوتر، واللغة مكثفة وسينمائية، تخليك تشوف المشهد كأنك داخله.

لكن أكثر ما أزعجني في الرواية هو النهاية المفتوحة، اللي سابت تساؤلات كتير من غير إجابات واضحة. حسّيت إن القصة خلّتني أعيش الغموض للنهاية، لكن من غير ما أعرف الحقيقة الكاملة، وده خلّى عندي حالة من الحيرة بعد ما خلصتها.

ومع ذلك، "صالون غريب" تفضل رواية مميزة بتجربتها المختلفة، وبقدرتها على جعل القارئ يفكر ويتأمل حتى بعد إغلاق الصفحة الأخيرة.

[Esraa Samy · Rating 5 out of 5]

رواية شيقة مختلفة جدا أبدع فيها الكاتب يحى صفوت كعادته وتعتبر بالنسبة ليا من أفضل مؤلفاته

[Omar Waheed · Rating 5 out of 5]

الرواية سلسة بتحكي عن مهندس اتصالات حظة السئ خلاه يمشي من طريق سبع مرات متتالية ومن هنا تبدا حياته تتقلب ويقابل الغريب واللي بيقولوا ليك عندي سبع حكايات مع كل حكاية حياته بتتغير وغصب عنه مضطر يسمع الحكايات عشان يحل اللغز
الرواية سلسة وبتخلص بسرعة ولكن اعتقد لسه الحكاية مخلصتش لسه في حاجات كتير محتاجين نعرفها لسه في حاجات كتير مش قادرين نعرف سببها

[Abdelrhman Ahmed · Rating 5 out of 5]

تحفه فنيه مش هتخليك تسيبها من ايدك الا وانت في كلمة "تمت"

[Nourhan El-Nosairy · Rating 3 out of 5]

استمتعت جدا بالقصة و كنت طوول الوقت عايزة اعرف ايه اللي هيحصل و ازاي القصص مربوطة ببعض. بس النهاية لم تكن مرضية، بالنسبة لي مش واضحة و لم استوعب الاحداث، خلصت بسرعة مرة واحدة. و في اسئلة كتير محتاجة اجابات.
بس كاول قصة رعب اقراها فهي لطيفة وفيها افكار حلوة.

[Ramy · Rating 3 out of 5]

اول قراءة ليا لـ
يحيى صفوت

الراجل مهندس يعني زميل ...مهندس و بيكتب رواية عن مهندس غير قادر على حل الالغاز الماورائية بسبب عقله المنطقي المرتب للاسف ...

اول قراءة ل يحي صفوت و لكني عرفت فى منتصف الرواية انه له روايات سابقة
..ممكن لاحقا اقرا له ثلاثية
بر الضيف: الميراث
بر الضيف: القسم
بر الضيف: العودة

فى الرواية دخول شيك من عالم المنطق الى عالم الماورائيات عن طريق لف الشارع نفسه سبع لفات ...انا قلقت و اتوترت
وصف جميل و مخيف لصالون الحلاقة و للحلاق الغريب غريب ...
برضه سبب لى قلق من صالونات الحلاقة ...سأحتاج لوقت لاتجاوزه

قصص غريبة مخيفة يحكيها غريب لزبونه ....ليجدها تحدث له فى واقعه ...

اكلت الصفحات اكلا وصولا للنهاية
و التى حقيقة لم افهمها و لم استسغها
"يعني مين اللى بقى قصة ف حياة مين ؟"
و مين الحقيقي و مين الخيال ؟
و مين البشري و مين الـ"بسم الله الرحمن الرحيم" ؟

كانت تحتاج النهاية لتكون اوضح ومفسرة اكتر ....
و كم كنت اتمنى لو استطاع البطل "المهندس" حل المشكلة لتعود حياته لطبيعتها

احيانا جمال بعض روايات الرعب فى عدم خروج حد حي او سليم او معافى او صحيح او بعقله بالمرة من ذلك الكابوس ايا كانت طبيعته

خيال و وصف و قصص احي المؤلف عليها ...
و كانت فى طريقها لل 4/ 5
لو كان اجاد ربط القصص معا و تبرير النهاية ...التى لم افهمها صراحة ...
اجمالا رواية جيدة ...هى مدخل لقراءة ما سبق من روايات المؤلف المبدع

الكتاب القادم : سرقة الدول: العودة إلى الذهب

[Ali Gaber · Rating 5 out of 5]

الرواية دي من النوع اللي أول ما تبدأ فيها تحس إنك دخلت عالم مختلف، عالم بسيط في شكله، عميق في معناه.
الكاتب استخدم أسلوب سهل، بس مليان رسائل نفسية وفلسفية تلمسك من جوا، وتخليك تسأل نفسك أسئلة عمرك ما فكرت تسألها.

فكرة الرواية بتدور حوالين صالون – اسمه "صالون غريب" – بس الحقيقة إنه مش صالون عادي، ده مكان بتدخل فيه وأنت فاكر إنك هتقص شعرك، لكن اللي بيحصل جوا بيقص من جواك... بيقص أفكار، خوف، ندم، وأحياناً أوجاع.
غريب، صاحب الصالون، شخص غامض شوية، لكن ليه حضور قوي، وبطريقة ما، بيقدر يخلي كل حد يدخل عنده يشوف حاجة كان بيهرب منها.

الرواية بتحكي عن شخصيات مختلفة، كل واحد فيهم شايل همّ، سرّ، أو ألم. وكل زيارة للصالون بتفتح باب جديد... سؤال جديد... وممكن كمان نهاية جديدة.
هل غريب بيكون مجرد شخص بيسمع؟ ولا هو مرآة بتعكس الحقيقة؟
وهل الشخصيات هتطلع من الصالون زي ما دخلت؟ ولا في حاجات لازم تتغير جوه قبل ما تتغير برا؟

اللي بيحب القصص اللي فيها عمق نفسي، والحوارات اللي تحسها شبه جلسة مع نفسك، الرواية دي هتكون جرعة قوية من التأمل والصدق.
رواية هادية في ظاهرها، لكن جواها دوشة مشاعر...
وإنت؟ جاهز تدخل صالون غريب؟
قراءة ممتعة 🤍🌿

[Rehab Mazloum · Rating 5 out of 5]

إبهار كالعادة ، رواية مينفعش تتساب الا لما تخلصها ،بجد الواحد دماغه بتلف لحد دلوقتى..افكار خارج الصندوق تمام ، سرد ممتع جدا بدون ذرة ملل

[Nesreen karara · Rating 5 out of 5]

رواية صالون غريب للكاتب يحيى صفوت تأخذنا في رحلة من الإثارة والتشويق، حيث يجد البطل نفسه داخل صالون حلاقة مهجور لا يفتح أبوابه إلا في وقت معين، وفي مكان يكاد لا يُرى.
وهناك، يقابل عم غريب الحلاق ، الذي لا يروي القصص للتسلية فقط، بل يقدم حكايات تمس الواقع ،الغموض في الرواية مشوّق، لكنه مش مجرد لغز!
أسلوب الكاتب عميق، ويعرف جيدًا كيف يربط بين الرمزية والواقع بسلاسة وإبداع.
استمتعت بالرواية جدا و ماكنتش عايزاها تخلص💚

[kalghafli · Rating 2 out of 5]

هل “صالون غريب” فعلاً غريب؟

الشخصيات: تحتاج إلى تعمق أكثر.
الإيقاع: أحياناً بطيء،
النهايه أربكتني ….مشهد فتحي ف النهاية … رمزية تمثل المواجهة الصادقة مع النفس، والغرفة اللي فيها الشعر تمثل تراكُم ما نرفض تنظيفه داخلنا

[Dalia Saad · Rating 4 out of 5]

قراءة ممتعة ... في انتظار الجزء الثاني
fb.me/daliasnook

www.daliasnook.blogspot.com

https://www.instagram.com/dalias.nook...

https://pin.it/1k3ficVSo

[Marwan Ashraf · Rating 3 out of 5]

البدو..! وعددهم ليست كلها غريبه حين يقول لك بدوي لا تمر سبع مرات في نفس الشارع اصغي الى كلامه...!

[Micheal Adel · Rating 5 out of 5]

مش طبيعي بجد فكرة لعنة صالون حلاقه دي اتقدمت بشكل مخيف ومفزع طريقة سرد الكاتب وقصة الحكايات السبعة كميه تفاصيل مهمة وكلها مترابطة ببعض رواية تسحتق التجربة بجد وعمل قوي جدا ❤️❤️❤️
تقيمي الشخصي: 5/5⭐⭐⭐⭐⭐

[Manal book · Rating 5 out of 5]

رائعة وجداً وممتعة بس حسيت غريب بالنهاية فيه غباء فضيع بعدين الخاتمة صدمة

[Lobna · Rating 5 out of 5]

وكالعادة انبهر 😳😳
يقولوا أنه لم يعد هناك تويستات جديدة والأفكار يتم اعادة تدويرها بصور مختلفة لتأتي هذه الرواية وتضرب هذه المقولة بعرض الحائط.
مزيج من غموض وهيبة الحضارة المصرية والريف ورعب نظيف نفسي لا يمكن أن تتوقع من أين يتسلل إليك.
وهكذا وبكل ثقة أقول أن يحيى صفوت تفوق على كل من سبقوه في هذا الادب.
اللغة ولا أروع والمشاهد ولا أروعين 😃
والحبكة … يا للهول !!!!!!

[Omar Yasser · Rating 5 out of 5]

4.5/5⭐️
اول تجاربي مع الكاتب كانت روايه دفتر ناعوت 1/2 والي اعتبرتها من الاعمال الجميلة، حيث الكاتب يتميز باسلوب مميز ويجعل القارئ منتبه طوال الرواية، ولكن بعد تجربة روايه صالون غريب، اصبح من كتابي المفضلين❤️،واحد من افضل 10 روايات بعام 2025، ودا رائي في الرواية :

- الايجابية :
• اللغة العربية في السرد مع العامية في الحوار -كان عامية مفيده للعمل- حيث اسلوب سرد الكاتب كان بيخليك عايز تعرف باقي الاحداث ودايما منشد للعمل
• قصة الروايه والاحداث الغربيه والمرعبة الي بتحصل داخل العمل
• قصص الحكايات العمل بلا استثناء جميعهم حلوين ومرعبين ولكن اكتر قصه حبيتها وشعرت برعب منها " المنسيين"

- السلبية :
• هي ليست بتكل السلبية الكبيره ولكنها اني عرفت انه لها جزء ثاني للعمل

الجزئية دي حرق لنهاية العمل🔥
اتمني الكاتب يوضح ليا النهايه علي الرغم اني ناقشت مع اصحابي ووصلنا الي عدد من التخمينات :

1- "الحج مرسي هو الغريب"
بحيث انه الكاتب لمح اكتر من مرا بشكل رمزي او حتي سردي في الروايه من البدايه بحيث انه مرسي او ��لعم تؤ وقف عند المره السابعه وخلي فتحي هو الي يعود او يذهب بنفسه، دا غير التلميح الصريح في نهايه الرواية

2- "سراج (ابو زينة) هو الي وره المشاكل"
التخمينة دي متعتبرش قويه ولكنها تصرفات سراج كانت في موضع شك بالاخص لمه فتحي شاف رساله زينة واتاكد من الاكونت تبعها، فبحكم انه سراج له نفوذ فا ممكن يكون تواصل مع احد وقرر عمل السحر بحيث يبعد فتحي عن زينة"حتي لو وصل انه يدمر حياة فتحي نفسه"

3- "الغريب كيان خاص"
التخمينة تعتبر مرتبطة بالتخمينة الاولي ولكنها برضوا مش قوية، لو بصينا للحكايات هنلاقيها انها مش مترتبه ولكن فيها حاجه او حاجتين مشتركه "البئر او شجرة" فالو اعدت النظر وقررت ترتيب الحكايات هتلاقي بشكل غير مباشر بدايه ظهور الكيان او الشر

الشي الاكيد انه فتحي هو القصه الاولي في حكايات غريب
ولكن كنت اتمني افهم النهايه اكثر او حتي يكون واحده من التخمينات صح😂، في النهايه عمل استمتع به جدا وارشحه لاي احد❤️✋🏻

[Ola Shabaan · Rating 4 out of 5]

اسم الرواية : صالون غريب
اسم الكاتب : يحيي صفوت
دار النشر : كيان للنشر والتوزيع
عدد الصفحات 298 ابجد
تصنيف الرواية : رعب /غموض / نفسي
التقييم :⭐⭐⭐⭐

لمحة عن الرواية :
تبدأ الرواية مع فتحي مهندس اتصالات بسيط لا عائلة له ولا سند، بيحب زينة بطلة رياضية وزميلة الدراسة ذات الثلاثين عامًا والدها سراج جراح شهير له ثقله لا يحب فتحي يراه لا يستحق أبنته كان يتنمر عليه عند المزاح، كسخافة تلميذ ضخم على زميله ضئيل الحجم، يناديني بـ"فتوح"بدلًا من "فتحي" فقط ليستفزه.
عندما كان في عمله كالمعتاد ولكن هذا اليوم مختلفة سيقرأ الفاتحة مع الدكتور سراج ولا يريد أن يتأخر في هذا اليوم ، ولكن عمله كمهندس اتصالات يلازمه أن يتأكد من اتصال الأبراج بعد انتهاء من إنشائها و تجهيزها وكان عليه أن يتأكد من كفاءة الإتصال وقوة الإشارة بين البرجين وهذا دفعه إلي بلوغ الشارع ذهاباً وإياباً سبع مرات ولكن عم مرسي اعتراض علي الذهاب وقال اللي بيقطع الشارع ذهاباً وإياباً سبع مرات تحل عليه لعنه ، ولكن فتحي لم يقتنع بكلام العم مرسي وقرار قطع الطريق وحده للمرة السابعة لأن هذا اليوم بالذات مينفعش يتأخر أبدًا أمام الدكتور سراج .

‏بعدها تبدأ السماء تغيم بسرعة مضاعفة والشمس تتعجل الغوص في الأفق، كان كل شيء يبهت من حولي، إلا تلك اللافتات الصدئه من أين أتت؟ وبعدها يري محل حلاقة في مكان مهجور ويسأل نفسه حلاق رجالي في هذا المكان بيحلق للكلاب ،ولكن الوقت كان بنفز منه فقرر أن يحلق قبل الذهاب للقاء الدكتور سراج ودخله صالون غريب برجله الذي يوجد كرسي واحد فقط يتوسط المحل، وقابله غريب صاحب الصالون استقبال ملوكي وكذلك رفض اخذ اي نقود وكمان هيحكيلك سبعة حكايات بدون مقابل كرم يدعو للشك .

القصة الثانية : يا شمس يا شموسة
بيحكي غريب إن كان شغال حلاق الصحة وفي يوم داخل عليه رجل كان مسافر مع ابنته نجيه وبعدين عضه حنشا ويحتاج إليه لعلاجها فذهب معاها الي المكان المتواجدة فيه ولكن المكان كان فارغ من الناس ولا يوجد فيه غير طفلين فهل يستطيع غريب علاج نجيه؟ ما سر وراء الرائحة الكريهة الموجود في المكان؟ ما سبب توجد الطفلين في هذا المكان بدون أهلهم؟ هل نجيه عضه حنشا أو أمر آخر؟ ما السر وراء يا شمس يا شموسة ؟

القصة الثالثة : داتاتا
هند محامية شاطرة وناجحة تعتبر واحدة من أشهر المتخصصين في قضايا الأسرية متزوجة من دكتور رائف، طبيب باطنة ذائع الصيت، له ثقله في مصر والعالم العربي ولكن رغم نجاحهم في عملهما لما ينجبوا أطفالاً ولهذا بدأت هند في علاج من أجل الإنجاب ولكن الأوان كان قد فات ولا يمكنها الإنجاب في هذا السن، تحكي لها خادمتها حسينة حكاية مشهورة عندها في الصعيد عن مدافن اللي بيقضي ليلة فيها بيحصل علي اللي بيتمناه ، ايه اللي بيميز المدافن دي ؟ وهل هند محامية هتصدق الكلام ده ؟ واي سر المدافن دي ؟ وهل هتحصل هند علي طفل ؟

القصة الرابعة: المنسيين
سجن العريش 13 السيئة السمعة من معاملة وحشية وإيوائه لأحقر أنواع المجرمين و المهووسين فاقدي العقل، ليكتشفوا وجود مشكلة في البئر، والذي يُسمى "الزرقانة" هو منفذ التخلص من بقايا طعام المساجين، بدلًا من انتظار عربة المخلفات التي كانت تعاني لتأتي يوميًا الوعرة الطريق وبعد السجن عن الطريق الممهد، ما سر "العنبر د"الموجود تحت السجن؟وهل يوجد مساجين بعد مرور مائة عام ؟وهل بقايا الطعام في البئر بياكلوه الفئران أو يوجد شيء آخر؟

القصة الخامسة : الغجر
الغجر مشاكلهم لا تنتهي، فهناك ألعاب خطيرة ومشاجرات بسبب الراقصات وحلبة مصارعة يتطاحن فيها الرجال كالتيوس، وأشخاص تختفي في ظلام الليل مع وجود الغجر، ماذا كان يجذب هذا الشخص بذلك الهدوء والقوة داخل الخيمة ؟ وهل هم بشرًا أو شيء آخر ؟

القصة السادسة : السجينة
الصراع الدائر في الخفاء بين الجيش والبدو بسبب الأرض خصوص ذلك السهل الممتد فوق أعلى تلال المنطقة وأن كليهما لن يتراجع أو يتنازل للآخر عن شبر فيها، لكن ليس لهذه الدرجة، أحد عشر قتيلاً عدد كبير ولا يوجد احد من البدو ،فالبدو ليس معروفين بالعنف، فمن هذا الفتاة المحبوسة في الوحدة العسكرية؟ ما السر القابع خلف هذه الفتاة ؟ وهل هي السبب في مقتل هذا العدد؟وهل توجد علاقة تربطه بالبدو ؟

القصة السابعة : حكاية زينة
يكتشف فتحي سر خطير حين التقط مظروف عليه خط يد يعرفه جيداً ، ليكتشف أن زينة سافرت إلى عمه في هولندا، بما تزوج فتحي ؟ ومن يعيش معها الآن ؟

رأيي في الرواية :
هذه اول مره اقرأ للكاتب بسبب ترشيح الكثير أعماله ليا لا أخفي عليكم أن هذا ليس نوعي المفضل في القراءة ونادرة ما اقرا في الرعب ولا اخفي عليكم أن القصص مرعبة جداً ومخيفة وخصوصاً اني بقرا في العادة بالليل وهذا جعل الأمر أكثر رعباً ، لكن لو بتحب الرعب هتلاقي موجود في الرواية ، بس لا اخفي عليكم أن الكاتب جعلني في تشويق لإكمال العمل حتي النهاية بسبب أسلوبه وطريقة سردها للعمل بسلسه والتفاصيل والتلميحات البسيطة اللي كانت موجودة علشان توصل للحقيقة، معظم الوقت كان الكاتب بيلعب بدماغنا زي غريب لدرجة فكرت لو قطعت الشارع فعلاً هيحصلي حاجة،هل هشوف صالون غريب، فعلا نجح الكاتب في السيطرة علي تفكيرنا من خلال الوصف الدقيق للأماكن والأجواء والمشاعر .

اللغة والسرد :
اللغة كانت مزيجاً، السرد كان باللغة العربية والحوار كان بالعامية، كان مناسباً لطبيعة الرواية .
الشخصيات :
كانت مرسومه بدقة عالية بحيث تتناسب مع أجواء الرواية و الأحداث.

الغلاف وإسم الرواية :
الغلاف يحمل طابع الغموض بيشدك لاكتشاف سر هذا الكرسي القابع لوحده ومع الإضاءة لتكتشف سر هذا الصالون، اسم الرواية علي اسم صالون غريب ذلك الشخص غريب وصالونه اللذان يظهران من العدم .
البداية والنهاية :
البداية كانت علي شكل تنبيه بسيط عن عجز فتحي عن فهم ما يحدث حوله .
والنهاية كانت صدمة ومفاجأة لدرجة اني قرأتها أكثر من مره حتي افهم التفاصيل أكثر ولكن أظن أن في اشياء كثيرة لما يتم كشف الستار عنها مثل قصة الغجر لما اعرف ماذا حدث لوالد غريب ولا حكاية زينة وكمان حكاية المدينة الخالي من الناس هنالك بعض التفاصيل غائبه حتي تكتمل الصورة أظن هيكون في جزء تاني لهذا العمل .

اقتباسات:
❞ فلا قيمة لجذع الشجرة بدون أفرع وأوراق، مهما قَوِيَ عودها وامتد جذرها، الثمار هو ما يهم ❝

❞ هناك لحظات في حياة الفرد منا ندرك تمامًا أن أيًّا كان ما سيحدث بعدها سيكون أكثر هولًا من كل ما سبق، رغم استحالة هذا في نظرك. ❝

❞ من مميزات أن تمضي حياتك وحيدًا أنك تعلم كل تفصيلة في بيتك، عدد الأشياء وأنواعها، ترتيب الوسائد والملابس، أماكن الأطباق والأدوات، فلن يسعفك أحد إن تاه منك شيء. ❝

#أبجد
#صالون_غريب
#يحيى_صفوت

[Books With Sagda · Rating 4 out of 5]

روايه جميله جدا و ممتعه الوصف و الاحداث ب الفصحي ولكن المحادثات ب العاميه
ــــــــ
روايه جميله جدا و القصص الي فيها مشوقه جدا و قصتها مختلفه مشوفتهاش ف روايه قبل كده..
أنا قيمتها ٤ من ٥ بسبب أن النهايه بالنسبالي مكنتش واضحه اوي كانت محتاجه تكون أوضح و تكون مفهومه اكتر من كده ولكن غير كده الروايه جميله جدا جدا جدا و بلوت تويست فعلا جميله ❤️❤️هي فقط النهايه، اعتقد ياريت جزء تاني يتوضح فيه حل اللغز ب الكامل ❤️