فنجان قهوة مع قاتل

by عمرو النجار

دعاني في لطفٍ شديدٍ لاحتساء فنجان قهوةٍ معه، لكني رفضتُ، ويا ليتني قبلتُ عرضَ ذلك القاتل واحتسيناها وانتهى كل شيء!

262 pages, Paperback

First published January 1, 2025

About the author

تخرج من كلية التربية جامعة الإسكندرية عام 2013
ممثل مسرحى بفرقة فنون
وله من الأعمال ( رواية قدرى أنت , اللقا الثانى , أن تحب فتاتين)
وأصدر حديثا رواية بعنوان ( أمس انتهينا )

وتعد رواية قدري أنت هي الأولى له وتصدرت قوائم الأكثر مبيعا لفترات طويلة.

صفحة الكاتب : facebook.com/amr.elnagar2018

Reviews

[ياس مين · Rating 2 out of 5]

رواية تلقي الضوء على الجانب المظلم للأنترنت وهو الدارك ويب.. تلك البيئة الخصبة لكل نشاط غير قانوني وخطير وبشع.. من القرصنة والابتزاز والمخدرات إلى الاغتصاب والقتل والاتجار بالبشر ..

[نهى داود · Rating 3 out of 5]

٣.٥ نجوم لرواية سريعة ومشوقة. أحببت فيها الإيقاع السريع وفكرة الدارك ويب. أتت بداية الرواية قوية ومختلفة ومثيرة.
ربما شعرت بقليل المبالغة وعدم الواقعية في بعض الأجزاء ولكن ذلك لم يقلل من متعة الرواية.
أحببت تخطيط الكاتب الجيد للأحداث وربط جميع الخيوط بالنهاية.
النهاية أتت تحبس الأنفاس وطرح تساؤلات بدلا من الإجابات وهي جرأة من الكاتب أحببتها .. وبانتظار الجزء الثاني.

[Amira Saad · Rating 4.25 out of 5]

I enjoy my time in that book and I am shocked by what's happening in the end and I want the second book but I know it's the end

[Mahe Khalil · Rating 3 out of 5]

القصة بدايتها جميلة وفي شغف ان انت تقرأ الرواية وتخلصها في يوم بس في الاخر فيه كروته...و ليه القافلة دى؟؟
انا نص ساعه في النهاية ومش مصدقة!!
يعني ايه؟

[أحمد صلاح أمين · Rating 3 out of 5]

كنت ناوي قبل اخر فصلين اديها 4 نجوم ولكن بعد النهاية دي وقفت عاجز عن تقيمها... احنا طول الرواية بنبني احداث ونخش طرق عشان نوصل للهدف بتاعنا، لكن مع قرب النهاية بدأت كل حاجة تجري واحنا نجري وراها، وكمان مع وجود النهاية دي حسيت إن أنا اتسابت في نص الطريق مش عارف اروح فين... هل احنا بعد البناء الدرامي لكل شخصيات الرواية وخلفياتهم كانت دي النهاية الأمثل؟

[Rey ✨ · Rating 4 out of 5]

عارف لما تبدأ حاجة بحماس قوي وبعدين تفقد الشغف؟
دا الي حصل مع كاتب الرواية دي..

ولكِن خلينا موضوعيين، القصة اتبنت صح، أحداث وشخصيات وصورة بتتكون ، كاتب عارف يوصللك شعور غريب مزيج بين النفور التام من الي بتقرأه والرغبة إنك تقرأ اكتر، أظُن دي أول مرة أحِس بكدا، الرواية عامة كانت تجربة جديدة، فيها كليشيهات؟ شوية ..
هل كانِت مُملة؟ أبدًا!

هل كان مُمكن تتقفل قفلة أفضل؟ والله مش عارفة، حاسة كل القفلات كانت هتنتج نفس رد الفعل مني "الاشمئزاز" ولكِن هل كُنت أحب نهاية مُتقنة عن كدا؟

حاسة مش فكرة أحِب قد ما فكرة أقتنع!

الرواية صراع غريب أوي بين عقلك، مبادئك و إنك عايز تفهم إيه الي بيحصل دا!

هل في كروتة؟ أه في النهاية

هَل في أبواب اتفتحت متقفلتش؟ في الرواية كتابيًا لا بس في عقلي والبناء الي الكاتب كان بيساعدك تبنيه، أه كُنت هحب ولا بلاش هحب دي عشان مفيش حاجة حبيتها ولكِنّي كملت بدافع الفضول إنِّي أعرف هل الرواية مكتوبة بغريزة ذكورية حيوانية بحتّة ولا الكاتب كان بيناقش حاجة..!

هل تمت الإجابة؟ لأ سابنا فالنص نتسائل

هل ممكن اقرأ للكاتب مرة تانية؟ حاسة مُمكن ولكن بعد بريك كبير من الي شفته دا، وبلون تاني..

عندي سؤال للكاتب؛ هل استمتعت وإنت بتكتب ولا كُنت متوتر و confused زيي؟

[Khaled · Rating 2 out of 5]

فنجان قهوة مع قاتل – عمرو النجار
‏⭐ التقييم: 2/5

‏بدأت الرواية بشكل مشوّق، بفكرة جيدة وحبكة جذابة وأحداث سريعة جعلتني أرغب في معرفة ما سيحدث. لكن مع تقدم الأحداث، بدأت تظهر مشكلات في منطق التصرفات وتطور الحبكة، حتى وصلت إلى نهاية أضعفت الرواية بشكل كبير.

‏الرواية خفيفة من حيث المضمون، ولا تقدم عمقًا كبيرًا على مستوى الشخصيات أو الأفكار. الوصف والتصوير مقبولان، لكن اللغة البلاغية والتشبيهات محدودة، وهو أمر يمكن تقبّله في رواية بوليسية تعتمد أساسًا على الحركة والتشويق.

‏لاحظت أيضًا اهتمامًا ملحوظًا بتفاصيل الزواج والطلاق والخلافات الزوجية، وأحيانًا شعرت بأن هذه التفاصيل أكثر حضورًا مما تحتاجه الأحداث، من دون أن تضيف دائمًا عمقًا واضحًا للشخصيات.

‏المشكلة الأكبر ظهرت في النهاية؛ إذ أصبحت تحركات القاتل سهلة بصورة مبالغ فيها، بينما بدا تعامل الشرطة مع اختفاء كاتبة مشهورة غير مقنع، خصوصًا مع وجود كاميرات مراقبة في الكمبوند الذي وقعت فيه الجريمة. كذلك، لم تكن بعض تصرفات الشخصيات مبررة بما يكفي، وبدا أن الأحداث تتجه نحو الصدمة أكثر من اهتمامها بالمنطق والتمهيد.

‏أما النهاية، فقد تركت خطوطًا أساسية معلّقة، وانتهت بتصعيد كبير من دون إغلاق مُرضٍ للأحداث، سواء كان ذلك تمهيدًا لجزء آخر أم لا.

‏في النهاية، رواية بدأت بفكرة واعدة وتشويق جيد، لكنها لم تحافظ على تماسك الحبكة حتى النهاية. بالنسبة لي، التشويق وحده لا يكفي إذا كانت الأحداث تتطلب من القارئ التغاضي عن الكثير من الأسئلة المنطقية.

‏تجربة بدأت بشكل جيد، لكن النهاية أضاعت معظم ما بنته البداية.

[Afnan · Rating 5 out of 5]

حبيتها حقيقي مكنتش متخيله اني هخلصها بسرعه وهي لحد جديد عليا كليا كل مره بجيب كتاب ل كاتب جديد بكون خايفه لاني بقرا لوحدي ف بخوض كل المعارك بتاعت القراءه مع نفسي مش بس بزعل علي الوقت والفلوس والمجهود اني اجيب كتاب لا بزعل اني مكسبتش كاتب جديد مع كتاب ده حسيت اني عايزه كل كتب جايه ليه لما لقيت امس انتهينا حسيت مع الإهداء ان حد بيربت علي قلبي متحمسه ليه فعلا من دلوقتي بس لو هكلم عن كتاب ده أنا حماسي موقفش لحظه فيها طول الوقت بتتبسط شويه وتحس بفرحه عارمه وتحس انك مبسوط ومتفائل وكلك حياه وفي وقت بتحس بيأس بتعرف حاجات تخليك تقف ثانيه قدامك نفسك وتفكر وتتأمل الحياه ازاي ممكن تتقلب في لحظه نتيجه ل اشخاص الانتقام مليء قلوبهم بشكل مزري حقيقي خلتني افكر في حاجه وحده هو بجد صعب اننا نتجاوز ولو صعب احنا لي بنشوف ان الانتقام من البشريه كلوا كافي مع انوا التسامح ده لينا احنا احنا وبس خلاني بس اسال احنا لحد امتي بنفضل مغيبين بدافع الانتقام اي الي ممكن يفوق الحد نفسي يكون في جزء تاني نفسي بس احس ان في بصيص امل كان الصبح وانا شايفه السحاب بيتزاحم في السماء والشمس بتحاول جاهده تتسلل عشان تطلع بضوئها في وسط كل الضبابيه دي 🤍حقيقي مبوسطه اوي اني دي كانت اول تجربه وان هيبقي رفيق الي جاي لحد ما اخلص كل رحلات معاه ولحد ما أبدا استني كل سنه كتابوا بمنتهي الحماس ✨

[أحمد سالم · Rating 4 out of 5]

الصدمة كما يجب أن تكون، بالرغم من ان الرواية بوليسية مشوقة لحد بعيد إلا أن النهاية كانت صادمة وكانني أسير في طريق ممهد ومعلوم لأجد أن سيارتي اصطدمت فجاة بجذع شجرة نبتت أمامي من العدم، ولكنني بعد الصدمة قدرت أن هذه هي النهاية المثالية بلا شك، إنها الصرخة التي يبقى دويها في الآذان بعد فترة من الحدث، أي نهاية أخرى ستجعل الرواية أثراً بعد عين مهما كانت أحداثها
استطاع الكاتب الماهر أن يتلاعب بي بشكل كبير، فكلما تشبثت بخيط الأمل وخمنت ان الأحداث ستحسم حتماً لمعسكر الخير يفاجئني الكاتب بحدث يهدم توقعي ويسحقه، فقد استبشرت خيراً عندما علم طارق بأمر التهديد وتوقعت انه سيرسم مع زوجته خطة ما للايقاع بهذا الشيطان ولكن ما يلبث المسكين أن يدبر له ابراهيم حادث سيارة يقضي عليه وعلى عيني زوجته البائسة لتعيش فصلاً أصعب من السابق، وعندما يتطوع فريدة وعلاء لمساعدة داليا يقع كلاهما فريسة في شباك المجرم
عمل ممتع جداً أرشحه بقوة لكي يتحول مسلسلاً درامياً قصيراً، أعيب عليه فقط أن الاسهاب في خط علاء وفريدة لم يكن بمستوى دوريهما في الرواية، فقد قام الكاتب بافراد جزء لا بأس به لحياة علاء وطليقته وحبيبته السابقة، لكي يقتصر دوره في النهاية على جزء بسيط في الرواية لا يتناسب مع هذا البناء الشاهق، ولكنني في النهاية ممتن جداً للكاتب ولعمله الممتع

[Maha-ماروُلد Maha-ماروُلد · Rating 4 out of 5]

رواية page turner، تحس انك محتاج تخلصها في قعدة واحدة ومش قادر تستنى تعرف ايه اللي جاي.
حبيت الاسلوب وسلاسة اللغة والتفاصيل البسيطة لكن كافية جدًا لامتاع القارئ، كمان موضوع الرواية نفسه والجانب النفسي السوداوي فيها يثير الاهتمام بشكل كبير.
حبيت كمان الاحداث المتسلسلة بشكل حلو، حبكة مربوطة كويس، ده غير ان الشخصيات نفسها مبنية حلو وخصوصًا شخصية ابراهيم قمر اللي تخليك هتتجنن من كمية التلاعب اللي بيعمله في نفوس الناس.
عندي تعليقين؛ اولًا ماحبيتش شخصية علاء، فكرة الشخصية البسيطة اللي تقلب في النهاية بطل مغوار بينقذ العالم مش جاية على هوايا.
تاني حاجة كنت حابة تفاصيل اكتر عن علاقة ابراهيم بزوجته، ده كان هيضفي عمق وتفاصيل حلوة اكتر في الحبكة.
واخيرًا، نشكر استاذ عمرو على امتاعنا وفي انتظار الجديد🙏❤️

[Khaled Mohamed · Rating 3 out of 5]

أنا بحب كل كتابات عمرو النجار
حتى اما بدأ يغير اللون الرومانسي اللي هو مميّز فيه
لكن هنا الموضوع قالب على فيلم هندي سيكا
الفكرة الأساسية بتاعت الديب ويب فكرة حلوة ومرعبة وحقيقية للأسف
بس الاحداث في اجزاء منها فيها مبالغة بعض الشيء
ورغم كل دة عجبتني جداً النهاية

[Sahar Saeed · Rating 3 out of 5]

الرواية جميلة وفيها حبكه ممتازة وتصاعد احداث ولكن النهاية مخيبه صدمتني الصراحة إلى اول ما خلصت ايوا فين النهاية مش منطقي تكون دى النهاية ابدا 3 نجوم عشان بس صدمه النهاية دى حقيقي خييت امالى وخلتنى انى ندمت انى كملتها للاخر

[Nina’s reads · Rating 3 out of 5]

الكتاب بدأ حلو وشدّني جدًا من الأول، وفكرته كانت مختلفة ومشوقة. لكن بصراحة النهاية ما كانتش أحسن حاجة وخيّبت أملي شوية. بالنسبة لي هو +18 لأن فيه شوية مصطلحات ومواقف ما تنفعش لسن صغير. النهاية نفسها ما عجبَتنيش، فأتمنى يكون في جزء تاني يكمل القصة ونفهم التفاصيل أكتر.

[Mona Saad · Rating 3 out of 5]

الرواية بحاجةٍ لمزيد من التدقيقِ اللغوي والنحويِّ

أكثر ما أعجبني فيها هو التطرُّقُ لنقطةِ أن المجرمَ يتغذَّى على خوف طريدتِه ويستغلُّهُ بكل شكل ممكنٍ كما حدث مع داليا ؛ أيًّا كان شكل الخوفِ!

[Bati · Rating 5 out of 5]

نهاية غير متوقعة

[Enas Mohamed · Rating 4 out of 5]

الروايه جميله جدا ولون جديد جدا علي الكاتب وحقيقي أعصابي كانت مشدوده طول الوقت والنهايه كانت صدمه كبيره

[Alaa' Nabil · Rating 5 out of 5]

حلوة اووووى بجد استمعت بس نهايتها صدمتنى 😢😢

[فاطِمة طه]

موضوع مهم للطرح في ذاته ولكنه لم يطرح بطريقة بناءة من وجهة نظري دة أولا.
ثانيا الكاتب كسل يكتب نهاية الرواية.

[كيرلس عاطف · Rating 2 out of 5]

سرد سلس
لغة كويسة
تشويق جيد ولكن في الربع الأخير من الرواية تحول إلى جيد جدا
قصة مثيرة للأهتمام
لكن مع الأسف تحولت في النهاية إلى تجرية غير مكتملة، دوافع ضعيفة، تصرفات غير منطقية أو مبررة

[Yuraa · Rating 1 out of 5]

كل حاجه كانت ماشيه تمام بجد لحد النهايه!!
كانت عجباني جدا والأحداث حلوه بس النهايه بجد وحشه جدا !
لو الكاتب مصمم يجلطنا مش هيعمل كده

[Walid Abaza · Rating 5 out of 5]

استمتعت بالكتاب الصوتى على إقرأ لى، طريقة السرد مشوقة، وًان كل فصل خاص بمشهد منفصل، ثم تتلاقى الخيوط

[mohammad asad · Rating 4 out of 5]

عمل يستحق

[Yousseif Abdellatif · Rating 3 out of 5]

تجربة القراءة في "فنجان قهوة مع قاتل" كانت ملهمة جدا. قدر "عمرو النجار" يحط إيده على النقط اللي الكل بيتجنبها خوفا من الصدام. كاتب يحترم وعي قارئه ويقدم محتوى يصنع الفارق.

[Lamia Anwar · Rating 2 out of 5]

العنوان جذبني في البداية، لكنه في الحقيقة كان مضللاً إلى حد كبير، لا وجود فعليًّا لحوار كما يوحي العنوان.
الأحداث في معظم أجزاء الرواية كانت مشوقة ومتسلسلة بسلاسة، والكاتب نجح في بناء توترٍ مناسبٍ يجذب القارئ لمتابعة التفاصيل.
لكن مع الأسف، النهاية لم تكن على مستوى التمهيد الذي سبقها، حيث كانت متسرعة وففقدت بعض العمق والتأثير الذي كنت أتوقعه بعد تصاعد الأحداث بهذا الشكل الجيد.

بوجه عام، الرواية ممتعة في أغلبها، لكنها كانت تحتاج إلى خاتمة أقوى وأكثر اتساقًا مع ما قبلها، إلا إذا متوقع جزء تاني.
علاقة فريدة وعلاء كنت محتاجة أعرف خط سيرهم أكثر.

مع تحفظي لاستخدام ألفاظ غير لائقة مع رمز ** كان ممكن الاستغناء عنها.